گناہ پھیلانے کا انجام

گناہ پھیلانے کا انجام · 06-10-08, 12:56 AM

السلام علیکم و رحمۃ اللہ و برکاتہ ،
میرے محترم بھائیوں بہنوں ، ہمیں‌اپنے ارد گرد بہت سی ایسی باتیں بلکہ خواہشات نظر آتی ہیں جن پر عمل کرنے کا انجام یقینا ہمیں پتہ نہیں‌ہوتا یا اگر پتہ بھی ہوتا ہے تو شاید اس پر یقین نہیں ہوتا کیونکہ اگر یقین ہو تو پھر ہم ان پر عمل کرنا تو کیا ان کو سرے سے ہی اپنے اذہان میں بطور خواہش نہ آنے دیں ، یہ سوچ کر ہی میرے رونگھٹے کھڑے ہو جاتے ہیں ، کہ ، ہم کہاں جا رہے ہیں ، کہ ہمیں اپنی آخرت کا کوئی احساس نہیں ،

نہیں ناکامی کہ متاع کارواں جاتا رہا
کارواں کے دل سے احساس زیاں جاتا رہا

میں‌ یہاں کوئی لمبی چوڑی بات نہیں کروں گا ، صرف یہ عرض کرتا ہوں کہ ہمیں اپنے ہر قول و فعل حتیٰ کہ سوچ و خواہش سے پہلے اس دن کا خیال کرنا چاہیے جس دن ہر ایک انسان کو اپنے ہر ایک عمل کا جواب ہی نہیں حساب دینا ہو گا ، اور جس نے نیک کام کیے اور نیکی کی طرف بلایا اور اس کے بلانے پر نیکی پر عمل ہوا اس کو سب عمل کرنے والوں کے برابر اجر ملے گا ، اور اسی طرح برائی کی طرف بلانے والے کے لیے ہوگا ،
کبھی سوچا تو جائے کہ ہم لوگ جن چیزوں کاموں کی تشہیر کی سعی کرتے ہیں ، یا خواہش ہی رکھتے ہیں اللہ کے سامنے اُن کا انجام کیا ہو گا ؟؟؟
((( إِنَّ الَّذِینَ یُحِبُّونَ أَن تَشِیعَ الفَاحِشَۃُ فِی الَّذِینَ آمَنُوا لَہُم عَذَابٌ أَلِیمٌ فِی الدُّنیَا وَالآخِرَۃِ وَاللَّہُ یَعلَمُ وَأَنتُم لَا تَعلَمُونَ ::: بے شک وہ لوگ جو یہ پسند کرتے ہیں کہ ایمان والوں میں بے حیائی پھیلے ان کے لیے دُنیا اور آخرت میں دردناک عذاب ہے اور اللہ جانتا ہے اور تُم لوگ نہیں جانتے ))) سورت النور ، آیت 19 ،
مجھے یقین ہے کہ آپ میں سے کوئی بھی یہ پسند نہیں کرے گا کہ ان میں سے ہو جائے جو مسلمانوں میں بے حیائی پھیلانا پسند کرتے ہوں اور اللہ کے شدید عذاب کے مستحق قرار پا جائیں ،
((( إِنَّ الَّذِینَ فَتَنُوا المُؤمِنِینَ وَالمُؤمِنَاتِ ثُمَّ لَم یَتُوبُوا فَلَہُم عَذَابُ جَہَنَّمَ وَلَہُم عَذَابُ الحَرِیقِ ::: بے شک جو ایمان والے مَردوں اور ایمان والی عورتوں کو امتحان میں ڈالتے ہیں اور پھر توبہ نہیں کرتے ان کے جہنم کا عذاب ہے اور ان کے لیے آگ کا عذاب ہے ))) سورت البروج ، آیت 10 ،
مجھے یہ بھی یقین ہے کہ آپ قیامت والے دن ان لوگوں کی صف میں کھڑا ہونا پسند نہیں کرتے ہوں گے جو ایمان والوں کے ایمان کو امتحان میں ڈالتے ہوں ،

