عدنان

السلامُ علیکم پاک نیٹ کے پیارے پیارے بھائیوں اور بہنوں!

ماہ مارچ کے انٹرویو کے ساتھ حاضر ہوں۔ اس ماہ انٹرویو کےلئے جس شخصیت کا انتخاب ہم نے کیا ہے وہ کسی تعارف کی محتاج نہیں ہے ماشاءاللہ۔ وہ ایک بہت اچھے لکھاری ہیں اور انٹرنیٹ کی دنیا میں‌کافی جانے مانے ہیں ۔ حال ہی میں ان کی ایک کتاب بھی شائع ہوچکی ہے تو ایسے میں ہم نے سوچا کہ کیوں نہ ان کے ساتھ ایک نشست رکھی جائے تاکہ سبھی ان کے بارے میں جان سکیں۔

جی ہاں جناب آپ بالکل ٹھیک پہچانے ۔ وہ مشہور شخصیت ہیں ۔
ہمارے پیارے بھائی


گوہر صاحب سے التماس ہے کہ وہ اس دھاگے میں تشریف لائیں اور جو سوالنامہ دیا جارہا ہے اس کا جواب دیں تاکہ ہم سب ان کے بارے میں جان سکیں۔

سوال:

1۔ آپ کا نام اور اس کا کیا مطلب ہے
2۔ آپ کا کس شہر سے تعلق ہے
3۔ اپنی فیملی کے بارے میں کچھ بتائیں
4۔ آپ کے والد کیا کرتے ہیں
5۔ آپ کتنے بہن بھائی ہیں
6۔ گھر میں آپ سے کون سب سے زیادہ پیار کرتا ہے اور آپ کس کو سب سے زیادہ چاہتے ہیں
7۔ آپ کھانے میں کیا پسند کرتے ہیں
8۔ آپ کا پسندیدہ رنگ کون سا ہے
9۔ آپ کو کیا جیز نا پسند ہے
10۔ آپ کو کس بات پر غصہ آتا ہے
11۔ آپ کا بہترین دوست کون ہے
12۔ آپ کی اپنے دوستوں سے کیاایکسپیکٹیشنز ہیں
13۔ اگر آپ کو کسی کوئی تجویز یا کوئی عمل پسند نہ آئے تو آپ کا کیا رد عمل ہوتا ہے کیا اپنی منواتے ہیں یا اگلے کے ساتھ متفق ہو جاتے ہیں
14۔ اپنی تعلیم کے بارے میں بتائیں ۔کیا تعلیم ہے آپ کی
14۔ بنیادی تعلیم کہاں سے حاصل کی
15۔ تعلیم کے مختلف مراحل کے بارے میں بتائیں
16۔تعلیمی دور میں کسی قسم کی مشکلات کا سامنا ہوا یا سب بہتریں ہے
17۔ آپ کس طرح کے طالب علم رہے۔
18۔ اپنے اساتذہ اکرام کے بارے میں کچھ بتائیں اور کن سے متاثر ہیں
19) آپ کتنی زبانیں باآسانی بول لیتےاور سمجھ لیتے ہیں؟کون کونسی
۔20آپ فالتو وقت میں کیا کرتےہیں؟
21) جب غصہ آتا ہے تو کیسا برتاوں کرتےہیں ؟
22) جھوٹ زیادہ بولتے ہیں یا صرف سچ ؟
23) کوئی ایسا واقعہ بتائیں‌ جو آپکی زندگی میں بہت اہم ہو جیسے کوئی ناقابل فراموش ؟
24۔ زندکی کا کوئی خوشگوار لمحہ
25۔مستقبل سے کیا امیدیں وابستہ ہیں
26۔ تقدیر پر یقین کرتے ہیں اور کس حد تک
27۔ کوئی ایسا کام جسے کرنے پر شرمندگی ہوئی ہو
28۔ سادہ ہیں یا بہت فیشنیبل
29۔ جھگڑالو ہیں یا صلح پسند
30۔ مستقبل میں کیا کرنے کا ارادہ ہے
31۔ آج کل کیا ہو رہا ہے
32۔زندگی سے کوئی گلہ
33۔مستقبل میں خود کو کہاں دیکھتے ہیں
34۔شادی ھوئی ہے یا نہیں اگر نہیں تو شادی کب کرنے کا ارادہ ہے
35۔ کیا امید کرتےہیں آپ اپنے شریک حیات کے بارے میں
36۔ گھر والوں کی مرضی سے کریں گے یا اپنی مرضی سے

__________________
اے میرے رب!
میں تجھے پُکار کے کبھی محروم نہیں رہا۔

shafresha

جی گوہر بھائی ہم سب آپ کے منتظر ہیں!

محمدخلیل

وہ بہت فطین بندے ہیں ۔۔۔۔۔۔۔۔۔۔۔۔۔۔۔

عاشی

گوہر صاحب ہیں کہاں ؟؟؟؟
مجھے بھی ان کے بارے میں جاننا ہے

عدنان دانی

بہے اچھا کیا جو گوہر بھائی کا انٹرویو لیا
بہت کچھ جاننے کو ملے گا گوہر بھائی لے متعلق
اور گوہر بھائی اگر مناسب ہو تو اپنے کتاب کے بار میں بھی کچھ لکھئے گا۔
اور آگے لکھنے کا ارادہ ہے یا نہیں۔؟

