:::::تین کاموں کے بارے میں رسول اللہ صلی اللہ علیہ وعلی آلہ وسلم نے قسم اٹھائی :::::

عبدالرحمن بن عوف رضی اللہ عنہُ سے روایت ہے کہ رسول اللہ صلی اللہ علیہ و علی آلہ وسلم نے فرمایا ((((( ثَلاثٌ أقسمُ عَليهِن (۱) ما نقصَ مالٍ قَط مِن صَدقةٍ فتَصدقُوا (۲) و لا عَفا رَجُلٌ عن مَظلَمة ظَلمَها إلا زادهُ اللَّهُ تعالى بِها عِزاً فاعفوا يزَدكم اللَّهُ عِزاً (۳) و لا فَتح رَجُلٌ عَلىَ نَفسِهِ باب مَسألة يَسألُ النَّاس إلا فَتح اللَّهُ عَلِيهِ باب فَقر ::: تینوں کاموں کے بارے میں میں قسم اُٹھاتاہوں (کہ یہ ایسے ہی ہو کر رہتے ہیں ) (۱) صدقہ کرنے سے مال میں قطعاً کوئی کمی نہیں ہوتی لہذا تُم لوگ صدقہ کیا کرو ، (۲) اور اگر کوئی اپنے اوپر ہونے والی کسی زیادتی کو معاف کرے تو سوائے اس کے اور کچھ نہیں ہوتا کہ اللہ تعالیٰ اُس معاف کر دینے کے ذریعے اس معاف کر دینے والی کی عزت بڑھاتا ہے ، لہذا تُم لوگ معاف کیا کرو اللہ تُم لوگوں کی عِزت میں اضافہ کرے گا (۳) اور اگر کوئی اپنے لیے لوگوں کے سامنے سوال کرنے کا دروازہ کھولتا ہے تو سوائے اس کے اور کچھ نہیں ہوتا کہ اللہ اُس سوال کرنے والے پر غربت کا دروازہ کھول دیتا ہے )))))
مسند البزار ، حدیث ۱۰۳۲ ، و مما روی ابو سلمہ بن عبدالرحمن عن أبیہ(عبدالرحمن بن عوف) ، مُسند الشھاب ، حدیث ۸۱۹ ،
اور الفاظ کے کچھ فرق کے ساتھ یہ حدیث مبارک ، صحیح ابن حبان ، سنن الترمذی ، سنن ابن ماجہ ، مُسند احمد وغیرہ میں بھی موجود ہے ، اور حدیث صحیح ہے ، صحيح الجامع الصغیر و زیادتہ ، حدیث ۳۰۲۵ ۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب