بلیک واٹر
پاکستان کے موجودہ حالات پر نظر ڈالی جائے تو کوئی دن ایسا نہیں گزارہ جس میں یہ کہا جا سکے کہ ہم بہتری کی جانب گامزن ہیں حالات بہتری کی طرف جانے کی بجائے روزبروز خراب ہوتے جا رہے ہیں ۔ کبھی خودکش حملے تو کبھی طالبان ۔ کبھی بجلی تو کبھی پانی چینی اور آٹے نے پاکستانیوں کی زندگی اجیرن کر کے رکھ دی ہے ۔ ۔ رمضان کا مقدس مہینہ مارکیٹ میں آٹا اور چینی نہیں ہے غریبوں کے نام پر یوٹیلٹی سٹور پر چینی آ تو گئی لیکن یہ چینی غریب کے نصیب میں پھر بھی نہیں ہے غریب کے ہاتھ تک پہنچنے سے پہلے ہی خونی ہاتھوں میں چلی جاتی ہے ۔ جہاں زندگی کی گاڑی کو چلانا مشکل تھا اب موت کو گلے لگانا اتنا آسان ہو گیا ہے ۔ مرنے کے لیے کسی بیماری یا آفت کی ضرورت نہیں ہے ملک میں اپنے ہی حکمرانوں کے ہاتھوں آفت آچکی ہے۔
سب سے اہم خبر جو آجکل پاکستان سے باہر ہرا یک کی زبان پر گردش کر رہی ہے ۔ کسی حد تک پاکستانی عوام بھی جانتے ہیں لیکن موجودہ حکومت نے ان کو اس قابل ہی نہیں چھوڑا کہ وہ کچھ سوچ سکیں ۔ جن کو اپنی جان کے لالے پڑئے ہوں تو وہ امریکہ یا دوسرے دشمن ملک کی جانب کیسے دیکھ سکتا ہے ۔ ہمارے قائد نے کہا تھا کام کام اور بس کام لیکن ائے قائد بہت افسوس سے کہنا پڑہ رہا ہے کہ اب امریکہ امریکہ اور بس امریکہ ۔ جس نے پوری دنیا کو اپنی مٹھی میں کر رکھا ہے ۔ کہیں دوست بن کر تو کہیں استین کے سانپ کی صورت میں ۔ اور ہماری بدقسمتی یہ ہے کہ ہم بھی دوست کی صورت میں دشمن کو ہم پیالہ اور ہم نوالہ بنائے بیٹھے ہیں ۔ امریکہ کی پوری کوشش ہے کہ وہ کسی نہ کسی طرح پاکستان میں اپنا قبضہ جما لے جس کے لیے وہ کوئی نہ کوئی ہٹ کنڈا استعمال کرتا رہتا ہے ۔کبھی ڈران حملوں کی صورت تو کبھی جنرل مشرف کی طرفداری میں ۔ ہمارے حکمران تو اس بات سے انکاری ہیں ۔ کہ امریکہ کا عمل دخل پاکستان میں نہیں ہے ۔ لیکن صوبہ سرحد سے لے کر کراچی تک امریکہ کے جاسوس پھیل چکے ہیں ۔ کہنے کی حد تک تو وہ ہماری مدد بھی کر رہا ہے ہمارے صدر صاحب کشکول لے کر حاضری بھی دیتے ہیں ۔ امداد کے نام پر ادھا پاکستان تو امریکہ خرید چکا ہے ۔اب ایک اور خبر بلیک واٹرکمپنی کے حوالے سے سامنے آئی ہے ۔ یہ بلیک کمپنی کیا ہے ۔ اور ہمارے ملک میں کیوں ۔ ۔ کچھ عرصہ پہلے پاکستانی محکمہ داخلہ نے تمام صوبوں کو ایک نوٹیوکیش جاری کیا ۔ جس میں اپاکستانی پولیس اور انٹیلی جینس کو بیلک واٹر کی سرگرمیوں پر نظر رکھنے کو کہا گیا ۔ بلیک واٹر کمپنی ۷۹۹۱ میں بنائی گئی ۔جس میں سیکویرٹری کی ٹرینگ دی جاتی ہے ، پہلی دفعہ اس کمپنی نے عراق اور افغانستان میں امریکی فوجوں کا ساتھ دیا ۔ وہاں انھوں نے عراقی لوگوں کو اپنی کمپنی میں بھرتی کیا ۔ کافی بڑی رقم کے عوض۔ اس کے بعد بلیک واٹر جاپان آزبائیجان ،ایران اور دوسرے کئی ممالک تک جا پہنچی وہاں پر بھی سارا کمال ڈالر کا تھا ۔ پیسوں کے لالچ میں لوگوں نے بلیک واٹر میں بھرتی ہونا شروع کیا ۔ اس کمپنی کو سونے کی کان کا بھی نام دیا جاتا ہے ۔ سننے میں آیا ہے کہ بیلک واٹرکپمنی سالانہ چالیس ہزار افراد کو ٹرینگ دیتی ہے ۔اس ٹرینگ میں شامل افراد کے نام اور انکی شکل سامنے وجہ ہے کہ آج تک کوئی نہیں جان پایا کہ کون کون سے اور کس کس ملک کے افراد اس میں شامل ہیں ۔ امریکہ کی یہ کمپنی کئی ممالک اور لاکھوں افراد کو اپنے مقاصد کے لیے استعمال کررہی ہے ۔ جس میں اب پاکستان بھی شامل ہو چکا ہے یہ ایک مضبوط ٓآرمی پارٹی ہے ۔ اس پارٹی نے اپنی جڑیں پاکستان کے ہر صوبے میں اپنی دفاترا کی صورت میں پھیلا دی ہیں ۔ ہمارے وزیراعظم کا کہنا ہے کہ کوئی ایسی کمپنی ہے ہی نہیں وہ کسی صورت یہ ماننے کو تیار نہیں ہیں کہ بلیک واٹر پاکستان میں موجود ہیں ۔ اور نہ ہی کسی سرگرمی کے بارے میں کوئی علم رکھتے ہیں جبکہ یہ بات کسی حد تک ایک عام شہری کے علم میں بھی ہے کہ اسلام آباد سے لے کر پشاور تک ۰۰۸ سے زاہد بیلک واٹر گارڈ موجود ہیں جن کی رہائش کے لیے ۰۵۲ گھرکرایے پر لے جا چکے ہیں ۔ اور امریکی سفیر خود اس بات کا گوارہ ہے ۔ اگر بات صرف اور صرف رہائش تک ہوتی تو کوئی بات نہیں تھی جبکہ بلیک واٹرگارڈ پاکستان میں کھلے عام گھوم پھر رہے ہیں ۔ اسلحہ کے زور پر عام لوگوں کے ساتھ انتہائی زلت امیز رویہ اختیار کیے ہوئے ہیں ۔ اسلام آباد کے بعد کراچی ان کا مرکز ہے جہاں یہ فرقہ وارنہ فسادات کروا رہے ہیں ۔ جس میں ہماری حکومت بھی شامل ہےاور تین مہینے پہلے ان کے آپس میں مزکرات بھی ہو چکے ہیں ۔
پشاور میں یونیورسٹی کے علاقے چنار روڈ پر ایک امریکی این جی او نے ایک مکان کرایہ پر لیا اور اپنی سکیورٹری کے لیے حکومت پاکستان سے درخواست کی جس پر ان کو بلیک واٹر گارڈ مہیا کیے گئے ۔ اس کے علاوہ بلیک واٹر کمپنی نے پشاور میں دو بڑی بلڈینگ کرایہ پر لے رکھی ہیں جہاں وہ اپنے مقاصد کو بروکار لانے کے لیے پاکستانی عوام کو بھی بھرتی کر رہے ہیں ۔ اور ایسے حالات میں انسانی زندگی داو پر لگی ہو نہ جان کی حفاظت ہو اور نہ ہی مال کی نہ بجلی ہے اور نہ ہی پانی پیٹ کو ایک وقت کی روٹی میسر نہیں تو اسی صورت میں اگر ڈالر مل رہے ہوں تو کون کافر اس پیشکش کو قبول نہیں کرئے گا ۔ اور جہاں تک ہماری حکومت کا سوال ہے تو اب شک کی کوئی گنجاش باقی نہیں کہ وہ امریکہ کے ساتھ برابر کی شریک ہے ۔ ورنہ آج ہمارے ملک میں بیلک واٹر کا یوں سرئے عام ذکر نہ ہوتا ۔ ہمارے سیاستدانوں کو اچھی طرح یہ بات یاد کرنے لینی چاہے اگر ہوسکے تو لکھ کر اپنے تکیے کے نیچے رکھ لینی چاہے کہ وہ پاکستان کے نہیں ہیں تو امریکہ بھی انکا نہیں ہے ۔ اگر یہ اپنی قوم کے غدار ہیں ۔ تو وفا کی امید امریکہ سے بھی نہ رکھیے ۔اور اگر ہمارے قائد کا پاکستان ہے تو یہ اپنی سیاست کا بازار گرم کیے ہوئے ہیں ۔ ورنہ وہ خود بھی جانتے ہیں ۔اپنا انجام ؟؟؟