عبداللہ آدم

امت اسلام پر وقت کے باطل نظاموں اور مشرکانہ تہذیب وتمدن کی صورت میں لگ بھگ ایک ڈیڑھ صدی سے جو بدترین آفت مسلط ہے وہ امت کی پوری تاریخ میں اس برے انداز سے اور اس بڑی سطح پر کبھی نہیں دیکھی گئی ۔ ایسے میں امت کے مخلص اور سنجیدہ ذہنوں میں بار بار یہ سوال اٹھنا ایک طبعی امر تھا کہ ان نظاموں کا شریعت میں کیا حکم ہے اوریہاں ارباب اختیار کی شرعی حیثیت کیا ہے؟ جس نے بھی دقت نظر سے شریعت میں اس سوال کا جواب تلا ش کرنے کی کوشش کی اسے ایک ہی واضح جواب ملا ۔۔ طاغوت !نتیجتاً وقت کے حکمرانوں کا یہ شرعی لقب رفتہ رفتہ معروف ہوتا گیا ۔ چونکہ امت کی تاریخ میں یہ مسئلہ ہی بالکل نیا تھا اس سے پہلے غیر اﷲ کے حکم کو ملک کے طول و عرض میں باقاعدہ رسمی اور آئینی طور پر قانون عام کی حیثیت کبھی دی ہی نہیں گئی اور نہ کبھی تہذیب اور ثقافت میں

کفا ر کی ایسی حرف بہ حرف اتباع کروائی گئی [ واضح رہے گفتگو امت کی مجموعی سطح پر ہو رہی ہے۔ تاریخ میں کہیں کہیں اور اکا دکا انداز میں اس سے پہلے بھی ایسا ہوا ہو تو اس کا یہاں انکار مقصود نہیں۔ جیسے کلمہ پڑھ لینے کے بعد بعض تاتاری حکومتوں کا قانون یا سق چلانا یا مثلاً برصغیر میں مغل حکمران جلال الدین اکبر کا کفر و زندقہ] اس لیے حکمرانوں کا یہ لقب طاغوت بھی ظاہر ہے نیا ہی ہوسکتا تھا اور شریعت کی رو سے حکام وقت کی حیثیت بھی نئی ہی ہونی چاہیے تھی مگر یہ نئی بات ہوجانے پر کچھ لوگوں کے کان کھڑے ہونا بھی ضروری تھے ہوتا بھی کیوں نہ جہاں عربی پڑھانے کے لیے ابھی تک فارسی کا ذریعہ استعمال ہوتا ہو(حالانکہ برصغیر میں سوسال سے اس کی ضرورت مائل بہ زوال ہے) وہاں اس اتنی بڑی بات کو طرز کہن سے خروج کیوں نہ سمجھا جاتا ! ان حضرات کو اس بات سے تو کچھ خاص غرض نہیں تھی کہ امت میں یہ مسئلہ ہی سرے سے نیا ہے اور یہ کہ جب سے ہمارے حکمران فرنگ سے درآمد ہونے لگے ہیں یہ سوال ہی تب سے اٹھا ہے - البتہ احتجاج صرف اس بات پر ضروری جانا گیا کہ اس مسئلہ کا حل نیا کیوں ہے؟ یعنی اسکا اب بھی وہ پہلے والا حل کیوں نہیں بتایا جاتا جو آج تک امت کے اندر رائج رہا! اور یہ کہ اس سوال کا آخر عین وہی جواب کیوں نہیں دیا جاتا جو سلف کے دور میں رائج رہا اور بنو امیہ و بنو عباس سے لے کر سلاطین دہلی کے زمانے تک اور نیل سے لے کر کاشغر تک بھلے وقتوں میں مشاہیر اسلام کی زبان سے دیا جاتا رہا!!!

رفتہ رفتہ ان معترضین نے یہ باقاعدہ مذہب اختیار کر لیا کہ وقت کے حکمرانوں کو طاغوت یا مشرک کہنا- حتیٰ کہ بعض کے نزدیک تو ان حکمرانوں کی خالی مخالفت کرنا اور اﷲ کے عباد اور بلاد پر انکی طاقت کا سکہ چلنے نہ دینے کی بات کرنا ہی- ’سلف کے منہج کے خلاف ہے‘!!! اور یہ کہ سلف کے منہج پر چلنے والے صرف وہی لوگ ہیں جوان حکمرانوں کے جنود میں شامل نظر آئیں!! یا کم از کم بھی وہ لوگ ہیں جو اپنے ملک کے نظام سے کوئی سروکار نہ رکھیں! ان میں سے ’تحقیق‘ میں آگے گزرنے والے اصحاب نے تو ان غیور مسلمانوں کے تانے‘ جو باطل نظاموں اور حکمرانوں کی وفادار رعایا بن کر رہنے کےلئے تیار نہیں، سیدھے خوارج سے جا ملائے اور عوام الناس میں انکے لیے ’تکفیری‘ اور ’خارجی‘ کے الفاظ عام کیے۔

