سوئس وزیر خارجہ مشیلین کامی پر تنقید کی جا رہی ہے کہ انہوں نے ایرانی وزیر اعظم احمدی نژاد سے ملنے کے موقع پر سر پر سکارف لیا تھا۔
سوئس وزیر خارجہ عورتوں کے حقوق کے حوالے سے مشہور ہیں۔ لیکن سر پر سکارف پہننے سے اخباروں کی سرخیوں نے کہا ’ایک مائل خاتون کی طرح‘۔

سوشلسٹ رکن اسمبلی ماریہ روتھ برناسونی نے کہا کہ یہ اشتعال انگیز ہے کہ انہوں نے سکارف پہن کر ایران میں عورتوں کے حقوق کے لیے لڑنے والی عورتوں کو ناراض کیا ہے۔

لیکن سوشل ڈیموکریٹ رکن اسمبلی لیلین موری نے کہا کہ ہر ملک کی تہزیب کا احترام کرنا چاہیے۔ایک اخبار نے لکھا ہے کہ لیلین کو خفگی ہے کہ وزیر خارجہ کو ان ایرانی عورتوں کا ساتھ دینا چاہیے تھا جو کہ سکارف پہننے کے خلاف ہیں۔

وزیر خارجہ نے ایران کے ساتھ قدرتی گیس کا سمجھوتا کر کے ایک اور تنازعہ پیدا کیا۔ امریکہ نے سوئس حکومت سے کہا ہے کہ ایسا سمجھوتا غلط ہے جبکہ اقوام متحدہ کی پابندیاں بھی عائد ہیں۔

لیکن وزیر خارجہ کا کہنا ہے کہ یہ سمجھوتا اقوام متحدہ کی پابندیوں کی خلاف ورزی نہیں کرتا۔

سوئس اخبار نے لکھا ہے کہ یہ حیرت انگیز بات ہے کہ جس عورت کو خواتین کے حقوق کے لیے لڑنے کے لیے جانا جاتا تھا اس نے اپنے آپ کو ایک مائل خاتون کے طور پر پیش کیا۔ تاہم اس اخبار کے رویے میں جمعرات کو قدرے نرمی آئی اور اس نے لکھا کہ وزیر کے پاس کوئی اور راستہ نہیں تھا۔

ذرائع نے اخبار کو بتایا کہ سکارف کے بغیر وزیر خارجہ ایرانی حکام کے ساتھ ملاقاتیں نہیں کرسکتی تھیں۔

بشکریہ بی بی سی

اپ سب کی رائے درکار ہے کہ اس معاملے میں شخصی آزادی کا کیا بنا جس کا مغربی پریس ڈھنڈورا پیٹتا رہتا ہے ؟