فاروق سرورخان

کرسمس یعنی حضرت عیسی کا یوم پیدائش یعنی عید میلاد النبی وہ دن ہے جس پر سلام اللہ تعالی نے بھیجا ہے۔ لہذا یہ مسلمانوں‌کا مذۃبی تہوار ہے۔ چونکہ بہت سے عیسائی اس کو پہلے ہی سے مناتے ہیں لہذا ۔۔۔۔۔

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

مرزا عامر

اس تہوار کو بہت زیادہ سیریس نہیں لینا چاہیئے ،
مسیحی جب ہمیں رمضان اور عید وغیرہ کی مبارک باد دیتے ہیں تو یہ ان کا بھی حق ہے کہ انہیں کرسمس مبارک کہہ دیا جائے۔
کرسمس مبارک کہنے سے آپ مشرک نہیں بن جاتے کیونکہ آپ جانتے ہیں کہ خدا نے بیٹا نہیں جنا تھا بلکہ اپنی قدرت سے پیدا کیا تھا۔

__________________

میں اک دن لَوٹ کے آوں گا

حیدر

چلیں یوں کہہ لیں کہ اگر ہم کسی عیسائی کو یہ کہہ کر "ہیپی کرسمس" کہیں کہ ہم تم کو اُس نبی کی پیدائش کی مبارک باد دے رہے ہیں جس کو اللہ نے اپنی قدرت خاص سے پیدا کیا اور پھر اس کو خاص طاقتیں دیں تاکہ وہ دنیا میں آفاقی مذہب کی تعلیمات کو عام کر سکے۔۔۔۔۔ تو کیا یہ ناجائز امر ہو گا؟

مرزا عامر

اس کے جائز ہونے میں کیا شبہ ہے۔
لیکن یہ بھی دیکھنا ہو گا کہ جسے ہم کرسمس کی مبارک باد دے رہے ہیں وہ در حقیقت عیسائی ہے بھی یا نہیں ۔ کیونکہ فری میسنز کی کار گزاریوں نے مذہب کو مغرب سے تقریباً ختم ہی کر کے رکھ دیا ہے ۔
ایک بہت اہم بات ان تمام باتوں کے درمیان رہ ہی گئی ۔ جو کہ میرا نقطہ نظر ہے اور بہت سے بھائی ناراض بھی ہو سکتے ہیں ۔ وہ یہ کہ
کسی بھی نبی کے صحیح یوم پیدائش کا علم آج کے انسان کو نہیں ۔

حیدر

چلو یار۔۔۔ عیسائی نہ کہو۔۔۔فری میسنری کہہ لو۔ اس سے کیا فرق پڑتا ہے۔
یوں کہہ لو کہ جو لوگ حضرت عیسیٰ کے یوم پیدائش کی خوشی (ان کو معاذ اللہ اللہ کا بیٹا سمجھ کر مناتے ہیں )، ہم انکو حقیقت بیان کرتے ہوئے مبارکباد دے سکتے ہیں یا نہیں؟

حیدر Rehan

ہر نبی کا یوم ولادت اللہ کی نظر میں مبارک ہے بس امتیں اپنے اپنے نبی کے دن کو خوشی کے طور پر ہی مناتی ہیں۔

حضرت عیسی علیہ سلام کی ولادت کی مبارک باد دینے میں کوئی حرج نہی ، مضائقہ ہے تو اس بات پر کہ صرف مبارک باد دے کر کوئی مسلمان واپس آجائے اور تبلیغ اسلام یعنی توحید و نبوت پر دو لفظ بھی نہ بول سکئے۔ در آصل مسلمانوں کی اپنی تعلیم و شعار اس قدر کمزور ہوگیا ہےکہ یہ اجازت دینا خود ایک مسلہ ہے کہ ایک مسلمان کسی کو کچھ تعلیم دے کر آتا ہے یا خود ہی سیکھ کر چلا آتا ہے۔

