عبدالقدوس

فاروق سرور خان کمپیوٹر کو اردو بولنے پر مجبور کرنے والوں میں سے ہیں جہاں تلک میری معلومات ہے پاکستان میں پہلی ISP کمپنی بھی آپ کی ہی تھی جب سے پاکنیٹ معرض وجود میں آیا ہے میری یہ خواہش رہی کہ آپ کے بارے میں جانوں اور یوں آج آپ کا زبردستی انٹرویو کررہا ہوں۔۔
امید ہے دیگر احباب بھی اس کو پایہ تکمیل تک پہنچانے میں میری مدد کریں گے

- آپ کی جائے پیدائش اور حالیہ مقام کون سا ہے؟
سب سے پہلے ہم آپ کے بارے کچھ جاننا چاہیں گے۔ آپ کا خاندانی پس منظر، تعلیم، پیشہ یا کیا ہے؟
- اگر آپ کو اردو کے ساتھ تعلق بیان کرنے کو کہا جائے ، تو اس کو کیسے بیان کریں گے۔
23 مارچ 1988 کے دن جب آپ نے اردو فونٹ پر اپنی پہلی اسانمنٹ کرنے سے پہلے آپ نے سوچا تھا کہ اردو یوں ترقی کرےگی؟
- آپ کیا سمجھتے ہیں کہ اردو کو وہ مقام ملا ہے، جس کی وہ مستحق تھی؟
- آپ کی زندگی کا مقصد کیا ہے ،کوئی ایسی خواہش جس کی تکمیل چاہتے ہوں؟
خود کی وہ عادت جو بہت پسندنہ ہو؟

حیدر

آہا ! چچا جان کا انٹرویو ہو رہا ہے۔
ارے بھائی انکو بتایا بھی ہے کہ انکا انٹرویو ہو رہا ہے؟ ایسے نہ ہو ہم محض آپکے سوالات پر ہی تالیاں بجاتے رہ جائیں۔

بلال اویسی

نا ہونے سے کچھ ہونا بہتر ہے چچاجان آئیں گے کچھ باتوں کو تردیداور کچھ کی تائید کریں گے اس بہانے کچھ جاننے کاموقع ملے گا۔

فیصل ناصر

اس سے پہلے کے خان صاحب جواب دینا شروع کریں
جلدی جلدی مزید سوالات ڈال دیں
عبدالقدوس بھائی کے سوالات تو بہت مختصر ہیں

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

فاروق سرورخان

سلام علیکم،
الحمد للہ ، ۔۔۔اللہ تعالی نے جو احسانات کئے اس کے نتیجہ میں ۔۔۔۔ صدف اردو نستعلیق، اپنے محترم دوست خلیل احمد اقبال کے ساتھ 1987 سے 1992 تک ڈویلپ کی ۔ اور تقریباً ہر ممکن جگہ، اس کے کوڈ‌ کی ترویج کی۔ اس کے ڈیزائین کے بارے میں لکھا ۔ یہ ایک اچھی کامیابی تھی۔
پاک ڈاٹ‌نیٹ‌ پہلی نہیں دوسری کمپنی تھی، جب ہم کام کررہے تھے تو اسی دوران کچھ لوگ اور بھی کام کررہے تھے ، وہ ہم سے کچھ دنوں سے بازی لے گئے۔ پاک ڈاٹ نیٹ 16 جون 1995 رجسٹر کروایا اور چند سال قبل بھائی منتظمین کے حوالے کردیا۔ اس لئے کہ یہ اس زبان کی بہترین خدمت کررہے ہیں۔۔ پھر 30 دن بعد کراچی کو سان فرانسسکو ا اور نیویارک کے دو عدد آئی ایس پی کے ذریعے ایک ڈبل لنک سے جوڑ دیا۔ ابتدائی بینڈ وڈتھ صرف 64 کیلو بائیٹس تھی۔ جو کہ بعد میں 2 میگا بائٹس بڑھادی گئی تھی۔ ا تفاق سے پی ٹی سی ایل نے بھی ایک سال بعد اپنی سروس کا نام پاک نیٹ‌رکھا ۔ لیکن نہ کبھی انہوں نے ہم کو تنگ کیا نہ ہم نے ان کو
یہ سروس 2003 تک جاری رہی لیکن مقابلہ بڑھ جانے اور قیمتوں کے بہت کم ہوجانے کے بعد اس کو بند کردیا۔

