گوہر

ہما الطاف گوہر سے ایک انٹرویو ، پہلی جماعت کی طالبہ ہے ، اپنی کلاس میں پہلی تین پوزیشن میں رہتی ہے، روزانہ سونے سے پہلے اسکا ایک سوال ہوتا ہے ، آو اللہ کی باتیں کریں اور پھر باتیں سناتے ہوئے سو جاتی ہے، ہر روز ایک نئی بات جو پہلے والی بات سے آگے سے شروع اور نیند پر ختم ۔۔۔

محمودالحق

اسلام و علیکم
گوہر بھائی بہت اچھا لگا بےبی ہما کا انٹرویو سن کر ماشااللہ چھ سال کی عمر میں اسے آپ صحیح سوچ کی سمت پر گامزن کر رہے ہیں دنیا و آخرت کی کامیابی کی یہی سیڑھی ہے
اللہ تبارک تعالی آپ کو خوش رکھے

راجہ اکرام

السلام علیکم و رحمۃ اللہ
ماشاء اللہ گوہر بھائی
بہت پیاری، بہت باصلاحیت بچی ہے، اور اعتماد بھی ماشاء اللہ سے بلا کا ہے۔ باتیں بہت اچھی کرتی ہے۔ ویڈیو شیئر کرنے پر بہت بہت شکریہ
البتہ ایک بات پر میں‌ذرا ٹھٹھک ساگیا جب ہما نے کہا کہ ’’اللہ کے اندر بہت شکتی ہے‘‘۔
شاید بہت سے لوگوں کو میری یہ بات عجیب لگے، ہو سکتا ہے کسی کو غصہ بھی آجائے لیکن یاد رہے کہ الفاظ اپنے پیچھے ایک تہذیبی پس منظر رکھتے ہیں، بطور خاص ایسے الفاظ جن کا مفہوم کسی مذہب یا دین کے مذہبی اصلاح کے طور پر ہوتا ہو۔
اور یہ عمر ایسی ہے کہ اس میں‌تشکیل پانے والی سوچ پوری زندگی پر اثر انداز ہوتی ہے۔ اور ماشاء اللہ سے ہما بہت ذہین اور باصلاحیت ہے، اور میری رائے ہے کہ ایسے بچے چونکہ ہر چیز کو بہت جلد ذہن نشین کر لیتے ہیں اس لئے ان کی تربیت کا کام انتہائی احتیاط کا متقاضی ہے۔

یہ بات سن کر مجھے جو خیال آیا آپ کے ساتھ شیئر کر دیا ہے، امید ہے برا نہیں منائیں‌گے۔
و السلام
آپ کا بھائی

__________________
قریب ہے یارو روزِ محشر چھپے گا کشتوں کا خون کیوں کر
جو چپ رہے گی زبانِ خنجر لہو پکارے گا آستیں کا
محتاج اصلاح و دعا

خلیل

اگر پاور کہتی تو پھر؟

راجہ اکرام

قوی اور صاحب قدرت ’القوی۔۔ القدیر‘ اور اس طرح کے الفاظ کہنا مثالی طریقہ ہوگا یا اس سے ملتے جلتے الفاظ۔
البتہ ’پاور‘ اور’ شکتی‘ کا جو بنیادی فرق ہے اگر وہ ملحوظ خاطر رکھ کر آپ کے سوال پر سوچا جائے تو یہ بات سمجھ میں آتی ہےکہ، ‘پاور‘ اگرچہ اجنبی لفظ ہے ہمارے لئے لیکن اس کے پیچھے کوئی مذہبی یا تہذیبی پس منظر یا cultural baggage نہیں ہے، جبکہ ’شکتی‘ کا لفظ اس طرح نہیں۔
امید ہے میں اپنا مدعا واضح کرنے میں‌کسی حد تک کامیاب ہو گیا ہووں گا

و السلام

گوہر

بچوں کی گفتگو اور الفاظ میں صرف مقصد تو دیکھا جا سکتا ہے مگر کوئی وضاحت ضروری نہیں کیونکہ الفاظ کا استعمال انکے لیے کوئی نظریاتی نہیں سوائے اسکے کہ اپنا مدعا بیان کریں جبکہ اردو تو لفظی طور پر ایک لشکر ہے یعنی زبانوں کی فوج ۔ البتہ آپکی نشاندہی کا شکریہ ۔۔