شاہ جی 90

گوہر بھائی
جلدی سے آجائیں تو کچھہ بات آگے بڑھے

نیلم خان

آ جائیں گوہر بھائ ھم سب آپ کے منتظر ہیں

محمودالحق

وقت کی ضرورت ہے کہ وزیر پٹرولیم کی طرح کسی کو وزیر اطلاعات و نشریات بھی مقرر کیا جائے ۔ جو گوہر صاحب کو اطلاع کر دے کہ مشتاقان لذت آشنائی چشم براہ ہیں

__________________
کرنوں کی برسات ہے یہ مہتاب و آفتاب
رحمتوں کی سوغات ہے یہ جہان آب و تاب

عدنان

گوہر بھائی کو جرمانہ کرنا پڑے گا۔

شاہ جی 90

ہمارا بھی یہی خیال ہے

گوہر

اسلام علیکم !
سب سے پہلے آپ سب کا بہت بہت شکریہ کہ آپ نے مجھے اس قابل سمجھا کہ میرا مکمل انٹرویو آپکے فورم بلکہ میرے فورم کا حصہ بنے ۔ اسکے بعد شدید معذرت بھی کہ میں بر وقت حاضر نہ ہو سکا حالانکہ مجھے اس تھریڈ کے بارے میں پیغام مل چکا تھا، مگر کسی ناگہانی کے باعث ایک رات اور ایک دن گھر و کاروبار سے دوری رہی البتہ ابھی فرصت ملی تو فورم پر حاضری دے دی ۔
اس انٹرویو کو ایک کی بجائے دو یا تین نشستوں میں مکمل کروں گا ، آج اتنی سکت نہیں کہ سوالات کے جواب شروع کروں البتہ کل سے اس سلسلہ کو تفصیلاً لکھوں گا، اگر مندرجہ بالا سوالات کے علاوہ بھی کسی نے کچھ پوچھنا ہو تو اس دھاگے پر لکھ سکتا ہے ، انشاءاللہ سب سوالات کے جواب دینے میں مجھے خوشی ہوگی۔

گوہر

محبت کو زمانے میں گل نایاب کہتے ہیں
کچھ لکھنے سے پہلے ہم آپکو آداب کہتے ہیں

عدنان

خوش آمدید جناب گوہر صاحب
ہم آپ کو دل کی اتھاہ گہرائیوں سے انٹرویو کے تھریڈ میں خوش آمدید کہتے ہیں۔

بھائی جی کوئی جلدی نہیں ہے آپ دو تین نشستوں میں انٹرویو کے سوالات کے جواب دیں

ممبران سے گزارش ہے کہ پہلے سوالات کے جوابات آنے کے بعد نیکسٹ سوال کریں

گوہر

1۔ آپ کا نام اور اس کا کیا مطلب ہے
میرا نام محمد الطاف گوہر ہے
"محمد" کا لفظ اس نسبت سے ہے جسے میں الفاظ کے احاطے میں نہیں لا سکتا البتہ میرے نام کا یہ حصہ ایک اسلامی سیاق سباق میں دیکھا جا سکتا ہے۔ الطاف ، لطف کی جمع کا صیغہ ہے لہذا میرے نام کا بنیادی مطلب " لطف و کرم یا عنایات " ہے ، اور اضافی حصہ " گوہر" کو میں بطور تخلص استعمال کرتا ہوں ، جسکا مطلب ایک "بیش و قیمت پتھر " ہے جو کہ سمندر کی گہرائی میں ملتا ہے ، یا پھر چودھویں کا چاند جب پوری آب و تاب سے دمک رہا ہوتا ہے تو چاندنی کے حسن میں کھو جانی والی سمندر کی لہریں اپنا اظہار محبت کرتی ہیں جبکہ پانی اپنی خاموشی اور سکوت کو توڑ کر بلندیوں سے پیار کی پینگیں ڈالتا ہے ، اس کشمکش کے نتیجہ میں سمندر ایک طوفان سے دوچار ہوتا ہے جسے ہم مدوجزر کے نام سے جانتے ہیں ۔ بظاہر تو یہ طوفان جان لیوا لگتا ہے مگر اس کا محرک صرف ایک پیار ہوتا ہے جو سمندر کا پانی چاند کے لازوال حسن کی تاب نہ لاتے ہوئے اپنا اظہار کرتا ہے ، اسی کے باعث سمندر اپنا سب کچھ اس پر نچھاور کرنے کو تیار ہو جاتا ہے مگر یہ تو ممکن نہیں کہ جوار بھاٹا کی تند تیز مگر آسمانوں سے باتیں کرتی لہریں چاند کی بلندی کو چھو لیں البتہ اپنی اس تندی میں اور مدوجزر کی کیفیت میں سمندر کی گہرائی میں پڑے بیش و قیمت موتی، گوہر اور لال اپنے کناروں نظر کر جاتی ہیں، جو کہ انسانیت کیلئے ایک عظیم تحفہ ثابت ہوتے ہیں۔
سکول میں پڑہنے کے دوران مجھے غالباً جماعت پنجم میں انکشاف ہوا کہ میں اپنے سلیبس کے علاوہ "کچھ لکھ " بھی سکتا ہوں اور اپنا تخلص "غیر ارادی طور"‌پر گوہر چن لیا۔

گوہر

2۔ آپ کا کس شہر سے تعلق ہے
"بچپن سے نوجوانی " کے عہد تلک تو میرا شہر منگلا ڈیم کا علاقہ رہا ہے ، میٹرک گورنمنٹ پراجیکٹ ہائی اسکول منگلا سے کیا اور پھر انٹر جہلم سے کیا اور پھر کچھ وقت گوجرانوالہ میں رہا اور اسکے بعد مستقل طور پر "لاہور" میں قیام پذیر ہوں۔