کراچی میں پیدا ہوا، پاک ڈاٹ نیٹ پر میری تاریخ پیدایش درست ہے آج کل ہیوسٹن ، ٹکساس میں رہتا ہوں۔

برادر محترم، ہمارا خاندان ایبٹ آباد کی ترائیوں میں واقع ایک گاؤ ں پرہاڑی ہے ۔ ہم سب کو خود بھی پتہ نہیں کہ کب سے اس علاقہ میں آباد ہیں۔ آبائی پیشہ کاشتکاری رہا۔ لیکن پچھلی دو نسلیں اعلی تعلیم یافتہ ہیں۔

تعلیم کے بارے میں‌سوال کا معیاری جواب ہمیشہ ہوتا ہے ۔۔۔۔ تعلیم دائرہء شرمندگی کے اندر اندر ۔۔۔۔ لیکن چلئے آپ کو بتا دیتا ہوں۔

بچپن میں دادا جان محترم مجھے مسجد کا اما م بنانا چاہتے تھے اور والد صاحب انجینئر لہذا ایک ساتھ اسکول اور مدرسہ جاتا تھا۔ یہ سلسلہ آٹھویں جماعت تک جاری رہا۔ اس کے بعد صرف اسکول جاتا رہا۔ میں نے الیکٹرانکس انجینئرنگ میں ماسٹرز کیا۔ مختلف کارپوریشنز میں ملازمت کی اور اب ہیوسٹن میں مشینیں بیچنے کا کاروبار کرتا ہوں ۔
بقول ہماری بیگم کے اردو میری سب سے سے چہیتی ہے۔ اور سچ یہ ہے کہ اس میں کوئی شبہ بھی نہیں میں اس کے تمام پیچ و خم ، قوس و قزح کو اچھی طرح پہچانتا ہوں کہ ساری عمر اس کے پیچ و خم ہی تاڑتا رہا ہوں
۔ ممکن ہے کچھ رقیبوں کی بھی نظر رہی ہو لیکن میرا تعلق کچھ زیادہ عاشقانہ ہے

یہ 1980 کا واقعہ ہے۔ 23 مارچ 1988 کو ہم نے صدف جاری کیا تھا۔ لیکن پہلا اسائنمنٹ میں‌نے 1980 میں انٹرایکٹیو کمپیوٹر گرافکس کی کلاس میں‌ یونیورسٹی آف سنسناٹی میں کیا تھا۔ اس اسائنمنٹ‌ میں اردو کے حروف کو پہلی بار پلاٹر پر پلاٹ‌کیا تھا۔ جو کہ میری اپنی خوشخطی میں تھا۔
آپ یقین کیجئے کہ اردو کی ترقی کے بارے میں مجھے کوئی شبہ نہیں تھا۔ بلکہ یقین تھا ۔۔۔ اس کی واحد وجہ پاکستانیوں کی بہترین صلاحیتوں پر یقین ہے۔ آج ہم جن مسائیل کا شکار ہیں ، بجلی، خوراک، مہنگائی۔ کل کوئی نہ کوئی شیر دل پاکستانی ان مسائیل کو اسی طرح حل کردے گا، جیسی کے ہماری روایت ہے۔

جی۔ اردو کو ایک بہترین مقام مل چکا ہے۔ اور یہ ترقی کے بہترین زینے طے کررہی ہے۔ بطور زبان بھی اور تکنیکی طور پر بھی۔ بہترین لکھنے والے اور موجد اس کو چار چاند لگا رہے ہیں۔ امجد علوی صاحب اور کئی دوسرے تکنیکی طور پر قابل تحسین ہیں اور ہمارے شعرا اور ادیب، ڈرامہ نگار اور صحافی، اردو زبان کی تعمیر میں مصروف ہیں۔ میری دعا ہے کہ یہ خوبصورت زبان ایسے ہی پھلتی پھولتی رہے۔
مقصد ہے۔ انسانوں کی بھلائی ۔ جو کہ میں دامے درمے سخنے کرنا چاہتا ہوں۔ اور بڑی خواہش ہے کہ مسلمان قرآن و سنت سے قریب تر ہوجائیں۔ اس میں مسلمانوں‌سمیت ، سماجی، سیاسی اور مذہبی بھلائی ہے۔ جو لوگ ذہن کو پاک صاف کرکے اس کتاب کو پڑھتے ہیں وہ اس بہت ہی بڑی میورل کو دیکھ لیتے ہیں جو خود سے نظر نہیں آتی۔