میرے محترم اور پیارے بھائیوں بہنوں کسے کب کیسے اور کہاں سے اس دُنیا میں سے رخصت ہو جانا ہے کچھ پتہ نہیں ، اور وقت رخصت اور بعد از رخصت کیا ہونا ہے اس کا اندازہ ہر کوئی اپنے اعمال کی روزنی میں کر ہی سکتا ہے ، تو کیا ہمیں اپنے اعمال کی خبر گیری نہیں کرتے رہنا چاہیے ، اور وہاں ، جہاں سوائے اپنے اعمال کے کچھ اور کوئی کام آنے والا نہیں ، وہاں کی تیاری رکھنا نہیں چاہیے ،
وہاں ، اور اس وقت ، جہاں اور جب ہر وہ ایک جس کے لیے ہم یہاں حلال و حرام ، شرم و غیرت ، حیا و عزت کچھ بھی تباہ کرنے پر تیار ہوتے ہیں کسی کام نہ آئے گا بلکہ رشتہ داری و قربت کے اظہار و اقرار کا بھی روادار نہ ہوگا ،
((( یَومَ یَفِرُّ المَرء ُ مِن أَخِیہِ (34) وَأُمِّہِ وَأَبِیہِ (35) وَصَاحِبَتِہِ وَبَنِیہِ (36) لِکُلِّ امرِءٍ مِّنہُم یَومَئِذٍ شَأنٌ یُغنِیہِ (37) ::: اس دن انسان بھاگے کا اپنے بھائی سے (34) اور اپنی ماں سے اور اپنے باپ سے (35) اور اپنی بیوی سے اور اپنی اولاد سے (36) اس دن ہر ایک کو ایسا معاملہ ہو گا جو اسے دوسرے سے بے پرواہ کیے رکھے گا (37) ))) سورت عبس ،
بھائی یہ باتیں لیکچر نہیں ، ایک دردمند بھائی کی درخواست سمجھ کر ان پر غور فرمایے ، اللہ ہم سب کا اس کے اور اس کے رسول صلی اللہ علیہ و علی آلہ وسلم کا سچا اور عمل محب اور تابع فرمان بنائے ، اسی پر ہمارے خاتمے فرمائے اور جب ہم اس کے سامنے حاضر ہوں تو وہ ہم پر راضی ہو ہم نیکی اور خیر پھیلانے والوں میں ہوں نہ کہ برائی اور شر پھیلانے والوں میں ،
جہاں اپنا کوئی عمل ، قولی ہو یا فعل چھپ سکتا ہی نہیں ((( فَمَن یَعمَل مِثقَالَ ذَرَّۃٍ خَیراً یَرَہُ ( 7 ) وَمَن یَعمَل مِثقَالَ ذَرَّۃٍ شَرّاً یَرَہُ ( 8 ) ::: پس جس نے رتی برابر بھی نیکی کی ہو گی وہ اس نیکی کو دیکھ لے گا ( 7 ) اور جس نے رتی برابر بھی برائی کی ہو گی وہ اُس برائی کو دیکھ لے گا ( 8 ) ))) سورت الزلزال ،
اور ہر ایک کو اس کا کیا اور کہا اور لکھا ہوا ، لکھی ہوئی کتاب کی‌صورت میں ملے گا جس میں سے کوئی ایک معمولی سی بات بھی نہ بچی ہو گی
نیکیاں والی ہو گی تو سیدھے ہاتھ میں دی جائے گی اور اس کو پانے والا خوش باش اپنے جنـت والے گھر اور گھر والوں کی طرف روانہ ہو گا ،
((( فَأَمَّا مَن أُوتِیَ کِتَابَہُ بِیَمِینِہِ ::: تو پس جسے اس (کے اعمال ) کی کتاب سیدہے ہاتھ میں دی جائے گی ( 7 )
فَسَوفَ یُحَاسَبُ حِسَاباً یَسِیراً ::: تو جلد ہی اس کا آسان سا حساب کیا جائے گا ( 8 )
وَ یَنقَلِبُ إِلَی أَہلِہِ مَسرُوراً ::: اور وہ اپنے گھر والوں کی طرف خوش خوش پلٹے گا ( 9) ))) سورت الانشقاق ،

