محمد عاصم

( احمد: باقی مسند الانصار۔ عوف بن مالک رضی اللہ عنہ

محمد عاصم

(الف) قرآن وسنت سے خلیفہ’’ سلطان ومقتدر‘‘ کے علاوہ نائب، جانشین اور وارث کے طور پر بھی سامنے آتا ہے مگر خلیفہ سے لازماً سلطان ومقتدر ہی مراد لینے پر آخر کیوں زور دیا جارہا ہے ؟

عبداللہ آدم

السلام علیکم::

جزاک اللہ عاصم بھائی کہ اس سلگتے سوال پر آپ نے لکھا.لیکن آخری سطور پر کچھ عرض کروں گا.

حزب التحریر کا بھی غالبا یہی کہنا ہے...................لیکن سمجھ یہ نہیں آتی کہ جب سلطنت ہی نہیں ہے تو خلیفہ کیسا اور بیعت کس کیسی؟؟؟؟

بھائی پہلے خلافت قائم ہو گی جیسےافغانستان میں حکومت ملی تو ملا عمر امیر بنے.............

ورنہ ہوائی خلفاء اس وقت بھی عالم اسلام میں 4،5 موجود ہیں.

والسلام

__________________
قال الشيخ محمد نجيب المطيعي - رحمه الله- في تصوير طبيعة طريق المجاهد :
"وإنما يجاهد المؤمن في الله جهاده، إن أخفق فإفادة أو أوذي فإرادة، أو نفي فريادة،
أو سجن فعبادة، أو عاش فقيادة، أو مات فشهادة، فله الحسنى وزيادة"

محمد عاصم

والسلام علیکم

بھائی میرے میرا حزب التحریر سے دور کا بھی تعلق نہیں ہے اور آج تک ان کے کسی ایک بھی ساتھی سے ملاقات نہیں ہوئی ہے اگر پھر بھی ان کا بھی ایسا ہی موقف ہے تو صحیح ہے کیونکہ کہ اقتدار و سلطنت کی شرط قرآن و سنت میں کہیں بھی نظر سے نہیں گزری ہے اگر ایسی کوئی نص ہے تو بھائی آپ مجھے بتائیں تاکہ میں اپنی اصلاح کر سکوں۔
اور آپ سے درخواست ہے کہ اگر آپ اس کو لازمی سمجھتے ہیں تو آخری پوسٹ میں جو سوالات کیے گے ہیں ان کا جواب قرآن و سنت کی روشنی میں عنایت فرما کر اللہ سے جزا پائیں اور اپنے بھائی کی اصلاح فرمائیں۔
جزاک اللہ
اور اگر ہوسے تو ان کے بارے میں مجھے بتائیں تاکہ میں ان سے رابطہ کر سکوں میرے علم میں ایسا ابھی تک نہیں ہے کہ ۴۔۵ خلفاء موجود ہیں۔

عبداللہ آدم

السلام علیکم::

بھائی جان سادہ سی بات ہے کہ مکہ میں نبی صلی اللہ علیہ و سلم کے پاس سلطہ نہیں تھا اور طاقت و قوت نہیں تھی تو وہاں آپ کی طرف سے "حکومت" یا "خلافت" کا اعلان نہیں کیا گیا اور نہ ہی اس سلسلے میں بیعتکی گئی.

پھر جب آپ نے مدینہ ہجرت کی تو علاقہ میسر آ گیا تو آپ نے یہود سے معاہدہ کر کے علاقے کو زیر نگین کیا اور پھر آپ ایک حکمران کی حیثیت سے بھی سامنے آئے.

تو خلافت کے لیے "زمین" اور "سلطہ" شرط ٹھری،اس لیے کہ خلافت اللہ کی زمین پر اللہ کا قانون نافذ کرنے،اور دوسرے جن بڑے بڑے امور پر مشتمل ہے وہ "غلبے" کے بغیر قائم ہونے ناممکن ہیں!!!جب یہ نہیں ہیں تو خلافت نہیں ہے اور خلیفہ بلا خلافت ایسےہی ہے جیسے جلاوطن حکمران کہ جس کی کوئی بھی عملی حیثیت نہیں ہوتی...........

