زارا

السلام علیکم


کافی عرصے سے کسی کا انٹرویومیں ہواتو میں نے سوچااب کسی نئے ممبر کا انٹریوہونا چاہئے توبہت سوچ بچار کے بعد قُرعہ فال "عروج آپی" کے نام نکلا۔ آیئے عروج آپی سے کچھ سوالات کرتے ہیں۔ انکے بارے میں جانتے ہیں۔

سوالات:

1۔ آپ کا کس شہر سے تعلق ہے؟
2۔ اپنی فیملی کے بارے میں کچھ بتائیں ؟
3۔ آپ کتنے بہن بھائی ہیں؟
4۔ گھر میں آپ سے کون سب سے زیادہ پیار کرتا ہے؟
5۔ آپکو کھانے میں کیاکیا پسند ہے؟
6۔ آپ کا پسندیدہ رنگ کون سا ہے؟
7۔ آپ کو کیاچیز نا پسند ہے؟
8۔ آپ کو کس بات پر غصہ آتا ہے؟
9۔ اگر آپ کو کسی کوئی تجویز یا کوئی عمل پسند نہ آئے تو آپ کا کیا رد عمل ہوتا ہے؟
10۔ اپنی تعلیمی قابلیت کے بارے میں کچھ بتائیں؟
11۔ آپ کس طرح کی طالبعلم تھیں؟
12۔ آپ کتنی زبانیں باآسانی بول لیتی ہیں؟
13۔ فارغ وقت میں کیا کرتی ہیں؟
14- جب غصہ آتا ہے توکیا ریایکشن ہوتاہے ؟
15- کوئی ایسا واقعہ بتائیں‌ جو آپکی زندگی میں بہت اہم ہو جیسے کوئی ناقابل فراموش یا اُس واقعے سے آپ نے کچھ سیکھا ہو؟
16۔ زندکی کا کوئی خوشگوار لمحہ؟
17۔ کوئی ایسا کام جسے کرنے پر شرمندگی یا پشیمانی ہوئی ہو؟
18۔ آپکے کتنے بچے ہیں؟
19۔ ہمارے بھائی یعنی آپ کے شوہرکیاکرتے ہیں؟
20- پاک نیٹ کا کونساسیکشن ذیادہ پسندہے اور کیوں؟
21۔ یوں تو سب بہت اچھا کام کر رہے ہیں۔ لیکن آپکو کس کاکام ذیادہ پسند ہے اورکیوں؟
22۔ ہمیں کوئی نصیحت کریں جس سے ہماری اصلاح ہو سکے۔

اِتنے سوال کافی ہیں۔ باقی آپ لوگ خود بھی پوچھ سکتے ہیں گرپوچھنا چاہیں۔
خوش رہیں سب اور ہمیشہ محبتیں بانٹیں۔ شکریہ

__________________

عروج

شکریہ اس قابل سمجھنے کا۔
1۔ سسرال اور میکہ لاھور میں ھیں تو اب یہی شہر اپنا ھؤا۔
2۔ ماں پڑھی ھوئیں تھیں جسکی وجہ سے پُر سکون ھی رھنے کی تربیت آج بھی زندگی کو کامیاب بنائے ھوئے ھے۔
3۔ ایک بھیا اور چار بہنیں میرے علاوہ ھیں مَیں بہنوں کے درمیان میں ھوں۔
4۔ ماں کے بعد چھوٹی باجی۔ مگر والد ،بھائی سمیت ھر بہن میرے لیے محبت اور دعائیں لیے ھوئے رھتی ھیں۔
5۔ مچھلی یا کریلے ۔ جو جہاں بھی ملیں۔
6۔ شادی سے پہلے ھاف وھائٹ مگر اب انکی وجہ سے کالا۔
7۔ منافقت نا پسند ھے۔
8۔ راز ظاھر کرنے والے پر غصہ آتا ھے۔
9 ۔ مجھ سے انکار نہیں ھو پاتا ،اسی فرمانبرداری میں اپنا نقصا ن بھی برداشت کیا۔
10۔ بی اے کے دوران شادی ھو گئی تھی۔
11۔ پڑھنے کا کم اور لکھنے کی طرف توجہ زیادہ تھی۔
12۔ اردو۔ پنجابی ۔
13۔ لکھنے ، پڑھنے میں سکون ملتا ھے۔
14۔ پہلے تو آتا نہیں تھا، اب چند منٹ میں اتر جاتا ھے۔
15۔ اپنی بیماری میں لوگوں کی منافقت کے پردے اترے د یکھے تو بھروسہ نہ کرنے کا عہد کیا۔
16۔ پہلی بار اپنے بچے کی آواز پر آنکھیں بھیگ گئیں کہ میری ماں باھر کھڑی کس قدر خوش ھو گی۔
17۔ اپنے بھروسے ٹوٹنے پر پشیمانی اور شرمندگی اٹھائی۔
18۔ دو بیٹے۔ دو بیٹیاں۔
19۔ وکیل۔
20۔ شعبہ اردو ادب۔ مُطالعہ کی عادت یہیں سے پروان چڑھی۔
21۔ گرافک ڈیزائننگ بے حد متاثر ھوتی ھوں ۔ زارا اور خلیل بھائی کی۔
22۔ مزھب پر معلومات دیا کریں سب۔ بحث میں مت پڑا کریں ۔ کونکہ مجھ جیسا کم علم اگر غلط سمجھ بیٹھا تو آخرت تو برباد ھوئی دونوں ھی کی۔

