میرا دوست پاک نیٹ جو کچھ عرصہ پہلے مجھے اجنبی تھا پھر رفتہ رفتہ دل میں گھر کرتا روح میں اترنے کی سازش کر رہا ہے مگر مجھے محبت کے اس جال میں نہیں پنسنا کیونکہ اگر جدا ہو جائیں تو دل کا روگ بن جاتے ہے بہت سے نام اپنے شخصیت سے بھی بڑھ کر نام بن جاتے ہیں کوئی بڑا نام بے نام ہو کر بھی رہ سکتا ہے ایک ایسا گلستان جہاں جدا رنگ و مہک کا ہر پھول کھلا ہے جسے جو پسند ہو چن سکتا ہے محسوس کر سکتا ہے مسحور ہو سکتا ہے مگر خیال رہے ان نرم و نازک پھول پتیوں کو توڑنا مت ان کی دلکشی ان کے کھلنے میں ہے یہاں کانٹے ان کی حفاظت نہیں کرتے بلکہ ہاتھ خود محافظ ہیں کچھ ہاتھ انہیں مسلنے کے درپے ہو سکتے ہیں مگر یہ گلستان قلب روح سے لفظوں کی آبیاری سے پنپ رہا ہے ہاتھوں کے بنائے مجسمے تو ٹوٹ سکتے ہیں مگر تخیل میں بسائے محبوب نہیں روٹھا کرتے یہاں کوئی کسی سے آواز و لباس سے برتر نہیں عقل و شعور سے بھی کوئی کم تر نہیں ہر انسان آئینے میں اپنا ہی عکس رکھتا ہے دوسروں کو اپنا ہم خیال بنانا ایک احسن فعل ہے مگر اپنی رائے کو ہر تنقید سے بالا تر رکھنا مثبت سوچ کی غمازی نہیں کرتا اور دوسروں کی رائے ذاتیات کے زمرے میں لانا بھی احسن نہیں ہو گا ہم سبھی پسند نا پسند کی بنیاد پر اپنے اپنے اصول طے کر لیتے ہیں اور پھر ایک نہ ختم ہونے والی بحث کا سبب بنتے ہیں محبت اور برداشت ایک ایسا راستہ ہے جس پر چل کر ہر مسئلہ کا حل نکل سکتا ہے ہم خود اپنے ہی ہاتھوں دروازے بند کر لیتے ہیں کھلے دل سے پاک نیٹ کی اس محفل میں ہمیں آنا چاہیے محبت اخوت بھائی چارہ رواداری کی لازوال اسلامی تعلیمات پر عمل کرتے ہوئے ہر قسم کے اختلاف اور تضاد سے بالا تر ہو کر ایک اچھے مسلمان اور انسان ہونے کا عملی مظاہرہ کریں جو ہمارا دینی و ملی فریضہ کا تقاضا بھی ہے اگر سچ پوچھیں تو ہمارے انہی اختلافات کی بدولت بحثیت مجموعی قوم قومیت کے جزبے ہی سے عاری ہوتی جارہی ہے آئیں اس محفل جس کا نام ہی پاکستان کی نسبت سے پاک نیٹ ہے کی آبیاری اپنے حسن سلوک سے کریں
السلام

پاک نیٹ کے دوستو آؤ سب دعا کریں