حزب التحریر کے بھائی پہلے خلافت کی بجائے پہلے خلیفہ کے اسی نظریے کے قائل ہیں اور باقاعدہ ایک خلیفہ سے بیعت بھی کرتے ہیں لیکن وہ خود بے چارہ برطانیہ میں ہے!!!اور برطانیہ نے اسی لیے کبھی اس پر اعتراضنہیں کیا کیونکہ وہ ان کے لیے کوئی مسئلہ نہیں ہے..................اب کہاں تو عمر کا نام سن کر قیصر و کسرٰی کانہنے لگیں اور کہاں ان ڈمی خلفاء کا کسی بات پر بھی قادر نہ ہونا جو خلافت کے لیے لازمی ہیں.

اور صحیح طریقہ بہت سادہ سا ہے کہ::

1:: باطل نظاموں کو گرانے کے لیے جدوجہد کی جائے جس میں::

- لوگوں کو ان نظاموں کے باطل ہونے سے اور توحید کے صریحا متصادم ہونے سے روشناس کروایا جائے.
-ذیلی باتوں میں ان سسٹمز کی سنگینی کو کم ہونے کا موقع دیے بغیر انفرادی سطح پر اور اجتماعی سطح پر ان نظاموں سے اپنا عقیدے کا اختلاف واضح کیا جائے.مثلا حاکمیت،حلال وحرام،الولاء والبراء
کفر بالطاغوت جیسے بنیادی موضوعات میں.
-مناسب قوت اور جمیعت کے حصول کے بعد ان نظاموں سے عملا چھٹکارا حاصل کیا جائے.

2:: ان نظاموں کے ٹوٹنے کے بعد جو لوگ جدوجہد میں صف اول کے ہوں وہ اور ان کے ساتھ ساتھ دوسرے اہل حل و عقد خلیفہ کا تقررکر دیں.

والسلام

محمد عاصم

عبداللہ آدم بھائی آپ نے لکھا کہ

قرآن و سنت میں خلیفہ اورخلافت کے ایک سے زیادہ مفاہیم سامنے آتے ہیں ان میں سے خلیفہ کاایک فہم’’ سلطان و مقتدر‘‘اور خلافت کاایک فہم ’’سلطنت واقتدار‘‘ بھی ہے لیکن اکثر لوگ یہ فیصلہ کئے بیٹھے ہیں کہ خلیفہ لازماً وہی ہوتا ہے جو سلطنت و اقتدار اور مضبوط افواج کا حامل ہو اور یہ کہ خلیفہ مقرر ہی نہیں کیا جا سکتا جب تک کہ اہل ایمان کو سلطنت و اقتدار حاصل نہ ہو جائے چنانچہ وہ کسی سلطان ومقتدر خلیفہ اور سلطنت واقتدار اورمضبوط افواج والی خلافت کے انتظار میں ’’وحدتِ اُمت‘‘ کے فرض کو مؤخر کئے بیٹھے ہیں۔ اس حوالے سے درج ذیل سوالات قابل ِ غور ہیں

(

(

وَ اَطِیْعُواللّٰہَ وَرَسُوْلَہٗ وَ لَا تَنَازَعُوْا فَتَفْشَلُوْا وَتَذْھَبَ رِیۗحُکُمْ وَاصْبِرُوْا

(

٭٭

اس مسئلے پر میری فیس ٹو فیس کافی اہلِ علم حضرات سے بات چیت ہوچکی ہے الحمدللہ کچھ نے تو تعید کی اور کچھ نے مخالفت ، خیر یہ سب کا حق ہے چاہے تو مانے اور چاہے تو نہ مانے کسی پر کوئی زبردستی نہیں کی جاسکتی، آپ جو بہتر سمجھتے ہیں وہ پیش کریں دلیل کے ساتھ اور میں جو بہتر سمجھتا ہوں وہ پیش کرونگا قرآن وصحیح حدیث کی دلیل سے ان شاءاللہ۔