[I"][ ہمیں تسلیم ہے کہ کئی ملکوں میں ایسے چھوٹے چھوٹے گروپ بھی پائے گئے ہیں جو واقعی تکفیری تھے اور جنہوں نے حکمرانوں کی تکفیر پر ہی بس نہ کی مسلمان ملکوں میں پوری کی پوری فوج، پولیس، سرکاری ملازمین حتی کہ عوام الناس اور علماءو مشائخ تک پر بلا تفریق و امتیاز تکفیر کی مشین چلائی۔ اس فتنہ کی ابتداءمصر میں ’جماعت التکفیر والھجرہ‘ سے ہوئی اور پھر دیکھتے ہی دیکھتے بہت سارے ملکوں میں اسکے چربے تیار ہوئے۔ مگر ایسے گمراہوں کی تعداد کہیں بھی الحمد ﷲ درجنوں سے تجاوز نہ کر پائی۔ جبکہ مروجہ نظاموں اور حکمرانوں سے براءت کی بات کرنے والی اصولی تحریکوں کے لوگ ہزاروں میں رہے ہیں۔پھر یہ بات بھی معلوم ہے کہ ان تکفیری گروہوں کی سب سے زیادہ مذمت ان اصولی تحریکوں کی جانب سے ہی ہوئی ۔ یہ صرف میڈیا اور سرکار کے وظیفہ خوار مولویوں کی کرشمہ سازی تھی کہ ایسے چند گمراہوں کی کالک ہر ایسی تحریک اور شخصیت کے چہرے پر مل دینے کی کوشش ہوتی رہی جو کسی بھی مسلمان خطے میں حقیقی اصلاح کا علم لے کر اٹھی یا آئیندہ اٹھے گی۔

پھر یہ بات تو شاید بہت کم لوگ جانتے ہونگے کہ تکفیریوں کے یہ ٹولے بھی درون خانہ سرکار ہی کے پروردہ تھے اور انکی خفیہ پشت پناہی کا کام کچھ ہی دیر کے اندر مصر سے سعودی انٹیلی جنس کے سپرد ہو گیا۔ اس کے پیچھے جو مقصد کار فرما تھا وہ یہ کہ خالص عقیدہ کی ترجمان اسلامی تحریکوں کو بد نام کیا جائے اور انکے نا پختہ اور جذباتی نوجوانوں کو معاشروں کی تکفیر کی ڈالی پر لگا کر انکی صلاحیتیں ضائع کروائی جائیں، پھر ہو سکے تو قبل از وقت کارروائیوں میں الجھا کر بھی انکو خراب کیا جائے اور انکی قوت پر امن طور پر بڑھنے سے روک دی جائے۔ واقفان حال تو یہ بھی جانتے ہیں کہ آج سے بیس سال پہلے سعودی عرب میں ’حرم پر قبضہ کروانے کا مشہور واقعہ اسی سلسلہ کی ایک کڑی تھی جس کا مقصد وہاں اصلاح کے عمل کو سبوتاژ کرنا اور ناقابل تلافی نقصان پہنچانا تھا۔ اور اس طرح اصلاح اور تبدیلی کے عمل کو کئی عشروں تک کےلئے پیچھے دھکیل دینے میں بالفعل کامیابی حاصل کر بھی لی گئی۔ ومکروا مکرھم و عند اﷲ مکرھم وان کان مکرھم لتزول منہ الجبال][/FONT][/I]

عبداللہ آدم

اب بھلا ’سلف کے منہج کے خلاف‘ چلنے کی جرات کون کرے! آخر ایمان بچانے کی فکر کسے نہ ہو! پھر ایمان کے ساتھ جان بھی بچتی ہو تو حکمرانوں سے وفا داری سے انکار کی کیادلیل ہو سکتی ہے!! یوں توحید کی فطرت پہ چلنے والے غیور مسلمانوں کو علم کی مار دینے کی ایک اسکیم تیار کر لی گئی جو کہ حکمرانوں کی ایک اہم ضرورت تھی۔ گو اغلب یہی ہے کہ یہ ’دریافت‘ پہلے پہل حکمرانوں کی فرمائش کے بغیر وجود میں آئی البتہ ظہور میں آجانے کے بعد تو اسے پزیرائی دلانے میں کسی کومضائقہ بھی کیا ہو سکتا تھا! یوں بھی بڑے بڑے منصوبے حکومتی سر پرستی کے بغےر چلنے کے نہیں ہوتے۔ چنانچہ عالم عرب کے اندر مسلسل دیکھنے میں آرہا ہے کہ منہج سلف کے ’سرکاری ترجمانوں‘ نے اصلاح کےلئے میدان میں اترنے والی ہر تحریک اور ہر شخصیت کا جینا دوبھر کر رکھا ہے اور اسے باغی، بدعتی، ایمان کےلئے خطرہ، قابل قید و مشقت اور گردن زدنی قرار دے رکھا ہے۔

یہاں ہمارے ان قارئین کو، جو صرف اردو جرائد کا مطالعہ کرتے ہیں صورتحال کا اندازہ کرنے میں شاید کچھ مشکل پیش آرہی ہو ۔ جس کی وجہ یہ ہے کہ پاکستان میں حاکمیت کی بحثوں نے ابھی وہ زور نہیں پکڑا جو عرب ملکوں میں ایک عرصہ سے دیکھنے میں آرہا ہے۔ خصوصاً وہ معرکہ آرائی جو پچھلے کئی سالوں سے سعودی عرب میں برپا ہے اور شیخ سفر الحوالی اور شیخ سلمان العودہ کی تقریرو تحریر کی محنت اور پھر آخر میں انکی گرفتاریوں نے جو اس فضا میں مزید ارتعاش پیدا کر دیا ہے اس کے تناظر میں علمی حلقوں کے اندر اس مسئلہ پر لے دے بہت بڑھ گئی ہے اور اس کی بازگشت اب پورے عالم عرب بلکہ عالم اسلام میں سنی جانے لگی ہے۔

