منتظمین

سرورق کے لیے اپلائی کریں

ام غزل

انجم بھائی بہت ہی زبردست تحریر لکھنے پر میری طرف سے 100 پوائنٹس قبول کریں ،


مزدور ہماری قوم کے معمار ہیں ، مگر افسوس ہم نے اپنے ان کہاروں کی کبھی قدر نہیں کی ، جتنی محنت یہ ایک گھر بنانے میں لگاتے ہیں ، اتنی تو ہم اس گھر کو گھر بنانے میں بھی نہیں کرتے ،
جو قومیں اپنے ان کہاروں کی قدر نہیں کرتیں وہ کبھی بھی ترقی نہیں کرسکتیں ، ہمارے ملک کاالمیہ ہے کہ ہم ہمیشہ عزت کی جگہ پیسے کو دیتے ہیں جہاں پیسہ ہے وزت اور احترام بھی انہی کے غلام ہیں ،
ایک مزدور دن ، رات ایک کرکے صرف اور صرف اپنے بچوں کو عزت کی روٹی ہی دے سکتا ہے جبکہ اس کی محنت سے بنے محلوں میں یا تو آج تک پُرانے وقتوں کی قبریں راج کرہی ہیں یا پھر آج کے دور کا امیر ۔
ہم ایک ہیں یہ کہہ کر ہی ہم مزدور کی ہمت بڑھاتے ہیں مگر جونہی کام پورا ہوجاتا ہے تو اس کی اُجرت بھی ہمیں اس پر ایک احسان کرنا لگتی ہے ،

جانے کب ہوں گے کم
اس دنیا کے غم۔۔۔۔۔۔

ایس اے نقوی

بہت شکریہ غزل آپ کا میں مشکور ہوں آپ کا

wajee

کیا تحریر ہے کیا الفاظ کی چاسنی مزہ آ گیا پڑھ کر آپ تو بہت عمدہ لکھتے ہو!!!

فیصل ناصر

شاہ جی انتہائی متاثر کن تحریر ہے میں نے تو پہلے ہی پڑھی تھی جب جاری ہے چل رہی تھی
یوم مئی پر بہت بہترین کاوش ہے

اس بات کی بہت اچھی طرح وضاحت کی گئی ہے کہ سرمایادارانہ نظام کس طرح مزدوروں کا استحصال کرتا ہے

مزدوروں کے حقوق کا مکمل اعادہ اسلامی نظام میں ہی ممکن ہے جو حقوق ساتھ ساتھ صلہ رحمی کا درس بھی دیتا ہے
یہاں تک کے حضور نے فرمایا ہے جو تم خود کھاؤ وہی اپنے ملازمین کو کھلاؤ اور جو خود پہنو وہ اپنے ملازمین کو پہناؤ

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ایس اے نقوی

وقاص جی میں آپ کو مشکور ہوں
اور لکھنا ابھی نہیں جانتا ابھی تو الف ب نہیں آتی
اور کبھی کبھی لکھنا ہوتا ہے آپ کا بہت شکریہ

Haya 786

سلام سید انجم شاہ

میں کافی دنوں سے اس ٹاپک پہ لکھنا چاہ رھی تھی میں نے بھی آج ھی لکھا مگر ویسا نہیں لکھ سکی جیسا میں لکھنا چاہ رھی تھی آپ نے بہت اچھا لکھا ول ڈن
یکم مئ ------ لیبر ڈے
آپ بھی یہ دیکھیں اور اپنا تبصرہ کریں

سد ید مسعو د

اسلام ،عدل اجتماعی کا علمبردار

یکم مئی کا دن مزدورں کے حقوق کے حوالے سے منایا جا رہا ہے ایک اہم سوال یہ ہے کہ اسلام اس بارے میں ہماری کیا رہنمائی کرتا ہے اس میں کوئی شک نہیں کہ اس وقت سرمایہ دارانہ نظام پوری دنیا ہر حاوی ہے۔ سرمائے پر عالمی سرمائہ دارانہ قوتوں کی ظالمانہ جکڑ ھے۔ انڈسٹریلزم آیا تو مشین کے ذریعے پیداوار میں اضافہ ہوا
ایک شخص دیکھتے ہی دیکھتے کروڑوں اور اربوں کا مالک بن جاتا ہے جبکہ فیکٹری میں کام کرنے والے سینکڑوں ،ہزاروں،مزدور بنیادی ضروریات کو ترستے ہیں اقبال نے کہا ہے کہ
تو قادر و عادل ہے مگر تیرے جہاں میں
ہیں تلخ بہت بندہ مزدور کے اوقات

