گو کہ پانچ چھ سال بيت چُکے ہيں پر ميرے ذہن ميں وہ لمحات ”جوں کے توں” گھوم رہے ہيں--


جامعہ کراچی ميں بين الاقوامی تعلقات کی پہلی کلاس شروع ہونے والی تھی اور کلاس ميں ”عجيب ہڑ بونگ”سے مچی تھی ،، کُچھ طلبہ ”ہلڑ بازي”کيلۓ کلاس ميں آگۓ تھے اور ہماری ”مختصر سي” ٹيچر سے کلاس سنبھالنا ناممکن ہوگيا تھا--يکايک ٹيچر کے ساتھ کھڑا ايک نوجوان ”انگريزي” ميں شروع ہوا---! بارعب آواز اور شخصيت ميں ايسی کشش تھی کہ ہر طرف خاموشی چھا گئ دس منٹ کے ليکچر ميں شايد نۓ آنے والے طلبہ کو خوش آمديد کہا گيا اور يونيورسٹی طلبہ کو اخلاقيات کا سبق ياد دلايا گيا--- بعد ميں اُس نوجوان کا تعارف ”ولی خان” کے نام سے ہوا جو جامعہ کے شعبہ ”بين الاقوامی تعلقات” کے لائق اورسب سے متحرک طالب علم تھے-

ميرا ان سے "ہيلو ہاۓ" کے علاوہ براہ راست واسطہ دوچار بار ہی پڑا(کيونکہ ہم شروع سے ہی کھلنڈرے تھے) پر دوستوں کو اکثر ان کی تعريفوں کے پُل باندھتے ہی سنا،، کلاس ميں بھی ٹيچر اکثراُن کی مثال دے جايا کرتے تھے ، اسی ليے ہميشہ وہ ميري نظر ميں قابل رشک شخصيت ہی رہے-- سال ڈيڑھ سال قبل جب انہيں ”جيو” پہ ديکھا تو خوشی کے ساتھ ساتھ حيرانی بھی ہوئ کی يہ تو آسانی سے اسکالر شپ پہ باہر جاسکتا تھا--مجھے يقين تھا کہ وہ ترقی کی منازل کافي تيزی سے عُبور کرينگے اور ميں اس کی پيش گوئ ميں کرتا بھی رہتا--

جامعہ کے ٹيچر بھی اُن کے بارے ميں ميرے جيسے ہی خيالات رکھتے تھے اور ان کو اب بھی ”مثال” کے طور پہ پيش کيا جاتا کہ ديکھيں ”ولي” کہاں پہنچ گيا ہے اور ديکھتے رہيں کہاں تک پہنچے گا--------!!!




بچھڑا کچھ اس ادا سےکہ رت ہی بدل گئی

اک شخص سارے شہر کو ويران کرگيا

تھا تيرے دم سے تروتازہ جہان آرزو

کيسی چلی باد خزان گلشن کو ويران کرديا