درجہ بندی: (1 votes - 4.00 average)

فوجی اور سائنسی مقاصد کے لیے جب انٹرنیٹ ایجاد ہوا تھا تو شاید اُس وقت ایجاد کرنےوالوں کے ذہن کے کسی گوشے میں بھی نہ ہوگا کہ ایک دن انٹرنیٹ کا پھیلاؤ اس قدر زیادہ ہو جائے گا کہ انٹرنیٹ استعمال کرنے والوں کی تعداد کروڑوں ، اربوں میں پہنچ جائے گی۔ دنیا کا ہر کمپیوٹر انٹرنیٹ سے منسلک ہو سکے گا۔

اسی طرح یہ بھی عین ممکن ہے کہ جب انٹرنیٹ کو عام مقاصد کے لیے پیش جا رہا ہو ، تب بھی یہ بات کسی کے ذہن میں بھی نہ ائی ہو کہ انٹرنیٹ کو تعلیمی مقاصد کے علاوہ کسی اور مقصد کے لیے بھی استعمال کیا جاسکتا ہو گا۔

آج جہاں انٹرنیٹ نے ہم کو جدید ترین سائنسی تحقیق سے لے کر قدم ترین معلومات تک رسائی دے دی ہے، ہم پاکستان میں بیٹھ کر امریکہ کے حالات معلوم کر سکتے ہیں، خبریں، موسم کا احوال، تجزیے، انفارمیشن شئیرنگ اب محض انگلیوں کی پور پر آ گئی ہے۔ اگر ہم یہ کہیں کہ انٹرنیٹ نے دنیا کو گلوبل ویلج بنانے کا خواب پورا کرنے میں اہم کردار ادا کیا ہے تو شاید مبالغہ نہ ہوگا۔ انٹرنیٹ کا استعمال اب کمپیوٹرز سے نکل کر موبائل کی دنیا میں داخل ہو گیا ہے اور بے شمار لوگ راہ چلتے انٹرنیت استعمال کرتے نظر آتے ہیں۔

لیکن ٹھہریے !

میں نے کہا کہ "بے شمار لوگ راہ چلتے انٹرنیٹ استعمال کرتے نظر آتے ہیں"۔ کیا کبھی کسی نے سوچا کہ وہ کیا استعمال کر رہا ہے؟ جی ہاں۔ تازہ ترین رپورٹ کے مطابق پاکستانیوں کی اکثریت "پورنو گرافی" استعمال کرتی ہے۔ جب فیصد میں بات کی جاتی ہے ، تو اس میں نام نہیں لیے جاتے کہ حیدر پورنو گرافی استعمال نہیں کرتا۔ فلانی عورت پورنو گرافی استعمال نہیں کرتی۔ بلکہ جب فیصدی میں بات کی جاتی ہے تو انگلی کسی مخصوص شخص کے بجائے سبھی کی طرف گھوم جاتی ہے۔ تب حیدر بھی دل میں شرمسار ہو رہا ہوتا ہے اور فلانی عفیفہ بھی۔ ہر کسی کو اس آئینے میں اپنا چہرہ نظر آ جاتا ہے۔خواہ اس آئینے کے سامنے وہ یا نہ ہو۔

آج جب "ایم" نے پاکستانی چہرہ دکھایا تو میں بھی برافروختہ ہو گیا کہ مجھ پر کیوں الزام لگا رہا ہے۔ لیکن کیا محض غصہ کرنے سے معاملہ حل ہو سکتا ہے؟ کیا ضرورت اس امر کی نہیں ہے کہ ہم محض افسوس کرنے یا انکار کرنے سے بڑھ کر اس حقیقت کو ہی تسلیم کر لیں کہ ہاں "ہم میں سے کوئی نہ کوئی ہے جو پورنو گرافی استعمال کرتا ہے" اور اس بات کی کوشش کریں کہ اس شخص کو تلاش کیے بغیر ، اس کو اس سے نجات دلا سکیں، تاکہ اسکی وجہ سے ہم پر جو کالک لگ رہی ہے، اُس سے بچا جا سکے۔

میرا یہ مضمون اسی سلسلے کی ایک کڑی ہے۔ میں چاہتا ہوں کہ اس مضمون میں چند مختصر سی تراکیب بیان کر دوں جن کی مدد سے ہم "پورنو گرافی" کے بجائے "انٹرنیٹ" استعمال کرنے کی طرف راغب ہو سکتے ہیں۔

یہ تراکیب کس حد تک موثر ہو سکتی ہیں ، یہ خود آپ پر ہی منحصر ہے۔لیکن میں اپکو یقین دلاتا ہوں کہ ان میں سے ہر ایک تیر بہدف ہے، بشرطیکہ آپ خود ہدف کو ہی تبدیل نہ کر دیں۔
اُمید ہے فورم کے ساتھی بھی "پورنو گرافی" سے "انٹرنیٹ" کی طرف سفر کرنے میں اپنے انجان و خفیہ بھائیوں اور بہنوں کی مدد کریں گے اور تجاویز پیش کریں گے۔

