پرانے وقتوں کی بات ہے کہ کسی گاؤں میں ایک نیک آدمی رہتا تھا،وہ اپنے گاؤں‌کا چودھری بھی تھا۔اس کے ہاں دولت کی بہت ریل پیل تھی۔اُس کے چار بچے تھے اُس کی بیوی بھی اُس کی طرح نیک اور پرہیز گار تھی۔اُس نے اُن کی تربیت بہت اچھے طریقے سے کی تھی۔اُس کی بڑی بیٹی کا نام اقصٰی تھا۔ وہ بہت سمجھدار اور ذہین لڑکی تھی اور وہ اپنے بہن بھائیوں کا بہت خیال رکھتی تھی۔ اُن کے گاؤں میں تعلیم کی سہولت نہ تھی جبکہ اُسے پڑھنے لکھنے کا بہت شوق تھا۔
وہ ہر وقت اپنے ابو سے یہی ضد کرتی کہ اُسے سکول جانا ہے۔اُس کے ابو کا ہر وقت یہی جواب ہوتا کہ تعلیم حاصل کر کے کیا کرو گی۔ہمارے پاس اللہ کا دیا ہوا سب کچھ ہے پر پھر بھی وہ پڑھنا چاہتی تھی۔ پھر اُس کی ضد کے ہاتھوں مجبور ہو کر اُس کے ابو اُسے شہر لے گئے اور اُسے سکول میں داخل کرادیا۔وہ وہاں اپنے گھر والوں سے دور رہ کر تعلیم حاصل کرنے لگی۔وہ دل لگا کر محنت سے پڑھتی ،وقت گزرنے لگا اور اُس نے میڑک بہت اچھے نمبروں سے پاس کر لیااور انعام میں اپنے ابو سے کالج جانے کی اجازت بھی لے لی ۔پھر ایک دن اُس کی تعلیم مکمل ہو گی اور وہ اپنے گاؤں واپس آگئی۔ اُس نے اپنے گاؤں پیں ایک سکول کھول لیا اور پھر سارے گاؤں کے بچے وہاں تعلیم حاصلکرنے لگے ۔تمام گاؤں والے اقصٰی کو دُعایئں دیتے تھے۔
دیکھا بچو! کسں طرح اقصٰی نے اپنی بہترین ضد سے بچوں کو تعلیم کی محرو می سے بچا لیا۔ ہمیں بھی چا ہئے کہ دل لگا کر تعلیم حاصل کریں اور اپنے ملک کا نام روشن کریں۔

__________________
As you Sow' So Shall you Reap