دل اور دماغ جیتنے والے لوگ

دل اور دماغ جیتنے والے لوگ · 21-03-11, 10:09 PM

کیسے کیسے سوال ہیں جو لوگوں کی اس رائے کے بعد پوچھے گئے جس میں اس ملک کی اکثریت نے اپنے مسائل کا حل خلافت میں بتایا۔ کسی نے تمسخر اڑاتے ہوئے کہا یہ قوم ترقی نہیں کر سکتی جو آج بھی چودہ سو سال پرانے خوابوں میں زندہ ہو۔ انہیں اندازہ ہی نہیں کہ کتنی صدیاں گزر چکی ہیں، کوئی تاریخ کے قصے لے بیٹھا، دیکھو یہ لوگ کیسی بے خبری میں زندہ ہیں۔ انہیں علم ہی نہیں کہ یہ جس خلافت راشدہ کے خواب دیکھتے ہیں، اس میں صرف پہلا خلیفہ طبعی موت سے ہمکنار ہوا، دو کو مسجد میں شہید کیا گیا اور ایک کو اس کے گھر میں، آخری خلیفہ کے دور میں تو مسلمان آپس میں دست و گریبان ہو گئے تھے۔ کشت و خون کا بازار گرام ہو گیا تھا۔ دو جنگیں تو بہت شدید تھیں۔ ہزاروں مسلمان ایک دوسرے کے ہاتھوں جاں دے گئے۔ پھر بھی یہ لوگ کہتے ہیں کہ خلافت میں ان کے مسائل کا حل ہے۔ انہیں علم ہی نہیں کہ دنیا کتنی ترقی کر چکی ہے۔ طرز حکمرانی کے نئے نئے طریقے ایجاد ہو چکے ہیں۔ انسانوں نے کیسے کیسے ادارے قائم کر لئے۔ حکومتوں کے وسیع سیکرٹریٹ ہوتے ہیں۔ ایک منظم بیورو کریسی ہوتی ہے۔ حکومت چلانے کے لئے مقامی سطح تک ڈھانچہ ہوتا ہے۔ معیشت کا ایک گورکھ دھندا ہے جس میں کرنسی، بینکاری، بجٹ، زرمبادلہ اور کئی ایسے معاملات ہیں جن میں خلافت کے زمانے کی سادگی نہیں چلتی بلکہ ایک مخصوص علم میں مہارت درکار ہوتی ہے۔ قانون کا علم بھی تو اب سائنس کا درجہ حاصل کر چکا ہے، عدالتیں ہیں، قوانین ہیں، ان قوانین کی بنیاد پر کیس لاء ہے جو ایک عالمی علم بن چکا ہے، فوج ہے، سرحدیں ہیں، دفاعی نظام ہے، تعلیم اور صحت کے پیشہ ورانہ ادارے ہیں۔ یہ سب ایک جدید ترین علم بن چکا ہے۔ اب کہاں وہ صدیوں پرانا سادہ سا معاشرہ اور کہاں آج کے الجھے ہوئے مسائل، کوئی ان لوگوں کو سمجھائے، ماضی میں الجھے رہنے سے ان کے مسائل حل نہیں ہوں گے، وقت کے ساتھ ترقی کرنا سیکھیں۔ کچھ دردمند ایسے بھی تھے جو خلافت راشدہ کے حق میں رائے دیکھ کر خوش ہوئے لیکن پھر تشکیک کا شکار ہوتے ہوئے سوال کرنے لگے کہ اس نظام کو آج کی دنیا میں کیسے نافذ کیا جا سکتا ہے؟
میرے یہ عظیم دانشور اور پڑھے لکھے لوگ بھی عجیب ہیں۔ دنیا بھر کے نظاموں کا تذکرہ کریں گے تو اس کے سسٹم، قانون اور لوگوں کو دی جانے والی سہولیات کا جائزہ پیش کریں گے۔ شہری ریاستوں والے یونان کا ذکر ہو گا تو وہاں رائج جمہوری اقدار کو فخر سے بیان کریں گے لیکن سقراط کے زہر کے پیالے سے موت اور جرنیل لیڈر کے مظالم کا ذکر نہیں کریں گے۔ ریاستوں کی آپس میں جنگوں اور ایک عورت ہیلن کے بدلے ٹرائے کے قتل عام کو الگ رکھ دیں گے اور یونان کی جمہوریت کو دنیا بھر کی جمہوریتوں کی ماں بتائیں گے اور اسے ایک آئیڈیل کے طور پر پیش کریں گے۔ روم کے سینٹ اور اس میں جمہوری بحث و مباحثہ کو پارلیمنٹ کی بنیاد بتائیں گے لیکن نہ تو مفتوحہ علاقوں پر ہونے والے ظلم و ستم کا تذکرہ کریں گے اور نہ رومن کھیلوں میں بھوکے درندوں کے سامنے مضبوط جسم والے غلاموں کو پھینکنے کی بات سامنے لائیں گے۔ نوشیرواں کے عدل کے قصے سنائیں گے لیکن کوئی گلا پھاڑ کر یہ نہیں کہے گا کہ کس نوشیرواں کی بات کرتے ہو جو اپنے سو کے قریب بھائیوں کو موت کے گھاٹ اتار کر بادشاہ بنا تھا۔ اشوک کے نظام کی ایک ایک تفصیل کتابوں میں درج کریں گے۔ اس کے جانوروں پر ظلم کے خلاف بنائے گئے قوانین کو سراہیں گے، اس کے چٹانوں پر کنندہ عدل اور انصاف کے اصولوں کو رہنما اصول بتائیں گے لیکن کوئی یہ نہیں کہے گا کہ اس نے کلنگا کی جنگ میں دس لاکھ لوگوں کو قتل کیا تھا۔ امریکہ کے آئین، اس کی جمہوریت اور اس کے سات بابائے قوم کے اصولوں پر قائم حکومتی ڈھانچے کا ذکر کریں گے لیکن اس جمہوریت کے تحت جنوبی ریاستوں میں غلاموں سے بدترین سلوک اور پھر ابراہیم لنکن کی ان کے خلاف جنگ کو الگ رکھ دیں گے۔ یہ سب لوگ خلافت راشدہ میں دیئے گئے اصولوں اور طرز حکمرانی کا تذکرہ نہیں کرتے بلکہ انہیں خلفاء کی شہادت اور جنگ جمل اور جنگ صفیں کے چند مہینے یاد رہ جاتے ہیں اور وہ یہ کہہ کر بات ختم کر دیتے ہیں کہ یہ کوئی نافذ العمل نظام نہیں جس میں خونریزی ہی خونریزی ہو۔ اگر خونریزی ہی کسی نظام کی ناکامی کی وجہ ہے تو دنیا میں جمہوریت اپنی موجودہ شکل میں 1900ء کے بعد آئی جب ریاست سے مذہب کو علیحدہ کر دیا گیا۔ انہی جمہوری حکومتوں نے رنگ، نسل اور علاقے کی بنیاد پر دو عظیم جنگیں لڑیں اور کروڑوں لوگوں کا خون بہایا۔ ہٹلر، چرچل اور روزویلٹ تینوں اپنے ملکوں میں بھاری اکثریت سے جیتے تھے۔ لیکن کوئی ان درندہ صفت انسانوں کی وجہ سے جمہوری نظام کو گالی نہیں دیتا، کوئی اسے ناقابل عمل نہیں سمجھتا۔
خلافت راشدہ نے جو نظام اس دنیا کو عطا کیا وہ دراصل اللہ کی آخری الہامی کتاب قرآن پاک کے اصول حکمرانی کے مطابق تھا جسے ایک دستور کی حیثیت حاصل تھی۔ دنیا بھر کے ملکوں کے دستور اٹھا کر دیکھ لیجئے، ان میں اصول حکمرانی بتائے جاتے ہیں، حقوق کا تعین کیا جاتا ہے، ذمہ داریوں کی تفصیل بتائی جاتی ہے۔ لیکن ان تمام اصولوں پر ایک مفصل طرز حکمرانی اور طریق کار کا تعین وہ لوگ کرتے ہیں جو حکومت پر فائز ہوتے ہیں۔ آیئے اس کسوٹی پر خلافت راشدہ کو پرکھ کر دیکھیں۔ دنیا بھر میں ان سے پہلے بھی اور ان کے دور میں بھی بڑے ممالک میں ایک مضبوط بیورو کریسی اور افسران کی فوج ظفر موج جو حکومت چلاتی تھی چین، ایران اور روم کی حکومتوں سب میں ایک عظیم الشان انتظامیہ تھی۔ عام ضلعی حکمران سے لے کر وزرائے اعظم تک۔ لیکن دنیا کی پانچ ہزار سالہ تاریخ میں یہ خلفاء وہ واحد حکمران تھے جنہوں نے کسی بھی قسم کی بیورو کریسی، سیکرٹریٹ اور وزارتوں کے بغیر ایران اور روم کی دو بڑی سلطنتوں کو فتح کیا اور ان کا نظام بھی چلایا۔ یہ دنیا میں اختیارات کی نچلی سطح پر تقسیم (Devolution کا پہلا اور سب سے بڑا تجربہ تھا۔ اس لئے کہ بصرہ، یمن، مصر یا کسی اور جگہ کا حاکم ابو بکر یا عمر کو نہیں بلکہ اللہ کو جوابدہ ہوتا تھا۔ خلفائے راشدین سے پہلے تاریخ میں عدلیہ کی بالادستی کی کوئی بھی مثال نہیں ملتی۔ لوگ بادشاہوں ہی سے اپنے فیصلے کرواتے تھے لیکن خلفائے راشدین نے ہر علاقائی حاکم کے اوپر ایک قاضی مقرر کیا جو یہ دیکھے کہ یہ گورنر یا حاکم کہیں بے انصافی تو نہیں کر رہا۔ پھر مرکزی سطح پر قاضی القضاۃ جس کی عدالت میں حضرت عمرؓ اور حضرت علیؓ بھی پیش ہوئے تھے۔ اس خلافت سے پہلے دنیا نے کبھی بھی سوشل سکیورٹی کا یہ تصور نہیں دیکھا تھا کہ بچہ کے پیدا ہونے سے دودھ چھوڑنے تک وظیفہ مقرر کیا جائے۔ آج بھی مغرب میں اسے عمر لاء کے نام سے نافذ کیا گیا ہے۔ زمین کے بارے میں حق ملکیت اور اس پر مزارعت سے ممانعت کے قانون بھی پہلی دفعہ اسی دور میں آئے اور الارض للہ یعنی زمین اللہ کی ملکیت ہے، کا تصور پیش ہوا۔ اسی لئے دجلہ و فرات فتح ہونے کے باوجود کوئی جاگیردارنہ بنا اور نہ کسی فوجی جرنیل کو زمینیں الاٹ ہوئیں۔
میں ایک ایک تفصیل بیان کر سکتا ہوں، یہ ایک ایسا نظام تھا جس میں نہ کوئی سرخ فیتے والی بیوروکریسی تھی اور نہ وزیروں کی فوج ظفر موج۔ خلافت کے اس نظام کی یہ اصلاحات جو اس نے دنیا میں پہلی دفعہ متعارف کروائیں۔ آج دنیا بھر کی حکومتوں میں مشعل راہ سمجھی جاتی ہیں۔ ان میں ان خلفاء کا کمال نہیں تھا بلکہ یہ سب میرے اللہ کے دیئے گئے اصول حکمرانی تھے۔ یہی وجہ ہے کہ جہاں جہاں خلفائے راشدین نے نظام حکومت چلایا وہاں لوگ اپنی ثقافت، تہذیب، اقدار اور روایات حتیٰ کہ اپنی مادری زبان تک بھول کر اسلام کے رنگ میں رنگ گئے۔ عراق، شام، لبنان، اردن، مصر، لیبیا، تیونس، مراکش، سوڈان ان تمام ممالک میں کبھی عربی نہیں بولی جاتی تھی لیکن آج یہ سب عرب دنیا کہلاتے ہیں۔ ان سے پوچھو ان کے آبائواجداد کی زبان کیا تھی؟ ثقافت کیا تھی؟ تہذیب کیا تھی؟ انہیں یاد تک نہ ہو گا۔ وہ صرف عرب ہیں اور مسلمان ہیں۔ کیا دنیا میں کوئی فاتح قوم ایسی مثال دے سکتی ہے جہاں زمینیں نہیں، دل بھی فتح ہو گئے ہوں۔
(بشکریہ، ایکسپریس 12-03-11)