محمد عاصم

یحیی ولید ابن جابر بسر ابوادریس سے بیان کرتے ہیں وہ کہتے ہیں کہ میں نے حذیفہ رضی اللہ تعالیٰ عنہ بن یمان کو یہ کہتے ہوئے سنا کہ لوگ (اکثر) رسول اللہ صلی اللہ علیہ وسلم سے خیر کی بابت دریافت کرتے رہتے تھے اور میں آپ صلی اللہ علیہ وآلہ وسلم سے شر اور فتنوں کی بابت پوچھا کرتا تھا اس خیال سے کہ کہیں میں کسی شر و فتنہ میں مبتلا نہ ہو جاؤں۔ ایک روز میں نے عرض کیا کہ یا رسول اللہ! ہم جاہلیت میں گرفتار اور شر میں مبتلا تھے پھر اللہ تعالیٰ نے ہم کو اس بھلائی (یعنی اسلام) سے سرفراز کیا کیا اس بھلائی کے بعد بھی کوئی برائی پیش آنے والی ہے؟ فرمایا ہاں! میں نے عرض کیا اس بدی و برائی کے بعد بھلائی ہو گی؟ فرمایا ہاں! لیکن اس میں کدورتیں ہوں گی۔ میں نے عرض کیا وہ کدورت کیا ہو گی؟ فرمایا کدورت سے مراد وہ لوگ ہیں جو میرے طریقہ کے خلاف طریقہ اختیار کر کے اور لوگوں کو میری راہ کے خلاف راہ بتائیں گے تو ان میں دین بھی دیکھے گا اور دین کے خلاف امور بھی ہیں۔ عرض کیا کیا اس بھلائی کے بعد بھی برائی ہو گی؟ فرمایا ہاں! کچھ لوگ ایسے ہوں گے جو دوزخ کے دروازوں پر کھڑے ہو کر لوگوں کو بلائیں گے جو ان کی بات مان لیں گے وہ ان کو دوزخ میں دھکیل دیں گے۔ میں نے عرض کیا یا رسول اللہ! ان کا حال مجھ سے بیان فرمائیے ،فرمایا وہ ہماری قوم سے ہوں گے اور ہماری زبان میں گفتگو کریں گے۔ میں نے عرض کیا اگر میں وہ زمانہ پاؤں تو آپ صلی اللہ علیہ وآلہ وسلم مجھ کو کیا حکم دیتے ہیں فرمایا مسلمانوں کی جماعت

صحیح بخاری:جلد دوم:باب:

اس حدیث میں جو کہا گیا ہے کہ

حضرت حذیفہ بن یمان رضی اللہ تعالیٰ عنہ سے روایت ہے کہ صحابہ کرام رضی اللہ تعالیٰ عنہ تو رسول اللہ صلی اللہ علیہ وسلم سے خیر وبھلائی کے متعلق سوال کرتے تھے اور میں برائی کے بارے میں اس خوف کی وجہ سے کہ وہ مجھے پہنچ جائے سوال کرتا تھا میں نے عرض کیا اے اللہ کے رسول ہم جاہلیت اور شر میں تھے اللہ ہمارے پاس یہ بھلائی لائے تو کیا اس بھلائی کے بعد بھی کوئی شر ہوگا آپ صلی اللہ علیہ وسلم نے فرمایا ہاں میں نے عرض کیا کیا اس برائی کے بعد کوئی بھلائی بھی ہوگی آپ صلی اللہ علیہ وسلم نے فرمایا ہاں اور اس خیر میں کچھ کدورت ہوگی میں نے عرض کیا کیسی کدورت ہوگی آپ صلی اللہ علیہ وسلم نے فرمایا میری سنت کے علاوہ کو سنت سمجھیں گے اور میری ہدایت کے علاوہ کو ہدایت جان لیں گے تو ان کو پہچان لے گا اور نفرت کرے گا میں نے عرض کیا کیا اس خیر کے بعد کوئی برائی ہوگی آپ صلی اللہ علیہ وسلم نے فرمایا ہاں جہنم کے دروازوں پر کھڑے ہو کر جہنم کی طرف بلایا جائے گا جس نے ان کی دعوت کو قبول کرلیا وہ اسے جہنم میں ڈال دیں گے میں نے عرض کیا اے اللہ کے رسول آپ صلی اللہ علیہ وسلم ہمارے لئے ان کی صفت بیان فرما دیں آپ صلی اللہ علیہ وسلم نے فرمایا ہاں وہ ہماری قوم سے ہوں گے اور ہماری زبان میں گفتگو کریں گےمیں نے عرض کیا اے اللہ کے رسول اگر یہ مجھے ملے تو آپ صلی اللہ علیہ وسلم کیا حکم فرماتے ہیں آپ صلی اللہ علیہ وسلم نے فرمایا مسلمانوں کی جماعت

صحیح مسلم:جلد سوم:کتاب :