اﷲ کی شریعت کو پس پشت ڈال کر مخلوق کی شریعت کو قانون عام کا درجہ دینے والے یہ حکمران کفر کے مرتکب کہلانے سے صرف ایک صورت میں بچ سکتے تھے۔۔۔ یا بچائے جا سکتے تھے! اور وہ یہ کہ ’ارجاء‘ کے عقیدے کو امت میں عام کر دیا جائے، جبکہ وہ پہلے ہی بہت عام ہے اور اﷲ کے دشمنوں کا اب تک برسر اقتدار رہنا اسی کا مرہون منت ہے۔ یہ ’ارجاء‘ کیا ہے؟ امت کی تاریخ میں ایک مشہور بدعت ہو گزری ہے۔ بلکہ گزری بھی کیا مختلف شکلوں اور صورتوں میں اب تک چل رہی ہے۔ اس کی رو سے آدمی عملاً شرک کرتے رہنے سے مشرک نہیں ہوتا صرف اسکا اعتقاد رکھنے سے ہوتا ہے۔ چنانچہ ایک کلمہ گو شرک اور کفر کا خواہ کوئی کام کرے بس دل میں اسکو صحیح نہ سمجھے اور زبان سے اس کو حلال کہنے کی حماقت نہ کرے تو وہ مسلمان اور موحد ہی گنا جائے گا! یعنی کفر اور شرک کے افعال بھی عام گناہوں کی طرح ایک گناہ ہیں اور محض انکے عملی ارتکاب سے کوئی شخص دائرہ اسلام سے خارج نہیں ہو سکتا۔ چنانچہ خوارج جہاں ایک انتہا پر گئے اور عام گناہ کے کاموں کو بھی افعال شرک کے ساتھ ملا دیا وہاں یہ مرجئہ دوسری انتہا پر گئے جنہوں نے افعال شرک و کفر کو بھی عام گناہوں کے ساتھ یکجا کر دیا۔۔

اصولی طور پر یہ دونوں گمراہیاں اس مسئلہ پر ایک ہو جاتی ہےں کہ کفریہ اعمال اور عام گناہوں میں کوئی فرق نہیں! جبکہ اہلسنت کے نزدیک ان میں واضح فرق ہے؛ جن افعال کو شریعت میں صرف گناہ اور فسق کہا گیا ہے ان پر اصرار سے آدمی فاسق ہو گا اور جن افعال کو اﷲ اور رسول کفر یا شرک کہیں ان پر اصرار کرنے سے وہ کافر اور مشرک ہو سکتا ہے۔۔ اور یہ تو واضح ہے کہ اﷲ کے قانون کی بجائے کوئی دوسرا قانون چلانے کو اﷲ اور رسول نے کفر کہا ہے۔

عبداللہ آدم

چنانچہ طاغوتوں کو ’اولی الامر‘ کا درجہ دلانے کےلئے ارجاءکے اس عقیدہ کا ایک نئے زور شور سے ڈول ڈالا گیا ۔ دیکھتے ہی دیکھتے ہر طرف اس کا یوں غلغلہ کر دیا گیا کہ آدمی اس سے واقعی سمجھ لے کہ شاید سلف اور اہلسنت کا یہی عقیدہ ہے اور حاکم بغیر ما انزل اﷲ کو کافر کہنا بالفعل خوارج ہی کا مذہب ہے۔

پاکستان میں بھی دھیمے سروں پر یہ نغمہ سننے کو مل جاتا رہا ہے تاہم عرب میں تو اس کاآھنگ اتنا اونچا رہا ہے کہ کان پھٹنے کو آنے لگے۔ تصنیفات اور تالیفات کی بھر مار ہوئی اور ان کی اشاعت کا تو کوئی حد و حساب ہی نہ رہا۔

کچھ عرصہ پیشتر اس سلسلہ کی ایک اہم تصنیف ”الحکم بغیر ما انزل اﷲ و اصول تکفیر“ سعودی عرب میں بطور خاص مقبول کروائی گئی اور حکام کے ’پکا مسلمان‘ ہونے کے مسئلہ میں سلف اور اہلسنت کے منہج پر اتھارٹی قرار دی گئی۔ خالد بن علی العنبری نامی ایک صاحب کی یہ کتاب، جو حکمرانوں کےلئے نعمت غیر مترقبہ کی حیثیت رکھتی تھی، لازمی تھا کہ علمی حلقوں میں بھی موضوع بحث بنتی کیونکہ اس میں بہت بڑی بڑی باتیں سلف سے زبردستی منسوب کر دی گئی تھیں۔ اس کتاب پر بھی تفصیلی روشنی تو کسی اور مضمون میں ڈالی جا سکتی ہے یہاں ہمارے لیے صرف اس کے مرکزی خیال کا ذکر کرنا ہی ممکن ہو گا اور وہ بھی اس لیے کہ مضمون کے اختتام پر اس کتاب کے بارے میں سعودی علماءکاجو فتویٰ دیا جا رہا ہے قارئین کو اسے سمجھنے میں آسانی رہے۔ چنانچہ اس کتاب کے بنیادی نکات یہ تھے۔

١- حکم بغیر ما انزل اﷲ کا فعل کفر نہیں، الا یہ کہ حکمران اس کو جائز اور حلال کہے۔ یعنی اس فعل کی فی نفسہ نوعیت باقی گناہوں جیسے ایک گناہ کی ہو گی۔

٢- اتنا ہی نہیں بلکہ مصنف کا یہ بھی کہنا تھا کہ اس کی اس بات پر تمام اہل سنت کا اجماع ہے!

