زارا

السلامُ علیکم

سوالات:

1۔ آپ کا نام تو ہمیں معلوم ہے لیکن اس کا کیا مطلب ہے؟
2۔ آپ کا تعلق کس شہر سے ہے؟
3۔ اپنی فیملی کے بارے میں کچھ بتائیں ؟
4۔ آپ کے والد کیا کرتے ہیں؟
5۔ آپ کتنے بہن بھائی ہیں؟
6۔ گھر میں آپ سے کون سب سے زیادہ پیار کرتا ہے اور آپ کس کو سب سے زیادہ چاہتے ہیں؟
7۔ آپ کھانے میں کیا پسند کرتے ہیں؟
8۔ آپ کا پسندیدہ رنگ کون سا ہے؟
9۔ آپ کو کیاچیز نا پسند ہے؟
10۔ آپ کو کس بات پر غصہ آتا ہے؟
11۔ آپ کا بہترین دوست کون ہے؟
12۔ آپ کی اپنے دوستوں سے کیاایکسپیکٹیشنز ہیں؟
13۔ اگر آپ کو کسی کوئی تجویز یا کوئی عمل پسند نہ آئے تو آپ کا کیا رد عمل ہوتا ہے کیا اپنی منواتے ہیں یا اگلے کے ساتھ متفق ہو جاتے ہیں؟
14۔ اپنی تعلیم کے بارے میں بتائیں ۔کیا تعلیم ہے آپ کی؟
15۔ تعلیم کے مختلف مراحل کے بارے میں بتائیں؟
16۔تعلیمی دور میں کسی قسم کی مشکلات کا سامنا ہوا یا سب بہتریں ہے؟
17۔ آپ کس طرح کے طالب علم رہے۔
18۔ آپ کتنی زبانیں باآسانی بول لیتےاور سمجھ لیتے ہیں؟
19۔ فارغ وقت میں کیا کرتے ہیں؟
20- جب غصہ آتا ہے توکیا ریایکشن ہوتاہے ؟
21- کوئی ایسا واقعہ بتائیں‌ جو آپکی زندگی میں بہت اہم ہو جیسے کوئی ناقابل فراموش یا اُس واقعے سے آپ نے کچھ سیکھا ہو؟
22۔ زندکی کا کوئی خوشگوار لمحہ؟
23۔مسقبل سے کیا امیدیں وابستہ ہیں؟
24۔ کوئی ایسا کام جسے کرنے پر شرمندگی یا پشیمانی ہوئی ہو؟
25۔ جھگڑالو ہیں یا صلح پسند؟
26۔ مستقبل میں کیا کرنے کا ارادہ ہے؟
27۔ زندگی سے کوئی گلہ؟
28۔ آپکی کچھ عرصہ پہلے شادی ہوئی ہے۔ ہمیں ہماری بھابھی کے بارے میں کچھ بتائیں؟
29۔ آگے چل کرکیا امید کرتے ہیں آپ اپنے شریک حیات کے بارے میں؟
30- پاک نیٹ کا کونساسیکشن آپکو ذیادہ پسندہے؟
31۔ یوں تو سب بہت اچھا کام کر رہے ہیں۔ لیکن آپکو کس کاکام ذیادہ پسند ہے اورکیوں؟
32۔ آپ مستقبل میں پاک نیٹ کوکہاں دیکھتے ہیں یعنی ترقی کے کس زینے پر؟

میرے خیال سے تو اِتنے سوال کافی ہیں۔ باقی آپ لوگ خود بھی پوچھ سکتے ہیں گرپوچھنا چاہیں۔ شکریہ خوش رہیں سب۔ اس شعرساتھ اختتام کروں گی،

حیدر

آپکا شکریہ کہ آپ نے کافی مریدوں کا دل رکھ لیا انکے پیر کا انٹرویو لے کر۔
تاہم پاکنیٹ پر وہ سماں نہیں ہے۔ ہر کوئی ایک شاک کے عالم میں ہے۔

آبی ٹوکول

اسلام علیکم !
راجہ صاحب سے ملاقات کہ تو ہم بھی متمنی ہیں مگر دھاگے کہ عنوان میں جو "رنگین " کا سابقہ ہے وہ بڑا عامیانہ سا لگا پاک نیٹ ایک فیملی فورم ہے جبکہ لفظ رنگین کا استعمال اردو محاورہ میں اردو ادب کے حوالہ سے کچھ اچھا تاثر نہیں چھوڑتا اگر ہوسکے اور انتظامیہ کو گراں نہ گذرے تو عنوان کو از سر نو کسی بہتر استعارے سے مدون کردیا جائے۔ ۔ والسلام

__________________
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔
پیکرِ دلرُبا بن کے‌ آیا ،روحِ ارض و سما بن کے آیا
سب رسولِ خُدا بن کے آئے ،وہ حبیبِ خُدا بن کے آٰیا

ھارون اعظم

جی، میرا بھی یہی خیال ہے۔ زارا بہن، عنوان کو تبدیل کریں تو بہتر ہوگا۔

(یہ میری ذاتی رائے ہے)