حضرت ثوبان سے روایت ہے کہ رسول اللہ صلی اللہ علیہ وسلم نے فرمایا اللہ تعالی نے زمین کو میرے لئے سمیٹ دیا تو میں نے اس کے مشرق اور مغرب کو دیکھا اور جہاں تک کی زمین میرے لئے سمیٹ دی گئی تھی وہاں تک، عنقریب میری امت کی سلطنت وحکومت پہنچ جائے گی اور مجھے سرخ اور سفید دو خزانے عطا کئے گئے اور میں نے اپنے رب سے اپنی امت کے لئے دعا مانگی کہ وہ انہیں عام قحط سالی میں ہلاک نہ کرے اور اپنے علاوہ ان پر کوئی ایسا دشمن بھی مسلط نہ کرے جو ان سب کی جانوں کی ہلاکت کو مباح جائز سمجھے اور میرے رب نے فرمایا اے محمد جب میں کسی بات کا فیصلہ کر لیتا ہوں تو اسے تبدیل نہیں کیا جاتا اور بے شک میں نے آپ صلی اللہ علیہ وسلم کی امت کے لئے فیصلہ کرلیا ہے کہ انہیں عام قحط سالی کے ذریعہ ہلاک نہ کروں گا اور نہ ہی ان کے علاوہ ان پر ایسا کوئی دشمن مسلط کروں گا جو ان سب کی جانوں کو مباح وجائز سمجھ کر ہلاک کر دے اگرچہ ان کے خلاف زمین کے چاروں اطراف سے لوگ جمع ہو جائیں،

صحیح مسلم:جلد سوم:

اس میں پیش کی جانی والی نشانی کہ امت خود آپس میں ہی لڑئے گی اور قتل کریں گے اور آپس میں ایک دوسرے کو قیدی بنائیں گے آج کل حقیقت میں ایسا ہورہا ہے کفار بھی مل کر ہیۢ مسلمانوں کو قتل کرنے پر تلے ہوئے ہیں اور ہم خود بھی آپس میں لڑ رہے ہیں اور یقیناً یہ چیز بشارت نہیں ہے بلکہ وعید ہے کہ اگر ایسا ہو تو ان سب سے لاتعلق ہوجانا اور اگر امام شرعی مل جائے تو اس کو لازم پکڑ لینا اور اگر نہ ملے تو سب فرقوں سے اپنا ناطہ توڑ لینا اور بھی اسی مفہوم کی کافی احادیث موجود ہیں اگر وہ بھی لکھوں تو مضمون مزید لمبا ہوجائے گا۔

محمد عاصم

اقتباس:

اور صحیح طریقہ بہت سادہ سا ہے کہ:: 1:: باطل نظاموں کو گرانے کے لیے جدوجہد کی جائے جس میں::

اقتباس:

اجتماعی سطح پر ان نظاموں سے اپنا عقیدے کا اختلاف واضح کیا جائے.مثلا حاکمیت،حلال وحرام،الولاء والبراء کفر بالطاغوت جیسے بنیادی موضوعات میں.

اقتباس:

2:: ان نظاموں کے ٹوٹنے کے بعد جو لوگ جدوجہد میں صف اول کے ہوں وہ اور ان کے ساتھ ساتھ دوسرے اہل حل و عقد خلیفہ کا تقررکر دیں.

اس بات پر مجھے اختلاف ہے اور اس کی وجہ وہی ہے افغانستان والا تجربہ وہاں ہونا تو وہی چاہیے تھا کہ جس کے لیے ۱۵۰۰۰۰۰ پندراں لاکھ مسلمان قتل کیے گے:::۱۹۹۲ءتک::: مگر ہوا اس کے خلاف تھا کہ سبھی صف اول کے مجاہدین آپس میں ہی لڑ پڑے اور اقامتِ دین تو دور کی بات وہ ایک متفقہ حکومت بھی نہ بناسکے، تو پھر کیا ہوا کہ جس کمانڈر کے قبضے میں جو علاقہ تھا وہی اس علاقے کا حکمران بن گیا اور عوام کا جینا حرام کردیا گیا تھا، یہ سب کباحتیں اسی فرقہ پرستی کی ہی ہیں، اگر افغان جہاد کے شروع میں ہی ایک جماعت ہوتی اور سبھی لوگ اسی جماعت کے پلیٹ فارم سے جہاد کرتے تو کیا پھر خانہ جنگی ہونی تھی؟؟؟ یقیناً نہیں ہونی تھی، اور میرا بھی اس ساری تحریر کا مقصد یہ ہے کہ ہمیں سب سے پہلے اپنی صفوں میں اتحاد پیدا کرنا ہے اپنا امامِ شرعی پہلے بنانا ہے پھر اس کے پیچھے ہوکر کفار کے نظاموں کے خلاف جہاد کرنا ہے تو ہی امید کی جاسکتی ہے کہ اللہ ہمیں فتح دے گا ان شاءاللہ

