جب بادل آتے تو آپ صلی اللہ علیہ وسلم کا رنگ متغیر ہو جاتا، آپ پریشانی میں کبھی اِدھر جاتے کبھی اُدھر۔ڈر تھا کہ پرانی قوموں کے اوپر یہ بادل عذاب بن کر برسے۔
اس میں کوئی شک نہیں کہ بارش اللہ کی رحمت ہے لیکن یہ کبھی کبھار آزمائش بھی بن جاتی ہے ،یہی وجہ ہے کہ نبی پاک صلی اللہ علیہ وسلم ان کو دیکھ کر پریشان ہو جاتے۔

ایک اج کا انسان ہے جو بادلوں کو دیکھ کر پریشان ہوتا ہے نہ ہی اس کے چہرے پر کسی قسم کا اضطراب پیدا ہوتا ہے۔
آپ مشاہدہ کیجیے جب بادل آتے ہیں تو تفریح گاہیں بھر جاتی ہیں۔ نوجوان موٹر سائکلوں سے سائلنسر نکال لیتے ہیں ۔ساحل سمندر کا رُخ اختیار کرتے ہیں ۔خوب تفریح کرتے اور خوب مزے اُڑاتے ہیں۔ لیکن نادانوں کو یہ معلوم نہیں کہ ان بادلوں اور بارشوں نے کتنی قوموں کو تباہ کر کے رکھ دیا۔ آج بھی ہم ایک ایسی بارش کا سامنا کر رہے ہیں جس نے ہمیں بدحال کر رکھا ہے۔ کراشی میں مسلسل تین دن سے بارشیں برس رہی ہیں۔ پورا کراچی ڈوبا ہوا ہے۔ بری بڑی شاہرایہیں جھیلوں کا منطر پیش کر رہی ہیں۔کاروباری مراکش ڈوب گئے ہیں۔ کرنت لگنے اور دیگر واقعات میں اب تک متعدد جانیں ضائع ہو چکی ہیں،۔ بہت سے علاقے ایسے ہیں جہاں بجلی نہیں ہے۔ اندھیرا چھایا ہوا ہے۔ پورا سندھ بارشوں کی زد میں ہے۔ آزمائشیں ہی آزمائیشیں ہیں۔ زلزلے سے سنبھل نہیں پاتے کہ سیلاب شروع ہو جاتے ہیں۔سیلاب سے فارغ نہیں ہو پاتے کہ ملک اور شہر خون میں نہا جاتے ہیں۔ کشت و خون کو بند کرنے کی کوششیں شروع ہوتی ہیں تو حقیر سا مچھر چیلنج کر دیتا ہے۔ ان حالات میں جب ہم قرآن مجید کی طرف رجوع کرتے ہیں۔سورہ اعراف کی ان آیات پر نظر جاتی ہے تو دل مزید دہل جاتا ہے۔ان ایات میں تذکرہ پچھلی قوموں کا ہے لیکن ایسا لگتا ہے جیسے یہ خاص ہمارے لیے نازل ہوئی ہیں۔ آپ قرآن کی یہ آیت ملاحظہ فرمائیں

’’آخر کار ہم نے ان پر طوفان بھیجا۔ٹڈی دل چھوڑے۔سُر سُریاں پھیلائیں، مینڈک نکالئے اور خون برسایا ۔ یہ سب نشانیاں الگ الگ کر کے دکھائیں۔مگر وہ سرکشی کیے چلے گئے اور وہ بڑے ہی مجرم لوگ تھے‘‘

آپ ذرا دیکھیے ان میں سے اکثر کا سامنا آج ہم کر رہے ہیں ۔ طوفانوں کی زد میں ہم ہیں۔ سیلاب مسلسل ہمارے شہروں کی طرف بڑھ رہا ہے۔ سنڈھ کا ایک بڑا علاقہ زیر آب ہے۔ 17 اضلاع میں تباہی مچی ہوئی ہے۔ 40 لاکھ ایکڑ پر فصلیں تباہ ہو گئی ہیں۔ حکومتی ذمہ داروں اور سیاست دانوں کی صورت میں "ٹڈی دل" ہم پر مسلط کر دیا گیا ہے۔ پنجاب بھر میں مچھر کی تباہ کاریاں جاری ہیں۔ 4 ہزار سے زائد افراد حقیر سے مچھر کا شکار ہو چکے ہیں۔ اسی طرح خون کی صورت میں ہمارے اوپر عذاب مسلط ہے۔ ہمارے شہر اور گاؤں ، دیہات میں خون کی ندیاں بہہ رہی ہیں۔ پشاور میں بچے تک محفوط نہ رہے۔ کراچی کی سڑکیں اب تک لہولہان ہیں۔ مگر عجیب بات ہے ہمارے اندر ذرا برابر بھی تبدیلی نہیں ائی۔