کالم نگار ۔۔۔ اوریا مقبول جان
والسلام علی اوڈراجپوت
ali-oadrajput

**حیدر** · 21-03-11, 11:59 PM

یار معذرت کے ساتھ ۔ ۔ ۔ لیکن خلافت کا کانسیپٹ مجھے آج تک سمجھ نہیں آ سکا۔ کہ خلافت کا نظام آنے کے بعد ہم کیسے تبدیل ہو جائیں گے۔
میں نے اس فورم پر بھی بہت سوں کو خلافت خلافت چلاتے اور اسکے فوائد بیان کرتے پڑھا ہے ، انکو سمجھنے کی ہر ممکن کوشش کی ہے ۔ ۔ ۔ لیکن میں نہیں سمجھ پایا کہ خلافت کا نظام پاکستان کے دل در کیسے دور کر دے گا۔

**شمشاد احمد** · 22-03-11, 12:29 AM

ضروري تو نہيں كہ جو چيز ہماري سمجھ داني سے بڑي ہو تو وہ درست نہ ہو۔۔۔ كسي چيز كے درست ہونےكے لئے اس كاہماري سمجھ داني كے مطابق ہونا ضروري ہونےكا اصول مجھے آج تك دنيا ميں كہيں نظر نہيں آيا۔۔۔۔۔ جس طرح آپ كو خلافت سمجھ نہيں آئي يا سمجھائي نہيں‌گئي ٹھيك اسي طرح مجھے اكيسويں صدي كہ يہ سوہني جمہوريت حلق سے نہيں اترتي۔۔۔۔ بلكہ ميں۔۔۔۔ دل كي گہرائيوں سے ملي تباہي كا عنصر اس سہوہني جمہوريت اور اس كي ناجائز اولاد ميڈيا كو سمجھتا ہوں۔۔۔۔۔۔۔۔۔
حيدر بھائي ہر شخص كسي نہ كسي چيز كے خلاف ہوتا ہے اور كسي نہ كسي چيز كا حامي ہوتا ہے۔۔۔۔۔ ليكن ہمارے ايك استاد ايك نرالي چيز كے خلاف تھے۔۔۔۔ اور ہميں ان كي يہ مخالفت حلق سے نہ اترتي تھي۔۔۔۔۔۔۔۔۔۔ وہ سڑك كےخلاف تھے۔۔۔۔۔۔ كہا كرتے تھے كہ يہ كو اپنے علاقے ميں‌پہنچنے سے روكو۔۔۔۔ اگر آ‌گئي ہے تو اس كو نكال دو۔۔۔۔۔۔۔۔۔۔۔ يہ جہاں جہاں‌گئي ہے اپنے ساتھ خرافات لائي ہے۔۔۔۔۔۔۔۔ ليكن وقت گزرنے كے ساتھ ساتھ ميں ان كي بات سے متفق ہوتا چلا گيا۔۔۔۔۔۔۔۔۔۔۔۔۔ واقعي سڑك كا ہماري تبديلي ميں بہت بڑا ہاتھ ہے۔۔۔۔۔۔۔