٣- پھر اس کی اس بات سے اختلاف رکھنا اسکے خیال میں خوارج کا عقیدہ ہے۔

٤- چونکہ قاضی کا کسی ایک قضیہ میں بد دیانتی یا بد عنوانی کے باعث خلاف شریعت فیصلہ دینا سلف کے ہاں کفر دون کفر(وہ چھوٹا کفر جس سے آدمی ملت سے خارج نہیں ہوتا) شمار ہوتا ہے اس لیے مصنف کے نزدیک تشریع عام بھی ویسا ہی ایک گناہ ہے۔ یعنی مصنف کے نزدیک فہم سلف کی رو سے:

اس بات میں کہ اسلامی نظام کے اندر کوئی قاضی یا حاکم کسی ایک آدھ قضیے میں کسی ایک آدھ بار بد دیانتی سے شریعت کے خلاف فیصلہ دیدےاور اس بات میں کہ ملک میں ایک خلاف شریعت امر کو باقاعدہ رسمی طور پر قانون عام (پبلک لائ) کا درجہ حاصل ہو اور عدالتوں میں اسے مرجع اور سند کی حیثیت دےدی جائےکوئی فرق نہیں۔ ہر دو صورت میں حکمران بدستور مسلمان رہے گا!!

اتنے بڑے بڑے اور بے بنیاد دعوے ظاہر ہے کہ دن کی روشنی میں کام نہیں دے سکتے تھے۔ گو مصنف نے اپنے دعویٰ کے اثبات میں شرعی نصوص کے مفہومات اور علمائے سلف کے اقوال کو توڑ مروڑ کر پیش کرنے میں کوئی کسر نہیں چھوڑی (جیساکہ فتویٰ کی عبارت میں بھی اس کی اس حرکت کی نشاندہی کی گئی ہے) مگر یہ کوشش اس کو فائدہ تو کیا دیتی الٹا اسکے لیے گلے کا پھندہ بن گئی۔ سمجھ دار لوگوں نے اس کے مدلل جواب تو لکھے ہی مگر انہوں نے اس کتاب کو سعودی کبار علماءکے سامنے رکھ کر ان سے اس پر فتویٰ کا تقاضہ بھی کیا۔ سعودی علماءکی کمیٹی برائے افتاءنے اس پر جو فتویٰ دیا وہ اردو ترجمہ سمیت یہاں دیا جا رہا ہے۔

سعودی بادشاہت کے کثیر معاملات میں اسلام سے انحراف کے باوجود یہ ایک حقیقت ہے کہ وہاں کے علمی حلقوں میں بڑی حد تک شیخ الاسلام محمد بن عبد الوھاب کی دعوت کے علمی اصول اور قواعد ابھی تک مسلم ہیں۔ مذکورہ فتویٰ دینے والے علماءگو وہاں کی حکومت سے کسی نہ کسی انداز میں تعاون کرتے ہیں اور اس کےلئے جو وجوہات وہ اپنے پاس رکھتے ہونگے وہ ہمیں معلوم نہیں تاہم اس فتویٰ سے یہ ضرور واضح ہو جاتا ہے کہ نظریاتی سطح پر ابھی تک وہاں شیخ محمد بن عبدالوھاب کے پڑھائے ہوئے اصولوں کی دھاک سب پر کس طرح بیٹھی ہوئی ہے اور عملی سطح پر وہاں جو بھی صورتحال ہو کم از کم علمی سطح پر ان اصولوں سے انحراف کا چلن عام ہو جانا ہر گز اتنا آسان نہیں۔ بہر حال اﷲ تعالی

ان علماءکو اس فتویٰ پر جزائے خیر عطا فرمائے۔

علاوہ ازیں ہمارا اس فتویٰ کو شائع اور عام کرنے کا ایک اور اہم سبب بھی ہے۔

برصغیر میں ایک وقت تھا کہ علماءنجد کی دعوت و فکر شدید تنقید اور مخالفت کا نشانہ بنی رہی۔ گو ایک طبقہ ابھی تک اس سے دشمنی پر قائم ہے مگر محمد بن عبد الوھاب کی کتابوں کی یہاں نشر و اشاعت ہو جانے کے بعد اور پھر احناف اور اہلحدیث مدارس کے طلبہ کی ایک معتدبہ تعداد کے عرب جامعات میں پڑھ آنے سے صورتحال میں اب بہت فرق آچکا ہے۔ اور اب نہ صرف اس کے خلاف وہ پہلے والا تعصب کم ہو گیا ہے بلکہ طلبہ اور علماءو مشائخ کا ایک قابل لحاظ طبقہ مشائخ نجد کے علمی ورثے کو وزن بھی دینے لگا ہے۔ مگر بد قسمتی سے ہمارے اس صالح ترین طبقہ میں عقیدہ کے جدید معاشرتی پہلوؤں نے تا حال وہ مطلوبہ اہمیت حاصل نہیں کی جو کہ انکا حق تھا۔

پھر یہاں کچھ لوگ ایسے بھی پائے جانے لگے جو حاکمیت کے مسئلہ کو بڑی حد تک غیر ضروری سمجھتے ہیں۔ کم از کم اس کو عقیدہ کا مسئلہ تسلیم کرنے پر تیار نہیں۔ اور چند ایک حضرات تو لا علمی یا بے توجہی کے باعث اس بات کو خارجیت گردانتے ہیں کہ کوئی غیر اﷲ کا قانون چلانے والے حکمرانوں کوطاغوت کہہ دے۔ اور جو ایسا کہے اسے یہ قابل قدر حضرات ’تکفیری‘ کا خطاب دیتے ہیں۔ غرض انہی باتوں کے تقریباً سوچے سمجھے بغیر قائل ہیں جو خالد العنبری کی کتاب میں سوچ سمجھ کر ثابت کرنے کی کوشش کی گئی ہے۔ بہر حال اس صالح اور موحد طبقہ میں گو ایسے حضرات بہت زیادہ نہیں اور جو ہیں بھی تو وہ ہمارے خیال میں کسی بد دیانتی کی بنا پر ایسا نہیں کرتے بلکہ اس کا سبب شاید انکی بے توجہی اور اس مسئلہ پر پوری طرح غور و خوض نہ کیا ہونا ہے۔

