آج تو علامہ کا یہ شعر بر محل لگا۔ حکومتیں آئیں اور گئیں مگر کفار کے شکنجے سے وطن ِ عزیز کو آزاد نہ کرا پائیں۔ پہلے پہل کفار نے بچوں کے اسباق کھنگالے اور قرآن کے احکامات و آیات کو اپنی مرضی کا ترجمہ دے کر انہیں حذف کرنے کا حکم دیا ،بدقسمتی قوم کی ،کہ دُور رَس نتائج کا سوچے بغیر ذاتی مفاد کو مدّ ِ نظر رکھتے ھوئے ان کی بات پر بِلاچوں وچراں عمل ھؤا۔
علم وفکر کی درس گاھیں یعنی ھمارے مدارس کی مکّارانہ تلاشیاں اور ان کی مقدس کتب کے تراجم اپنی مرضی کی عینک سے دیکھے گئے اور ان کو نعوذ باللہ دھشت گردی کے ادارے کہا گیا اور ھم سب بے حسّوں نے سنا بھی اور پی بھی گئے۔۔
کفاراپنے تخریبی ذھنیت کے ناپاک ارادوں کی تکمیل کے لیے ھمارے اپنوں کے خلاف، ھم میں سے مِیر جعفر چُننے میں کامیاب رھے اور ھماری پاک سر زمین پر اڈے بنائے اور پَیر جمائے ۔
یہ اچانک سے کفار طالبان نہیں بنے تھے ،اس کے لیے انہوں نے محنت ومشقت سے رُوپ دھارےیعنی زبان ،عبادت و رھن سہن کا طریقہ، ظاھری حلیہ و لباس اور چال چلن۔ اس بھہروپ کے تو صرف وھاں کے باسی گواہ ھیں ھم کہاں جان سکتے تھے۔۔
سوات کا علاقہ عرصہ ِ دراز سے انہیں کفار کو کھٹکتا تھا پھر وھاں امن کیسے انہیں ایک آنکھ بھی بھاتا۔ سو جب تک زمیں، خوں رنگ نہ ھوگئی واپسی کیسے ھوتی؟
ھماری ھر بات پر خاموشی ،نہیں بے حسّی وبزدلی نے ان کے حوصلے کو مزید تقویت بخشی اور کبھی اس گاؤں پر کبھی دوسرے گاؤں پر نہتے باسیوں پرجہازوں سے گولہ باری مگر نام دھشت گردوں کا، بھئی تم سے بڑا کون دھشت پھیلانے والا ھوگا جو دوسروں کے ملک ھی پہنچ جائے۔
ھماری پولیس چوکیوں ،فوجی چھاؤنیوں یا بحری اڈوں پرکفار ھی دھشت گردی کرتے رھے اور ذاتی فوائد، قوم کے دلوں میں خوف و مایوسی کا بیج بَوتے رھے۔
ھماری بیٹی عافیہ پر ایسا بھیانک کیس و فیصلہ ،ریمنڈ ڈیوس کا جارھانہ ڈرامہ پھر روپوشی، اسامہ کے لیے بلا اجازت حدود کی خلاف ورزی بھی ان کافر دھشت گردوں کی، ھمارے مُردہ ضمیروں کو جھنجھوڑنے کے لیے ناکافی ثابت ھوئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔ اور ھمیں ھمارے امیر حکمرانوں نےمصنوعی مہنگائی، آٹے،چینی ،بجلی اور گیس وتیل کی قلّت کے چکر میں پھنسائے رکھا گیا۔۔۔۔۔۔
ملک میں کفار کی چالیں یعنی ٹارگٹ کلنگ ،بم دھماکے اور ڈرون حملوں پر ھم کبھی کچھ نہ بول پائے۔
مختلف چوکیوں پر بلا اشتعال فضا سے فائرنگ و گولہ باری ،ھم تھک گئے اپنے سپوتوں کی پرچم لپٹی لاشیں دیکھ دیکھ کر۔ بس اب اور برداشت نہیں ھوتا ۔۔۔۔۔۔۔۔۔۔۔۔۔ ''اب یتیم بچے اور تڑپتی مائیں، بہنیں اور بیوائیں ھم سے اپنے کھوئےرشتوں کا حساب مانگ رھے ھیں ''

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