از اسلام آباد،
13ستمبر2011ء ،
قابل ِصدّ احترام پاک وطن۔
سلامت رھو،تاقیامت رھو،
آمین۔
آداب ،
ھم سب خیریت سے ھیں اور آپ کی خیریت پروردگار سے ''ھی'' نیک مطلوب ھیں،کیونکہ ھمیں خود تو فرصت ھی نہیں اپنی ذات کے علاوہ کچھ سوچنے کی۔ پہلے زمانے میں تو ایک شیخ چِلّی ھؤا کرتا تھا مگر اب ھم سب اسی کام میں مصروف ھیں اور سوچتےھی نہیں کہ اپنا بھی گھر جلے گا،ھر ایک ڈیڑھ انچ کے صوبے بنالینے کے خواب بُن رھا ھے۔
ایک ھی زمین کی امانت مگر زبانوں کا فساد ڈال کر ھم لوگوں کا قتل بھی کرنے لگے اور زندہ جلاتے وقت اپنے پرائے کے فرق کو یاد ھی نہیں رکھ پا رھے۔
کبھی ھم اپنی تو کبھی دوسروں کی عبادت گاھوں کو نشانہ بناکر ابلیس کا ساتھ تو دیتے ھیں مگر تیرے آنسو نہیں پُونچھتے۔ ھمارے جیسے دنیا سے گزر جائیں ستم ظریفی یہ کہ ھمارے ھی ھاتھوں، ھمیں اپنے بھی نظرنہیں آتے جبھی ذرا ذرا سی بات پر لڑکے بیچ چوراھے مار دئیے جائیں یا کسی خاص محکمے کو نا اھل ثابت کرنے کے لیے چوری کا بہانہ بنا کر زندہ جلا دیں ھمیں فرق نہیں پڑتا۔
ھمیں آخرت کا خوف نہیں رھا تو تیرے بارے میں کیا سوچیں گے ،مگر ربّ تو دیکھ رھا تھا سالوں سے سیدھی بہتی ندی رخ موڑ گئی اورلوگ مارے گئے، جہاں پانی کی کمی رھا کرتی تھی وھاں بارش نہیں تھم رھی، نازک سا مچھر وبال بن گیا، جہاں کوئی خطرہ نہ تھا وہ ریڈ زون بن گئے ،وجہ؟ ھم نے زلزلے سے بھی وطن ِعزیز تیری اھمیت کو جونہیں سمجھا تھا۔
کیا کیا کہوں، کیا کیا لکھو ں بلکہ اعتراف کروں کہ کسی پل بھی ھم نے تیری طرف پُر سوچ نگاھوں سے نہیں دیکھا کہ تیرے امن میں ھی ھمارا ذاتی سکون پنہاں ھے۔ تیری طرف سے بے التفاتی ھمیں دشمنوں کی نظروں میں بھی گرا دے گی۔ تمام صوبوں کو سلام، تیرے پانیوں کو پیار۔
والسّلام ،
تمہاری خیر اندیش ، دعاگو،
نام ، عروج ،
طالبہ برائے'' محبّ ِوطن گروپ''
پاک سر زمین شاد باد، پاکستان زندہ باد۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