آج کسی کی موت پر ایسا لگتا ہے جیسے کوئی اپنا بچھڑ گیا ہو۔ کچھ لوگ خاص ہوتے ہیں ۔ عمر کبھی بھی لوگوں کو بڑا نہیں بناتی ۔ عہدہ کبھی کسی کو بڑا نہیں بناتا۔
اگر عہدہ کسی کو بڑا بناتا تو زرد آری بڑا ہوکر بھیڑیا ہی کہلوایا جاتا لیکن نہیں اس کو آج بھی کتے سے منسوب کیا جاتا ہے۔
عمر اگر بڑا بناتی تو پگاڑا صاحب کی موت کا افسوس ھوتا لیکن نہیں اس کی موت کی خبر سن کر دل نے کہا "خس کم جہاں پاک"۔
بڑے لوگ اللہ کا خاص کرم ھوتے ہیں ۔ اور انکے بچھڑنے پر دل دکھی ھوتا ہے خواہ وہ آپکے کچھ بھی نہ لگتے ہیں خواہ ان سے آپکی کسی قسم کی جان پہچان نا ھو۔ بڑے لوگوں کے لیئے اللہ ہی آپ کے دلوں میں اچھے جذبات پیدا کر دیتا ہے۔ وہ مالک جو دلوں کو پھیرنے والا ہے ، وہ آپکے دل میں اپنے برگزیدہ اور پسندیدہ لوگوں کے لیئے الفت پیدا کر دیتا۔

آج ایک دوست کے فیس بک وال پر تصاویر دیکھ کر کچھ پرانی یادیں تازہ ھوگئی۔
مارچ 2007 کے دن تھے غالبا اور نتھیا گلی کے گرین ھوٹل میں آئی سی ٹی سکالرشپ پر پڑھنے والے تمام طلباء کو اکٹھا کیا گیا ۔ کراچی لاہور اور پشاور کے طلباء کو پہلے اسلام آباد بلوایا گیا اس کے بعد نتھیا گلی کو یہ قافلہ روانہ ھوگیا۔
میں اپنی سسٹر کی شادی کی وجہ سے ساتھ نہ جاسکا ۔ لیکن دوستو کے زبانی تمام حالات و واقعات سن کر اب تو ایسا ہی محسوس ھوتا ہے کہ میں بھی وہاں موجود تھا۔

تین دن نتھیا گلی کے گرین ھوٹل میں قیام رہا ۔ وہاں مشہور مزاحیہ شاعر انور مسعود ، انکے بیٹے اور انکی بہو کو بھی بلوایا گیا۔ یاد رہے انور مسعود کے بیٹے بھی مشہور کمپیر ہیں مجھے نام اس وقت یاد نہیں آرہا اور انکی بہو نابینا ہیں اور قائداعظم یونیورسٹی کی غالبا ٹاپر بھی ہیں جس وجہ سے انہیں فیم ملا۔ وہاں سعید الدین ڈار صاحب کے صاحبزادے فاروق ڈار صاحب کا بھی لیکچر رکھا گیا یہ فاسٹ یونیورسٹی کے ہی پروفیسر ہیں اور بلا کی موٹیویشنل شخصیت ہیں۔ انکے بارے میں یاد رکھیے یہ دونوں ٹانگوں سے معذور ہیں ۔
اور ان مشہور و معروف شخصیات کے ساتھ ساتھ اس بچی کو بھی مدعو کیا گیا جو آج ہم میں نہیں ۔وہ بچی جو عمر میں تو بہت چھوٹی لیکن بڑی اتنی کہ جس سے ملاقات کا شرف حاصل کرنے پر آج کے انجیئیرز فخر محسوس کرتے ہیں کہ ہم اس بچی سے مل چکے ہیں۔


اگر مزید تصاویر اس ایوینٹ کی ملیں تو ضرور شئیر کرونگا۔

بڑے لوگ خاص ہوتے ہیں انکو فیم تو کسی ایک وجہ سے ملتا ہے لیکن درحقیقت اس سے کہیں زیادہ ھوتے ہیں۔ عمر صرف بوڑھا کرتی ہے عمر کبھی کسی کو بڑا نہیں کرتی ۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