میں نے مختلف اداروں میں کام کرنے والے عیسائی ورکرز کو جب بھی مبارک دی اردو یا پنجابی میں ہی دی یعنی اس مخصوص جملہ کا استعمال ہی نا کیا جس جملہ میں مسلمانوں کو قباہتیں نظر آرہی ہیں یا واقعی اس میں قباہتیں ہیں۔
لیکن
ساتھ ساتھ ہمیشہ یہی کہا کہ قران میں ہے کہ حضرت عیسی علیہ سلام جب پیدا ہوئے تو انھونے فرمایا کہ میں اللہ کا بندہ ہوں اللہ نے مجھے نبی بنایا ہے اور مجھے کتاب عطا کی ہے بس جیسے حضرت محمد صلی اللہ علیہ والہ وسلم اللہ کے نبی ہیں ویسے ہی حضرت عیسی ع بھی ہیں لیکن چونکہ حضرت محمد صلی اللہ علیہ والہ وسلم اخری نبی تھے اس لیے شریعت و حکم اخری نبی کا ہی چلے گا ۔۔۔۔۔۔۔۔۔۔۔۔۔۔۔۔۔۔۔۔۔۔۔

یہ بات بھی یاد رکھنی ضروری ہے کہ حضرت عیسی علیہ سلام پر عیسائیوں کے مختلف فرقوں کے مختلف عقائد ہیں اور ہمارے پاس یعنی مسلمانوں کے پاس اس عقیدے پر بات کرنے کے لیے صرف اور صرف ایک موقع ہے ۔
اور وہ ہے 25 دسمبر یعنی عیسائیوں سے ہی منصوب ولادت عیسی ع کا دن
تو بھی ہمیں اس دن کو نہی بھولنا چاہیے تاکہ ایک موقع جو باقی رہ گیا ہے وہ بھی ہاتھ سے نکل نہ جائے

اب جو لوگ یہ اعتراض کررہے ہیں کہ 25 دسمبر کا دن بھی حضرت عیسی ع کی ولادت کا دن نہی ہے تو وہ دراصل چاہتے ہیں کہ حضرت عیسی ع پر بات کرنے کے لیے لوگوں کے پاس 25 دسمبر کا دن بھی نہ رہے یعنی بچا ہوا ایک دن بھی نہ رہے ۔ بس یہ حملہ یہودیوں نے ہی عیسائیوں پر کروایا ہے اور اس کے لیے ایک بار پھر اسلام کے کندھے استعمال کیے ہیں اور نام نہاد مسلمانوں نے خود کو اسلام کا ٹھیکہ دار کہہ کر اسلام کی اورتمام مسلمانوں کی ہی عزت کو خطرہ میں ڈالا ہے یعنی یہودی 25 دسمبر کا دن بھی ختم کرنے جیسا الزام بھی مسلمانوں پر ڈالنا چا ہتے ہیں تاکہ عیسائی یہ سمجھیں کہ یہ کام اگر یہودی کرتے تو ہم یہ سمجھتے کیونکہ وہ ہمارے دشمن ہیں مگر یہ باتیں تو مسلمان کررہے ہیں ۔
یہودیوں نے حضرت عیسی ع کی ولادت 25 دسمبر یعنی آخری دن پر ضرب لگانے کے لیے نام نہاد مسلمانوں کو ہی چنا ہے تاکہ بات میں وزن رہے ۔

بس یہ بھی پتا چلا کہ یہودیوں اور عیسائیوں میں زیادہ مظبوط فرقے زیادہ گمراہ ہیں کیونکہ وہ ایک نبی پر بات ہونے نہی دینا چاہتے یہ بات قابل تعجب ہے کہ 72 فرقے ہونے کے بعد بھی منانے کے لیے صرف ایک دن ہے اور وہ ایک دن بھی خطرہ میں ہے۔

فیصل ناصر

میں پھر یہی کہونگا کے کرسمس منا نا
اور اپنے عیسائی پڑوسی کو ان کے ایک تہوار پر مبارک دینا

یہ دو الگ عمل ہیں
ان کو جدا جدا ہی رکھیں

کوئی غیر مسلم کسی کو عید مبارک کہے تو کیا اسکا شمار مسلمانوں میں ہوجائے گا ؟؟
میرا بنیادی سوال یہ ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