پھر اس طبقہ میں ایسے لوگ بھی کثیر تعداد میں ہیں جو حکم و قانون کے باب میں توحید کے زبردست پرچار کے قائل ہیں مگر پہلے نوجوانوں میں علمی وثوق پیدا کرنے کو ضروری سمجھتے ہےں، جو کہ ایک صالح سوچ ہے۔

غرض اس پورے طبقے کےلئے ہی سعودی علماءکا یہ فتویٰ یقیناً فکر انگیز ہو گا جو کہ اس مسئلہ میں اصولی طور پر بہت واضح ہے کہ حکم بغیر ما انز ل اﷲ پر حکمران کی تکفیر کرنا دراصل خوارج کا نہیں بلکہ سلف اور اہلسنت کا منہج ہے اور یہ کہ اسے کافر قرار دینے کےلئے یہ ہرگز شرط نہیں کہ وہ اپنے فعل کو زبان سے جائز اور حلال بھی کہتا ہو بلکہ یہ شرط لگانا اہلسنت کے مذہب کے خلاف ہے۔۔ بہر حال

اپنے ان سب قابل احترام اساتذہ کرام، علماءو مشائخ اور طلبہ علم کے خصوصی استفادہ کےلئے بھی ہم نے یہ فتویٰ شائع کیا ہے۔

عوام الناس کی سہولت کےلئے اس کا اردو ترجمہ بھی دے دیا گیا ہے۔ قارئین سے گزارش ہے کہ وہ علماءمیں اسے زیادہ سے زیادہ عام کریں اور ان سے اس پر رائے طلب کریں۔

اﷲ تعالیٰ جلد وہ وقت لائے کہ دین توحید کو ان ملکوں اور خطوں میں ایک بار پھر عزت و سر بلندی نصیب ہو۔

اللّٰھم ابرم لھذہ الامہ امر رشد یعزفیہ اھل طاعتک، ویزل فیہ اھل معصیتک، ویومر فیہ با لمعروف و ینھی فیہ عن المنکر، انک علی ما تشاءقدیر۔

وصلی اﷲ علی نبیہ محمد و آلہ۔

مملکت سعودی عرب (فتویٰ نمبر)21154

سربراہی برائے علمی تحقیقات و افتاء مورخہ 24 شوال1420ھ

جنرل سیکریٹریٹ‘ کمیٹی برائے اکابر علماء



دائمی کمیٹی برائے علمی تحقیقات و افتاء(اللجنہ الدائمہ للبحوث العلمیہ والافتاء)

کا بیان بابت خالد علی العنبری کی تصنیف کردہ ایک کتاب بعنوان

”الحکم بغیر ما انزل اﷲ و اصول التکفیر“

الحمد ﷲ وحدہ والصلوہ والسلام علی من لا نبی بعدہ، و علی آلہ و صحبہ، و بعد

دائمی کمیٹی برائے علمی تحقیقات و افتاءنے خالد العنبری کی تصنیف ”الحکم بغیر ما انزل اﷲ و اصول التکفیر“ کا جائزہ لیا ہے۔ اس کتاب کو پڑھنے کے بعد واضح ہوا ہے کہ اس کتاب میں اہلسنت و جماعت کے علماءکے جو حوالے دیے گئے ہیں ان( کے نقل کرنے) میں علمی دیانت سے کام نہیں لیا گیا اور دلائل کے اس مفہوم میں تحریف کی گئی ہے جس کا عربی زبان اور مقاصد شریعت دراصل تقاضا کرتے ہیں۔ ذیل میں اس کی کچھ تفصیل ہے۔

١۔ مصنف نے شرعی دلائل کے مفہوم اور معانی میں تحریف کی ہے۔ اہل علم کی بعض تحریروں میں تصرف سے کام لیا ہے۔ عبارت کہیں یوں حذف کر دی ہے اور کہیں اس انداز سے تبدیل کر دی ہے کہ جس سے عبارت کی سرے سے مراد ہی اور نظر آئے۔

٢۔ اہل علم کے بعض اقوال کی ایسی تفسیر کی ہے جو ان کا مقصود اور مراد ہی نہیں۔

٣۔ مصنف نے اہل علم پر جھوٹ بھی باندھا ہے جیسا کہ اس نے علامہ شیخ محمد بن ابراہیم آل شیخ رحمہ اﷲ سے وہ قول منسوب کر دیا ہے جو انہوں نے کہیں نہیں کہا۔

٤۔ مصنف نے دعویٰ کیا ہے کہ اہلسنت کا اس بات پر اجماع ہے کہ ایسا آدمی کافر نہیں جو قانون عام میں اﷲ کی نازل کردہ شریعت کے بغیر حکم چلائے الا یہ کہ وہ اس عمل کو دل سے جائز سمجھتا ہو، یعنی یہ ان باقی گناہوں جیسا ایک گناہ ہے جو کفر تک نہیں پہنچتے۔ حالانکہ یہ مذہب اہلسنت پر نرا بہتان ہے جو یا تو جہالت کا شاخسانہ ہے یا بد نیتی کا۔ اﷲ تعالیٰ اپنی عافیت میں رکھے۔

مذکورہ بالا وجوہات کی بنا پر کمیٹی یہ رائے اختیار کرتی ہے کہ مذکورہ کتاب کی طباعت، تقسیم اور فروخت ممنوعہ قرار دی جائے۔ مصنف کو نصیحت کرتی ہے کہ وہ اﷲ تعالیٰ سے توبہ کرے اور معتمد اہل علم سے رجوع کرے تاکہ ان سے علم حاصل کرے اور وہ اس کی غلطیوں کی اس کو نشان دہی کر کے دیں۔

