اصلی چرسی

اصلی چرسی · 19-11-09, 11:05 AM

آپ یقین کیجیے یہ بڑا معمہ ہے، میں نے پشاور جیسا شہر آج تک نہیں دیکھا۔ کوئی کچھ بھی کہے لیکن یہ شہر پاکستان کے دوسرے شہروں سے الگ ہے۔ ہر بات نرالی، اب یہی دیکھیے کہ یہاں پر باڑہ یعنی علاقہ غیر کی سرحدیں ہیں، یہاں سمگل شدہ مال ملا کرتا تھا اور ہم شوق سے کریمیں اور ایمپیریل لیدر اصلی والا سستے داموں استعمال کے لیے لایا کرتے تھے۔ یہی نہیں بلکہ برقی آلات اور کپڑا یہاں کا پورے صوبہ سرحد میں مشہور تھا۔ قصہ خوانی میں کئی بار اس شوق سے گیا کہ قہوے کے ساتھ قصے سننے کو ملیں گے۔ قہوہ توتب مل جایا کرتا تھا، قصے اب سنتے ہیں وہاں روز برپا ہونے والی قیامت کے۔

میرے وہ دوست جو عوامی نیشنل پارٹی سے تعلق رکھا کرتے تھے،سے ہمیشہ ہی اختلاف رہا، وہ اسے "باچا خان چوک" جبکہ میں "چرگانو چوک" (مرغیوں والا چوک) کہنے پر مصر ہوتا، میں بھی کیا کرتا لوکل ٹرانسپورٹ والے اسے یہی کہتے تھے، دو ایک بار تو نظریاتی جنگ بھی چھڑ گئی تھی اس موضوع پر، وہ تو خدا خوش رکھے میرے ایک مردان کے دوست کو ورنہ پختونوں کی غیرت جاگتے کتنا وقت لگتا ہے۔
قلعہ بالاحصار کی فصیل پر چڑھ کر وہاں سے شہر کا نظارہ کرنا یقیناً دلفریب کام رہا ہو گا، ہمیں تو یہ نصیب نہ ہوا کیونکہ فرنٹئیر کانسٹیبلری کا مرکز جو ٹھہرا، پتہ نہیں ایسا کیوں کرتے ہیں یہ حکومتی لوگ۔ تاریخی و سیاحتی مقام ہے مگر دیکھ لیجیے وہاں کیا برپا ہے۔ لیکن یہ بھی ٹھیک ہی ہے، ورنہ نا جانے اب تک کتنے دھماکے ہو چکے ہوتے، فتح کرتے ان دہشت گردوں کو کتنا ہی وقت لگتا ہے۔ ابھی کچھ دن پہلے ہی تو رحمان بابا کا مزار فتح کیا تھا دھماکہ کر کے۔

میرے لیے دلچسپی کی جگہ پشاور یونیورسٹی رہی ہے، اس کی دو وجوہات ہیں۔ پہلی تو یہ کہ پڑھے لکھے لوگ ہیں یہاں اور دوسری یہ کہ پشاور جاؤں تو ہوٹل کا خرچہ بچ جاتا ہے۔ رات کسی کے پاس بھی یونیورسٹی کے ہاسٹل میں گذارنا کافی سودمند کام ہے۔ فلمیں دیکھو، گپیں ہانکو اور مفت میں ارد گرد چرس پیتے طالبعلموں کے دھویں سے شغف کرو، کیا بات ہے!۔

بات اگر چرس کی ہو رہی ہے تو باڑہ مارکیٹ میں پہلے پہل وہ مارکیٹیں بھی تو ہوا کرتی تھیں۔ کافی عرصہ ہوا اس طرف جانا نہیں ہوا، لٹ جانے کا ڈر اور پولیس کے بے تکے سوالوں کے جواب اب کون اور کہاں تک دے۔ مجھے یاد ہے ایک باریش شخص، وہ سر اوپر شراب سجائے، منہ کے سامنے چرس کے پرت رکھے، غیر قانونی بجلی سے روشن ہیٹر کو تاپتے ہوئے مسلسل تسبیح پر کچھ ورد کیے جاتا تھا اور دکان کے باہر شیشے پر جلی حروف میں تحریر تھا، "بسم اللہ چرس شاپ"!۔