اللہ سڑك سميت تمام فتنوں سےمحفوظ ركھے۔ آمين۔

**حیدر** · 22-03-11, 12:42 AM

اقتباس:

حيدر بھائي ہر شخص كسي نہ كسي چيز كے خلاف ہوتا ہے اور كسي نہ كسي چيز كا حامي ہوتا ہے

مزے کی بات ہے کہ میں خلافت کا حآمی ہوں ۔ ۔ ۔ پھر بھی مجھے یہ سمجھ نہیں آتی کہ خلافت کس طرح ہمارے مسائل حل کرے گی۔

اگر آپ اس موضوع پر میرے مراسلے پڑھے ہوتے تو خوب جانتے کہ میں کہنا کیا چاہ رہا ہوں۔

**شمشاد احمد** · 22-03-11, 01:01 AM

نہيں بھائي ميں نے وہ مراسلات نہيں‌پڑھے ميں۔۔۔۔۔۔۔ليكن ميں سمجھ رہا ہوں كہ آپ كياكہنا چاہ رہے ہيں۔۔۔ اور يہ سوال ميرے خيال ميں صرف آپ كا ہي نہيں ہر اس فرد كے ذہن ميں آتا ہے جس كے ذہن ميں‌خلافت راشدہ كا مثالي دور حكومت كا خاكہ اور آج كے مسلمان كے گھمبير مسائل ہيں۔

ميں ايسے مواقع پر صرف اتنا ہي كہنا كافي سمجھتا ہوں كہ منزل كے راستے كے كانٹوں اور خطرات كے‌خوف سے منزل كي طرف سفر ہي شروع نہ كرنا ہوش مندي نہيں ہے۔۔۔۔ جب سفر شروع ہو گا تو رفتہ رفتہ اللہ نے چاہا تو روكاوٹيں بھي دور ہوتي چلي جائيں‌گي۔۔۔‌اور جس طرح يہ مسائل ہمارے ہاں ايك دم سے نہيں آئے ہيں اسي طرح يہ ايك دم رات كو خلافت كے اعلان كے ساتھ ختم بھي نہيں ہوں‌گے۔۔۔۔ اصلاح كي گنجائش بہر حال ہر وقت ہوتي ہے اور ہوني بھي چاہے۔۔۔۔۔۔۔

**زارا** · 22-03-11, 10:56 AM

السلامُ علیکم

اچھا ارٹیکل ہے محترم علی بھائی۔

صرف خلافت ہی مسئال کا حل نہیں ہے۔ اس کیلئے ایک بہترلائحہ عمل کی ضرورت ہو گی۔ کوئی تبدیلی راتوں رات رُونمانہیں ہوتی لہذٰا کسی بھی مسئلے کو راتوں رات ختم نہیں کیا جا سکتا۔ اسکے لئے خلافت کیساتھ عزم، حوصلے اورصبرو تحمل کی ضرورت ہے لیکن سوال یہ پیدا ہوتا ہے کہ خلافت کا فریضہ انجام کون دے؟ اگراسکا تعین ہو جائے تو باقی ماندہ کا تعین خودبخودہوجائے گا۔ اُمید پر دُنیا قائم ہے لہذٰا ہمیں ہر وقت بہتری کی اُمید رکھنی چاہئے۔ بے شک اللہ ہمارے ساتھ ہے۔ شکریہ

**عبداللہ آدم** · 23-03-11, 01:40 PM

خلافت بنیاد کو درست کرے گی............

حاکمیت کی بنیاد اور مرجع!!! اس کے بعد وہ باقی سب کچھ کو ویسا یہ نہیں چھوڑ دے گی بلکہ کرپشن اور وسائل کی منصفانہ تقسیم بھی اس کی فرائض میں اسی طرح شامل ہوں گے.............