اﷲ سے دعا ہے کہ وہ سبھی کو اسلام اور مذہب سنت پر چلنے کی ہدایت اور توفیق عطا فرمائے اور اس پر ثابت قدم رکھے۔ وصلی اﷲ وسلم علی نبینا و آلہ وصحبہ

دائمی کمیٹی برائے علمی تحقیقات و افتاء

دستخط صدر کمیٹی دستخط رکن کمیٹی

عبد العزیز بن عبد اﷲ بن محمد آل شیخ

عبد اﷲ بن عبد الرحمٰن الغدیان

بکر بن عبد اﷲ ابو زید

صالح بن فوزان الفوزان

منتظمین

یہ فتوی اج سے کم و بیش پندرہ سال پہلے ایک مخصوص‌ ضرورت کے تحت لکھا گیا تھا، کیا اج بھی سعودی حکومت اور فتوی باز کمیٹی اس پر قائم ہے؟

بلاشبہ موجودہ جمہوری نظام کو طاغؤت کہنے والے خارجی اور تکفیری ہیں اور ان کےساتھ فساد فی الارض کہنے والا کا شرعی حکم ہی لاگو ہونا چاہیے۔

والسلام

__________________
تم سپاہی نہیں ہو پیشہ ور قاتلو!

حیدر

اگر "کوئی بھی" اللہ کی حدود سے سرکشی (طغیانی) دکھائے تو بلا شبہ وہ طاغوت ہی کہلائے گا۔ خواہ وہ وزیر اعظم ہو یا بادشاہ ہو یا کوئی سو کالڈ خلیفۃ ۔
چونکہ موجودہ جمہوری نظام میں ان سر کشیوں کی حد ہی "مُکا" دی گئی ہے تو اس قسم کے دور حکومت کو طاغوتی کہنا کوئی ایسا غلط بھی نہیں ہے۔

واللہ اعلم

منتظمین

حیدر شائد اپ اس فتوی کے پیچھے چھپے فتنے کو پہچان نہیں‌پا رہے۔ یہ فتوی نہیں ایک بہت بڑا فتنہ ہے اور اس کی حکومتی سرپرست پر بھی میں یقین نہیں کرتا ہوں، یہ فتوئ مسلمان ممالک میں قتل و غارت کا دروازہ کھولنے کے مترادف ہے۔ اگر اپ اس بات پر متفق ہو جائیں کہ یہ نظام "طاغوت" ہے تو پھر اس نظام کے خلاف لڑنا جائز اور اس لڑائی میں قتل ہونے والے لوگوں کا خون بھی مباح ہے۔ یہ القائدہ اور اس طرح‌کی دوسری فتنہ پرور جماعتوں کا طریقہ واردات ہے۔ یہ پہلے اپنے اقدامات کو جواز فراہم کرتے ہیں۔۔۔ اور اس کے بعد قتل و غارت کا بازار گرم کرتے ہیں۔۔۔
سرسری طور پر اس طرح‌ کے فتوے نماں‌ فتنوں کی سمجھ کم ہی آتی ہے۔ یہ اس قسم کے فتنوی کا ہی کمال ہے کہ صیح حدیث کو جھٹلا کر مسلمان ممالک میں خود کش دھماکوں‌ کا جواز پیدا کیا گیا ہے کہ خودکش دھماکہ کرنے والا اور اس میں مرنے والوں‌ دونوں‌ کو جنت دی جاتی ہے۔۔۔ ملا کا ہی کمال ہے کہ جس کو چاہے جنت دے اور جس سے چاہے یہ چھین لے۔۔۔ ویسے اسلامی طور پر جنت کا اخیتار اللہ کے پاس تھا۔


والسلام

jasmin rana

sorry guys i cannot read long text

عبداللہ آدم

بصد ادب گزارش کروں گا کہ اگر جناب اجنبی صآحب "طاغوت" کی بنیادی تعریف اور اس کے بعد "جمہوریت" کی بنیادی تعریفات و دائرہ عمل پر ایک نظر فرما لیں گے تو یہ غلط فہمی دور ہونا کوئی دیر کی بات ہے::

طاغوت:: "" ہر وہ چیز جس کی اللہ کے علاوہ عبادت کی جاتی ہو اور وہ اس پر راضی ہو""

جمہوریت:: ""عوام کی حاکمیت،عوام کے ذریعے عوام پر"" .

اب یہ "حاکمیت" عبادت میں داخل ہے اور اس کا ایک جزء ہے............... جب "حکم" اللہ کے علاوہ غیر اللہ کا چلے گا.... خواہ وہ کسی بھی نظام، فرد، یا گروہ کا حکم ہو..... تو یہ اس فرد، نظام، گروہ کی عبادت شمار ہو گی.......!!!

دلیل:: أَلَمْ تَرَ إِلَى الَّذِينَ يَزْعُمُونَ أَنَّهُمْ آمَنُواْ بِمَا أُنزِلَ إِلَيْكَ وَمَا أُنزِلَ مِن قَبْلِكَ يُرِيدُونَ أَن يَتَحَاكَمُواْ إِلَى الطَّاغُوتِ وَقَدْ أُمِرُواْ أَن يَكْفُرُواْ بِهِ وَيُرِيدُ الشَّيْطَانُ أَن يُضِلَّهُمْ ضَلاَلاً بَعِيدًا

کیا آپ نے اِن (منافقوں) کو نہیں دیکھا جو (زبان سے) دعوٰی کرتے ہیں کہ وہ اس (کتاب یعنی قرآن) پر ایمان لائے جوآپ کی طرف اتارا گیا اور ان (آسمانی کتابوں) پر بھی جو آپ سے پہلے اتاری گئیں (مگر) چاہتے یہ ہیں کہ اپنے مقدمات (فیصلے کے لئے) شیطان (یعنی احکامِ الٰہی سے سرکشی پر مبنی قانون) کی طرف لے جائیں حالانکہ انہیں حکم دیا جا چکا ہے کہ اس کا (کھلا) انکار کر دیں، اور شیطان تویہی چاہتا ہے کہ انہیں دور دراز گمراہی میں بھٹکاتا رہے

