السلام علیکم
ہر سال موسم بہار کی آمد کے ساتھ ہی پریٹ اور الیکٹرانک میڈیا پر جشن بہاراں اور ویلنٹائن ڈے چرچا ہونے لگتا ہے گزشتہ دہائیوں میں قوم جن ناموں سے نا آشنا تھی آج اس مخصوص ایام کو منانے کے انداز واطوار دیکھ کر یوں محسوس ہوتا ہے کہ جیسے یہ ھمارے قومی تہوار ہیں اب ڈھول اور بوکاٹا کی صدائوں میں کہیں سے کوئی صدائے احتجاج بلند ہو جائے تو اس کے لیے دلائل کے انبار لگا دیئے جاتے ہیں کوئی کہتا ہے کہ بسنت ہندوؤانہ تہوار نہیں ‘ ویلنٹائن ڈے کا مغرب سے کوئی تعلق نہیں ‘ یہ تو خوشی اور محبت کا اظہار ہے لیکن یہ دلائل دینے والے کلمہ گو مسلمان حقیقت سے نا آشنا ہیں اور جسٹ فار انجوا ئمنٹ کے نام پر چند لمحوں کی تفریح کے لیے اپنے خالق و مالک اور رسول اللہ صلی اللہ علیہ وسلم کو نارض کر رہے ہیں جن سے محبت رکھنا اور اس کا اظہار کرنا ہمارے ایمان کا لازمی حصہ ہے ۔۔۔۔
یہ حقائق تو سب پر عیاں ہیں کہ بسنت کے تہوار کی تاریخ کیا ہے ہم اس کی تفصیل میں نہیں جاتے ۔۔۔ ان حقائق کو جاننے اور پڑھنے کے بعد بھی اگر اس بات پر شک کا اظہار کیا جائے کہ بنست ہندوانہ تہوار نہیں تو اسے ہماری مذہنی اور قومی غیرت پر تازیانہ سمجھا جائے گا ۔۔۔۔ ہمارے لیے تو پیارے نبی صلی اللہ علیہ وسلم کے ارشادات ہی کافی ہونے چاہییں جن میں آپ صلی اللہ علیہ وسلم نے فرمایا ۔۔۔۔


تمہارے لیے دو تہوار ہیں عید الفطر اور عید الاضحٰی ۔
جو شخص دوسری قو م کی مشابہت اختیار کرے گا وہ ان ہی میں شمار ہوگا ۔
ہمارا طریقہ مشرکین کے طریقے سے الگ ہے ۔
جو غیروں کے طریقے پر علم کرے وہ ہم میں سے نہیں ۔
ان واضح احادیث مبارکہ کے بعد تو مزید کسی
دلیل کی ضرورت باقی نہیں رہتی لیکن اپنے اندر کا مسلمان مار کر محض خواہشات کی تکمیل کے لیے کیا ہم بال ٹھاکرے کہ اس بیاں کو بھول گئے کہ

لاہور میں بسنت ہندو مذہب کی عظیم کامیابی ہے ۔

بھارت سے بسنت منانے آئے ہوئے اندرجیت سنگھ کا یہ بیان بھی ہمارے منہ پر طمانچہ ہے کہ

جس قدر لاہور میں بسنت کی دھوم دھام دیکھنے میں آئی اس سے تو ہوں لگتا ہے لاہور ہندوستان ہی کا حصہ ہے ۔۔۔

معصوم اور قیمتی جانوں کا ضیاع ‘ رنگ برنگے ملبوسات پر دولت کا لٹانا ‘ رقص و سرور کی محفلیں اور اخلاقی پستی کیا یہی دو قومی نظریہ تھا ۔۔۔

سونے پر سہاگا ملک میں فحاشی اور عریانی کو فروغ دینے کے لیے
ویلنٹائن ڈے جسے عرف عام میں عالمی ہوم محبت کہا گیا متعارف کرایا گیا ۔۔۔۔اس دن محبت کرنے والوں کے درمیان کارڈ ‘ پھولوں اور تحفے تحائف کا تبادلہ ہوتا ہے جس کی تلقید کرتے ہوئے قوم کثری سرمایہ لٹاتی ہے ۔۔۔۔ بھوک ؛ غربت ‘ مہنگائی بے روزگاری اور اس سے بڑھ کر چاروں جانب سے گھری قوم کے مخصوص طبقات
کی اس عیاشیوں کو دیکھ کر دینا بھی انگشت بداں ہے اور ہمارا تمسخر اڑا رہی ہے مگر ہماری قوم کے معمار لبرل اسلام ‘ روشن خیالی ‘ اور سافٹ امیج کے نشے میں سرشار اس سے بے خبر ہیں کہ وہ قوم کو تباہی کے کس دہانے پر پہنچا چکے ہیں ۔۔۔
کیا موجودہ حالات میں جب کہ امت مسلمہ بالعموم اور پاکستان بالخصوص لہو رنگ ہے ۔۔۔۔ ہر طرف کشت و خون ‘ بم دھماکے ‘ ضروریات زندگی سے محرومی جیسے اعصاب شکن حالات میں کیا ہمیں زیب دیتا ہے کہ ہم اپنے وسائل ‘ اور صلاحیتوں کو اس روایتوں پر خرچ کرین جا کا ہمارے مذہب اور معاشرتی تہذیب سے دور کا بھی واسطہ نہیں ۔۔۔۔ اگر ہم بغدار اور اسپین کی تاریخ بھول گئے ہیں تو امت مسلمہ کا حال تو دیکھ رہے ہیں ۔۔۔۔ ہمیں اس سافٹ امیج سے کیا حاصل ہو رہا ہے سوائے دشمن کے منہ کا نوالہ بننے کہ ۔۔۔۔۔
تو پھر اپنا فرض ادا کریں اور میڈیا پر در آئی اس فحاشی کو اپنے قلم کے جہاد سے روکیں ۔۔۔۔ ذیل میں چند ٹی وی چینلز کے برقی پتے تحریر ہیں ۔۔۔۔۔ اپنے ھاتھوں کو جنبش دیں اور وقت کے طاغوتوں کو بتا دیں کہ ہم اس بے حیائی میں آپ کے ساتھ نہیں ۔۔۔۔



ceo@arydigital.tv
info@arydigital.tv
fakhar@ptv.com.pk
info@atv.com.pk
info@hum.tv
aajcomments@aaj.tv

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