یہ ایک چھوٹا سا اقتباس اپنی تحریر اسلام میں بیعت کس کی ہے؟ سے دینا چاہتا ہوں۔

ان سب احادیث کو سامنے رکھیں تو یہ بات واضح ہوتی ہے کہ بیعت خلیفہ، امام،امیر المومنین کا حق ہے یہ حق کسی اور کے پاس ہے نہ ہی کسی اور کو یہ حق دیا جاسکتا ہے کیونکہ یہ حق خلیفہ نے خود اپنے لیے مخصوص نہیں کیا بلکہ یہ نبی علیہ السلام کا حکم ہے کہ خلیفہ کے ہاتھ پر بیعت کی جائے اور یہ بھی حکم دے دیا گیا کہ اگر ایک خلیفہ کے ہوتے کوئی اور اُٹھے اور بیعت لے تو اس کو قتل کیا جائے تاکہ امتِ محمد صلی اللہ علیہ وآلہ وسلم میں تفرقہ پیدا نہ ہو اور یہ آپس میں متحد رہیں قرآن میں بھی اس بات پر بہت زور دیا گیا ہے کہ اجتماعیت کو قائم کیا جائے اور تفرق سے بچا جائے بعض جگہ تفرق کو مشرکین کا فعل کہا گیا اور اس سے مسلمانوں کو ڈرایا گیا کہ مشرکین کی طرح متفرق نہ ہوجانا، ان سب احکامات کے ہوتے ہوئےپھر کس دلیل و نص کے ساتھ ایسا سسٹم ایجاد کیا گیا ہے کہ جس کی وجہ سے امت میں ہزاروں خلفاء بنا لیے گئے ہیں اور جو دین ہم کو ہر جگہ اتحاد کا درس دیتا ہے وہی دین ہم کو انتشار کا درس کس طرح دے سکتا ہے؟؟؟اور اس سے تو بیعت کا مقصد ہی فوت ہوجاتا ہے،بیعت کا ایک مقصد یہ بھی ہے کہ امت کو ایک امام و خلیفہ دیا جائے جو لوگوں کی سیاست و امارت کرئےاور جس کے ذریعہ کفار سے جہاد کیا جائے اور جس امام کو امت کا سر

اللہ سے دعا ہے کہ وہ حق بات کرنے اور حق بات کو قبول کرنے کی ہمت و طاقت دے آمین

عبداللہ آدم

السلام علیکم::

عاصم بھائی اجمالا آپ کے جوابکامطالعہ کیا ہے اور اس نتیجے پر پہنچا ہوں کہ آپ آئیڈیل ازم سے کم پر راضی نہیں ہیں..................

آپ نےبالکل بجا فرمایا ہے کہ یہ سب اقدامات ایک امیر کے ماتحت ہونے چاہیں..............لیکن بات پھر گھوم پھر کر وہیں آجاتی ہے کہ آج جبکہ ہمیں 56 ٹکڑوں میں بانٹ دیا گیا ہے تو اسی طرح ہم مسلکوں سے بھی نچلی سطح پر بھی بٹے ہوئے ہیں................ایسے میں ہر گروہ اول تو اس ساری بات کو ہی تسلیم نہیں کرتا اور اگر کر بھی لے تو ہر کوئی اپنا اپنا خلیفہ لے آئے گا جیسا کہ حزب التحریر اور 2،3 دوسری جماعات اس وقت بی اپنے اپنے خلافاء رکھتی ہیں اور ان کی بیعت ہیں................

فائدہ؟؟؟؟؟؟؟//کچھ بھی نہیں ............