میری تجاویز دو جہتوں پر کام کرتی ہیں۔ ایک جہت ہے
"اندر سے باہر کی طرف"
اور دوسری جہت ہے
"باہر سے اندر کی طرف"

پورنو گرافی سے جان چھڑوانے کے لیے ہر کوئی اپنی مرضٰی کی جہت کا انتخاب کر سکتا ہے۔ یا اگر کوئی چاہے تو دونوں جہتوں کا ایک ہی وقت میں استعمال کرے۔ یہ خود مریض پر منحصر ہے کہ وہ اپنے مرض سے کس طور اور کس قدر جلدی چھٹکارا حاصل کرنا چاہتا ہے

اللہ تعالیٰ سے اُمید کرتا ہوں کہ یہ تراکیب کامیاب ہوں گی۔انشا اللہ

اپنا دماغ بنائیے: ۔۔(اندر سے باہر کی طرف)
کیا آپ ابھی تک پورنو گرافی کے نقصانات سے آگاہ نہیں ہیں؟ کیا اپ ابھی تک اس خوش فہمی کا شکار ہیں کہ پورنو گرافی نے آپ کو کوئی نقصان نہیں پہنچایا ؟ کیا آپ اب بھی اس خوش فہمی میں ہیں کہ آپکی پورنو گرافی کے استعمال کا کسی کو علم نہیں ہوتا؟ کیا آپکو ابھی تک علم نہیں ہے کہ
:::::ایک تحقیق کے مطابق خاندان ٹوٹنے میں ایک اہم کردار "پورنو گرافی" کا ہے۔ کیونکہ لاشعوری طور پر آپ اپنے شریک حیات سے وہی طور طریقے طلب کرسکتے ہیں جو آپ بار بار دیکھتے ہیں۔ جس سے آپ اپنے شریک حیات کو بھی ڈی گریڈ کرتے ہیں۔
:::::آپکا اپنا بچہ/بھائی/بہن بھی انہی سائٹس کو دیکھنے میں ملوث ہو سکتا ہے، جو آپ دیکھتے ہیں۔
:::::آپ انجانے میں ایک نئے قسم کے نشے میں ملوث ہو چُکے ہیں/ہو سکتے ہیں۔ جس کا نام ہے "پورنو گرافی"۔ اس کی وجہ سے اپکو چائلڈ سیکس، اینمل سیکس وغیرہ کی بیماریاں لاحق ہو سکتی ہیں۔
:::::"پورنو گرافی" آپ کو معاشرے کے غلط لوگوں کے ساتھ تعلقات کی طرف دھکیل سکتی ہے جس کا نتیجہ ڈرگ،اور ایڈز بھی ہو سکتا ہے (پاکستان میں ایڈز کا مرض تیزی سے بڑھ رہا ہے)
:::::آپ کی زہنی صلاحیتوں کو منفی اثر ڈال سکتا ہے۔کیونکہ ہمارا معاشرہ اور دین اس کو پسند نہیں کرتا ۔ اسی لیے آپ اس کو شعوری یا لاشعوری طور پر گناہ سمجھتے ہیں
:::::: ایک وقت ائے گا کہ اپ اس کو غلط سمجھنا چھوڑ دیں گے۔ آپ کا گناہ ، ثواب کا تصور گڑبڑا جائے گا۔ نتیجتاً آپ مزید برائیوں میں ملوث ہوتے جائیں گے۔
::::::سب سےبڑا نقصان یہ ہے کہ آپ شیطان کو خؤش کر رہے ہوتے ہیں اور رحمان کو ناراض۔

اس بارے میں مزید تحقیق کے لیے "disadvantages of porno graphy" لکھ کر تلاش کر سکتے ہیں۔

یا اس ویب سائٹ پر Damages of Addiction to Pornography کا مطالعہ کریں

اگر آپ جاننا چاہتے ہیں کہ کہیں آپکو "پورنو گرافی کا نشہ" تو نہیں لگ گیا ۔تو مندرجہ ذیل لنک کا وزٹ کریں۔
Signs of Addiction to Pornography



اپنے کمپیوٹر کو "انٹرنیٹ" فرینڈلی بنائیےباہر سے اندر کی طرف)
پورن سے بچنا کوئی مشکل کام نہیں۔ آج اگر آپ یہ سمجھ جاتے ہیں کہ "پورن" اپ کے لیے نقصان دہ ہے ، تو آپ ابھی سے ہی اس سے بچ سکتے ہیں۔ مسلمانوں کے لیے سب سے آسان کام ہے۔ توبہ۔ اللہ خوش ہو جائے گا۔ لیکن انٹرنیت پر کام کرتے ہوئے ، کوئی بھی چھوٹا موٹا واقعہ ، اپکو پورن کی سائیڈ پر دوبارہ لے جا سکتا ہے اور دوبارہ بے اعتدالی ہو سکتی ہے۔