اور اگر برائی والی ہو گی تو جہنم کی طرف روانہ ہو گا ،

((( وَأَمَّا مَن أُوتِیَ کِتَابَہُ وَرَاء ظَہرِہِ ::: اور جسے اس (کے اعمال ) کی کتاب اس کی پشت کے پیچھے سے تھمائی جائے گی (10) فَسَوفَ یَدعُو ثُبُوراً ::: تو وہ جلد ہی تباہی تباہی پکارے گا (11) وَیَصلَی سَعِیراً ::: اور سعیر (جہنم کی ایک وادی جہاں بہت ہی بھڑک دار آگ ہے اُس ) میں پہنچے گا (12) إِنَّہُ کَانَ فِی أَہلِہِ مَسرُوراً ::: یہ وہ تھا (جو دُنیا میں ) اپنے گھر والوں میں (اللہ کی نافرمانی کرتے ہوئے ) خوش رہتا تھا (13) إِنَّہُ ظَنَّ أَن لَّن یَحُورَ ::: کہ یہ اس خیال میں تھا کہ اللہ کی طرف لوٹ کر نہ جائے گا (14) بَلَی إِنَّ رَبَّہُ کَانَ بِہِ بَصِیراً ::: (لیکن ایسا ) کیوں نہیں (جبکہ ) بے شک اس کا رب اس کو پوری طرح دیکھ رہا تھا (15) ))) سورت الانشقاق
اور یہ کتابیں ایسی ہوں گی جو کسی معمولی سے معمولی کام کو بھی گنے اور شامل کیے بغیر نہ رکھیں گی ، ((( َ وُضِعَ الکِتَابُ فَتَرَی المُجرِمِینَ مُشفِقِینَ مِمَّا فِیہِ وَیَقُولُونَ یَا وَیلَتَنَا مَالِ ہَذَا الکِتَابِ لَا یُغَادِرُ صَغِیرَۃً وَلَا کَبِیرَۃً إِلَّا أَحصَاہَا وَوَجَدُوا مَا عَمِلُوا حَاضِراً وَلَا یَظلِمُ رَبُّکَ أَحَداً ::: اور کتاب رکھ دی جائے گی اور تم دیکھو گے کہ جرم کرنے والے خوف زدہ ہوں گے اور کہیں گے ہائے ہماری تباہی ، یہ کیسی کتاب ہے کہ اس نے نہ کوئی چھوٹا کام چھوڑا نہ کوئی بڑا سوائے اس کے کہ ہر ایک کام کو گن کر (لکھ) رکھا ہے اور جو کچھ انہوں نے کیا تھا اسے (اپنے سامنے) حاضر پائیں گے اور آپ کا رب کسی پر ظلم نہیں کرے گا ))) سورت الکہف ، آیت 49 ،
کون مسلمان ایسا ہو گا جو گناہ کر کر کے بلکہ گناہ کی تشہیر کرتے کرتے یا کر چکنے کے بعد مرنا پسند کرے اور پھر اپنا اعمال نامہ پشت کے پیچھے سے تھام کر بے حد و حساب وقت کے لیے یا شاید ہمیشہ ہمیشہ کے لیے بہت زیادہ بھڑکتی ہوئی آگ میں داخل ہونا پسند کرے ،
میری گذارشات پر کوئی دل آزاری محسوس ہوئی ہو تو اللہ کے لیے معاف فرمایے گا اور اسی اللہ کے لیے ان پر تحمل اور ایمان کے ساتھ بار بار غور فرمایے گا ، و السلام علیکم۔

**منتظمین** · 06-10-08, 01:58 AM

اپکی خواہش کا احترام کیا گیا ہے۔ اور جس جگہ اپ نے پہلے پوسٹ لگائی تھی وہ سب کے لیے عام جگہ تھی۔