اسی طرح کسان کا استحصال ہو رہا ہے کسان صبح سے شام تک دھوپ میں محنت کر رہا ہے صبح اٹھ کر فصل کو پانی لگا رہا ہے خون پسینہ ایک کر رہا ہے اور جاگیر دار یا وڈیرا کسان کی محنت کی کمائی پر عیش کر رہا ہے اسکی اولاد امریکہ میں جا کر پڑھ رہی ہے جس کی محنت ہے اسی بنیادی انسانی حقوق بھی میسر نہیں ہیں اس کے بچوں پر تعلیم کے دروازے بند ہیں کہ کہیں انہیں اپنے‌حقوق کا شعور حاصل نہ ہو جائے ان کو غلام ہی رہنے دو اس دور میں یہ استحصال کی بدترین شکلیں ہیں بدقسمتی سے اس قسم کا امیج دیا جاتا ہے کہ معاذ اللہ اسلام بھی ایسے ہی سرمایہ دارانہ نظام کو سپورٹ کرتا ہے
حالانکہ یہ انتہائی غلط تصور ہےاسلام اصل میں عدل اجتماعی کا علمبردار ہے تا کہ ہر سطح پر کامل انصاف ہو اور ہر انسان کو اس کے جائز حقوق ملیں کوئی کسی کے حق پر ڈاکہ نہ ڈال سکے
نہ سیاسی اعتبار سے
نہ معاشی اعتبار سے
نہ سماجی اعتبار سے
استحصال کسے کہتے ہیں
یہ لفظ عام طور پر حق تلفی کے معنی میں استعمال ہوتا ہے کسی کی مجبوری سے ناجائز فائدہ اٹھانا
مثلا آج کل روزگار کی کمی ہے کہیں چپڑاسی کی اسامی خالی ہوتی ہے تو ایم اے پاس بھی درخواست دے رہے ہوتے ہیں اس لئے کہ بے روزگاری ہے یا ایک شخص کو اسکی صلاحیت کے مطابق کم از کم دس پزار تنخواہ ملنی چاہیئے لیکن چونکہ وہ بے روزگار ہے لہذا پانچ ہزار کی بھی ملے گی تو وہ بھی قبول کرے گا یہ استحصال ہے اسکے علاوہ بھی استحصال کی بے شمار شکلیں ہیں اسکی اصل بنیاد انسان کی مذھب سے دوری اور لا لچی ذھن ھے جو اسے سر کشی پر مجبور کرتا ھے۔
ترجمہ:
”مگر انسان کو سرکشی پر آمادہ ہوجانا ہے“
انسان اپنی حدود سے تجاوز کرتا ہے اور دوسروں کے حق پر ڈاکہ ڈالنے کےلئے تیار رہتا ہے
ترجمہ:
” جبکہ اہنے تئیں غنی دیکھتا ہے“
جب وہ دیکھتا ہے کہ کوئی پکڑ نہیں ہے میں کسی کے ساتھ زیادتی کر رہا ہوں لیکن فوری طور پر نہ میرے پیٹ میں مروڑ اٹھ رہا ہے نہ کوئی پکڑ دھکڑ ہو رہی ہے عقیدہ تو ہے کہ اللہ دیکھ رہا ہے لیکن وہ تو آخرت کا معاملہ ہے حساب ہوا بھی تو وہاں کوئی بچا ہی لے گا لہذا وہ استحصال کرتا ہے کیونکہ اس کے اندر طبعی طور پر یہ کمزوری موجود ہے
مال کی محبت انسان کی کمزوری ہے وہ سمجھتا ہے کہ مال جیسے بھی ملے حاصل کرنا ہے چاہے دوسروں کی حق تلفی کر کے ملے یہی مال کی محبت انسان کو پستی کی انتہا تک پہنچا دیتی ہے
نبی اکرم(ص) نے فرمایا : اگر کسی شخص کے پاس سونے کی دو وادیاں ہوں پھر بھی اس کی حرص ختم نہیں ہو گی اسکی شدید خواہش ہو گی کہ تیسری وادی بھی مل جائے
یہ انسان کی وہ کمزوری ہے جس کی وجہ سے وہ دوسرے کا استحصال کرتا ہے۔
اسی سرمایہ داری نظام کے رد عمل میں اشتراکیت کا سیلاب آیاتھا لیکن وہ اس سے بھی انسانی سوچ اور معاشرے کے مسائل حل نہ ھو سکے۔