حیدر

معذرت چاہتا ہوں کہ یہ بنیادی سوال نہیں ہے۔ بنیادی سوال یہ ہے کہ کیا ہم مسلمان کسی شرکیہ عمل کی مبارکباد دے سکتے ہیں۔ مثلا ً ایک صاحب ایک نام اِشنو کرشنو کو (معاذ اللہ) اللہ کا باپ قرار دے دے اور پھر باقاعدگی سے اس کی سالگرہ منائے تو کیا ہم اس کو اس کی سالگرہ پر مبارکباد دے سکتے ہیں؟
اگر حضرت عیسیٰ (کے بطور ابن اللہ) مبارکباد کو کئی وجوہات سے جائز امر قرار دیا جا سکتا ہے تو پھر موخر الذکر میں کیا حرج ہو گا۔


ہاں اگر جُرات ہے تو پھر "میری کرسمس" ہی کیوں؟ جس طرح میں نے اور ریحان نے کہا ۔۔۔اس طرح مبارکباد دینے میں کیا حرج ہے؟ اُنکی ناراضگی کا خطرہ؟ِ




واضح طور پر شرکیہ اس لیے کہا کہ اللہ تعالیٰ نے خود قرآن میں کہہ دیا کہ یہودی حضرت عزیر کو اور عیسائی حضرت عیسیٰ کو ابن اللہ کہتے ہیں۔

مرزا عامر

کیا کسی نبی کا پیدا ہو جانا شرکیہ عمل ہے ۔ جو لوگ مبارک دیتے ہیں وہ اس لیئے نہیں دیتے کہ اللہ نے بیٹا جنا بلکہ اس لیئے دیتے ہیں کہ آج اللہ کا نبی پیدا ہوا۔ اس بات کو فی الحال ایک طرف رکھتے ہیں کہ حضرت عییسٰی 25 دسمبر کو پیدا ہوئے یا نہیں ۔

آپ کو معلوم ہے کہ دنیا میں کونسے عیسائی زیادہ اسلام کی طرف آ رہے ہیں ۔ وہ عیسائی جن کے درمیان مسلمان گھل مل کر رہتے ہیں ان کی تقاریب میں شرکت کرتے ہیں ان سے میل جول بڑھاتے ہیں اس کے بعد آہستہ آہستہ اپنا پیغام ان تک پہنچاتے ہیں ۔ انسان کے تمام عمل کا دارو مدار اس کی نیت پر ہوتا ہے ۔ آج کونسا مسلمان ہے جو اس بات کا اقرار کرے کہ اللہ نے بیٹا جنا ؟؟ کوئی بھی نہیں اور جسے یہ مبارک دی جاتی ہے وہ بھی آپ کے عقیدے اور نیت کو اچھی طرح جانتا ہے کہ آپ حضرت عیسیٰ کو اللہ کا بیٹا نہیں مانتے ۔
میں اس عرب شخص کا نام بھول گیا جس نے تبلیغ سے بہت سے لوگوں کو مسلمان کیا تھا اور آپ کو معلوم ہے وہ کن لوگوں سے ملتا تھا اور کہاں ملتا تھا ۔ جی ہاں نائٹ کلب میں جہاں ہر طرف شراب کی بو پھیلی ہوتی ہے نیم عریاں لڑکیاں نشے میں مست جھومتی ہیں ۔ تو یہ شخص وہاں جا کر دوستی بناتا تھا اور پھر انہیں اسلام کی تبلیغ سے مسلمان کرتا تھا ۔
اگر آپ ان لوگوں سے کنارہ کشی اختیار کر لیں اور خوشی کے کسی تہوار پر انہیں مبارک بھی نہ دیں تو آپ کیسے اپنے دین کا موقف ان تک پہنچا سکیں گے ۔
و ضاحت کے لیئے دوبارہ عرض کردوں۔
آپ مبارک دے رہے ہیں یہ جانتے ہوئے کہ اللہ کا نبی پیدا ہوا
وہ مبارک قبول کر رہا ہے آپ کی نیت سے پوری طرح واقف ہو کر کہ آپ کی نظر میں حضرت عیسسٰی بیٹے نہیں بلکہ نبی ہیں ۔