**عادل سہیل** · 07-10-08, 11:36 PM

اقتباس:

اصل مراسلہ منجانب : منتظمین

اپکی خواہش کا احترام کیا گیا ہے۔ اور جس جگہ اپ نے پہلے پوسٹ لگائی تھی وہ سب کے لیے عام جگہ تھی۔

السلام علیکم و رحمۃ اللہ و برکاتہ ،
اللہ تعالی آپ کو بہترین اجر عطا فرمائے ، ان شا اللہ یہاں یہ مراسلہ وہاں سے زیادہ مناسب رہے گا ، ان شا اللہ اس میں ابھی کچھ بہتری والی تبدیلی بھی کیے دیتا ہوں ۔ والسلام علیکم ،

**ابن جلال** · 07-10-08, 11:46 PM

بہت شکریہ عادل سہیل بھائی آپ کا

**عادل سہیل** · 08-10-08, 01:04 AM

اقتباس:

اصل مراسلہ منجانب : زین الدین زیڈ ایف

بہت شکریہ عادل سہیل بھائی آپ کا

السلام علیکم و رحمۃ اللہ و برکاتہ ، شکریے پر شکریہ ، و جزاک اللہ خیرا ، و السلام علیکم ۔

**عادل سہیل** · 08-10-08, 01:07 AM

السلام علیکم و رحمۃ اللہ و برکاتہ ،
ابھی ابھی میں نے اس مضمون میں کچھ تبدیلی و اضافہ کیا اور عربی عبارات کے لیے منتطمین بھائی کی طرف سے اضافہ کیا گیا عربک تریڈیشنل فونٹ استعمال کیا جس میں حروف و الفاظ مجھے ٹھیک دکھائی نہیں دے رہے جبکہ میرے کمپیوٹر کا آپریٹنگ سسٹم مکمل طور پر عربی معاون ہے اور عربی لینگوئج پیک بھی انسٹال ہے ، تمام قاریئن سے اس بارے میں بھی آرا و نتائج کی خبر گیری کی درخواست ہے ۔ ہماری خواہش ہے کہ ہر ایک ناظر کو عربی متن بالکل ٹھیک اور تمام اعراب کے ساتھ دکھائی دے ، تا کہ آیات و احادیث کو پڑھنے میں کسی غلطی کا مکان نہ ہو ، یا کم سے کم کا امکان رہے و السلام علیکم۔

**تفسیر حیدر** · 08-10-08, 12:00 PM

جزاک اللہ خیرا ۔۔۔۔۔۔۔۔۔

**بھائی** · 08-10-08, 12:57 PM

وعلیکم اسلام
جزاک اللہ خیرا

**عادل سہیل** · 10-10-08, 01:03 AM

اللہ میرے اُن سب بھائیوں کو اپنی سان رحیمی اور لطف کریمی کے مطابق بہترین اجر عطا فرما جو تیری اور تیرے رسول صلی اللہ علیہ و علی آلہ وسلم کی بات سن کر خوش ہوتے ہیں اور سر تسلیم خم کرتے ہیں۔

06-10-08, 01:58 AM	#2
منتظمین Administrator تاریخ شمولیت: May 2007 عمر: 36 مراسلات: 11,360 کمائي: 171,607 شکریہ: 9,805 7,524 مراسلہ میں 22,594 بارشکریہ ادا کیا گیا	جواب: گناہ پھیلانے کا انجام اپکی خواہش کا احترام کیا گیا ہے۔ اور جس جگہ اپ نے پہلے پوسٹ لگائی تھی وہ سب کے لیے عام جگہ تھی۔ Share Share this post on Digg Del.icio.us Technorati Twitter Facebook! __________________ تم سپاہی نہیں ہو پیشہ ور قاتلو!

