میو ہسپتال آئی وارڈ کے سامنے سے رکشہ پر بیٹھ کر میں اب اخبار مارکیٹ نزد انار کلی پہنچ چکا تھا۔ اخبار مارکیٹ کے سامنے رش کی وجہ سے رکشہ رک گیا تو میں نے اپنے ساتھ بیٹھے مسافر کی طرف دیکھا تو حیران رہ گیا۔ ہسپتال کے سٹاپ پر کھڑے ایک ملنگ اور پیر ٹائپ آدمی کی نازیبا اور گستاخانہ باتوں کے سننے سے میری طبیعت پہلے ہی پریشان تھی، اب اس اپنے ساتھ بیٹھے آدمی کو روتے ہوئے دیکھ کر مزید پریشان ہو گیا۔ میں دیکھ رہا تھا کہ وہ غصے و جذبات کے عالم میں مٹھیاں بھینچ رہا تھا۔ ہونٹوں کو کاٹ رہا تھا، اس کے چہرے پرنمودار ہونے والی سلوٹیں اور نشیب و فراز اس کے اندرونی ہیجانی اضطراب کی نشاندہی کر رہے تھے۔ آنسو تھے کہ رخساروں پر سفر کرتے ہوئے اس کے دامن پر تقصیر میں گر رہے تھے، اگرچہ وہ چمکتے دمکتے شبنم کے انمول موتی محسوس ہو رہے تھے لیکن بغیر کسی وجہ سے ان کی روانی و جولانی سمجھ نہ آ رہی تھی۔ مجھ سے رہا نہ گیا، میں نے پوچھ ہی لیا کہ بھائی خیریت تو ہے آپ کیوں رو رہے ہیں؟ یہ پہلے تو اس نے ٹالنے کی کوشش کی یہ کہہ کر کہ یہ میرا ذاتی مسئلہ ہے لیکن میرے کرب بھرے اضطراب و تجسس کے آگے زیادہ دیر قائم نہ رہ سکا اور کہنے لگا۔
بھائی جان! میو ہسپتال کے سٹاپ پر اس پیر ٹائپ بدبخت نے اللہ کریم کی ذات کو گالی دی، گستاخی کی، بدزبانی کی، ہم نے جب اسے روکنے اور سرزنش کرنے کے لئے تنبیہ کی تو وہ غصے کے عالم میں مرنے مارنے پر اتر آیا، لہٰذا ہم نے خاموشی میں عافیت سمجھی کہ کہیں ہمیں نقصان ہی نہ پہنچا دے اور اسے اس کی حالت پر چھوڑ کر اپنی مصروفیات میں مگن آگے نکل آئے ہیں۔ میں اپنی بدنصیبی پر رو رہا ہوں کہ میرے سامنے میرے خالق و مالک رازق و داتا میرے رب کریم کو گالی دی جائے اور میں خاموشی سے وہاں سے نکل جائوں… اگر میری ماں بہن یا بیٹی کا نام لے کر اس کو گالی دی جاتی، بہتان لگایا جاتا تو میں ضرور مار دیتا یا مر جاتا… لیکن اللہ کریم کی عزت و ناموس پرمجھے اس قدر بھی غیرت نہ آئی کہ میں کم از کم اس کا دماغ ہی ٹھکانے لگاتا۔ اب یہاں پہنچ کر مجھے خیال آیا ہے کہ وہ رب کریم کو گالی دے کر میرے ہاتھ سے بچ کر کیوں نکل گیا۔ میں کتنا بدنصیب ہوں کہ اپنے رب کی عزت کا بھی دفاع نہ کر سکا۔ مجھ سے زیادہ بدنصیب و روسیاہ کون ہو سکتا ہے… اس کے بچ نکلنے کا مجھے بہت شدید دکھ ہے اور اللہ تعالیٰ کی شدید ناراضگی اور قہر نازل ہونے کا بھی ڈر ہے کہ تیرے سامنے مجھے گالی دی گئی اور تو خاموش گونگا شیطان بنا رہا۔ بس اس سوچ پر میں عورتوں کی طرح آنسو بہا رہا ہوں۔ چاہیے تو یہ تھا کہ میں مردانگی کا ثبوت دیتے ہوئے اللہ و رسول کے دشمنوں اور گستاخوں کو کیفر کردار تک پہنچاتا۔ میں اس کے تخیل کی پرواز پر رشک کرنے لگا اور سوچنے لگا کہ یہی سوچ اگر ہر پاکستانی اور امت مسلمہ کے ہر فرد کی بن جائے تو کسی کو رسول رحمت کے توہین آمیز خاکے بنانے کی جرات نہ ہو، کسی کو اسلام ، مسلمانوں اور شعائر اسلام کی توہین و تضحیک کی نہ سوجھے۔