ایک ہو تو بتاؤں یہ سب سے مشکل سوال ہے۔ بسکہ مشکل ہے ہر کام کا آسان ہونا۔۔۔۔ آدمی کو بھی میسر نہیں انساں ہونا۔ اس کے باوجود اپنے آپ کو سدھارنے کی کوشش کرتا رہتا ہوں۔ جو عادت آپ کو ناپسند ہو فرمائیے۔ دور کرنے کی کوشش کروں گا۔

والسلام

__________________
فاروق سرور خان
ترے ضمیر پہ جب تک نہ ہو نزول کتاب
گرہ کشـا ہے نـہ رازی نـہ صـا حب کشـاف

محمدخلیل

میرا آپ سے یہ ایک سوال ہے جو آپ کے علم ہے کبھی سوچا ہے کہ کسی اور کو دے دوں؟

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟

حیدر

سوال: ہم ہمیشہ سے سُنتے اور پڑھتے آئے ہیں کہ امریکہ میں مسابقت اس قدر زیادہ ہے کہ انسان مشین بن کر رہ جاتا ہے۔ اس کے پاس اپنے خاندان تو کُجا اپنے لیے بھی وقت نہیں بچتا، ایسے میں آپ انٹرنیٹ پر آنا اور فورمز پر گپ شپ کرنا کیسے manageکر لیتے ہیں؟

سوال :اوپن بُرہان کیا ہے اور اس سے آپکا کیا تعلق ہے؟

سوال:امریکہ میں آپ نے ایک مسلم ایسو سی ایشن بھی بنائی ہوئی ہے۔ وہ کیا ہے ؟ آپ اُس میں کیا ہیں یعنی آپکا کردار؟

سوال: ویسے تو آجکل مسلمان ہر جگہ "پوشیدہ ذہنی خوف" کا شکار ہیں۔ آپ امریکہ میں مسلمانوں کے حقوق کے لیے بھی کوئی کام کر رہے ہیں ؟

سوال: آخر میں ایک ذاتی سوال آپکی شادی کس عمر میں ہوئی؟ آپکی فیملی آپکے ساتھ ہی ہے؟ اور آپ ان روزانہ کتنا وقت دے پاتے ہیں؟

آخر کے بعد پھر ایک اور آخری سوال ۔ ۔ ۔ ۔ کیا کبھی سوچا کہ پاکستان واپس جانا ہے؟ اگر نہیں تو کیوں اور اگر ہاں تو بھی کیوں اور پھر اس ارادے پر عمل کیوں نہیں کیا؟

(معذرت کے ساتھ میں خاصا ریزرو قسم کا بندہ ہوں اور مجھے کسی کے بارے میں جاننے کا کوئی شوق بھی نہیں ہوتا۔ اس لیے ہو سکتا ہے آپکو میرے سوالات پسندنہ آئیں)

شاہ جی 90

بدر بھائی آپ کے سوالات کافی دلچسپ ہیں
اور
فاروق بھائی
آپ کے بارے مین جان کر بہت اچھا لگا
ہمیں امید تھی کہ آپ اپنے بارے میں بات کرتے کرتے روانی میں منتظمین بھائی کا اصل نام لے دیں گے
لیکن اے بسا آرزو کہ خاک شد
آپ نے یہاں بھی جناب منتظمین کہ کر کام چلایا
حقیقی زندگی میں ہر تیس سال بعد ملکی راز بھی پبلک پراپرٹی قرار دے کر کھول دئیے جاتے ہیں
اور کمپیوٹر میں تو دو سال حقیقی زندگی کے ساٹھ سالوں کے برابر ہوتے ہیں
اب میری گزارش ہے کہ ایک انٹر ویو ایسا ہی منتظمین بھائی سے بھی ہونا چاہئیے جو فاروق بھائی ہی کریں اور نہ صرف ان سے ان کے بارے میں جانیں بلکہ ان کے بارے مین خود بھی جو کچھ جانتے ہیں وہ بھی یہاں شئیر کریں
کیا خیال ہے
فاروق بھائی
ہمیں آپ کے بارے میں بھی تجسس رہتا تھا
آپ کے بارے میں اتنا سب جان کر اچھا لگا
اس کے لیئے ہم عبدالقدوس بھائی اور آپ دونوں کے مشکور ہیں

