حال ہی میں بھارت کے ایک میگزین نے پاکستانی اداکارہ وینا ملک کی عریاں تصاویر شائع کی ہیں۔جس کے بعد ہمارے ہاں میڈیا اور عوامی حلقوں میں بحث و مباحثے کا ایک طوفان اٹھ کھڑا ہوا ہے۔کم و بیش تمام لوگ وینا ملک کو برا بھلا کہہ رہے ہیں ۔ جبکہ موصوفہ مختلف ٹی انٹریوز میں اپنی پوزیشن کو یہ کہہ کر صاف کررہی ہیں کہ ان کے ساتھ دھوکہ ہوا ہے ۔انہوں نے عریاں نہیں بلکہ نیم عریاں تصویروں کا شوٹ کرایا تھا۔ظاہرہے کہ ان کے اس استدلال کو بھی قبول نہیں کیا جارہا اور میڈیا ٹرائل سے لے کر عدالتی مقدمہ اور فتویٰ، ہر چیز کا انہیں سامنا ہے۔
اس میں کوئی شک نہیں کہ وینا ملک کا عمل اپنی نوعیت کے اعتبار سے بالکل قابل مذمت ہے، مگر عجیب بات یہ ہے کہ اس کے خلاف احتجاج اور غیر ت ملی کا مظاہرہ وہ لوگ کررہے ہیں جن کے ملک کو گوگل سرچ انجن کے ریکارڈ کے مطابق پچھلے دس برسوں سے مستقل یہ ایوارڈ مل رہا ہے ہے کہ انٹر نیٹ پر غلیظ ترین فحش مواد دیکھنے میں وہ دنیا بھرمیں سر فہرست ہے۔اس صورتحال میں نجانے کیوں سیدنا عیسیٰ علیہ السلام کا ایک واقعہ (انجیل یوحنا باب یاد آرہا ہے ۔ آپ کے سامنے یہودیوں نے شرارتاًایک زانیہ کو پیش کیا اور کہا کہ اس کو سنگسار کرنے کا حکم دیجیے۔ اس شرارت کاآپ نے جو جواب دیا وہ آج دو ہزار سال بعد بھی بے مثل ہے۔ آپ نے فرمایا کہ تم میں سے جو بے گناہ ہو پہلے وہی اسے پتھر مارے۔یہ سن کر ساری بھیڑ چھٹ گئی۔
بہتر ہوگا کہ وینا ملک سے سوال کرنے سے پہلے ہمارے میڈیا کو چاہیے کہ ذرا اپنے پروگراموں کا جائزہ لے کر دیکھے کہ کس قسم کے ہیجان انگیز چیزیں دکھانا ان کا معمول ہے۔ عوام کو دیکھنا چاہیے کہ کس طرح کی فلمیں، رقص، تصویریں ؛میڈیا اور نیٹ پر وہ دیکھتے ہیں۔ اس کے بعد ضمیر مطمئن ہوجائے تو وینا ملک کوجو دل چاہے کہہ لیں۔

مصنف: ریحان احمد یوسفی
وینا ملک اور ہمارا میڈیا


نوٹ: اگرچہ گوگل سرچ پر فحش مواد کی تلاش میں پاکستان کے سرفہرست ہونے والی بات پر مجھے اعتراض ہے تاہم یہاں وہ نقطہ اتنا اہم نہیں۔ اہم نقطہ یہ ہے کہ زیادہ تر تماش بین پاکستانی ہی وینا پر اعتراض کر رہے ہیں۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com