شہر قائدکا الميہ يہ ہے کہ يہاں کی آبادی بری طرح لسانی اور مذہبی بنيادوں پر منقسم ہے- کسی بھی سياسی جماعت کی ملک بھر ميں وجہ شہرت چاہے کچھ بھی ہو کراچی ميں اس تنظيم کو لسانی بنيادوں پر ہی ووٹ ملتا ہے- پيپلز پارٹی کو نوے فيصد سندھی ووٹ ديتے ہيں اور عوامی نيشنل پارٹی کے حصہ ميں پختونوں کے ووٹ آتے ہيں- جبکہ متحدہ قومي موومنٹ کو تو شايد ہی غير اردو اسپيکنگ ووٹرز کے دوچار ووٹ ملتے ہوں- مزہبی جماعتيں بھی بڑا ووٹ بنک نہ ہونے کے باوجود يہاں کافی اثر و رسوخ رکھتی ہيں اور اپنی موجودگی کا احساس دلانے کيلۓ يہ مخالف مکتبہ فکر سے چھيڑ چھاڑ کرتی رہتی ہيں- بالکل اسی طرح سياسی بلکہ لسانی جماعتيں بھی اپنے ووٹرز کے لسانی جزبات کوگرم رکھنے کيلۓ ايک دوسرے پر الزام تراشيوں اور دھمکيوں کا سلسلہ جاری رکھتی ہيں اور اکثر يہ سلسلہ جلاؤ گھراؤ و قتل و غارت تک پہنچ جاتا ہے- بظاہر مخالف قوم کا نشانہ بنے والے عوام اپنی قوم يا فرقہ سے تعلق رکھنے والي تنظيم کو اپنی بقاء کی ضمانت سمجھنے لگتے ہيں اور لسانيت کی جڑيں مزيد مضبوط ہوتي چلی جاتی ہيں---
دوسری جانب قانون نافظ کرنے والے اداروں کی جانب نظر دوڑائيں تو يہ صاف ہے کہ ان پاس اختيارات ہی نہيں يا يوں کہيں کہ سلب کرلۓ گۓ ہيں -يا تو يہ کبھی کسی ايک تنظيم کے ماتحد ہوتے ہيں يا مشترکہ طورپہ سب کے-عام طور پر انہيں سياسی مخالفين کو کچلنے کيلۓ استعمال کيا جاتا ہے- سياسی بساط پلٹی کھاتی ہے تو سب سے پہلے شامت انہيں کی آتي ہے- اب ايسے ميں کون غريب ديانت داری سے اپنی ڈيوٹی سر انجام دے گا - ايک حقيقت يہ بھی ہے کہ سرکاری ملازم بھی لسانيت اور فرقہ واريت سے بچے ہوۓ نہيں ہيں-
آخر اس لسانی اور مزہبی انتہا پسندی کا انجام کيا ہوگا؟
ہم اپنے ہی دشمنوں کو ايوانوں تک تو نہيں پہنچاہے؟
کراچی ميں فوری اور ديرپا امن کيسے ہوسکتا ہے؟
شايد کہ يہاں مجھے ان سولوں کے جواب مل جائيں-