جاری ہے

محمد عاصم

اپنا اپنا امیر تب ہی کوئی لائے گا جب لوگوں میں تفرقہ بازی رہے گی اسی کو تو ختم کرنے کی ضرورت پر زور دیا گیا ہے بھائی جان، لوگوں میں یہ شعور پیدا کرنے کی کوشش کرنا کہ اسلام ہمیں آپس میں متحد رہنے کا درس دیتا ہے اور دینِ اسلام میں گروپ بندی، جماعت سازی حرام قطعی ہے اور دین صرف اور صرف قرآن اور صحیح حدیث میں ہی ہے باقی کسی کی سوچ و فہم اس کے لیے تو قابلِ عمل ہوسکتی ہے مگر کسی دوسرے کے لیے نہیں جب اس کا شعور لوگوں میں آجائے گا تو لوگ خود ایسے شخص کا محاسبہ کرلیں گے جو کسی نئی جماعت کی بنیاد رکھے گا یا جو کوئی اپنی غلط سوچ کو دین بناکر پیش کرئے گا۔
آپ سے گزارش ہے کہ باقی ۲۔۳ اور جماعتوں کے خلفاء کا بھی بتادیں۔شکریہ

عبداللہ آدم

دیکھیں بھائی میں عملی بات کرنے کا قائل ہوں:::

ابھی سب سے پہلے کیا یوں کریں کہ ایک قریشی ہاشمی خلیفہ ڈھونڈ کر بیعت کریں
یا
نئے سرے سے کوئی اہل آدمی دیکھ کر خود ہی اسے اس منصب پر فائز کر دیں............

یاپھر کیا کریں؟؟؟؟؟؟؟؟

یاد رہے کہ پہلے سے کئی خلیفہ اس وقت موجود ہیں اور یہ بھی حدیث ہے کہ ایک کی موجودگی میں دوسرا نہیں ہو سکتا............

اب بتائیں کہ کیا کریں؟؟؟؟؟؟؟؟؟میں محض بحث برائے بحث نہیں کرنا چاہ رہا بلکہ چاند والے مسئلےکی طرح آپ کو احساس دلا رہاہوں کہ یہ سب عملا ممکن نہیں ہے...........

والسلام

محمد عاصم

افسوس ہوا آپ کے جواب پر
اس کا مطلب کہ ان لوگوں کی بات سچ ہے جو کہتے ہیں کہ ۱۴۰۰ سال پرانہ دین اب قابلِ عمل نہیں رہا۔
ٹھیک ہے میں کوشش کرونگا کہ آپ کے سوال کہ یہ اب سب کیسے ممکن ہے اس کا جواب دے سکوں۔
ان شاءاللہ

فاروق سرورخان

عاصم صاحب، سلام۔

چند سوالات:

1۔ خلیفہ کا انتخاب کیسے ہوگا؟
2۔ کیا خلیفہ اکیلا قانون سازی کرے گا یا اسکے ساتھ کوئی جماعت ہوگی؟
3۔ اس قانون ساز جماعت کا انتخاب کیسے ہوگا؟
4۔ کیا خلیفہ اکیلا عدالت لگائے گا یا ایک جماعت ہوگی؟
5۔ اگر عدل نافڈ کرنے والی جماعت ہوگی تو اس جماعت کا انتخاب کیسے ہوگا؟

قرآن حکیم کی صریح‌ آٰیات کی مدد سے جوابات دیجئے۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

حیدر Rehan

حاکمیت میں وحدت:
حاکمیت میں وحدت اس بات کی طرف سوچنے پر مجبور کرتی ہے کہ اللہ ، خالق، مالک اورحقیقی رب ہونے کی وجہ سے حقیقی معنوں میں حکومت کرنے کا حق اور سارے جہاں پر تصرف رکھتا ہے۔وہ اس حکومت کرنے کے حق کو اس زمین پر اپنے نبی اور ولی کو دے سکتا ہے اور یوں خدا کی پیروی میں نبی اور ولی بھی جہان میں تصرف اور امر و نہی کا حق رکھتے ہیں۔

النبِی ا ولیٰ بِالمؤمِنین مِن ا نفسِہِم وا زواجہ ا مہاتہم وأ ولوا الا رحامِ بعضہم ا ولیٰ بِبعضٍ فی کِتابِ اللہِ مِن المؤمِنین و المہٰجِرین ا ِلّا ان تفعلوا ِلیٰ ا ولِیائکِم معروفاً کان ذالکِ فِی الکِتابِ مسطوراً (الاحزاب6)

نبی مومنین کی جانوں پر خود ان سے زیادہ حق تصرف رکھتا ہے اور نبی کی ازواج ان کی مائیں ہیں اور کتاب اللہ کی رو سے رشتے دار آپس میں مومنین اور مہاجرین سے زیادہ حقدار ہیں مگر یہ کہ تم اپنے دوستوں پر احسان کرنا چاہو، یہ حکم کتاب میں لکھا ہوا ہے