قرآن میں جن معذب قوموں کا تذکرہ ہے ان میں سے بیشتر ایسی تھیں جنہیں صرف ایک برائی پر عذاب کا مستحق قرار دیا گیا۔ کسی کو ناپ تول کی کمی کی وجہ سے تباہ کیا گیا،کسی پر بدکاری کی پاداش میں پتھروں کی بارش کر دی گئی۔ کسی نے خیانت کی تو عذاب کا مزا چکھایا گیا اور کوئی اللہ کے برگزیدہ بندوں کو اذتیں دیتا تھا تب اسے نیست و نابود کر دیا گیا۔ آج ہم خود کو کٹہرے میں کھڑا کریں۔ جو قومیں جن برائیوں کی وجہ سے مٹا دی گئیں کیا آج ہم ان تمام برائیوں کے اندر سر تا پیر تک نہیں ڈوبے ہوئے؟ کون سی مارکیٹ ہے جہاں ناپ تول میں کمی نہیں کی جاتی۔ بدکاری کے لیے علی الاعلان یہاں مہم چلائی جاتی ہے۔ امریکی سفارت خانے میں سہولیات مہیا کی جاتی ہیں۔ چینلز میں اس پر دلائل پیش کیے جاتے ہیں۔ چند روز قبل ایک چینل پر جس طرح ایک خاتون "ہم جنس پرستی" کے حق میں دلائل دے رہی تھیں ،اسے سُن کر پاؤں تلے سے زمین نکل گئی تھی۔ ڈر لگ گیا کہ کہیں اب ہم بھی تو پتھروں کے مستحق نہیں ہونے والے۔

مجھے اچھی طرح یاد ہے آج سے ای سال قبل سوات کے تفریحی مقامات پر بھی اسی طرح کی بغاوت کی گئی تھی۔ وہاں کے وزیر اطلاعات نے رقص و سرود سے بھرپور ایک مخلوط پروگرام کرنے کے بعد کہا تھا "کسی میں ہمت ہے تو آ کر اس پروگرام کو رکوا لیں۔ہم آئیندہ بھی ایسے پروگرام کریں گے"
پھر چند دن بعد ہی وہ چیلنج قبول کر لیا گیا تھا۔ ایسی تباہی ائی کہ الامان الحفیظ۔آپ آج ان علاقوں کا دورہ کریں جہاں یہ تقریب منعقد کی گئی تھی ان کا نام و نشان تک نہیں۔ وہ علاقے جہاں دور دراز سے لوگ سیر و تفریح کے لیے آتے تھے ،اب وہاں جاتے ہوئے ڈر لگتا ہے۔وہاں سیلاب نے ایسی تباہ کاری مچائی کے تنکا تک سلامت نہ بچا۔ دریاؤں نے اپنا رُخ تک تبدیل کر لیا۔ چناچہ جو لوگ یہ سمجھتے ہیں کہ یہ کتابی باتیں ہیں ، ان کے لیے کھلی نشانیاں ہیں۔

ایسا نہیں کہ جو علاقے تباہ و برباد ہو رہے ہیں وہاں نیک لوگ نہیں بستے۔ یا جن کے گھر تباہ ہو گئے وہ سارے گنہگار لوگ ہیں۔ یقینا ان میں ایسے بھی لوگ ہیں جو اللہ کے پسندیدہ ہوں گے۔ لیکن جب اللہ کا عذاب آتا ہے تو اس میں اچھے اچھے بھی چلے جاتے ہیں۔ یہ ایسا ہی ہے کہ آگ تو جنگل میں موجود خشک درخت کو لگتی ہے ، لیکن ساتھ میں تمام سرسبز درخت بھی جل جاتے ہیں۔

لہذا اے اہل وطن ! آئیے اپنے رب کے حضور غرغرائیں۔ہمارے اوپر مسلسل آزمائیشیں اس بات کا اشارہ ہے کہ وہ ذات ہمیں تنبہی کر رہی ہے۔۔ نبی کریم صلی اللہ علیہ وسلم کی بات حرف بہ حرف پوری ہو رہی ہے۔ انہوں نے فرمایا تھا
"جن بیت المال کو حکمران اپنی جاگیر قرار دیں، جب امانت کو مال غنیمت سمجھ کر ہڑپ کیا جائے، جب لوگ دین کے لیے نہیں دنیا کے لیے علم حاصل کریں، جب شوہر بیوی کے فرمانبردار اور ماں کے نافرمان ہوں گے ، جب قبیلے کی سرداری اس کا فاسق انسان کرے گا، جب قوم کا لیڈر اس کا ذلیل شخص ہو گا، جب کسی کی عزت اس کے شر سے محفوظ رہنے کے لیے کی جائے گی،۔ جب گانے بجانے عام ہوں گے، جب اس امت کے لوگ پہلے لوگوں پر لعنت کرنے لگیں ۔۔۔۔۔۔۔۔تو پھر تم انتظار کرو تند و تیز آندھیوں کا۔زلزلوں کی تباہ کاریوں کا۔ زمین کے دھنسنے اور صورتیں بغرنے کا۔ پتھروں کے برسنے کا۔ اس وقت پے در پے عذاب یوں نازل ہوں گے جیسے موتیوں کی ایک لڑی ہے جو ٹوٹ گئی ہے اور اس کے دانے مسلسل گر رہے ہوں"

چناچہ اے اہل وطن اب بھی وقت ہے ۔ائیے رجوع کریں۔ اس وقت سے پہلے کہ جب مہلت ختم ہو جائے۔ خصوصاً اہل کراچی ! یہ ہمارے لیے تنبیہ ہے۔ اے اہل شہر ۔۔۔اس خون کی ہولی، مسلسل بارشوں ، بادلوں کو اپنے لیے تنبہی سمجھیں۔ کہیں ان بادلوں میں وہ عذاب نہ آ جائے جس کے خوف سے نبی کریم صلی اللہ علیہ وسلم بھی مضطرب ہو جایا کرتے تھے۔

بشکریہ روزنامہ امت: تلخیص از جمال عبد اللہ خان