shafirajput

یہی حال دنیا میں اس قوم کا ہے
بہنور میں جہاز آکے جسکے گھرا ہے
کنارہ ہے دور اور طوفان بپا ہے
گماں ہے یہ ہر دم کہ اب ڈو بتا ہے

نہیں لیتے کروٹ مگر اہلِ کشتی
پڑے رہتے ھیں بے خبر اہلِ کشتی

گھٹا سر پہ ادبار کی چھارہی ہے
فلاکت سماں اپنا دکھلا رہی ہے
نحوست پس و پیش منڈلا رہی ہے
چپ و راست سے یہ صدا آرہی ہے

کہ کل کون تھے آج کیا ھوگئے تم
ابھی جاگتے تھے ابھی سوگئے تم

پر اس قوم غافل کی غفلت وہی ہے
تنزل پہ اپنے قناعت وہی ہے
ملے خاک میں پر رعونت وہی ہے
ہوئی صبح اور خواب راحت وہی ہے

نہ افسوس انہیں اپنی ذلت پہ ہے کچھ
نہ رشک اور قوموں کی عزت پہ ہے کچھ

بہائم کی اور انکی حالت ہے یکساں
کہ جس حال میں ہیں اسی میں ہیں شاداں
نہ ذلت سے نفرت نہ عزت کا ارماں
نہ دوزخ سے ترساں نہ جنت کے خواہاں

لیا عقل و دیں سے نہ کچھ کام انہوں نے
کیا دین ِبرحق کو بدنام انہوں نے

وہ دیں جس نے اعدا کو اخواں بنایا
وحوش اور بہائم کو انساں بنایا
درندوں کو غمخوارِ دوراں بنایا
گڑریوں کو عالم کا سلطاں بنایا

وہ خطّہ جو تھا ایک ڈھوروں کا گلّہ
گراں کردیا اسکا عالم سے پلّہ

مسدس حالی

__________________
رب میرا اللہ، دین میرا اسلام، محمد صلی اللہ علیہ وسلم میرے نبی ھیں۔۔۔!!

نورالدین

بہت خوب نظم ہے آج کے مسلمانوں کے قوت عمل کی عکاسی ہے ۔
اور آج مسلمانوں کی ساری امیدیں کرکٹ سے وابستہ ہیں ۔
گویا کہ مادی جنگ سے زیادہ ضروری ہے کہ کھیل کے میدان میں ان کو شکست دے کر احمقوں کی جنت میں اڑنے لگیں کہ ہم ان سے بہتر ہيں

__________________
انسان کو زندگی میں وہی کام کرنا چاہیے جس کی اسے ضرورت ہو ۔

عبداللہ آدم

مادی جنگ بھی ہمیشہ ایمانی قوت سے جیتی گئی ہے.............. مسلمانوں نے.

اسباب میں تو ہم کبھی بھی کفار سے زیادی ترقی یافتہ نہیں رہے ہیں....تاریخ تو یہی بتاتی ہے.