کج سمجھ ائی کہ اگلی وی گئی؟؟

**موجو** · 23-03-11, 02:54 PM

السلام علیکم
اللہ رب العزت ہمیں توفیق دیں ہم خلافت کی جدوجہد میں کامیاب ہوں میں مگر خلیفہ کیسے چنا جائے گا؟

**skjatala** · 29-04-11, 12:04 AM

اسلام علیکم!
کیا ہمارے نبی اکرم صلی اللہ علیہ وسلم نے آج کل کے دور کے لئے خلافت کی کوئی پیش گوئی کی ہے ؟
اور اگر کی ہے تو ہمارا ایمان ہونا چاہئے کہ وہ ضرور پوری ہوگی۔ کیسے ہو گی؟ اللہ تعالی مسبب الاسباب ہے۔
اور خلافتِ راشدہ ؟ نہیں خلافت نبوّت، اور حضرت حسن بن علی رضی اللہ عنہما خلافتِ نبوت کے آخری خلیفہ تھے۔ صحیح حدیث ہے کہ نبی اکرم صلی اللہ علیہ وسلم نے فرمایا کہ ’’ میرے بعد خلافت نبوت 30 سال ہے، اس کے بعد اللہ اپنا ملک اپنی بادشاہی جس کو چاہے گا اس کو دے گا۔30 سال حضرت حسن بن علی رضی اللہ عنہما کے 6 ماہ کی خلافت تک بنتے ہیں۔ مگر نہایت افسوس کے ساتھ کہنا پڑتا ہے کہ یہ بات کیونکہ مولوی کی دوکانداری میں کوئی خاطر خواہ اضافہ نہیں کرتی وہ اکثر گول کر جاتا ہے۔ اٹھائیے خود کوئی مستند تاریخ اسلام کی کتاب اور تھوڑا سا پاک نیٹ کے وقت سے وقت نکال کر اس کا مطالعہ کیجئے۔ انشاءاللہ حقیقت واضع ہو جائے گی۔ میں خود بھی اپنی 40، 45 سال کی عمر میں یہ پہلی دفعہ سن کر حیران ہو گیا تھا۔ جزاک اللہ خیرا

**سحر** · 29-04-11, 10:44 AM

اقتباس:

اصل مراسلہ منجانب : skjatala

اسلام علیکم!
کیا ہمارے نبی اکرم صلی اللہ علیہ وسلم نے آج کل کے دور کے لئے خلافت کی کوئی پیش گوئی کی ہے ؟
اور اگر کی ہے تو ہمارا ایمان ہونا چاہئے کہ وہ ضرور پوری ہوگی۔ کیسے ہو گی؟ اللہ تعالی مسبب الاسباب ہے۔
اور خلافتِ راشدہ ؟ نہیں خلافت نبوّت، اور حضرت حسن بن علی رضی اللہ عنہما خلافتِ نبوت کے آخری خلیفہ تھے۔ صحیح حدیث ہے کہ نبی اکرم صلی اللہ علیہ وسلم نے فرمایا کہ ’’ میرے بعد خلافت نبوت 30 سال ہے، اس کے بعد اللہ اپنا ملک اپنی بادشاہی جس کو چاہے گا اس کو دے گا۔30 سال حضرت حسن بن علی رضی اللہ عنہما کے 6 ماہ کی خلافت تک بنتے ہیں۔ مگر نہایت افسوس کے ساتھ کہنا پڑتا ہے کہ یہ بات کیونکہ مولوی کی دوکانداری میں کوئی خاطر خواہ اضافہ نہیں کرتی وہ اکثر گول کر جاتا ہے۔ اٹھائیے خود کوئی مستند تاریخ اسلام کی کتاب اور تھوڑا سا پاک نیٹ کے وقت سے وقت نکال کر اس کا مطالعہ کیجئے۔ انشاءاللہ حقیقت واضع ہو جائے گی۔ میں خود بھی اپنی 40، 45 سال کی عمر میں یہ پہلی دفعہ سن کر حیران ہو گیا تھا۔ جزاک اللہ خیرا

آپ نے پوری حدیث نبوی صلی اللہ علیہ وسلم بیان نہیں کی ہے
یہ حدیث نبوی صلی اللہ علیہ وسلم فورنم پر بیان ہوچکی ہے
اس کا مفہوم کچھ یوں ہے
خلافت علیٰ منہاج نبوۃ کے بعد ملوکیت کا دور ہوگا
آور آخر میں قیامت سے پہلے دوبارہ خلافت علیٰ منہاج نبوۃ کا دور آئے گا انشاءاللہ واللہ عالم
یہ حدیث کے بیچ کا حصہ مجھے یاد نہیں کوئی اور ممبر اس کو ریفرنس کے ساتھ یہاں لکھ دے ۔

اصل میں خلافت کی جدوجہد اسی حدیث کی وجہ سے ہمیں کرنی چاہیے ۔
کہ اللہ کے اذن سے اس فتنوں کے دور کے بعد خلافت علیٰ منہاج نبوۃ قائم ہوگی انشاءاللہ
ہمارا کام خلوص نیت کے ساتھ کوشش کرنا ہے ۔ہم کو راستہ دکھانا اور کامیاب کرنا اللہ کا کام ہے ۔

**کنعان** · 29-04-11, 02:16 PM

خلافۃ علی منہاج النبوۃ سے کیا مراد ہے؟

**حیدر** · 29-04-11, 02:49 PM

اقتباس:

اصل مراسلہ منجانب : عبداللہ آدم

خلافت بنیاد کو درست کرے گی............