اب دل پہ ہاتھ رکھ کر، صبر و ثبات کا دامن تھام کر سینے کہ 22 مارچ 2011ء کو امریکی ریاست فلوریڈا میں بدبخت عیسائی پادری ٹیری جونز نے پورے امریکہ میں اعلان کرنے کے بعد ایک عدالت لگائی، وہاں قرآن کو بطور مجرم پیش کیا گیا اور 8 منٹ کی کارروائی کے بعد قرآن مجید پر فرد جرم عائد کرتے ہوئے اسے برے طریقے سے جلا دینے کی سزا سنائی۔ یہیں پر بس نہیں پھر سب کے سامنے 1 گھنٹے تک تیل میں ڈبونے کے بعد، آگ لگا کر، شہید کر دیا گیا، جلا دیا گیا، جلے قرآن کی خاک ہوا میں اڑا دی گئی۔ ہائے افسوس کہاں گئے چوڑی چھاتیوں والے جوان، کہاں گئی غیرت، سب عالم اسلام بیہوشی کی نیند سویا ہوا ہے۔ کوئی امریکہ کو لگام ڈالنے والا نظر نہیں آ رہا۔ کیا فائدہ ان فوجوں کا، ان اسلحہ کے ڈھیروں کا، ان ایٹم بموں کا اور بمبار طیاروں کا، ان زر و جواہر اور مال دولت کے انباروں گا… جب قرآن اور حامل قرآن کی عزت ہی محفوظ نہ ہو تو پھر کیا فائدہ ان بیکار جوانیوں کا… اگر ہم قران، حامل قرآن اور رب رحمان کی عزت کا دفاع نہیں کر سکتے تو ہمیں جینے کا بھی کوئی حق نہیں…
کب سے اعلان کر رہا تھا پادری ٹیری جونز کہ میں قرآن پر مقدمہ قائم کر کے اسے گولیوں سے اڑا دوں گا یا جلا دوں گا، یا ریزہ ریزہ کر دوں گا، لیکن کسی کی رگ حمیت نہ پھڑکی، یہ نتیجہ ہے جہاد سے بغاوت کا، ہمیں ڈر ہے کہ اگر ہم نے آواز اٹھائی تو امریکہ ناراض ہو جائے گا ہم پر پابندیاں لگا دے گا۔ ہمارا جینا محال کر دے گا، اسی کے متعلق تو کہا تھا، سلطان مدینہ، سرور قلب و سینہ جناب محمد رسول اللہﷺ نے کہ جب امت محمد حب الدنیا و کراہیۃ الموت کا شکار ہو گی، یعنی دنیا کی زندگی سے محبت اور موت سے نفرت و بیزاری و خوف کا شکار ہو گی تو پھر ذلت و مسکنت ان کا مقدر ٹھہرے گی۔ آج یہی عالم ہے کہ ہم اللہ و رسول کی عصمت کے مقابلے میں اپنی زندگیوں سے زیادہ پیار کرنے لگے ہیں تو ذلتیں ہمارے گلے کا ہار بن کر رہ گئی ہیں۔ جب ٹیری جونز نے قرآن کو سزا دینے کا اعلان کیا تو ہر طرف خاموشی رہی۔ صرف ملک پاکستان سے مزاحمت و دفاع کی آواز اٹھی… یہ آواز پروفیسر محمد سعید حفظہ اللہ کی تھی پوری دنیا میں اسلام اور مسلمانوں کا دفاع کرنے اور دعوت اسلام کو پھیلانے میں سرگرداں جماعۃ الدعوۃ کی تھی، جماعۃ الدعوۃ نے اس گستاخ کو روکا۔
اس کو دعوت اسلام دی اور کہا کہ بغور انجیل کا مطالعہ کرو تو یہ مقدمہ تمہیں انجیل پر قائم کرنا پڑے گا۔ صحافت کے روح رواں چیف ایڈیٹر ہفت روزہ جرار کو اللہ کریم نے توفیق دی تو انہوں نے بائبل کا مطالعہ کر کے ایک ایسی دستاویز تیار کی جس نے نہ صرف قرآن، صاحب قرآن کا دفاع کیا بلکہ موجودہ انجیل کی حقیقت بھی واضح کر دی۔ پھر یہ دستاویز جو حقیقت میں انصاف کے ایوانوں میں ٹیری جونز پر الٹا مقدمہ تھی، ٹیری جونز کو بھیج دی گئی، ساتھ ہی دنیائے عیسائیت کے پادریوں اور پوپوں کو بھی روانہ کر دی ٹیری جونز اس کا جواب نہ دے سکا بلکہ میں کہتا ہوں کہ پوری دنیا کی عیسائیت زہر کا پیالہ تو پی سکتی ہے لیکن مل کر بھی اس کا جواب نہیں دے سکتی۔ ذالک فضل اللہ یوتیہ من یشائ۔
