بالآخر پاکستان میں امریکیوں کی آزادانہ نقل و حرکت پر تقریباً مکمل پابندی عائد ہو گئی ہے۔ جنوبی پنجاب جانے والے امریکیوں کو روکا گیا، کراچی، لاہور، اسلام آباد اور پشاور سمیت کئی شہروں میں امریکیوں کے بڑھتے قدم روک دیئے گئے۔ سی آئی اے اور ایف بی آئی کے ایجنٹ بڑی تعداد میں پاکستان سے ملک بدر ہوئے۔ نتیجہ یہ نکلا کہ پاکستان میں دہشت گردی کی وارداتیں رک گئیں۔ اسامہ بن لادن کی شہادت کے امریکی دعوے کے بعد اب سوا تین مہینے ہو چکے ہیں کہ پاکستان میں دہشت گردی کا کوئی بڑا واقعہ پیش نہیں آیا جبکہ 13 اگست کو پشاور اور 14 اگست کو کوئٹہ میں طویل عرصے بعد دہشت گردی کے دو نسبتاً چھوٹے واقعات پیش آئے۔ جن میں مجموعی طور پر لگ بھگ 25 پاکستانی شہید ہو گئے۔ یہ واقعات عین ان دنوں میں پیش آئے ہیں جب 5 امریکیوں کو پشاور جانے سے سختی سے روکا گیا۔ اس دوران امریکی سفیر کیمرون منٹر اور امریکی سینیٹر جان کیری مسلسل صدر پاکستان، وزیراعظم پاکستان، جنرل اشفاق کیانی وغیرہ سے مل کر اس بات پر زور دیتے رہے کہ امریکی ”سفارتکاروں“ کی نقل و حرکت پر عائد پابندی ختم کی جائے اور زیادہ سے زیادہ امریکیوں کو پاکستان آنے کی اجازت دی جائے۔ زبردست امریکی دباﺅ کے باوجود پاکستانی حکام اب تک اجازت دینے سے مکمل انکاری ہیں اور اس سے پاکستان کی صورتحال ہر روز بہتر ہو رہی ہے۔ اب صورتحال یہ ہوئی ہے کہ امریکہ نے تنگ آ کر پاکستان کو ایک اور مطالبات کی فہرست تھما دی ہے جس میں کہا گیا ہے کہ اگر پاکستان یہ کرے گا تو پھر اسے وہ ملے گا۔ ان تمام مطالبات کا لب لباب یہ ہے کہ امریکہ کی مکمل طور پر اطاعت کی جائے اور اس کے کسی حکم کے سامنے سرمو انحراف نہ کیا جائے۔ اس کے بدلے پاکستان کو ڈالر ملیں گے۔ ہمیں حیرانی اس بات پر ہوتی ہے کہ امریکہ اب کس منہ سے ہمیں ڈالر دینے کی بات کرتا ہے۔ اس کا اپنا حال تو ساری دنیا کے سامنے ہے۔ پائی پائی اور پیسے پیسے کی بھیک مانگنے والا امریکہ ہمیں کیا دے گا؟ امریکہ کی تو اپنی حالت یہ ہے کہ لیبیا کے خلاف روزانہ بیان دیتا ہے لیکن اس نے صاف طور پر اس جنگ کی قیادت سے انکار کر دیا کیونکہ اس کے پاس اس جنگ کے لڑنے کے لئے پیسے ہی نہیں تھے۔
ہم اس موقع پر پاکستان کے ارباب اقتدار و اختیار سے ہی کہیں گے کہ اس پالیسی کو جاری رکھے.... امریکہ اگر آپ سے یہ کہتا ہے کہ آپ ڈبل گیم کرتے ہیں تو پھر اسے اب یہ صاف اور واضح طور پر کر کے دکھا دیں۔ اب حالات وہ نہیں رہے کہ امریکہ 10 سال پہلے کی طرح ہمیں پتھر کے زمانے میں دھکیل دینے کی بات کرے۔ اللہ کے فضل سے اب وہ خود پتھر کے زمانے کی طرف تیزی سے لڑھک رہا ہے۔ یہی صورتحال اس کے اتحادیوں کی ہے۔ امریکی جان بچانے کے لئے طالبان سے مذاکرات کا ڈول کئی سالوں سے ڈال رہے ہیں لیکن بیل منڈھے نہیں چڑھ رہی۔ امریکیوں کی جان پر بنی ہوئی ہے۔ یہ صورتحال اس بات کی متقاضی ہے کہ اب امریکہ سے صاف صاف اور دو دو ہاتھ کر ہی لئے جائیں۔ ہماری اس سے مراد جنگ کرنا نہیں بلکہ جنگ سے دور رہ کر امریکہ سے سیدھا سیدھا نمٹنا ہے۔ اس سے بہتر موقع شاید پھر ہاتھ نہ آئے۔ لہٰذا اب سب مل کر یہ کر گزریئے تاکہ امریکہ کی لعنت سے ہمیں ہمیشہ کے لئے نجات ملے اور ہم سرخرو و محفوظ ہوں



بشکریہ ،، ہفت روزہ جرار
والسلام ،، علی اوڈ راجپوت
ali oadrajput
___

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)