مستقبل میں ان مسائل سے بچنے کے لیے مندرجہ زیل دو طریقے اپنا سکتے ہیں

1: اپنے ڈی ایس ایل موڈیم میں پورن کو بلاک کروا دیں۔ اکثر ڈی ایس ایل موڈیم(مثلاً شائرو)کی کنفیگریشن میں انہوں نے آپشن دیا ہوتا ہے کہ اپ مخصوص "کی ورڈز" کو بلاک کر سکتے ہیں۔آپ خود بھی، (بہتر ہو گا کہ کسی دوست یا کمپنی نمائندے سے یہ کام کروائیں تاکہ شیطان آپ کو اکسائے بھی تو بھی آپ کے پاس آپشن نہ ہو) موڈیم کنفیگریشن میں جا کر ان "کی ورڈز" کو اس میں داخل کر دیں۔ اس طرح آپ جیسے ہی ان "کی ورڈز" کی ویب سائٹ پر پہنچیں گے، آپ کا موڈیم اس کو بلاک کر دے گا اور وہ کسی طور بھی کھل نہ پائیں گی۔ اس کی مدد سے آپ 90 فیصد پورن سائٹس بلاک کر سکتے ہیں

2: اپنے کمپیوٹر پر "پورن فلٹر سسٹم " انسٹال کر لیں۔ اس کی مدد سے آپ اپنے کمپیوٹر پر پورن کو دفع کر سکتے ہیں۔
آپ کوئی بھی سافٹ وئر استعمال کر سکتے ہیں۔ مثلاً
Porn Filter - Porn Blocker

System Surveillance Pro 5.5 - Free software downloads and software reviews - CNET Download.com


جاری ہے

اپنا تجزیہ کریں: ۔۔ (اندر سے باہر کی طرف)
آپ اپنا تجزیہ کریں کہ آپ کس وقت "پورنو گرافی" کا نشہ پورا کرنے کی کوشش کرتے ہیں۔ آپ یہ بھی تجزیہ کرنے کی کوشش کریں کہ وہ کیا باتیں یا مواقع ہوتے ہیں جن کی وجہ سے آپ کے دل میں "پورنو گرافی" کا نشہ کرنے کی خواہش جاگتی ہے۔ ان کی ایک فہرست بنا لیں (ایم ایس ورڈ میں بنا کر اس کو پاس ورڈ پروٹیکٹ کر لیں)۔اس لسٹ میں وقتاً فوقتاً ضرورت کے مطابق اضافہ یا کمی کرتے رہیں۔
اور کوشش کریں کہ ان اوقات میں کمپیوٹر سے دور رہیں۔ یہ بھی کوشش کریں کہ ان وجوہات سے ، جو اپ نے تلاش کیں، سے بھی دور رہنے کی کوشش کریں۔ وجوہات کو آپ "کی ورڈز" میں تبدیل کر کے "بلاک لسٹ" میں ڈال لیں۔

متبادل کی تلاش :۔۔۔(باہر سے اندر کی طرف)
خود کو متبادل سرگرمیوں میں مصروف کرنے کی کوشش کریں۔ چونکہ پاکستانیوں کی اکثریت انگلش سے نا بلد ہے ۔ اس لیے وہ انٹرنیٹ پر آ کر بور ہوتے ہیں ، اور اسی بوریت کو ختم کرنے راستہ انٹر نیٹ کے بجائے "پورنو گرافی" کو استعمال تلاش کر لیتے ہیں۔ لیکن اب چونکہ انٹرنیٹ پر اردو کا مواد اچھی خاصی بڑی تعداد میں پایا جاتا ہے اس لیے کوئی اچھی سی سائٹ یا فورم (جیسے پاک نیٹ) کو جوائن کر لیں۔ فورمز مسلسل دلچسپیوں کا ایک خزانہ ہوتے ہیں۔ اپ ان فورمز مثلاً پاک نیٹ پر اپنی دلچسپی کا سیکشن ڈھونڈ کر اس میں دوست بنا لیں اور پھر مصروفیت ہی مصروفیت۔ اس طرح سے آپ کو سیکھنے کا موقع بھی ملے گا اور آپ کا ذہن بھی "پورن" کے نشے کی طلب سے ہٹا رہے گا۔