یاسر عمران مرزا

فاروق سرور خان کے بارے میں‌میری معلومات زیرو تھیں اور مجھے نہیں‌پتہ تھا کہوہ اردو کی تاریخ کے حوالے سے اتنی معتبر شخصیت ہیں۔ اللہ ان کا بھلا کرے ۔ فاروق صاحب اگر فورم پر آپ سے کوئی گستاخی کی ہو تو معاف کیجیے گا۔ والسلام
اور عبدالقدوس صاحب آپ نے فاروق صاحب کے بارے میں جاننے کے جو موقع فراہم کیااس کے لیے بہت بہت شکریہ

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

ھارون اعظم

السلام علیکم،

بہت عرصے تک میں منتظمین اور فاروق سرور خان صاحب کو ایک ہی شخصیت سمجھتا رہا، اور شاید ایک بھی ہوں۔ میرا سوال یہ ہے کہ آپ اردو بلاگنگ کا اردو کے مستقبل پر کیا اثر دیکھتے ہیں؟

__________________


http:// haroonazam.wordpress.com

ھارون اعظم کا بلاگ۔

ابرارحسین

میری طرف سے بھی کچھ سوالات حاضر ہیں
1-علوی نستعلیق کی ریلز کے موقع پر کسی فاروق سرور خان صاحب نے امجد علوی کو پچاس ہزار انعام دیا تھا کیا وہ آپ ہی ہیں
القلم - صرف ایک پیغام کو دیکھیں - امجد علوی ـــ نقد انعامات
2۔جیسا کہ آپ نے بتایاکہ آپ اردو کی ترقی کیلئے کام کرتے رہے ہیں‌،تو کیا علوی فونٹ میں‌ آپ کا بھی کچھ حصہ ہے ؟
3۔سنا ہے کہ کسی ریڈیو سٹیشن پر اسلامی پروگرام پیش کرتے ہیں ؟ اگر ایسا ہی ہے تو اس کا نام پتا بتا دیں‌تاکہ ہم بھی سن سکیں
4۔غیرمسلموں‌کے دیس میں کسی کو مسلمان بھی کیا؟ اگر ہاں‌تو کتنے،اور ان میں‌سے کوئی خاص
5۔اپنی زندگی کا کوئی یادگار واقعہ ایک خوشگوار اور ایک ناخوشگوار
6-جیسا کہ آپ نے بتایا کہ شروع سے ہی کمپیوٹر کی فیلڈ سے تعلق رہا تو کسی بڑی کمپنی میں‌کام کیا ؟ اور کس شعبے میں اور کتنے عرصے کیلئے
7۔صرف امریکہ میں‌ہی پروفیشنل زندگی گذاری؟ یا نگری نگری گھوما مسافر !

حیدر

واہ ابرار بھائی بڑے سیدھے ہو یار آپ جو سوال میں نے گھما پھرا کر پوچھے تھے آپ نے سیدھے سیدھے پوچھ لیے۔ (معذرت محض مذاق کر رہا ہوں)

فاروق سرورخان

آپ سب کے اتنے سارے سوالات کا شکریہ۔ جیسے جیسے وقت ملتا گیا، میں تھوڑا تھوڑا کرکے جوابات دوں گا۔

نہیں بھائی ، میں منتظمین نہیں ہوں۔ البتہ میں ان کو جانتا ہوں۔ وہ ایک الگ انسان ہیں اور سعودی عرب میں رہتے ہیں۔ انہوں نے مجھ سے پاک ڈاٹ نیٹ‌خریدا تھا ، اس کی ادائیگی کی تھی جو میں نے ان کے کام کی نوعیت کی وجہ سے واپس کردی۔ جس کا شکریہ ادا کرنے کے لئے محترم نے میرا نام یہاں لکھا۔ ان سے واقفیت کی ابتداء اسی مقام سے ہوئی۔ میں ان کی خواہش کے احترام کی وجہ سے ان کا نام نہیں لے سکتا۔ غیر جانبدار رہنے کے لئے وہ اپنے آپ کو غیر معروف رکھنا چاہتے ہیں۔ ورنہ آپ میں سے بہت سے لوگ ان کو جانتے ہیں۔

والسلام

فیصل ناصر

کچھ سوال میرے ذہن میں بھی ہیں
ذرا فراغت ملے تو پیش کرتا ہوں

ابرارحسین

آپ بھی لائن میں‌لگا دیں