یا یہا الذین آمنوا طیعوا اللہ و طیعوا الرسول و أولِی الامرِ مِنکم فأِن تنازعتم فی شی ئٍ فردوہ ِلیَ اللہِ و الرسولِ اِن کنتم تؤمِنون بِاللہِ و الیومِ الآخِرِ ذلکِ خیر و أحسن تأویلا (النسائ٥٩)

(اے ایمان والو! اللہ کی اطاعت کرو اور رسول کی اور تم میں سے جو صاحبان امر ہیں ان کی اطاعت کرو پھر اگر تمہارے درمیان کسی بات میں نزاع ہو جائے تو اس سلسلے میں اللہ اور رسول کی طرف رجوع کرو اگر تم اللہ اور روز آخرت پر ایمان رکھتے ہو یہی بھلائی ہے اور اس کا انجام بھی بہتر ہو گا)

ان آیتوں سے پتہ چلتا ہے کہ کسی کو بھی اللہ کے علاوہ دوسروں پر حکومت کرنے اور دوسروں کو اپنی اطاعت کی طرف دعوت دینے کا حق نہیں ہے۔
۔ قرآن میں اللہ کی صفات میں سے ایک صفت خلیفہ کا انتخاب ہے۔

و اِذ قال ربّک لِلملائکة اِِ ِنِّی جاعِل فِی الارضِ خلیفة قالوا ا تجعل فیہا من یفسِد فیہا و یسفکِ الدِماء و نحن نسبِح بحمدک و نقدِس لک قال ا ِنِّی ا علم ما لا تعلمون (البقرہ ٣٠)
(اور جب تیرے رب نے فرشتوں سے کہا: میں زمین میں ایک خلیفہ (نائب ) بنانے والا ہوں، فرشتوں نے کہا: کیا تو زمین میں ایسے کو خلیفہ بنائے گا جو اس میں فسادپھیلائے گا اور خون ریزی کرے گا؟جب کہ ہم تیری ثنا کی تسبیح اور تیری پاکیزگی کا ورد کرتے رہتے ہیں، (اللہ نے) فرمایا اسرار خلقت بشر کے بارے میں) میں وہ جانتا ہوں جو تم نہیں جانتے)

یا داوودا ِنا جعلنٰک خلیفة فِی الارضِ فاحکم بین الناسِ بِالحقِ و لا تتبِعِ الہویٰ فیضِلک عن سبیلِ اللہِ اِن الذین یضِلون عن سبیلِ اللہِ لہم عذاب شدید بِما نسوا یوم الحِسابِ (ص٢٦)

(اے داؤد!ہم نے آپ کو زمین میں خلیفہ بنایا ہے لہذا لوگوںمیں حق کے ساتھ فیصلہ کریں اور خواہش کی پیروی نہ کریں، وہ آپ کو اللہ کی راہ سے ہٹا دے گی، جو اللہ کی راہ سے بھٹکتے ہیں ان کے لیے یوم حساب فراموش کرنے پر یقینا سخت عذاب ہو گا )

ام یحسدون الناس علیٰ ما آتاہم اللہ مِن فضلِہِ فقد آتینا آل ِبراہیم الکِتاب و الحِکمة و آتیناہم ملکاً عظیماً (نسائ٥٤)
(کیا یہ( دوسرے) لوگوںسے اس لیے حسد کرتے ہیں کہ اللہ نے انہیں اپنے فضل سے نوازا ہے؟(اگر ایسا ہے) تو ہم نے آل ابراہیم کو کتاب و حکمت عطا کی اور انہیں عظیم سلطنت عنایت کی )

و جعلناہم ائِمة یہدون باِمرِنا و واحینا اِلیہِم فِعل الخیراتِ وا ِقام الصلاةِ وا یتاء الزکوةاِ وکانوا لنا عابِدین (انبیائ٧٣)
(اور ہم نے انہیں پیشوا بنایا جو ہمارے حکم کے مطابق رہنمائی کرتے تھے اور ہم نے نیک عمل کی انجام دہی اور قیام نماز اور ادائیگی زکواة کے لیے ان کی طرف وحی کی اور وہ ہمارے عبادت گزار تھے )