راس المفسرین امام ابن کثیر اس آیت کی تفسیر میں فرماتے ہیں::

"" هذا إنكار من الله عز وجل على من يدعي الإيمان بما أنزل الله على رسوله، وعلى الأنبياء الأقدمين، وهو مع ذلك يريد أن يتحاكم في فصل الخصومات إلى غير كتاب الله وسنة رسوله، كما ذكر في سبب نزول هذه الآية أنها في رجل من الأنصار ورجل من اليهود تخاصما، فجعل اليهودي يقول: بيني وبينك محمد، وذاك يقول: بيني وبينك كعب بن الأشرف. وقيل: في جماعة من المنافقين ممن أظهروا الإسلام، أرادوا أن يتحاكموا إلى حكام الجاهلية. وقيل غير ذلك، والآية أعم من ذلك كله، فإنها ذا مة لمن عدل عن الكتاب والسنة، وتحاكموا إلى ما سواهما من الباطل، وهو المراد بالطاغوت ههنا، ولهذا قال: { يُرِيدُونَ أَن يَتَحَاكَمُوۤاْ إِلَى ٱلطَّـٰغُوتِ } إلى آخرها. وقوله: { يَصُدُّونَ عَنكَ صُدُوداً } أي: يعرضون عنك إعراضاً كالمستكبرين عن ذلك""
ترجمہ::
"" یہاں اللہ تعاٰلی اس شخص کا رد فر ما رہے ہیں جو اللہ و رسول اور پہلے انبیاء پر یمان کے دعوے تو کرتے ہیں لیکن اس کے ساتھ ساتھ نزاعات کے فیصلے اللہ کی کتاب اور سنت کو چھوڑ کر غیروں سے کرواتے پھرتے ہیں. جیسا کہ اس آیت کے سبب نزول میں اس بات کا ذکر ہے کہ انصار میں سے ایک شخص تھا جس کا یہود کے ایک آدمی کے ساتھ جھگڑا ہو گیا،تو یہودی نے کہا کہ ::"میرے تمہارے درمیان محمد صلی اللہ علیہ و سلم ہیں(یعنی وہ ہمارا فیصلہ کریں گے(" لیکن انصاری نے کہا کہ" میرے اور تمہارے درمیان کعب بن اشرف(یہودی سردار( ہو گا". اور یہ بھی کہا جاتا ہے کہ یہ آیت منافقین کی ایک جماعت کے بارے میں نازل ہوئی تھی جو اسلام کا اظہار کرتے تھے لیکن اپنے فیصلے جاہلیت کے فیصلہ سازوں سے کروانا چاہتے تھے، اور اسی طرح دوسروں کے بارے میں بھی آتا ہے، لیکن آیت عام ہے اور اس کے ضمن میں سب داخل ہیں ، اور آیت ہر اس شخص کے بارے میں ہے جو کتاب و سنت کو چھوڑ کر ان کے علاوہ باطل سے فیصلے کرے، اور یہاں "طاغوت" سے مراد یہی ہے اور اسی لیے ارشاد ہوا کہ:(یریدون ان یتحاکموا الی الطاغوتٌ. ترجمہ:: وہ یہ چاہتے ہیں کہ اپنے فیصلے طاغوت سے کروائیں""
تفسیر ابن کثیر::سورۃ النساء آیت 60.

اگلی آیت کریمہ میں فرمایا::
وَإِذَا قِيلَ لَهُمْ تَعَالَوْاْ إِلَى مَا أَنزَلَ اللّهُ وَإِلَى الرَّسُولِ رَأَيْتَ الْمُنَافِقِينَ يَصُدُّونَ عَنكَ صُدُودًا

اور جب ان سے کہا جاتا ہے کہ اللہ کے نازل کردہ (قرآن) کی طرف اور رسول(صلی اللہ علیہ وآلہ وسلم) کی طرف آجاؤ تو آپ منافقوں کو دیکھیں گے کہ وہ آپ (کی طرف رجوع کرنے) سے گریزاں رہتے ہیں

اسلام کی گزری 14 صدیوں کے تمام اہم سکالرز مسئلہ حاکمیت کو اور بالخصوص جمہوریت کے بطور نطام سامنے آجانے کے بعد بے شمار علماء اس کی طاغوتی حیثیت کو بیان کر چکے ہیں.... سید مودودی، سید قطب کا تو نام ویسے ہی آج کل بدنام کیا جاتا ہے، ان کے علاوہ بھی محدث دیار مصر علامہ احمد شاکر اور علامہ محمود شاکر ، علامہ اقبال،مولانا صدر الدین اصلاحی اور بے شمار دوسرے علماء و مفکرین مغربی نظاموں کی حیثیت کا پول کھل چکے ہیں.....

