جھوٹ سراسر خسارے کا سودا ہے اس سے رزق میں برکت ختم ہو جاتی ہے

ہمارے دین کامل اسلام میں جھوٹ،بہت بڑا عیب اور بدترین گناہ کبیرہ ہے ،جھوٹ کا مطلب ہے”وہ بات جو واقعہ کے خلاف ہو“یعنی اصل میں وہ بات اس طرح نہیں ہوتی جس طرح بولنے والا اسے بیان کرتا ہے اس طرح وہ دوسروں کو فریب دیتا ہے جو اللہ اور بندوں کے نزدیک برا فعل ہے جھوٹ خواہ زبان سے بولا جائے یا عمل سے ظاہر کیا جائے مذاق کے طور پر ہو یا بچوں کو ڈرانے یا بہلانے کےلئے ہر طرح سے گناہ کبیرہ اور حرام ہت
جھوٹ ام الخبائث (برائیوں کی جڑ) ہے کیونکہ اس سے معاشرے میں بے شمار برائیاں جن لیتی ہیں جھوٹ بولنے والا ہر جگہ ذلیل و خوار ہورا ہے ہر مجلس میں اور ہر انسان کے سامنے بے اعتبار و بے وقار ہو جاتا ہے جھوٹ بولنے سے دنیا و آخرت کا نقصان ،عذاب جہنم اور قبر کی قسم قسم کی سزائوں میں مبتلا ہوتا ہے
جھوٹ بولنے سے آدمی اللہ تعالی اور اسکے فرشتوں ،نبیوں اور ولیوں کی رحمت و عنایت سے دور ہو جاتا ہے جھوٹے آدمی پر اللہ تعالی کی لعنت ہوتی ہے جھوٹ بو؛نے والے کا دل سیاہ اور چہرہ بے رونق ہو جاتا ہے رزق میں برکت ختم ہو جاتی ہے جھوٹ غم و فکر پیدا کرتا ہے کیونکہ ایسا آدمی وقتی طور پر مطمئن ہو جاتا ہے لیکن بعد میں اسکا ضمیر اسے ہمیشہ ملامت کرتا رہتا ہے جس کے نتیجے میں وہ اطمنیان قلب کی دولت سے محروم ہوجاتا ہے
جھوٹ گناہوں کا دروازہ ہے کیونکہ ایک جھوٹ بول کر اسے چھپانے کےلئے کئی جھوٹ بولنے پڑتے ہیں
قرآن و حدیث میں اس قبیح عادت کو چھوڑنے کی سختی سے تاکید کی گئی ہے
قرآن حکیم میں جھوٹ کی مذمت:ارشاد خداوندی ہے
”ان کے دلوں مین مرض ہے تو اللہ تعالی نے ان کے مرض میں اضافہ کر دیا اور ان کو جھوٹ بولنے کی وجہ سے ان کےلئے درد ناک عذاب ہے“
ایک اور جگہ ارشاد فرمایا:
” بتوں کی ناپاکی سے بچو اور جھوٹی بات سے“
جھوٹ اتنا خطرناک گناہ ہے کہ خدائے بزرگ و برتر نے اس کا ذخر شرک کے ساتھ کیا ہے اور مسلمانوں کو حکم دیا ہے کہ جھوٹ سے مکمل طور پر بچیں
”زور“ میں ہر قسم کا جھوٹ اور جھوٹی گواہی آجاتی ہیں زندگی کا اصل مقصد ہی ہدایت یافتہ ہونا ہے مگر جھوٹ ایسی چیز ہے جس سے ہدایت حاصٌ نہیں ہو سکتی کیونکہ جھوٹ میں اصل پر پردہ ڈال دیا جاتا ہے اس لئے جھوٹ سے حقیقت کیسے حاصل ہو سکتی ہے لہذا اللہ تعالی نے بھی جھوٹے کو ہدایت نہ ملنے کے بارے میں یوں ارشاد فرمایا ہے
””بے شک اللہ تعالی اس شخص کو ہدایت نہیں‌دیتا جو حد سے بڑھنے والا جھوٹا ہو““
قیامت کے دن جھوٹوں کے چہرے سیاہ ہوں گےاس بارے میں ارشاد فرمایا :
” اور قیامت کے دن جنہوں نے اللہ پر جھوٹ بولا ہے انکے چہرے سیاہ ہوں گے کیا متکبرین کےلئے جہنم کا ٹھکانہ کافی نہیں“
جھوٹ کی مذمت میں احادیث‌کریمہ:
رسول اللہ (ص) فرماتے ہیں کہ صدق کو لازم کر لو!
کیونکہ سچائی نیکی کی طرف لے جاتی ہے اور نیکی جنت کا راستہ دکھاتی ہے آدمی برابر سچ بولتا رہتا ہے اور سچ بولنے کی کوشش کرتا رہتا ہے یہاں تک کہ وہ اللہ کے نزدیک صدیق لکھ دیا جاتا ہے اور جھوٹ سے بچو کیونکہ جھوٹ فجور کی طرف لے جاتا ہے اور فجور جہنم کا راستہ دکھاتا ہے“
آدمی جھوٹ بولتا رہتا ہے جھوٹ بولنے کی کوشش کرتا رہتا ہے یہاں تک کہ اسے اللہ کے نزدیک کذاب لکھ دیا جاتا ہے