یوں ایک بار امیر حمزہ صاحب نے مولانا ثناء اللہ امرتسری کی یادیں تازہ کر دیں۔ یہ واحد قرآن کے دفاع کی ایک صورت سامنے آئی ہے، باقی ہر طرف ابھی تک خاموشی ہے، یہ جمود، یہ وہن، یہ خاموشی کا قفل کب ٹوٹے گا، ہم کب بیدار ہوں گے، ایسے موقع پر جب عالم اسلام میں سے امیر حمزہ جیسے جسمانی اعتبار سے کمزور مگر علم وتقویٰ میں طاقتور و توانا انسان کے نصیب میں اللہ کریم نے یہ سعادت لکھ دی کہ وہ خم ٹھونک کر میدان میں آئے اور قرآن کا بھرپور دفاع ہی نہیں کیا بلکہ صلیب پرستوں کو موجودہ تحریف شدہ انجیلوں کی روشنی میں انہیں ان کا چہرہ بھی دکھایا۔ اللہ کریم سے دعا ہے کہ اللہ ان کا یہ عمل قبول کر کے قرآن کی شفاعت کا حقدار بنائے۔
حکومت کو چاہئے کہ چونکہ دفاع قرآن کی یہ تحریک پاکستان سے جماعۃ الدعوۃ کے سٹیج سے اٹھی ہے۔ اس کو بنیاد بنا کر ٹیری جونز کو ایک مجرم کی حیثیت سے پاکستان لا کر قرار واقعی سزا دے جیسے کہ وہ ہم سے ریمنڈ ڈیوس کو خود ساختہ قانون کی آڑ میں لے گئے ہیں لیکن ہم ان حکمران لوگوں سے قرآن کے تحفظ کی امید کیسے قائم کر سکتے ہیں جو اپنے دو پاکستانی شہریوں کا تحفظ نہیں کر سکے، جو پاکستانی سرحدوں، دفاع، فوج، مذہبی جماعتوں عامۃ الناس اور خود اپنا دفاع نہیں کر سکے۔ وہ قرآن کا دفاع کیسے کر سکیں گے… تاریخ گواہ ہے کہ قرآن کے گستاخ کا انجام ہمیشہ عبرتناک ہوا ہے۔ ٹیری جونز کا انجام بھی بہت عبرتناک و اذیت ناک ہو گا، یہ کیسے ہو گا… یہ اللہ کریم بہتر جانتا ہے، لیکن جیسے بھی ہو گا۔ عنقریب دنیا دیکھ لے گی، محترم حمزہ صاحب کی قرآن کی محبت میں تیار کردہ دستاویز جو ٹیری جونز کو بھیجی گئی اس کا اردو ترجمہ میں نے بائبل سے پوچھا ’’قرآن کیوں جلے‘‘ کے نام سے منظر عام پر آ چکا ہے جبکہ انگلش میں عنقریب سامنے آ رہی ہے اور انٹرنیٹ پر لاکھوں مسلم و غیر مسلم اس کو پڑھ چکے ہیں… غیر مسلم بھی اپنے اپنے ملکوں میں اسے پڑھ رہے ہیں۔ انگلش ایڈیشن کو بھی پڑھیں گے۔ ممکن ہے قرآن کی محبت میں کوئی یورپی باشندہ ہی غازی علم دین کی طرح ٹیری جونز کو اگلے جہاں پہنچا دے اور دنیا والے حسرت سے دیکھتے رہ جائیں کہ وہ خوش نصیب بازی جیت گیا اور ہم سوچتے رہ گئے۔ یہ بھی ممکن ہے قدرت اس سے کسی اور طریقے سے انتقام لے… لیکن مقام غور ہے کہ ہم نے کیا کیا… کیا اب بھی ہاتھ پہ ہاتھ دھرے بیٹھے رہیں گے… اور بدبخت قرآن جلاتے جائیں گے؟ سوال پیدا ہوتا ہے کہ قرآن کیوں جلا؟ جواب یہ ہے کہ ہم مرچکے ہیں اگر زندہ ہوتے تو کبھی نہ جلتا۔



بشکریہ۔۔۔۔ہفت روزہ جرار
والسلام ۔۔ علی اوڈراجپوت
ali aodrajput
__________________

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)