عبدالقدوس

اسکا کیا مطلب ہوا جی

زارا

ہمم کوئیک جواب دیئے آپ نے تو

آپکے بارے میں جان کر اچھا لگا آپی۔ عبدالقدوس کی بات کی وضاحت کردیں۔

عروج

بھیا۔شوھر کی پسند ھی اپنی بن جاتی ھے۔

عبدالقدوس

اچھا ایسا بھی ہوتا ہے ؟ میں نے تو سُنا تھا بیگم کی پسند اپنانی پڑتی ہے

سیپ

السلام علیکم ورحمتہ اللہ و برکاتہ
بہت اچھا لگا عروج آپی کے بارے میں جان کر

ابن جمال

یہی تو زندگی کا حسن ہے کہ کبھی آپ ان کے رنگ میں رنگ جائیں کبھی وہ آپ کے رنگ میں‌رنگ جائے۔

عبدالقدوس

محمدعدنان

بہت اچھا لگا آپ کے بارے میں جان کر
اللہ پاک آپ کو خوشیاں دے
آمین

سحر

آپ کو یہی کرنا پڑے گا

سحر

عروج آپ کے بارے میں جان کر بہت اچھا لگا
اللہ آپ کو خوش رکھے ، اور بچوں کی خوشیاں دکھائے آمین

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

رضی

سب کا یہی جواب سننے کو ملا کہ آپ کے بارے میں جان کر بہت اچھا لگا۔ لیکن میں سمجھتا ہوں ابھی تک آپ کے بارے میں کچھ بھی نہیں جان سکے۔

کیونکہ مجھے شخصیت سے زیادہ سوچ اور افکار جاننے کی خواہش ھوتی ہے۔ لہذا اسے میرا سوال سمجھ کر ہی جواب دیں یعنی اپنی سوچ ، فکر ، فہم اور مقاصد کے بارے میں ہمیں آگاہ کریں اور آپ کی نظر میں جو مسائل ہمارے معاشرے میں انکا کیا حل ہے۔ آپ کو مواقع فراہم کیا جائے تو آپ کیا تبدیلی لانے کی کوشش کریں گی۔

جواب دینے سے پہلے یاد رکھیے میں نے آپ سے ایک سوال نہیں بلکہ سوالات کی سیریز کا مطالبہ کیا ہے ۔ لہذا اس نوٹ کو مد نظر رکھ کر تفصیلا جواب دیجیے گا ۔ شکریہ۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

عروج

رضی بھائی ،ھم مسلمانوں پر نبوت کے ختم ھونے کے باوجود ،قیامت تک کے لیے اسلام کی تبلیغ وترویج کا ذمہ لگ چکا ھے پہلا فرض ھم پر اسکا ادا کرنا ھے۔
دوسری اخلاقاً فرضیت،اپنے بیٹوں کی اس نہج پر تربیت کرنا کہ اللہ کی طرف سے واضح انداز میں یا اشارتاً جن برائیوں کا ذکر ھؤاھے ان سے نفرت کریں تاکہ معاشرہ صاف ستھرا ھو جائے۔
تیسری بات، اپنی بیٹیوں کو ایسی تربیت دیں کہ وہ اپنے آپ کو باپردہ پرسکون سمجھیں، برائی اور اچھائی کا فرق کر سکیں تاکہ وہ بھی اچھے اور با اخلاق اپنے نفس اور کفارکے خلاف جہاد کرنے والے مجاھد پاکستان اور اسلام کو دے سکیں۔
جہاں تک مسائل کا تعلق ھے یہ ھمارے اسلاف کو درپیش نہیں تھے وجہ؟ انکا اپنی اصل یعنی دین پر کار بند رھنا۔ جبھی فتوحات ھی فتوحات انکا مقدر تھیں۔ ھم اللہ کے پیغام کو پس ِپشت ڈال کر ذلت ورسوائی کو مقدر مان چکے ھیں مگر کیوں؟ کیا دین پر عمل ھمیں پستی دے گا ؟نہیں آسمان کی بلندی ھمارا مقدر ھے اسکی سیڑھی رب کے کلمے کو ھر ھر قریے میں پہنچانا ھے۔ تاکہ ''وہ'' خوش ھو کر ھمیں نوازتا رھے۔ ھماری گمشدہ عزت ،رتبہ واپس آجائے۔

راجہ اکرام

السلام علیکم
عروج صاحبہ آپ کے بارے میں جان کر اور آپ کے خیالات پڑھ کر بہت اچھا لگا
یقینا یہ سوچ قابل تقلید ہے، اسی کی ہمیں ضرورت بھی ہے
اپنے رب کے احکامات کی پابندی، تبلیغ اسلام کی تمنا اور خواہش، اولاد کی اسلامی اصولوں پر تربیت اور رب کی رضا پر راضی رہنا۔
ان باتوں پر عمل کر کے بہت سی پریشانیوں اور مسائل سے چھٹکارا پایا جا سکتا ہے

دعا ہے کہ رب ذو الجلال آپ کو اور تمام اہل خانہ کو خوشیاں اور کامیابیاں عطا فرمائیں۔۔ آمین

__________________
محتاج اصلاح و دعا