والسلام

منتظمین

میرے نزدیک ایسے لوگ فساد فی الارض‌ کے مرتکب ہیں‌جو القاعدہ اور اس جیسی تنظیموں کو قتل و غارت کرنے کا لائسنس ان فتوئ نما فتنوں سے دیتے ہیں۔ ان کے ساتھ وہی سلوک کیا جانا چاہیے جو قرآن میں‌ فساد فی الارض والوں‌کے ساتھ کیا جانے کا حکم ہے۔۔۔

خارجیوں کا سب سے بڑا نعرہ کیا تھا ذرا اس کو بھی دہرا دیں‌ تاکہ اجکل کے خارجیوں اور ان خارجیوں‌ میں‌ تعلق واضح‌ ہو جائے۔۔۔۔

والسلام

اویسی

الملک اللہ الحکم اللہ

راجہ اکرام

برادرم عبارت درست کر لیں ۔۔ شکریہ

محمد عاصم

خارجیوں کا نعرہ تھا کہ حاکم صرف اللہ ہے۔
اس کی تفصیل بعد میں دونگا ان شاءاللہ، ابھی دوکان پر جانے کی تیاری کر رہا ہوں۔

__________________
http://muslim-islamicpoint.blogspot.com

عبداللہ آدم

تو کیا ہم ان کے نعرے کی وجہ سے حقیقت سے نظریں پھیر لیں؟؟ یہ تو قرآن کی ایت بھی کہتی ہیں

یہ ایک دوسری انتہا ہو گی محترم۔۔۔۔۔۔۔۔۔۔۔۔۔۔۔۔۔

قران کی آیات احادیث اور ائمہ سلف کا منہج اس سارے طرز فکر کو ہم تکفیری کہیں گے تو ہمارے پاس کیا بچے گا پھر؟؟

یہ عبارات بھی قابل غور ہیں اوپر کے مضمون کی::

""[I"][ ہمیں تسلیم ہے کہ کئی ملکوں میں ایسے چھوٹے چھوٹے گروپ بھی پائے گئے ہیں جو واقعی تکفیری تھے اور جنہوں نے حکمرانوں کی تکفیر پر ہی بس نہ کی مسلمان ملکوں میں پوری کی پوری فوج، پولیس، سرکاری ملازمین حتی کہ عوام الناس اور علماءو مشائخ تک پر بلا تفریق و امتیاز تکفیر کی مشین چلائی۔ اس فتنہ کی ابتداءمصر میں ’جماعت التکفیر والھجرہ‘ سے ہوئی اور پھر دیکھتے ہی دیکھتے بہت سارے ملکوں میں اسکے چربے تیار ہوئے۔ مگر ایسے گمراہوں کی تعداد کہیں بھی الحمد ﷲ درجنوں سے تجاوز نہ کر پائی۔ جبکہ مروجہ نظاموں اور حکمرانوں سے براءت کی بات کرنے والی اصولی تحریکوں کے لوگ ہزاروں میں رہے ہیں۔پھر یہ بات بھی معلوم ہے کہ ان تکفیری گروہوں کی سب سے زیادہ مذمت ان اصولی تحریکوں کی جانب سے ہی ہوئی ۔ یہ صرف میڈیا اور سرکار کے وظیفہ خوار مولویوں کی کرشمہ سازی تھی کہ ایسے چند گمراہوں کی کالک ہر ایسی تحریک اور شخصیت کے چہرے پر مل دینے کی کوشش ہوتی رہی جو کسی بھی مسلمان خطے میں حقیقی اصلاح کا علم لے کر اٹھی یا آئیندہ اٹھے گی۔

پھر یہ بات تو شاید بہت کم لوگ جانتے ہونگے کہ تکفیریوں کے یہ ٹولے بھی درون خانہ سرکار ہی کے پروردہ تھے اور انکی خفیہ پشت پناہی کا کام کچھ ہی دیر کے اندر مصر سے سعودی انٹیلی جنس کے سپرد ہو گیا۔ اس کے پیچھے جو مقصد کار فرما تھا وہ یہ کہ خالص عقیدہ کی ترجمان اسلامی تحریکوں کو بد نام کیا جائے اور انکے نا پختہ اور جذباتی نوجوانوں کو معاشروں کی تکفیر کی ڈالی پر لگا کر انکی صلاحیتیں ضائع کروائی جائیں، پھر ہو سکے تو قبل از وقت کارروائیوں میں الجھا کر بھی انکو خراب کیا جائے اور انکی قوت پر امن طور پر بڑھنے سے روک دی جائے۔ واقفان حال تو یہ بھی جانتے ہیں کہ آج سے بیس سال پہلے سعودی عرب میں ’حرم پر قبضہ کروانے کا مشہور واقعہ اسی سلسلہ کی ایک کڑی تھی جس کا مقصد وہاں اصلاح کے عمل کو سبوتاژ کرنا اور ناقابل تلافی نقصان پہنچانا تھا۔ اور اس طرح اصلاح اور تبدیلی کے عمل کو کئی عشروں تک کےلئے پیچھے دھکیل دینے میں بالفعل کامیابی حاصل کر بھی لی گئی۔ ومکروا مکرھم و عند اﷲ مکرھم وان کان مکرھم لتزول منہ الجبال][/FONT] ""[/I]

کیا نظام کا انکار کرنے والے تکفیری کہلائیں گے سب کے سب؟؟

والسلام

منتظمین

کیا مسلمان ملکوں میں مسجدوں میں آذانیں ہو رہی ہیں؟ لوگوں کو نماز پڑھنی کی آذادی ہے؟‌ کیا ہر مسلمان اپنے عقیدے پر عمل کر سکتا ہے؟‌کیا وہ زکواہ دے سکتا ہے؟‌ کیا وہ خیر کے عمل کر سکتا ہے؟‌ اگر کسی بھی ملک میں ایک شخص‌یہ کام کرسکتا ہے تو اپ اس ملک کے نظام کو طاغوت نہیں کہ سکتے اور نہ ہی ایسے حکمران کو جو ان سب اعمال کی اجازت دیتا ہو۔۔۔۔ اپ نظام کی بہتری کے لیے کام کرنے کی بات کر سکتے ہیں‌ لیکن اس کو طاغوت نہیں کہ سکتے۔۔۔ فتنہ باز فتوی بازوں کی چالاکیوں کو سمجھنے کی اشد ضرورت ہے۔۔۔