اسلام میں محنت کی عظمت پر بہت زور دیا گیا ہے
نبی اکرم(ص)نے فرمایا:”محنت کش کو اللہ اپنا دوست رکھتا ہے“
ہمارے ہاں بدقسمتی سے ہندوانہ سوچ کے پس منظر کی وجہ سے ان لوگوں کو جو ہاتھ کی کمائی کھاتے ہیں نیچ سمجھا جاتا ہے یہ بڑھئی ہے،یہ دھوبی ہے،یہ موچی ہے،یہ وہی جاہلیت ہے جس کو توڑنے کے لئے نبی اکرم (ص) تشریف لائےآپ نے فرمایا کہ اللہ تعالی نے کوئی نبی معبوث نہیں فرمایا جس نے اجرت پر بھیڑیں نہ چرائی ہوں
آپ(ص) نے فرمایا کہ میں نے خود بھی معمولی اجرت پر یہ کام کیا ہے
حضرت دا ؤد کے بارے میں آتا ہے کہ وہ زرہیں بنایا کرتے تھے
قرآن مجید میں انکی عظمت کو بیان کیا گیا
ترجمہ:” اور ہم نے داؤد کو اپنی طرف سے برتری بخشی تھی اے پہاڑو،ان کے ساتھ تسبیح کرو اور پرندوں کو (انکا مسخر کر دیا) اور ان کے لئے ہم نے لوہے کو نرم کر دیا“
حضرت داؤد پر ایک فضل تو یہ کیا کہ ان پر زبور نازل کی جب وہ زبور سے حمد کے ترانے پڑھتے تھے تو پرندے اور پہاڑ بھی وجد میں آ جاتے تھے
دوسرا فضل یہ تھا یہ اللہ نے ان کے ہاتھ میں فولاد کو نرم کر دیا تھا تاکہ وہ زرہیں تیار کر سکیں
یہ ہے ہاتھ کی کمائی اور محنت کش کی فضیلت جو قرآن میں بیان ہوئی ہے
حاصل کلام یہ ہے کہ محمد رسول اکرم (ص) جو دین حق لے کر آئے وہ ہر قسم کی ناانصافیوں اور استحصال کو ختم کر کے ہر لیول پر عدل و انصاف کی ضمانت دیتا ہےلیکن یہ سارا معاملہ دنیا سے متعلق ہے اصل کمائی آخرت کی کمائی ہے
سورۃ کہف میں ہے ”” اے نبی! اس سے کہیئے کہ کیا ہم بتائیں تمہیں ایک ایسے شخص کے بارے میں جو اپنی محنت اور عمل کے اعتبار سے خسارے میں ہے وہ لوگ جن کی سعی دنیا کی زندگی میں برباد ہوگئی اور وہ یہ سمجھے ہوئے ہیں کہ اچھے کام کر رہے ہیں““
افسوس کہ ہم بھی اسیے لوگوں ،ایسے افراد کو رول ماڈل سمجھتے ہیں فلاں شخص نے کتنی محنت کی ہے اس نے چھابڑی سے اپنے کام کا آغاز کیا تھا آج دیکھو کتنی فیکٹریوں کا مالک ہے ظاہر ہے اس نے دنیا میں کامیابی کےلئے محنت کی ہے اپنی مشاغل اور تفریح کو چھوڑا اپنے آرام کو چھوڑا اور آخر میں دولت کے لئے دین کو بھی پس پشت ڈال دیا۔
بظاہر یہ شخص دنیا میں کامیاب نظر آ رہا ہے لیکن یہ سب سے زیادہ ناکام ہے اس لئے کہ اس نے محنت تو بہت کی لیکن اس محنت کا نتیجہ دنیا کے چند ٹکے کے سوا کچھ نہیں ہمیشہ ہمیشہ کی آخرت اس نے برباد کر ڈالی محنت کرنے والے دو قسم کے لوگ ہیں کچھ لوگ وہ ہیں جب وہ شام کو لوٹتے ہیں تو اپنی اخروی ہلاکت کا سامان لے کر لوٹتے ہیں
کچھ وہ ہیں جو صیحح رخ پر محنت کر رہے ہیں وہ اپنی آخرت کی فلاح اور کامیابی کا پروانہ لے کر لوٹتے ہیں محنت تو ہر شخص کر رہا ہے لیکن دیکھنا یہ ہے کہ اس کا رخ کدھر ہے اور اصل کامیابی کس محنت میں ہے اللہ تعالی ہمیں صیحح رخ پر محنت کرنے کی توفیق عطا فرمائے ( آمین ثم آمین )


