اوبامہ کی انڈیا آمد کے حوالے سے ہر طرف گرما گرم مباحث و تبصرے ہو رہے ہیں۔ کہیں دورے کی اہمیت، کہیں، اس پر آنے والے اخراجات، کہیں طے پانے والے متوقع منصوبے، کہیں خطے پر پڑنے والے اثرات ۔۔۔ الغرض یہ کہنا مبالغہ نہ ہو گا کہ ‘‘ جتنے منہ اتنی باتیں ’’
لیکن اب ایک خبر ان کی سیکیورٹی کے حوالے سے مزید آئی ہے۔ ذرا ملاحظہ کیجئے جان کا خوف بھی کیا چیز ہوتی ہے


یہاں ایک بات جو ہم سب کے لئے قابل غور ہے، اور شاید اس کی جانب کسی نے توجہ نہ دی ہو۔ وہ یہ ہے کہ اس قدر سیکیورٹی کے انتظامات، جان جانے کا اتنا خوف، انسانوں، مشینوں اور کتوں ہر طرح کے آلات و وسائل کو بروئے کار لا کر ایک بندے کی حفاظت کا اتنا انتظام۔۔ اس سے کیا واضح ہوتا ہے؟؟
کیا کسی بڑے ملک کے صدر ہونا یہ لازم قرار دیتا ہے کہ جہاں جائے یہ سب انتطامات کئے جائیں۔ جنگی جہاز، ہیلی کاپٹر، ہزاروں خفیہ ایجنسیوں کے اہلکار، تمام جدید آلات اور درجنوں کتے۔۔ یاد رہے یہ وہ ہے جو صرف امریکہ کر رہا ہے۔ اس کے علاوہ بھارت نے جو انتظامات کئے ہوں گے وہ آپ خود سوچ سکتے ہیں۔
مجھے تو یہ سارے انتظامات دیکھ کر ایک ہی بات ذہن میں آئی کہ یہ سارا خوف اس بات کی علامت ہے کہ یہ حکمران ظالم ہے، تشدد اور ظلم اس کا شیوہ ہے، انصاف اسے پسند نہیں ۔۔ اور اسے یہ سب پتہ بھی ہے۔ اسی لئے وہ ہر وقت اس خطرے میں ہے کہ کہیں کوئی انصاف کا متلاشی، کوئی ظلم کا شکار مظلوم اپنا بدلہ نہ لے لے۔ ظلم کی داستانیں اور نا انصافیوں کے تذکرے یہاں ذکر کرنے کی شاید ضرورت نہیں کیوں کہ
جانے نہ جانے گل ہی نہ جانے، باغ تو سارا جانے ہے
اور ایک طرف مجھے یاد آتا ہے وہ حکمران جس کی سلطنت میں سورج غروب نہیں ہوتا تھا۔ بے خوف و خطر سر کے نیچے درہ رکھ کر زمین پر سو جاتے ہیں۔ ایک اللہ کے سوا کسی کا خوف نہیں۔
کیوں کہ انہیں یہ احساس تھا کہ ‘‘اگر ایک کتا بھی پیاسا مر گیا تو مجھ سے پوچھا جائے گا’’
راتوں کو جاگ کر اپنی رعیت کی خبر گیری کرتے تھے۔ اور اس امارت میں بھی پیوند لگے کپڑے زیب تن کیا کرتے تھے۔ روکھی سوکھی کھا کر گزارا کرتے تھے۔ یہ کوئی اور نہیں خلیفہ دوم سیدنا عمر بن خطاب تھے۔ رضی اللہ عنہ

ان دو مثالوں کو دکھ کر اندازہ ہو جاتا ہے کہ کتنا فرق ہے ایک عادل اور ایک ظالم میں۔

اللہ ہمیں ہمارے اسلاف کے نقش قدم پر چلنے کی توفیق عطا فرمائے ۔۔ آمین

__________________
محتاج اصلاح و دعا