07-10-08, 11:46 PM	#4
ابن جلال Senior Member تاریخ شمولیت: Apr 2008 مقام: Pakistan مراسلات: 5,434 کمائي: 27,078 شکریہ: 9,850 2,670 مراسلہ میں 4,570 بارشکریہ ادا کیا گیا	جواب: گناہ پھیلانے کا انجام بہت شکریہ عادل سہیل بھائی آپ کا Share Share this post on Digg Del.icio.us Technorati Twitter Facebook!

08-10-08, 01:07 AM	#6
عادل سہیل Senior Member تاریخ شمولیت: Jul 2007 عمر: 48 مراسلات: 4,389 کمائي: 88,841 شکریہ: 2,077 3,583 مراسلہ میں 12,686 بارشکریہ ادا کیا گیا	جواب: گناہ پھیلانے کا انجام السلام علیکم و رحمۃ اللہ و برکاتہ ، ابھی ابھی میں نے اس مضمون میں کچھ تبدیلی و اضافہ کیا اور عربی عبارات کے لیے منتطمین بھائی کی طرف سے اضافہ کیا گیا عربک تریڈیشنل فونٹ استعمال کیا جس میں حروف و الفاظ مجھے ٹھیک دکھائی نہیں دے رہے جبکہ میرے کمپیوٹر کا آپریٹنگ سسٹم مکمل طور پر عربی معاون ہے اور عربی لینگوئج پیک بھی انسٹال ہے ، تمام قاریئن سے اس بارے میں بھی آرا و نتائج کی خبر گیری کی درخواست ہے ۔ ہماری خواہش ہے کہ ہر ایک ناظر کو عربی متن بالکل ٹھیک اور تمام اعراب کے ساتھ دکھائی دے ، تا کہ آیات و احادیث کو پڑھنے میں کسی غلطی کا مکان نہ ہو ، یا کم سے کم کا امکان رہے و السلام علیکم۔ Share Share this post on Digg Del.icio.us Technorati Twitter Facebook!

08-10-08, 12:00 PM	#7
تفسیر حیدر Senior Member تاریخ شمولیت: Sep 2007 مقام: Gujrat مراسلات: 1,716 کمائي: 24,792 شکریہ: 1,293 980 مراسلہ میں 1,851 بارشکریہ ادا کیا گیا	جواب: گناہ پھیلانے کا انجام جزاک اللہ خیرا ۔۔۔۔۔۔۔۔۔ Share Share this post on Digg Del.icio.us Technorati Twitter Facebook!

08-10-08, 12:57 PM	#8
بھائی Senior Member تاریخ شمولیت: Aug 2008 مراسلات: 856 کمائي: 1,505 شکریہ: 196 364 مراسلہ میں 603 بارشکریہ ادا کیا گیا	جواب: گناہ پھیلانے کا انجام وعلیکم اسلام جزاک اللہ خیرا Share Share this post on Digg Del.icio.us Technorati Twitter Facebook!

10-10-08, 01:03 AM	#9
عادل سہیل Senior Member تاریخ شمولیت: Jul 2007 عمر: 48 مراسلات: 4,389 کمائي: 88,841 شکریہ: 2,077 3,583 مراسلہ میں 12,686 بارشکریہ ادا کیا گیا	جواب: گناہ پھیلانے کا انجام اللہ میرے اُن سب بھائیوں کو اپنی سان رحیمی اور لطف کریمی کے مطابق بہترین اجر عطا فرما جو تیری اور تیرے رسول صلی اللہ علیہ و علی آلہ وسلم کی بات سن کر خوش ہوتے ہیں اور سر تسلیم خم کرتے ہیں۔ Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
فحش بات پھیلانا	گلاب خان	علوم حدیث	3	30-05-10 04:40 PM
جب ہر سُو رنگ سے پھیل گئے	The Great	شعر و شاعری	6	30-09-09 01:54 PM
کوبکو پھیل گئی بات شناسائی کی	The Great	مزاحیہ شاعری	0	14-09-09 11:41 AM
کو بہ کو پھیل گئی بات شناسائی کی	The Great	شعر و شاعری	0	14-08-09 09:26 PM
نیک بنو نیکی پھیلاو	omer	عمومی بحث	2	28-07-07 10:36 AM