حاکمیت کی بنیاد اور مرجع!!! اس کے بعد وہ باقی سب کچھ کو ویسا یہ نہیں چھوڑ دے گی بلکہ کرپشن اور وسائل کی منصفانہ تقسیم بھی اس کی فرائض میں اسی طرح شامل ہوں گے.............

کج سمجھ ائی کہ اگلی وی گئی؟؟

کاکے ۔۔۔یہی تو میرا ہر مرتبہ پوچھنا ہوتا ہے کہ "بنیاد" کو کس طرح درست کر دے گی۔ مجھے اب تک تشفی بخش جواب نہیں ملا۔

**کنعان** · 29-04-11, 02:56 PM

السلام علیکم!

یہ آجکل نہیں ہونا قیامت سے پہلے کا لکھا ہوا ھے،
اس وقت یہ تمام ایٹمی طاقتیں سپر پاوریں بھی ختم ہونگی اور ویسا ہی دور آئے گا جیسا 14 سو سال پہلے تھا۔ کسی کا بیان سنا تھا۔

واللہ اعلم

**سحر** · 29-04-11, 03:07 PM

اقتباس:

اصل مراسلہ منجانب : کنعان

خلافۃ علی منہاج النبوۃ سے کیا مراد ہے؟

کیا یاد دلادیا کنعان بھائی آپ نے بھی

**آبی ٹوکول** · 29-04-11, 04:33 PM

اقتباس:

اصل مراسلہ منجانب : skjatala

۔30 سال حضرت حسن بن علی رضی اللہ عنہما کے 6 ماہ کی خلافت تک بنتے ہیں۔ مگر نہایت افسوس کے ساتھ کہنا پڑتا ہے کہ یہ بات کیونکہ مولوی کی دوکانداری میں کوئی خاطر خواہ اضافہ نہیں کرتی وہ اکثر گول کر جاتا ہے۔

جملہ معترضہ !
خلافت راشدہ کی اصل معیاد کا حضرت حسن رضی اللہ عنہ پر منتج ہونے کی بات کو چھپانا مولوی کو کیا فائدہ دے سکتا ہے کہ وہ اس کو گول کرجاتا ہے یہ بات کچھ سمجھ میں نہیں آئی قبلہ؟

21-03-11, 11:59 PM	#2
حیدر ناظم اعلی تاریخ شمولیت: May 2009 مراسلات: 15,343 کمائي: 95,256 شکریہ: 52,394 11,140 مراسلہ میں 35,165 بارشکریہ ادا کیا گیا	یار معذرت کے ساتھ ۔ ۔ ۔ لیکن خلافت کا کانسیپٹ مجھے آج تک سمجھ نہیں آ سکا۔ کہ خلافت کا نظام آنے کے بعد ہم کیسے تبدیل ہو جائیں گے۔ میں نے اس فورم پر بھی بہت سوں کو خلافت خلافت چلاتے اور اسکے فوائد بیان کرتے پڑھا ہے ، انکو سمجھنے کی ہر ممکن کوشش کی ہے ۔ ۔ ۔ لیکن میں نہیں سمجھ پایا کہ خلافت کا نظام پاکستان کے دل در کیسے دور کر دے گا۔ Share Share this post on Digg Del.icio.us Technorati Twitter Facebook!

22-03-11, 12:29 AM	#3
شمشاد احمد Senior Member تاریخ شمولیت: Jul 2010 مراسلات: 4,602 کمائي: 98,670 شکریہ: 9,130 3,925 مراسلہ میں 13,137 بارشکریہ ادا کیا گیا	ضروري تو نہيں كہ جو چيز ہماري سمجھ داني سے بڑي ہو تو وہ درست نہ ہو۔۔۔ كسي چيز كے درست ہونےكے لئے اس كاہماري سمجھ داني كے مطابق ہونا ضروري ہونےكا اصول مجھے آج تك دنيا ميں كہيں نظر نہيں آيا۔۔۔۔۔ جس طرح آپ كو خلافت سمجھ نہيں آئي يا سمجھائي نہيں‌گئي ٹھيك اسي طرح مجھے اكيسويں صدي كہ يہ سوہني جمہوريت حلق سے نہيں اترتي۔۔۔۔ بلكہ ميں۔۔۔۔ دل كي گہرائيوں سے ملي تباہي كا عنصر اس سہوہني جمہوريت اور اس كي ناجائز اولاد ميڈيا كو سمجھتا ہوں۔۔۔۔۔۔۔۔۔ حيدر بھائي ہر شخص كسي نہ كسي چيز كے خلاف ہوتا ہے اور كسي نہ كسي چيز كا حامي ہوتا ہے۔۔۔۔۔ ليكن ہمارے ايك استاد ايك نرالي چيز كے خلاف تھے۔۔۔۔ اور ہميں ان كي يہ مخالفت حلق سے نہ اترتي تھي۔۔۔۔۔۔۔۔۔۔ وہ سڑك كےخلاف تھے۔۔۔۔۔۔ كہا كرتے تھے كہ يہ كو اپنے علاقے ميں‌پہنچنے سے روكو۔۔۔۔ اگر آ‌گئي ہے تو اس كو نكال دو۔۔۔۔۔۔۔۔۔۔۔ يہ جہاں جہاں‌گئي ہے اپنے ساتھ خرافات لائي ہے۔۔۔۔۔۔۔۔ ليكن وقت گزرنے كے ساتھ ساتھ ميں ان كي بات سے متفق ہوتا چلا گيا۔۔۔۔۔۔۔۔۔۔۔۔۔ واقعي سڑك كا ہماري تبديلي ميں بہت بڑا ہاتھ ہے۔۔۔۔۔۔۔ اللہ سڑك سميت تمام فتنوں سےمحفوظ ركھے۔ آمين۔ Share Share this post on Digg Del.icio.us Technorati Twitter Facebook! __________________ بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