__________________


http:// haroonazam.wordpress.com

ھارون اعظم کا بلاگ۔

ھارون اعظم

راجہ بھائی کہاں‌ غائب ہیں؟ ہم انٹرویو کے لئے انتظار کررہے ہیں۔

ارشد کمبوہ

حقیقت یہی ہے کہ عنوان نے دل بھیڑا کردیا ہے۔
انٹرویو تاں رہ گیا اک پاسے۔۔۔۔۔۔۔۔۔۔۔

راجہ اکرام

السلام علیکم
امید ہے کہ تمام ممبران کے مزاج گرامی بخیر ہوں گے۔
انٹرویو اور وہ بھی راجہ اکرام کا
مجھے تو ہنسی آ رہی ہے۔ لیکن آپ سب کی محبت کے پیش نظر لگتا ہے کچھ لکھنا پڑے گا۔
اب تک کی تاخیر کی وجہ وقت کی عدم دستیابی ہے۔ جلد ان شاء اللہ آپ سب کی بیتابی ختم ہو جائے تے نالے ٹھنڈ وی پے جائے گی

__________________
محتاج اصلاح و دعا

ھارون اعظم

بڑی دیر کی مہرباں آتے آتے

راجہ اکرام

بس جناب جب کسی کو مہربان سمجھو تو اس کا رویہ ایسا ہو ہی جاتا ہے

عبیداللہ عبید

شکرہے کہ عنوان بدل گیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔

زارا

اوربھی موضوع ہیں اس دھاگے میں"عُنوان" کے سوا

عنوان تبدیل ہو گیاہے۔ بندہ بشرہوغلطی کرہی دیتا ہے

راجہ اکرام

السلام علیکم و رحمۃ اللہ وبرکاتہ
سب سے پہلے تو زارا بہن کا شکریہ کہ ساتھیوں کے ساتھ متعارف ہونے کا موقع دیا۔ اور پھر ان سب دوستوں کا جنہوں نے اپنے انتہائی قیمتی اوقات کار میں سے کچھ وقت اس کام کے لئے وقف کیا اور میرے بارے میں جاننے میں دلچسپی کا اظہار کیا۔
سوالات کی فہرست طویل ہے۔ فی الحال کچھ کے جوابات دیتا ہوں ، باقی تھوڑے وقفے کے بعد ان شاء اللہ

حق کا احترام کرنے والا۔ اور خواہش ہے کہ اسم با مسمی بن کر جیوں، لیکن ہزاروں خواہشیں ایسی ۔۔۔۔۔۔۔۔

سانگھڑ ۔ وادی مہران کا ایک زرعی شہر جس میں ہر موسم اپنی پوری آب و تاب کے ساتھ ساکنان شہر کو زندگی کی رنگینیوں سے لطف اندوز ہونے کا موقع دیتا ہے۔
میری فیملی بہت اچھی ہے۔
کھیتی باڑی کے گزر بسر کرتے ہیں
ہم تین بھائی اور تین بہنیں ہیں۔۔۔ دو سگی بہنیں ہیں جو مجھ سے چھوٹی ہیں۔ ایک بہن بعد میں بنی ہیں جو بالکل سگی بہنوں کی طرح ہیں۔ بہنوں کے ذکر میں ان کا تذکرہ نہ ہو تو ادھورے پن کا احساس رہتا ہے۔
؟
یقینا والدین سے زیادہ اپنی اولاد کو کوئی پیار نہیں کر سکتا۔ اس لئے ان کا ذکر تحصیل حاصل ہوگا۔
بہن بھائی سب ہی چاہتے ہیں‌لیکن چھوٹی بہن زیادہ پیار کرتی ہیں۔
مگر اب ہماری بیگم بھی کسی سے کم نہیں۔۔
ویسے تو ہر وہ کھانا جو سادہ پکا ہوا ہو ’’یعنی زیادہ مصالحہ جات کا استعمال نہ ہو‘‘ مجھے پسند ہے۔ اگر اختصاص کے ساتھ کہوں تو بریانی پسند ہے۔ سبزی میں بھنڈی اور عمومی طور پر کڑی
نیلگوں آسمانی جسے پڑھے لکھے لوگ اسکائے بلو بھی کہتے ہیں۔
مجھے مطلب پرستی نا پسند ہے
عموما مجھے غصہ بہت جلد آ جاتا ہے۔ لیکن اسے فوری رفع کرنے کی کوشش بھی کرتا ہوں۔۔ تا ہم کسی غریب کے ساتھ نا انصافی ہو تو مجھے بہت غصہ آتا ہے۔ اور بے جا ضد پر بھی
میری نصف بہتر
میں توقعات رکھنے سے گریز کرتا ہوں، کیوں کہ ان کا پورا نہ ہونا تعلقات کی خرابی کا باعث بنتا ہے۔
یہ خواہش ہوتی ہے کہ ایمانداری کو یقینی بنایا جائے۔
کوشش کرتا ہوں کہ اس کو اپنی بات منوا سکوں ۔۔ اگر ممکن نہ ہو تو حالات کے مطابق عمل کرتا ہوں

زارا

بہت خوب اِکرام بھائی

عبدالقدوس

یہ بیگم کے ڈر سے لکھا ہوا لگ رہا ہے

راجہ اکرام

ویسے ساتھ بیٹھی تھیں بیگم جواب تحریر کرتے