پالیسی کی تبدیلی کے سبب مسلح جد و جہد ترک کی

بھارت کے زیرانتظام کشمیر میں سرگرم تقریباً سبھی علیٰحدگی پسند گروپوں کا خیال ہے کہ امریکہ میں گیارہ ستمبر سنہ دو ہزار ایک کے حملوں کے بعد سے مسلح مزاحمت کمزور پڑھ گئی ہے۔

اس کی تین وجوہات بتائی جاتی ہیں۔

اول یہ کہ اُس وقت کے امریکی صدر نے مسلح مزاحمت کی تمام شکلوں کو دہشت گردی قرار دیا اور اس کےخلاف جنگ کا باقاعدہ اعلان کیا۔ اس طرح کشمیری تحریک کو جسے عالمی پذیرائی مل رہی تھی وہ ختم ہوگئی اور بھارت کا موقف مضبوط ہوگیا۔

دوئم پاکستان امریکہ کی دہشت گردی کے خلاف جنگ میں صف اول کا حلیف بن گیا اور اس نے اپنی کشمیر پالیسی میں لچک کا مظاہرہ کیا۔

نو گیارہ کے بعد مغرب کے سفیروں کا کشمیر میں تانتا بندھا رہا۔ وہ ہر بار یہی کہتے رہے کہ اپنی تحریک سے تشدد کو الگ کرو۔ پچھلے تین سال سے ہماری تحریک سو فی صد پرامن ہے۔ اب اگر اس پرامن تحریک کا بھی جواب نہ آئے تو اس کا مطلب ہے کہ دنیا کشمیریوں کو پھر سے تشدد کی طرف دھکیل رہی ہے۔ اس بات پر عالمی طاقتوں اور بھارت دونوں کو سوچنا ہوگا۔

سوئم کشمیر کی ہندنواز سیاست بدل گئی۔ عبداللہ کیمپ اور مفتی خانوادے نے مسلہ کشمیر کے حل کا بیڑا اُٹھایا اور لوگوں سے بھارت نوازی کی بجائے مسئلہ کشمیر کے نام پر ووٹ مانگے۔ مسلح شورش شروع ہونے کے بارہ سال بعد پہلی مرتبہ دو ہزار دو میں لوگوں نے بائیکاٹ کال کے باوجود الیکشن میں حصہ لیا۔

نو گیارہ کے فوراً بعد کشمیر میں پچھلے بائیس سال سے سرگرم مسلح گروپ حزب المجاہدین کے اعلیٰ کمانڈر ظفراکبر عرف ظفرعبدالفتح نے سیاست کی راہ اپنائی۔

ظفرکہتے ہیں: ’سیز فائر تو ہم نے پہلے ہی کیا تھا ، لیکن بھارت نے اس کا معقول جواب نہیں دیا۔ نوگیارہ کے بعد مسلح جد وجہد کو دہشت گردی کہا جانے لگا تو ہم نے سیاسی مزاحمت کا راستہ چُنا۔‘

ظفر فی الوقت میرواعظ عمرفاروق کے حریت کانفرنس (ع) دھڑے کے ساتھ وابستہ ہیں۔

امریکی کردار

اگر افغانستان میں کٹّرطالبان کی حکومت قائم ہوئی تو کشمیر میں پھر سے تشدد ہوگا، اور عین ممکن ہے کہ کشمیر کی نئی ملی ٹینسی کا سپانسر چین ہوگا۔

وکی لیکس کےتازہ انکشافات سے کشمیرامور میں امریکی دلچسپی یا خفیہ سرگرمی نمایاں ہوگئی ہے۔

بھارت میں امریکی سفارتکاروں نے حالیہ برسوں کے دوران واشنگٹن میں دفترخارجہ کو بھیجے گئے کئی پیغامات میں لکھا ہے کہ ’حکومتِ امریکہ کو کشمیر پر سرگرم رہنا ہوگا، لیکن خیال رہے کہ اس سرگرمی کے نشانات (فوٹ پرنٹس) نمایاں نہ ہوں۔‘

مبصرین کہتے ہیں کہ امریکہ دراصل کشمیر میں اپنے سٹریٹجک حلیف بھارت کی مشکلیں کم کرنا چاہتا ہے، یہی وجہ ہے کہ پاکستان پر دباؤ ڈالا گیا کہ وہ کشمیر میں مسلح دراندازی کی پالیسی سے دستبردار ہوجائے۔

جنوب ایشیائی امور کے ماہر سّید تصدق حسین کا کہنا ہے کہ طالبان روس کے خلاف امریکہ کے جنگی حلیف رہ چکے ہیں لیکن نو گیارہ حملوں کے بعد امریکہ القاعدہ اور طالبان کے درمیان فرق نہیں کرپایا اور افغانستان میں پھنس گیا۔

انہوں نے مزید کہا کہ ’اگر افغانستان میں کٹّرطالبان کی حکومت قائم ہوئی تو کشمیر میں پھر سے تشدد ہوگا، اور عین ممکن ہے کہ کشمیر کی نئی مسلح جدوجہد کی پشت پناہی چین سنبھال لے۔‘'

موجودہ صورتحال اس خوفناک پیشن گوئی کی تصدیق معلوم ہوتی ہے۔

سابق مسلح کمانڈر اور پچھلے سولہ سال سے پرامن سیاسی سرگرمیوں میں مصروف علیٰحدگی پسند رہنما محمدیٰسین ملک کہتے ہیں: ’نو گیارہ کے بعد مغرب کے سفیروں کا کشمیر میں تانتا بندھا رہا۔ وہ ہر بار یہی کہتے رہے کہ اپنی تحریک سے تشدد کو الگ کرو۔ پچھلے تین سال سے ہماری تحریک سو فی صد پرامن ہے۔ اب اگر اس پرامن تحریک کا بھی جواب نہ آئے تو اس کا مطلب ہے کہ دنیا کشمیریوں کو پھر سے تشدد کی طرف دھکیل رہی ہے۔ اس بات پر عالمی طاقتوں اور بھارت دونوں کو سوچنا ہوگا۔‘

__________________
تم قاتل نہیں ہو پیشہ ور گدھے!