22-03-11, 01:01 AM	#5
شمشاد احمد Senior Member تاریخ شمولیت: Jul 2010 مراسلات: 4,602 کمائي: 98,670 شکریہ: 9,130 3,925 مراسلہ میں 13,137 بارشکریہ ادا کیا گیا	نہيں بھائي ميں نے وہ مراسلات نہيں‌پڑھے ميں۔۔۔۔۔۔۔ليكن ميں سمجھ رہا ہوں كہ آپ كياكہنا چاہ رہے ہيں۔۔۔ اور يہ سوال ميرے خيال ميں صرف آپ كا ہي نہيں ہر اس فرد كے ذہن ميں آتا ہے جس كے ذہن ميں‌خلافت راشدہ كا مثالي دور حكومت كا خاكہ اور آج كے مسلمان كے گھمبير مسائل ہيں۔ ميں ايسے مواقع پر صرف اتنا ہي كہنا كافي سمجھتا ہوں كہ منزل كے راستے كے كانٹوں اور خطرات كے‌خوف سے منزل كي طرف سفر ہي شروع نہ كرنا ہوش مندي نہيں ہے۔۔۔۔ جب سفر شروع ہو گا تو رفتہ رفتہ اللہ نے چاہا تو روكاوٹيں بھي دور ہوتي چلي جائيں‌گي۔۔۔‌اور جس طرح يہ مسائل ہمارے ہاں ايك دم سے نہيں آئے ہيں اسي طرح يہ ايك دم رات كو خلافت كے اعلان كے ساتھ ختم بھي نہيں ہوں‌گے۔۔۔۔ اصلاح كي گنجائش بہر حال ہر وقت ہوتي ہے اور ہوني بھي چاہے۔۔۔۔۔۔۔ Share Share this post on Digg Del.icio.us Technorati Twitter Facebook!

22-03-11, 10:56 AM	#6
زارا Senior Member تاریخ شمولیت: Jan 2009 مقام: اللہ کی زمین عمر: 24 مراسلات: 9,847 کمائي: 277,996 شکریہ: 1,151 6,262 مراسلہ میں 14,130 بارشکریہ ادا کیا گیا	السلامُ علیکم اچھا ارٹیکل ہے محترم علی بھائی۔ صرف خلافت ہی مسئال کا حل نہیں ہے۔ اس کیلئے ایک بہترلائحہ عمل کی ضرورت ہو گی۔ کوئی تبدیلی راتوں رات رُونمانہیں ہوتی لہذٰا کسی بھی مسئلے کو راتوں رات ختم نہیں کیا جا سکتا۔ اسکے لئے خلافت کیساتھ عزم، حوصلے اورصبرو تحمل کی ضرورت ہے لیکن سوال یہ پیدا ہوتا ہے کہ خلافت کا فریضہ انجام کون دے؟ اگراسکا تعین ہو جائے تو باقی ماندہ کا تعین خودبخودہوجائے گا۔ اُمید پر دُنیا قائم ہے لہذٰا ہمیں ہر وقت بہتری کی اُمید رکھنی چاہئے۔ بے شک اللہ ہمارے ساتھ ہے۔ شکریہ Share Share this post on Digg Del.icio.us Technorati Twitter Facebook!

23-03-11, 01:40 PM	#7
عبداللہ آدم ذیلی ناظم تاریخ شمولیت: Feb 2010 مقام: راولپنڈی مراسلات: 6,027 کمائي: 99,863 شکریہ: 23,988 4,978 مراسلہ میں 14,686 بارشکریہ ادا کیا گیا	خلافت بنیاد کو درست کرے گی............ حاکمیت کی بنیاد اور مرجع!!! اس کے بعد وہ باقی سب کچھ کو ویسا یہ نہیں چھوڑ دے گی بلکہ کرپشن اور وسائل کی منصفانہ تقسیم بھی اس کی فرائض میں اسی طرح شامل ہوں گے............. کج سمجھ ائی کہ اگلی وی گئی؟؟ Share Share this post on Digg Del.icio.us Technorati Twitter Facebook!