و نریدا ن نمن علی الذین استضعِفوا فِی الارضِ و نجعلہم ا ئِمة و نجعلہم الوارِثین ( قصص٥)
ّ(اور ہم یہ ارادہ رکھتے ہیں کہ جنہیں زمین میں بے بس کر دیا گیا ہے ہم ان پر احسان کریں اور ہم انہیں پیشوا بنائیں اور ہم انہی کو وارث بنائیں )
فہزموہم باِِذنِ اللہِ و قتل داوود جالوت و ء اتاہ اللہ الملک و الحکِمة و علمہ مِما یشاء و لو لا دفع اللہِ الناس بعضہم بِبعض لفسدتِ الارض و لکِن اللہ ذو فضل علی العالمین (بقرة ٢٥١)
(چنانچہ اللہ کے اذن سے انہوں نے کافروں کو شکست دی اور داؤد نے جالوت کو قتل کر دیا اور اللہ نے انہیں سلطنت و حکمت عطا فرمائی اور جو کچھ چاہا انہیں سکھا دیا اور اگر اللہ لوگوں میں سے بعض کا بعض کے ذریعے دفاع نہ فرماتا رہتا تو زمین میں فساد برپا ہو جاتا، لیکن اہل عالم پر اللہ کا بڑا فضل ہے )

قال ربِ اغفِر لی و ہب لی ملکاً لا ینبغی لاِحد مِن بعدی اِنک ا نت الوہاب (ص٣٥)
(کہا: میرے رب! مجھے معاف کر دے اور مجھے ایسی بادشاہی عطا کر جو میرے بعد کسی کے شایان شان نہ ہو، یقینا تو بڑا عطا کرنے والا ہے )

مندرجہ بالا اور دوسری آیتوں میں خلیفہ کا انتخاب کرنا اللہ کے اوصاف میں ایک وصف شمارکیا گیا ہے۔ اور لوگوں کے ذریعہ خلیفہ کو منتخب کیے جانے کا کہیں ذکر نہیں کیا گیا۔ کیونکہ اللہ اپنے علم سے یہ جانتا ہے کہ انسانوں کے لیے کیا صحیح ہے اور کون اس کی اس دنیا میں جانشینی اور دین خدا کو زمین پر نافذ کرنے کی شرائط رکھتا ہے۔

ان شرائط میں معصوم ہونا، اعلم اور افضل ہونا شامل ہیں اور صاف ظاہر یہ کہ یہ اوصاف کسی بھی شخص میں اگر موجود ہوں تو یہ اس کے باطن میں موجود ہوں گی اور ان اوصاف کو پھر وہی پہچان سکتا ہے کہ جو خود تمام حقیقتوں کا عالم ہو۔ کس طرح لوگ ان اوصاف کو پہچان سکتے ہیں جبکہ وہ خود صرف ظاہر کو دیکھ سکتے ہیں اور ان کی نگاہ سطحی ہے اور یہ سطحی نگاہ بہت آرام سے فریب کار افراد سے دھوکہ بھی کھا جاتی ہے۔

امامت جو کہ اِس زمین پر خدا کی خلافت ہے اور امام کا مشن انسانوں کے درمیان خدا اور اس کے دین کی حاکمیت کوقائم کرنا ہے۔
امامت اور امام کا انتخاب خدا کے کاموں میں سے ایک کام ہے کہ وہ بلند ترین معیار کے مطابق اپنا نمائندہ اور خلیفہ اس سرزمین پر منتخب کرے اور اس انتخاب میں عام لوگوں کا کوئی کردار نہیں ہے اور ان پر فرض ہے کہ خدا کے انتخاب کیے ہوئے ایسے معصوم اور الہی انسانوں کی اطاعت کریں۔

بس اللہ کے ذریعہ خلیفہ کے انتخاب کی مضبوط عقلی اور نقلی دونوںدلیلیں موجود ہیں اور یہ بات کہ اللہ اوراسکے رسول(ص) نے یہ اقدام عام لوگوں پر چھوڑ دیا تھا وہ کہ اپنے لیے خلیفہ خود منتخب کرلیں عقلی اور نقلی دلیل سے عاری ہے۔ اس طرح کے اعتراض کرنے والے کو چاہیے کہ یہ سوچیں کہ وہ کس طرح وہ عام لوگوں کے خلیفہ کے انتخاب کرنے کے قابل ہیں جبکہ اسکے خلاف شیعوں کے پاس عقلی اور نقلی دونوں دلیلیں موجود ہیں۔