عبدالقدوس

منصب تو ہمیں بھی مل سکتے تھےلیکن شرط حضوری تھی
یہ شرط ہمیں منظور نہ تھی بس اتنی سی مجبوری تھی
کہتے ہیں کہیں ایک نگری تھی سلطان جہاں کا جابر تھا
اور جبر کااِذنِ عام بھی تھا، یہ رسم وہاں جمہوری تھی
کچھ درد سا ہے تو پہلو میں پہلے سے لیکن ہلکا ہلکا
یا دستِ جفا کچھ نازک تھا، یا شاید ضرب ادھوری تھی
نظریں بھی ملیں، کچھ لب بھی ہلے، ماتھیں پہ شکن بھی اک ابھری
گومنہ سے اس نے بات نہیں کی بات تو لیکن پوری تھی
یہ بات ہے برسوں پہلے کی جب ہم بھی عینی شاھد تھے
اک دورے بہاراں آیا تھا، لیکن وہ بہار ادھوری تھی
ہم ٹھوکر کھاکر جب بھی گرے، رہ گیروں کو آواز نہ دی
وہ آنکھوں کی معذوری تھی، یہ غیرت کی مجبوری تھی
لہجے میں انا ماتھے پہ شکن، اس وقت کا عین تقاضاہے
اب ہر وہ بات ضروری ہے جو پہلے غیر ضروری تھی
ہم اہلِ سخن کی قیمت ہے اقبال زبانی داد و دہش
کل محفل میں جو ہم کو ملی وہ داد نہیں مزدوری تھی

__________________

محمدعدنان

بہت اچھی شاعری ہے
شئیر کرنے کا شکریہ

عبدالقدوس

آپکا پسند کرنے کا شکریہ