علم اصول حدیث:
وہ اصول و قواعد جن کے ذریعے قبول و رد کے لحاظ سے سند اور متن کے احوال کا علم حاصل ہو جائے۔
سند:
متن حدیث تک پہنچنے کا راستہ، یعنی حدیث بیان کرنے والے لوگوں کی تفصیل کہ کس راوی نے وہ حدیث کس سے سنی ۔
متن:
متن اس کلام کو کہا جاتا ہے جس تک سند کے ذریعے رسائی حاصل ہو۔ یعنی وہ بات جو سند کے بعد حدیث کے طور پر بیان کی جاتی ہے۔
حدیث:
علم حدیث کی اصطلاح میں حدیث سے مراد وہ اقوال و اعمال اور تقریر(یعنی نبی صلی اللہ علیہ و علی آلہ وسلم کا کسی کام پر خاموشی اختیار فرمانا) ہیں جو رسول اللہ صلی اللہ علیہ و علی آلہ وسلم کی طرف منسوب ہوں۔
اثر:
ان اقوال و افعال کو کہا جاتا ہے جن کی نسبت صحابہ اور تابعین کی طرف کی جاتی ہے۔ محدثین مرفوع روایت کو خبر کہتے ہیں۔
سنت:
اصطلاح میں رسول اللہ صلی اللہ علیہ و علی آلہ وسلم کے حکم یا نہی اور جائز قرار دینے کو سنت کہا جاتا ہے۔
ماخوذ از "التحدیث فی علوم الحدیث از عبدالروف ظفر