‌شاہ جی بہت اچھی کوشش ھے جہاں کچھ بہتری آ سکتی تھی اور گنجائش تھی تو آپ کی فرمائش پر کر دی ھے۔ اگر برا لگے تو مت قبول کیجئے گا۔ خدا آپکو مذید علمی ترقی دے۔

سدید مسعود

ایس اے نقوی

مسعود جی یقین جانیئے گا کہ مجھے آپ سے بڑی امید وابستہ تھی کہ آپ سب سے بہتر جواب دیں گے اور میری غلطیاں کوتاہیوں بارے بھی آگاہ کریں گے میں آپ کا بہت مشکور ہوں اور ہمیشہ آپ سے تعاون چاہوں گا آپ کا بہت شکریہ

تانیہ رحمان ستارہ

انجم جی آج میں وقت پر کچھ کہہ نا سکی جس کے لیے پہلے تو معذرت دوسرا آپ نے سب کچھ کہہ دیا باقی کیا بچا کہنے کو ماسواے اس کے کہ جب دل میں خوف خدا ہو اور یہ سمجھ لیں کہ سب کچھ یہی رہ جانا ہے ۔ دو گز کفن تیرا لباس ہو گا ۔ ۔ اللہ پاک نے اگر ہمیں پیسے سے نوازہ ہے تو یہ آزمائش ہے ۔ غریب کا ایک دن منانے سے پاکستانی مزدو کو کیا ملے گا ۔ اصل بات یہ ہے ۔ اگر اسلام کی بات کی جاتی ہے اور ہم اپنے آپ کو مسلمان کہتے ہیں ۔ تو کیا یہ ایک دن کافی ہے ہمارے مزدرو کے لیے ۔

راجہ اکرام

برادرم انجم شاہ صاحب
بہت ہی خوبصورت تحریر، بہترین وقت پر پیش کی گئی ہے۔ اللہ آپ کو ہمت دے کہ اسی طرح مزدوروں کے لئے لکھتے رہیں۔
شاید اسی طرح مزدوروں کے لئے تبدیلی کی کرن نمودار ہو۔
لیکن سوچنا یہ ہے کہ کیا ایک دن منانے سے ہم مزدور کی عظمت کو خراج تحسین پیش کرنے اور اسے داد دینے کا حق ادا کر سکتے ہیں، یقینا اس کا جواب نفی میں ہو گا۔
بلکہ ہزاروں مزدور اپنے اس عالمی طور پر منائے جانے والے دن میں‌بھی سارا دن مزدوری کی تلاش میں سرگرداں رہتے ہیں۔

جس کھیت سے دہقاں کو میسر نہ ہو روزی
اس کھیت کے ہر خوشہ گندم کو جلا دو
۔۔


انجم بھائی ایک بار پھر مبارکباد ایک اچھی تحریر لکھنے پر


۔۔

منتظمین

سرورق پر یکم مئی 2010 کے لیے شیڈول کر دیا گیا ہے۔

راشد احمد

بہت اصلاحی تحریر قلمبند کی ہے آپ نے

ایس اے نقوی

منتظمین کا شکریہ مگر منتظمین ویسے ایک سال بعد
ہوسکتا ہو تب تک کوئی تبدیلی رونما ہو گئی
آپ کا بہت بہت شکریہ
ستارہ جی ،راشد جی،راجا جی آپ سب احباب کی بھی بہت بہت شکریہ
اللہ ہم کو سیدھے راستے پر چلنے کی توفیق عطا فرمائے آمین