ویب سائٹس کے ناموں کا اندازہ مت لگائیں: ۔۔۔۔ (باہر سے اندر کی طرف)
کوشش کیا کریں کہ ویب سائٹس کے ناموں کا اندازہ لگا کر اس کو کھولنے کی کوشش نہ کیا کریں۔ کیونکہ کئی پورن سائٹس ایسی ہیں جنہوں نے اپنے نام ، مشہور سائٹس کے نام سے ملتے جُلتے رکھے ہوئے ہیں مثلاً امریکن وائٹ ہاوس کی ویب سائٹ کے نام سے ملتا جُلتا نام ایک پورن سائٹ کا تھا۔ تھوڑا سا غلط ہوا اور آپ پھر سے پورن پر پہنچ گئے۔/ خیر اگر آپ نے "پورن" کو بلاک کیا ہوا ہے تو پھر تو کوئی پریشانی کی بات نہیبں ۔۔۔لیکن پھر بھی آپ اس طرح کے اندازوں سے گریز کریں۔ کیونکہ یاد رکھیے شیطان ہر حربے سے آپ کو واپس پورن کی طرف لے جانا چاہتا ہے۔ اب یہ آپ پر ہے کہ آپ کس حد تک اس سے بچتے ہیں۔

احتیاط ۔۔علاج سے بہتر ہے



جاری ہے

کمپیوٹر کا رُخ یا کمرہ تبدیل کر دیں اور دروازہ کھلا رکھیں:۔۔۔(باہر سے اندر کی طرف)
اول تو کوشش کریں کہ کمپیوٹر کو ایسے کمرے میں رکھیں جہاں سب لوگ موجود ہوں یا آنا جانا ہو، مثلاً ڈرائنگ روم یا ٹی وی لاؤنج۔ تاہم اگر یہ ممکن نہ ہوتو مانیٹر کا رُخ ایسی جانب رکھیں کہ جس طرف سے کسی کے آنے کے چانسز ہوں۔ اس طرح آپ کے اندر خوف موجود رہے گا کہ کوئی دیکھ لے گا۔ کوشش کریں کہ کمرے کا دروازہ کھلا رکھیں۔

انٹرنیٹ سرفنگ سے گریز کریں:۔۔۔۔۔۔(باہر سے اندر کی طرف)
جس حد تک ممکن ہو انٹرنیٹ سرفنگ یا سرچنگ سے گریز کریں۔ خود کو چند مخصوص سائٹس یا فورمز تک محدود رکھیں۔ ’’جتنا آپ آوارہ پھریں گے ، اُتنا آپ خود کو حملوں کے رسک میں ڈالیں گے‘‘

کمپیوٹر میں چند تبدیلیاں کر دیں :۔۔۔۔۔۔۔۔۔(باہر سے اندر کی طرف)
کمپیوٹر کے سٹارٹ اپ میں کوئی قرآنی تلاوت ڈال دیں۔ اسی طرح جب انٹرنیٹ استعمال کریں تو کوئی نعت وغیرہ سنتے رہیں۔ کمپیوٹر کا وال پیپیر کوئی اسلامی یا قرآنی استعمال کریں۔

اپنا نقصان تلاش کریں : ۔۔۔۔۔۔۔۔۔۔۔۔۔(اندر سے باہر کی طرف)
جیسا کہ اس موضوع کے آغاز میں ہی بتایا کہ "پورنو گرافی" ایک نشہ ہے اور نہایت نقصان دہ ہے۔ تاہم یہ دیکھنے کے لیے کہ پورنو گرافی آپ کو کس معاملے میں زیادہ نقصان دے سکتی ہے ، آپ اپنی لسٹ خود بنائیں۔ اپنے ذہن سے سوچیں کہ پورنو گرافی آپ کو کہاں کہاں زک دے رہی ہے۔ ان تمام وجوہات کی لسٹ بنا لیں۔ اس لسٹ کو آپ ایم ایس ورڈ میں پاسورڈ کے ذریعے محفوط کر سکتے ہیں۔ اس لسٹ کا صبح اور رات کو مطالعہ کریں اور خود کو یاد دہانی کروائیں کہ ان نقصانات سے بچنا خؤد آپ کے مفاد میں ہے۔

اپنے عزیز یا پیارے کی تصویر لگائیں: (اندر سے باہر کی طرف)
اپنے کمپیوٹر کے پاس اپنے کسی بہت عزیز یا پیارے مثلاً شوہر یا بیوی یا بیٹی کی تصویر کمپیوٹر کے بالکل ساتھ ایسے لگائیں کہ وہ کمپیٹر استعمال کرتے وقت آپ کو نظر آتی رہے۔

قرآن کی مدد لیں:۔۔(اندر سے باہر کی طرف)
کوشش کریں کہ کمپیوٹر کھولتے وقت قرآن کی چند ایات کی تلاوت کر لیں اور اسی طرح خود سے عہد کریں کہ جب کمپیر بند کروں گا تب بھی تلاوت کروں گا۔ اس بات کا عہد اور معمول بنا لیں۔