اچھا اگر تو کوئی پشاور گیا ہے اور اس نے نمک منڈی میں کھانا نہیں کھایا، میرے خیال میں وہ محروم رہ گیا۔ روایتی کھانا "نمکین" تو ضرور کھایا لیکن اصل مزہ تو بھئی مجھے "چرسی تکہ شاپ" کا ہی آیا۔ تکے تو خیر آجکل وافر دستیاب ہیں، انسانی بھی لیکن سب سے مذیدار پہلو چرسی تکہ شاپ والوں کا بزنس کارڈ ہے جس پرتحریر ہوتا تھا، "پشاور میں اصلی چرسی ہم ہی ہیں، ہمارے علاوہ دوسرے سارے چرسی نقلی ہیں، ہوشیار!"۔
پشاور نے کافی ترقی کر لی ہو گی، لگتا تو ایسے ہی ہے۔ پہلے شام پڑتے ہی صرف تہکال سے گولیاں چلنے کی آوازیں آیا کرتی تھیں، اب سنا ہے پورا شہر دھماکوں سے گونج رہا ہے۔۔۔۔ آہ۔

**کنعان** · 03-02-10, 08:54 PM

اقتباس:

اصل مراسلہ منجانب : عدنان دانی

کنعان بھائی اچھے اور برے لوگ ہر جگہ ہوتے ہیں
یہ بات صرف پشاور کی نہیں تھی۔۔۔۔۔۔۔۔۔ لیکن ہرکسی کا اپنا سٹایل ہوتا ہے
میرے ماموں جب پشاور پہنچے وہ ٹیکسی میں سوارہوئے ٹیکسی میں دو آدمی
بیٹے ہوئے تھے وہ انہیں کہی دور بیابان میں لے گئے اور جو کچھ ان کے پاس تھا
وہ سب کچھ لے اڑے۔۔۔۔۔۔۔ آپ کے بھائی کو تو کرایہ دیا تھا ہمارے ماموں کو
کرایہ بھی نہیں دیا۔۔۔۔۔۔۔۔۔۔۔۔۔ بیچارے کو سڑک تک آنے کیلئے 6 کلومیٹر کا فاصلہ
پیدل طے کرنا پڑا۔

ہا ہا ہا ہا

السلام علیکم بھائی

مجھے آپکی لکھی ہوئی بات پر ہنسی آئی مگر ابھی نہیں لکھوں گا پھر کبھی کسی پوسٹ پر، میرے ساتھ جو کراچی میں حادثہ ہوا تھا وہ بھی ائرپورٹ ٹیکسی میں 4 بندوں کا تھا ایک ٹیکسی والا اور اس کا پارٹنر اور دو الگ بندے اور رات کا وقت ۔ ہا ہا ہا - لیکن میں لٹا نہیں کیونکہ میرے پاس ہر بیماری کا توڑ ھے۔ لیکن واقع بہت خطرناک تھا۔

اور میرے دوست کے ساتھ جو ہوا وہ لاہور ائرپورٹ میں ٹیکسی کا تھا مگر ایک بندہ کے ساتھ

والسلام

**عدنان دانی** · 03-02-10, 09:01 PM

میرے ماموں اور آپکی آپ بیتی میں مطابقت پائی جاتی ہے
کھبی وقت ملے تو ضرور بتادیجئے گا۔۔۔۔۔۔۔۔۔۔۔ میں بھی ہنسو گا۔۔۔۔۔ ٹھا کرکے

**عبدالقدوس** · 07-10-11, 10:56 AM

صلہ عمر | صلہ جو ہم نے عمر سے پایا ہے: اصل چرسی
ڈاکٹر عمر بنگش کی تحریر ہے

**wajee** · 07-10-11, 09:19 PM

کیا واقعی چراس اتنی عام ہے کیا ہر پانچواں بندہ چرس پیتا ہے جس طرح کراچی میں ہر تیسرا بندہ گھٹکا ، مین پوری،چھالیا،2100 کھاتا ہے

**فیصل ناصر** · 07-10-11, 09:25 PM

چرس پینے سے ہوتا کیا ہے ؟؟

**رضی** · 07-10-11, 11:10 PM

اقتباس:

اصل مراسلہ منجانب : فیصل ناصر

چرس پینے سے ہوتا کیا ہے ؟؟

سنا ہی دندیاں نکلی رہتی ہیں ۔تجربہ کر کے ہمیں بھی آگاہ کرئیے گا

**wajee** · 08-10-11, 08:11 PM

اقتباس:

اصل مراسلہ منجانب : فیصل ناصر

چرس پینے سے ہوتا کیا ہے ؟؟

سگریٹ پینے سے کیا ہوتا ہے ؟؟

**کنعان** · 09-10-11, 02:43 AM

سگریٹ، چرس، بھانگ، گوٹکا، پتی، تمباکو، نسوار وغیرہ وغیرہ پہلی مرتبہ یا شروع شروع میں استعمال کرنے سے بہت کچھ ہوتا ھے اور اگر اس کا استعمال جاری رہے تو ایک شوقیہ عادت بن جاتی ھے پھر چند لمحوں کے لئے نشہ سا ہوتا ھے اس سے زیادہ کچھ نہیں۔ اکثر دیکھا گیا ھے جو اسے ضرورت سے زیادہ استعمال کرتے ہیں تو دماغ بھی درست سے کام نہیں کرتا۔

سگریٹ شوق سے پینے والے اکثر منہ میں ہی دھنواں رکھ کے باہر نکال دیتے ہیں اس میں منہ کڑوا ہو جاتا ھے کیونکہ نیکوٹین منہ میں جمع رہتی ھے اس سے کوئی نشہ نہیں‌ ہوتا،
دوسرا کچھ لوگ شوقیہ عادت والے آدھا دھنواں اندر کو کھینچتے ہیں اور آدھا منہ میں رکھتے ہیں، اس کا نشہ نہ ہونے کے برابر ہوتا ھے۔
تیسرا کچھ لوگ پورا دھنواں اندر کو کھینچتے ہیں اس سے نشہ بہت زیادہ ہوتا ھے اور یہ جسمانی صحت کے لئے بھی بہت نقصان دہ ھے۔

چرس پینے والے زیادہ تر وہ لوگ ہیں جو گلیوں میں پھیری کا کاروبار کرتے ہیں۔ اور یہ لوگ اکثر اپنی فیملی کے لئے ہمیشہ عذاب ہی ثابت ہوئے ہیں۔

**ڈفر** · 09-10-11, 07:32 PM

اقتباس:

اصل مراسلہ منجانب : عبدالقدوس

صلہ عمر | صلہ جو ہم نے عمر سے پایا ہے: اصل چرسی
ڈاکٹر عمر بنگش کی تحریر ہے

شاباش بٹ

ویسے تو تم نے بڑے قانون قاعدے بنائے ہوتے ہیں
کاپی پیسٹ کی ابھی کوئی آئنی ترمیم کر لو
اور کم سے کم سینئر ممبران کو تو ”بلاگی ایتھکس“ کا خیال کرنا چاہیے

**ننھا بچہ** · 09-10-11, 08:29 PM

اقتباس:

اصل مراسلہ منجانب : ڈفر

شاباش بٹ

ویسے تو تم نے بڑے قانون قاعدے بنائے ہوتے ہیں
کاپی پیسٹ کی ابھی کوئی آئنی ترمیم کر لو
اور کم سے کم سینئر ممبران کو تو ”بلاگی ایتھکس“ کا خیال کرنا چاہیے

مُجھے پتا تھا تو یہاں ضرور آئے گا

**ڈفر** · 09-10-11, 09:19 PM

اقتباس:

اصل مراسلہ منجانب : ننھا بچہ

مُجھے پتا تھا تو یہاں ضرور آئے گا

آہو ایڈی توں پیر پاک نیٹ سنگھ آلی سرکار

**ننھا بچہ** · 12-10-11, 01:00 PM

اقتباس:

اصل مراسلہ منجانب : ڈفر

آہو ایڈی توں پیر پاک نیٹ سنگھ آلی سرکار

برادری دی فکر کر۔۔۔۔۔۔۔۔۔۔۔

03-02-10, 09:01 PM	#17
عدنان دانی Senior Member تاریخ شمولیت: Nov 2009 مقام: متحدہ عرب امارات عمر: 22 مراسلات: 6,347 کمائي: 154,197 شکریہ: 4,887 4,397 مراسلہ میں 11,052 بارشکریہ ادا کیا گیا	میرے ماموں اور آپکی آپ بیتی میں مطابقت پائی جاتی ہے کھبی وقت ملے تو ضرور بتادیجئے گا۔۔۔۔۔۔۔۔۔۔۔ میں بھی ہنسو گا۔۔۔۔۔ ٹھا کرکے Share Share this post on Digg Del.icio.us Technorati Twitter Facebook! __________________ اور اس نے میرے ساغر میں مئے سرخ انڈیلی ۔۔۔ تو کہا مت سوچو !

07-10-11, 10:56 AM	#18
عبدالقدوس Administrator تاریخ شمولیت: May 2007 مقام: گوگل عمر: 24 مراسلات: 25,294 کمائي: 2,346,333 شکریہ: 18,821 12,630 مراسلہ میں 29,416 بارشکریہ ادا کیا گیا	صلہ عمر \| صلہ جو ہم نے عمر سے پایا ہے: اصل چرسی ڈاکٹر عمر بنگش کی تحریر ہے Share Share this post on Digg Del.icio.us Technorati Twitter Facebook!

07-10-11, 09:19 PM	#19
wajee Senior Member تاریخ شمولیت: Sep 2008 مراسلات: 7,526 کمائي: 88,060 شکریہ: 5,185 5,036 مراسلہ میں 11,455 بارشکریہ ادا کیا گیا	کیا واقعی چراس اتنی عام ہے کیا ہر پانچواں بندہ چرس پیتا ہے جس طرح کراچی میں ہر تیسرا بندہ گھٹکا ، مین پوری،چھالیا،2100 کھاتا ہے Share Share this post on Digg Del.icio.us Technorati Twitter Facebook! __________________ Life is a gift given to us by Allah.Death is a gift returned to Allah.

07-10-11, 09:25 PM	#20
فیصل ناصر Senior Member تاریخ شمولیت: Dec 2007 مقام: کراچی مراسلات: 17,523 کمائي: 298,166 شکریہ: 36,134 13,828 مراسلہ میں 40,299 بارشکریہ ادا کیا گیا	چرس پینے سے ہوتا کیا ہے ؟؟ Share Share this post on Digg Del.icio.us Technorati Twitter Facebook!

09-10-11, 02:43 AM	#23
کنعان ذیلی ناظم تاریخ شمولیت: Jun 2009 مقام: ENGLAND مراسلات: 5,499 کمائي: 118,544 شکریہ: 13,494 4,903 مراسلہ میں 16,685 بارشکریہ ادا کیا گیا	سگریٹ، چرس، بھانگ، گوٹکا، پتی، تمباکو، نسوار وغیرہ وغیرہ پہلی مرتبہ یا شروع شروع میں استعمال کرنے سے بہت کچھ ہوتا ھے اور اگر اس کا استعمال جاری رہے تو ایک شوقیہ عادت بن جاتی ھے پھر چند لمحوں کے لئے نشہ سا ہوتا ھے اس سے زیادہ کچھ نہیں۔ اکثر دیکھا گیا ھے جو اسے ضرورت سے زیادہ استعمال کرتے ہیں تو دماغ بھی درست سے کام نہیں کرتا۔ سگریٹ شوق سے پینے والے اکثر منہ میں ہی دھنواں رکھ کے باہر نکال دیتے ہیں اس میں منہ کڑوا ہو جاتا ھے کیونکہ نیکوٹین منہ میں جمع رہتی ھے اس سے کوئی نشہ نہیں‌ ہوتا، دوسرا کچھ لوگ شوقیہ عادت والے آدھا دھنواں اندر کو کھینچتے ہیں اور آدھا منہ میں رکھتے ہیں، اس کا نشہ نہ ہونے کے برابر ہوتا ھے۔ تیسرا کچھ لوگ پورا دھنواں اندر کو کھینچتے ہیں اس سے نشہ بہت زیادہ ہوتا ھے اور یہ جسمانی صحت کے لئے بھی بہت نقصان دہ ھے۔ چرس پینے والے زیادہ تر وہ لوگ ہیں جو گلیوں میں پھیری کا کاروبار کرتے ہیں۔ اور یہ لوگ اکثر اپنی فیملی کے لئے ہمیشہ عذاب ہی ثابت ہوئے ہیں۔ Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
سی آئی اے سمیت کسی غیر ملکی ایجنسی کو پاکستان میں آزادانہ کارروائی کی اجازت نہیں دی جائے گی	گلاب خان	خبریں	0	28-02-11 05:13 AM
ایس سی او ٹول بار کسی بھی مہنگے سرچ انجن آپٹیمائزیشن سافٹ ویر سے بہتر	یاسر عمران مرزا	SEO and Marketing	15	28-11-10 12:55 AM
پی سی بی نے سری لنکن ٹیم پر حملے کی رپورٹ آئی سی سی کو بھیج دی	جاویداسد	خبریں	0	18-08-10 10:28 PM
آئی سی ایل میں‌پاکستان کا نام کیوں ---- پی سی بی نے ایکشن لینے کا فیصلہ کرل	محمدعدنان	کرکٹ	1	16-04-08 11:27 AM
لوگوں کو پسند کا چینل دیکھنے کی آزادی دی جائے، سی پی این ای کراچی ( جنگ نیوز) ملک میں ایمرجنسی کے نفاذ کے بعد میڈیا اور جیو پر پابندیوں کو آج	عبدالقدوس	خبریں	0	07-12-07 08:27 AM