ایک فرمان نبوی(ص) ہے کہ جو شخص‌جھوٹ بولنا چھوڑ دے اور وہ جھوٹ باطل ہے تو اس کےلئے جنت کے کنارے میں مکان بنایا جائے گا جس نت جھگڑا کرنا چھوڑ دیا اور وہ حق ہر ہے یعنی حق پر پہنچنے کے باوجود جھگڑا نہیں کرتا
اس کےلئے جنت کے وسط میں مکان بنایا جائے گا اور جس نے اپنے اخلاق اچھے کئے اس کےلئے جنت کے اعلی درجہ میں مکان بنایا جائے گا
ارشاد نبوی (ص) ہے کہ جب بندہ جھوٹ بولتا ہے تو اس کی بدبو سے فرشتہ ایک میل دور ہو جاتا ہے مزید فرمایا کہ بڑی خیانت کی ات یہ ہے کہ تو اپنے بھائی سے کوئی بات کہے اور وہ تجھے اس میں سچا جان رہا ہے اور تو ا سے جھوٹ بول تہا ہے
آپ(ص) کو فرمان عالی ہے :
کہ مومن کی طبع میں تمام خصلتیں ہو سکتی ہیں مگر خیانت اور جھوٹ یعنی دونوں چیزیں ایمان کے خلاف ہیں مومن کو ان سے دور رہنا بہت ضروری ہے
ایک دفعہ رسول اللہ (ص)‌سے پوچھا گیا کہ مومن بزدل ہو سکتا ہے؟
فرمایا!‌ہاں
پھر عرض کیا گیا: کیا مومن بخیل ہو سکتا ہے؟
فرمایا ہاں
پھر پوچھا گیا : کیا مومن کذاب(جھوٹا) ہو سکتا ہے؟
فرمایا : نہیں
حضور نبی کریم(ص) نے فرمایا کہ کہ بندہ پورا مومن نہیں ہوتا جب تک مذاق میں بھی جھوٹ بولنا نہ چھوڑ دے اور جھگڑا کرنا نہ چھوڑ دے اگرچہ سچا ہو
ایک موقع پر آپ(ص)‌نے فرمایا کہ ہلاکت ہے اس کےلئے جو بات کرتا ہے اور لوگوں کو ہنسانے کےلئے جھوٹ بولتا ہے اس کےلئے ہلاکت ہے،اسکے لئے ہلاکت ہے
آپ (ص) نے مزید ارشاد فرمایا : کہ بندہ بات کرتا ہے اور مخص‌اس لئے کرتا ہے کہ لوگوں کو ہنسائے ،اسکی وجہ سے جہنم کی اتنی گہرائی میں گرتا ہے جو آسمان و زمین کے درمیان کے فاصٌہ سے بھی زیادہ ہے اور زبان کی وجہ سی جتنی لغزش ہوتی ہے وہ اس سے کہیں زیادہ ہےجتنی قدم سے لغزش ہوتی ہے
رسول اللہ (ص) نے فرمایا کہ آدمی ایک سچائی کا لفظ منہ سے نکالات ہے اور اسکی قدر و قمیت نہیں جانتا تو اسکے باعث اللہ تعالی اس کےلئے قیامت تک کی رضامندی لکھ دیتا ہے ایک آدمی جھوٹ منہ سے نکالات ہے اور اسکی حقیقت کو نہیں جانتا تو اسکے باعث اللہ تعالی اسکےلئے ملاقات تک نارضگی لکھ دیتا ہے
حضرت ابو سعید خڈری رضی اللہ تعالی عنہ سے روایت ہے کہ میں نے حضور نبی کریم(ص) کو یوں دعا کرتے ہوئے دیکھا کہ
اے اللہ! میرے دل کو نفاق اور نفس کو برائی سے اور زبان جھوٹ سے محفوظ رکھ نبی مکرم کا ارشاد عالی ہے اگر تم میری چھ باتوں پر عمل کر لو تو میں تمہیں جنت کی ضمانت دیتا ہوں
صحابہ کرام رضی اللہ عنہم نے عرض کیا یا رسول اللہ(ص) وہ کیا ہیں؟
تو آپ(ص) نے فرمایا : ایک یہ کہجب بات کرو تو جھوٹ نہ بولو ،دوسری یہ کہ وعدہ کرو تو وعدہ خلافی نہ کرو
تیسری یہ کہ امانت میں خیانت نہ کرو
چوتھی یہ کہ بری نگاہ سے کسی کو نہ دیکھو
پانچویں یہ کہ کسی کو تکلیف نہ دو
چھٹی یہ کہ شرمگاہ کی حفاظت کرو

تین صورتوں میں جھوٹ بولنا جائز ہے:
1 جنگ کی صورت میں کیونکہ یہاں اپنے مقابل کو دھوکہ دینا جائز ہے
2 اسی طرح ظالم ظلم کرنا چاہتا ہو تو اس کے ظلم سے بچنے کےلئے بھی جائز ہے
3 یہ ہے کہ مسلمانوں میں اختلاف ہے اور یہ ان میں‌صلح‌کرانا چاہتا ہے مثلا ایک کے سامنے یہ کہہ دے کہ وہ تمہیں اچھا جانتا ہے اور تمہاری تعریف کرتا ہے یا اس نے تمہیں سلام کہلا بیجھا ہے اور دوسرے کے سامنے بھی اس قسم کی باتیں کرے تاکہ دونوں میں عداوت کم ہو جائے اور صلح ہو جائے

اللہ ہم سب کو سیدھے راستے پر چلنے کی توفیق عطا فرمائے آمین ثم آمین

طالب دعا سید انجم شاہ