کنعان

ان کا نام شائد شیخ احمد دیدات ھے

فاروق سرورخان

احمد دیدات، عرب نہیں ۔۔۔ جناب ، ہندوستانی بولنے والے ساؤتھ افریقہ کے ایک امیگرینٹ‌کی اولاد سے تھے۔ خود بھی اردو بولتے تھے، گجراتی لہجےمیں۔ ساؤتھ افریقہ میں رہتے تھے۔

کنعان

__________________

فاروق سرورخان

مسلمان کا ایمان ہے کہ اللہ تعالی کا بیٹا کیسے ہو سکتا ہے جب کہ اللہ کی بیوی ہی نہیں ‌ہے

6:01 بَدِيعُ السَّمَاوَاتِ وَالْأَرْضِ أَنَّى يَكُونُ لَهُ وَلَدٌ وَلَمْ تَكُن لَّهُ صَاحِبَةٌ وَخَلَقَ كُلَّ شَيْءٍ وهُوَ بِكُلِّ شَيْءٍ عَلِيمٌ
وہی آسمانوں اور زمینوں کا مُوجِد ہے، بھلا اس کی اولاد کیونکر ہو سکتی ہے حالانکہ اس کی بیوی (ہی) نہیں ہے، اور اسی نے ہر چیز کو پیدا فرمایا ہے اور وہ ہر چیز کو خوب جاننے والا ہے

لہذا یہ کہنا کہ مسلمان حضرت عیسی علیہ السلام کے عید میلاد النبی کو مبارک قرار دینے یا اس پر سلام بھیجنے سے کافر ہوجائے گا۔ ایک بے کار کی بات ہے ۔۔۔ دنیا چاہے کچھ سوچتی رہے یا کسی بھی بات پر ایمان رکھے مسلمان کا ایمان اللہ تعالی کے واحد ہونے پر ہے ۔ اس لئے حضرت عیسی کا عید میلاد النبی کو مبارک قرار دینا عین قرآن کے صریح‌ بیان کے مطابق ہے

والسلام

شکاری

محترم،
قرآن نے ہمیں جگہ جگہ شرک سے ڈرایا ہے اور شرک کی جتنی اقسام ہو سکتی ہیں، ان کی ہر ممکن وضاحت کر کے اس کے قریب پھٹکنے سے بھی منع کر دیا ہے۔ شرک تو دور کی بات وہ تمام ذرائع جو شرک تک لے جانے کا موجب بن سکتے ہیں، ان ذرائع کو بھی ممنوع قرار دیا ہے۔ جس بات کو میرے بھائی بہت ہلکے پھلکے انداز میں‌لے کر فتویٰ‌عائد کر رہے ہیں‌کہ کرسمس کی مبارکباد دینے میں‌کچھ حرج نہیں۔ انہیں یا تو شرک کی قباحت و شناعت سے واقفیت نہیں، اور یا پھر وہ شریعت کا مزاج پہچاننے سے قاصر ہیں۔ لاریب، مسلمان حضرت عیسٰی علیہ السلام کو اللہ کا بندہ اور اس کا نبی ہی تسلیم کرتے ہیں، لیکن جب آپ ایک کرسچن کو اس کے غلیظ ترین عقیدہ پر تنبیہ کرنے کے بجائے اس کی خوشیوں کو بانٹنا چاہتے ہیں، تو یہ اللہ کے غضب کو دعوت دینے کے مرادف ہے۔ قرآن میں‌اللہ تعالیٰ‌ارشاد فرماتے ہیں:

وَقَالُوا اتَّخَذَ الرَّحْمَـٰنُ وَلَدًا ﴿٨٨﴾ لَّقَدْ جِئْتُمْ شَيْئًا إِدًّا ﴿٨٩﴾ تَكَادُ السَّمَاوَاتُ يَتَفَطَّرْنَ مِنْهُ وَتَنشَقُّ الْأَرْضُ وَتَخِرُّ الْجِبَالُ هَدًّا ﴿٩٠﴾ أَن دَعَوْا لِلرَّحْمَـٰنِ وَلَدًا ﴿٩١﴾ وَمَا يَنبَغِي لِلرَّحْمَـٰنِ أَن يَتَّخِذَ وَلَدًا ﴿٩٢﴾
""وہ کہتے ہیں رحمن نے کسی کو بیٹا بنایا ہے سخت بیہودہ بات ہے جو تم گھڑ لائے ہو قریب ہے کہ آسمان پھٹ پڑیں زمین شق ہو جائے اور پہاڑ گر جائیں اس بات پر کہ لوگوں نے رحمن کے لئے اولاد ہونے کا دعوی کیا ہے۔""(سورہ مریم ،آیت نمبر 88تا91)