23-03-11, 02:54 PM	#8
موجو Senior Member تاریخ شمولیت: Mar 2009 مقام: Pakistan مراسلات: 422 کمائي: 9,482 شکریہ: 1,624 312 مراسلہ میں 916 بارشکریہ ادا کیا گیا	السلام علیکم اللہ رب العزت ہمیں توفیق دیں ہم خلافت کی جدوجہد میں کامیاب ہوں میں مگر خلیفہ کیسے چنا جائے گا؟ Share Share this post on Digg Del.icio.us Technorati Twitter Facebook! __________________ قولوا لناس حسنا (لوگوں سے اچھی بات کہو(

29-04-11, 12:04 AM	#9
skjatala Senior Member تاریخ شمولیت: Apr 2011 مقام: مسلم ہیں ہم، وطن ہے سارا جہاں ہمارا عمر: 50 مراسلات: 1,651 کمائي: 32,887 شکریہ: 9,762 1,373 مراسلہ میں 4,248 بارشکریہ ادا کیا گیا	اسلام علیکم! کیا ہمارے نبی اکرم صلی اللہ علیہ وسلم نے آج کل کے دور کے لئے خلافت کی کوئی پیش گوئی کی ہے ؟ اور اگر کی ہے تو ہمارا ایمان ہونا چاہئے کہ وہ ضرور پوری ہوگی۔ کیسے ہو گی؟ اللہ تعالی مسبب الاسباب ہے۔ اور خلافتِ راشدہ ؟ نہیں خلافت نبوّت، اور حضرت حسن بن علی رضی اللہ عنہما خلافتِ نبوت کے آخری خلیفہ تھے۔ صحیح حدیث ہے کہ نبی اکرم صلی اللہ علیہ وسلم نے فرمایا کہ ’’ میرے بعد خلافت نبوت 30 سال ہے، اس کے بعد اللہ اپنا ملک اپنی بادشاہی جس کو چاہے گا اس کو دے گا۔30 سال حضرت حسن بن علی رضی اللہ عنہما کے 6 ماہ کی خلافت تک بنتے ہیں۔ مگر نہایت افسوس کے ساتھ کہنا پڑتا ہے کہ یہ بات کیونکہ مولوی کی دوکانداری میں کوئی خاطر خواہ اضافہ نہیں کرتی وہ اکثر گول کر جاتا ہے۔ اٹھائیے خود کوئی مستند تاریخ اسلام کی کتاب اور تھوڑا سا پاک نیٹ کے وقت سے وقت نکال کر اس کا مطالعہ کیجئے۔ انشاءاللہ حقیقت واضع ہو جائے گی۔ میں خود بھی اپنی 40، 45 سال کی عمر میں یہ پہلی دفعہ سن کر حیران ہو گیا تھا۔ جزاک اللہ خیرا Share Share this post on Digg Del.icio.us Technorati Twitter Facebook! __________________ اس دور میں تعلیم ہے امراضِ ملت کی دوا ہے خونِ فاسد کے لیے تعلیم مثل نیشتر Last edited by skjatala; 29-04-11 at 12:07 AM.

29-04-11, 02:16 PM	#11
کنعان ذیلی ناظم تاریخ شمولیت: Jun 2009 مقام: ENGLAND مراسلات: 5,499 کمائي: 118,543 شکریہ: 13,494 4,903 مراسلہ میں 16,685 بارشکریہ ادا کیا گیا	خلافۃ علی منہاج النبوۃ سے کیا مراد ہے؟ Share Share this post on Digg Del.icio.us Technorati Twitter Facebook!

29-04-11, 02:56 PM	#13
کنعان ذیلی ناظم تاریخ شمولیت: Jun 2009 مقام: ENGLAND مراسلات: 5,499 کمائي: 118,543 شکریہ: 13,494 4,903 مراسلہ میں 16,685 بارشکریہ ادا کیا گیا	السلام علیکم! یہ آجکل نہیں ہونا قیامت سے پہلے کا لکھا ہوا ھے، اس وقت یہ تمام ایٹمی طاقتیں سپر پاوریں بھی ختم ہونگی اور ویسا ہی دور آئے گا جیسا 14 سو سال پہلے تھا۔ کسی کا بیان سنا تھا۔ واللہ اعلم Share Share this post on Digg Del.icio.us Technorati Twitter Facebook! __________________

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
اللہ پاک کی خوب و خُشیت۔	kutkutariyaan	اپکے کالم	7	29-12-10 11:56 AM
نیلم کو بلا مقابلہ جیتنے پر مبارک ہو	ایس اے نقوی	آپ اور ہم - دکھ سکھ کے ساتھی	15	30-12-09 10:56 PM
تمام شہر کو اپنے خلاف کر لیتے	The Great	شعر و شاعری	0	08-08-08 03:07 PM
شاھ کا ایک بیت۔	عاشق چانگ	شعر و شاعری	0	12-03-08 03:19 PM
مودریشن کی صلاحیت۔	ندیم رفیع	Computer Certifications	3	28-12-07 06:21 PM