ان کے اس دعویٰ پر اللہ کا قہر و غضب اور جلال دیکھیں، اور پھر خود سے پوچھیں‌کہ آپ اپنے والد کو گالی دینے والے شخص کی خوشیوں کو بانٹنا پسند کریں گے؟ اللہ کو (نعوذباللہ) گالی دینے والوں کو عین اس رسم میں اظہار یکجہتی کے لئے مبارکباد دینا، جو اسی گالی کی یاد میں منائی جا رہی ہو، سخت بےہودہ، اور بدترین توہین کی بات ہے۔
ہم یہ نہیں کہتے کہ کسی کو میری کرسمس کہہ دینےسے کوئی کافر ہو جاتا ہے۔ لیکن میرے بھائیوں کو یہ معلوم ہونا چاہئے کہ شرک اللہ تعالیٰ کی بدترین توہین ہے، جیسے ہم رسول اللہ صلی اللہ علیہ وسلم کی توہین کرنے والے شخص کی کسی خوشی مثلاً شادی و اولاد کی پیدائش پر اس کو مبارکباد دینے کا سوچ بھی نہیں سکتے، حالانکہ توہین اس نے کی ہے، ہم نے نہیں کی، اور شادی یا اولاد کی پیدائش عمومی معاملہ ہے نا کہ اس توہین سے متعلقہ کوئی رسم ہے، تو ہم کیسے اللہ تعالیٰ کی شان میں بدترین توہین کرنے والوں، کو عین اس رسم توہین کی خوشی کی مبارکباد دے سکتے ہیں؟

اس بات کا ہرگز اس سے تعلق نہیں کہ انسان کا اپنا نظریہ کیا ہے، لیکن الولاء والبراء کے عمومی قواعد یہاں بھی لاگو ہوتے ہیں کہ محبت بھی صرف اللہ کی خاطر اور نفرت بھی اللہ کی خاطر۔ اور اللہ کے رسول صلی اللہ علیہ وسلم کا اسوہ ہمارے سامنے موجود ہے، جسے پہلی پوسٹ میں عبداللہ آدم صاحب نے ثابت بن ضحاک رضی اللہ عنہ کی حدیث کے حوالے سے پیش کر رکھا ہے۔ دور جاہلیت میں اگر کسی مقام پر شرکیہ کام ہوا ہے، تو اس شرک کی نجاست اور غلاظت اس قدر شدید ہے کہ اللہ کے نبی صلی اللہ علیہ وسلم اس جگہ پر خالص اللہ کے لئے نذر پوری کرنے کو بھی منع فرما دیتے ہیں۔ اور یہاں معلوم نہیں ہمارے بھائی اللہ تعالیٰ کے لئے اس توہین، گستاخی، گالی کی رسم کو سماجی رسم قرار دے کر اس کی قباحت کو کم کرنے کی فکر میں کیوں مبتلا ہیں۔
اللہ تعالیٰ ہمیں شرک کی جانب لے جانے والے ذرائع اختیار کرنے سے بھی اپنی پناہ میں رکھے اور جب بھی موت دے تو اس حالت میں دے کہ ہم صاحب ایمان ہوں اور شرک کی آلودگی سے بالکل پاک ہوں۔ آمین یا رب العالمین۔

__________________
نہیں، اے محمدؐ، تمہارے رب کی قسم یہ کبھی مومن نہیں ہوسکتے جب تک کہ اپنے باہمی اختلافات میں یہ تم کو فیصلہ کرنے والا نہ مان لیں،پھر جو کچھ تم فیصلہ کرو اس پر اپنے دلوں میں بھی کوئی تنگی نہ محسوس کریں، بلکہ سر بسر تسلیم کر لیں۔ [النساء: 65]