ہمارا جمعرات کو فنانس اور اکاؤنٹنگ کا پیپر ہے۔ ابھی میں چند سوالات کر رہا تھا اور میں نے فنا نس میں
جو ایک بات نوٹ کی ہے وہ یہ کہ فنانس ساری کی ساری ایک ہی (factor) فیکٹر (Interest) یعنی سود پر مشتمل ہے ۔ اگر میں اسلامی نظام کے بارٹر سسٹم اور مغربی سودی نظام کی مماثلت کروں تو کچھ فرق نہیں پڑتا ۔لیکن اسلامی نقظہ نظر سےدیکھا جائے توبہت فرق پڑ جاتا ہے کہ ہم اپنے مال کو حلال سے حرام کر لیتے ہیں لیکن اس کی قیمت (worth or value) میں کوئی فرق نہیں آتا ۔ اسی چیز نے آج مجھے اس پر لکھنے پر مجبور کر دیا کہ آخر فرق کیا ہے۔
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ
ہم اکثر حرام اور حلال کا تصور سنتے ہیں ۔ فلاں کھانا حرام ہے اور فلاں کھانا حلال ہے ۔ فلاں فعل حرام ہے اور فلاں فعل حلال ہے۔ آئیے دیکھتے ہیں کہ ہمارے مذہب کے لحاظ سے حرام اور حلال میں سادہ سا فرق کیا ہے ۔ جس فعل سے منع کیا گیا اس فعل کا کرنا حرام ہے اور جس فعل کے کرنے کا حکم دیا گیا اس کا کرنا حلال ہے ۔ اسی طرح کچھ جانوروں کا گوشت کھانا حلال اور جائز ہے اور کچھ کے گوشت کو حرام قرار دیا گیا ۔ کسی عمل کو حلال اور حرام قرار دینے کے پیچھے کیا حکمت ہے فالحال اس پر بحث علماء حضرات پر چھوڑتا ہوں۔ لیکن اس میں صرف ایک سادہ ساجو فرق میں نے نوٹ کیا ہے وہ یہ کہ عمل کے کرنے کا طرز عمل کیا ہے یعنی کون سا طریقہ اختیار کیا گیا ہے۔
میں سادہ سی مثال کے ذریعے اپنا نقظہ نظر پیش کرنے کی کوشش کرتا ہوں ۔ انگور سے سرکہ بھی بنتا ہے اور شراب بھی ۔ دونوں کو انگور سے ہی حاصل کیا جاتا ہے لیکن ایک حرام ہے اور ایک حلال ۔اور پھر اللہ نے جنت میں اسی شراب کا وعدہ کیا ہے ۔ لہذا ایک اور فرق دیکھا جائے تو وہ حدود و قیود کا ہے اسلام نے کچھ حدود مقرر کر دی ہیں جن کے اندر رہ کر کام کرنا حلال اور ان سے تجاوز کرنا حرام ہیں ۔ یہ تو تھا سادہ اور بہت خطرناک فرق لیکن اس سادہ سے فرق کے باوجود بھی کچھ فرق نہیں ہے آئیے اس بات کو ایک اور مثال کے ذریعے دیکھتے ہیں۔
فرض کریں میں کسی سے دس ہزار ادھار لیتا ہوں اور ادھار دینے والے کا تقاضہ ہے کہ وہ اس پر دس فیصد سود لے گا اس لحاظ سے پانچ سال بعد مجھے اسے سولہ ہزار کے قریب رقم ادا کرنی پڑے گی۔
لیکن ایک اور شخص ہے جس سے میں دس من گندم ادھار لیتا ہوں آج اس گندم کی قیمت اگر ہزار روپیہ فی من ہے تو اس لحاظ سے اس کی قیمت دس ہزار ھو گئی جو میں نے اس سے لی ہے اور پانچ سال بعد اسی گندم کی قیمت سولہ سو فی من سے کم نہیں ھو سکتی اس سے زیادہ ہی ھو سکتی ہے کیونکہ وقت کے ساتھ ساتھ کرنسی کی ویلیو کم ھو جاتی ہے ۔ اور اس شخص کا تقاضا تھا کہ وہ بدلے میں گندم ہی لے گا۔ جب میں نے پانچ سال بعد اس کو گندم لوٹائی تو اب اس گندم کی قیمت بھی تقریباً سولہ سو ہی ہے لہٰذا کوئی فرق نہیں پڑا لیکن پہلا طریقہ حرام اور دوسرا حلال ہے ۔ ہمارا مذہب ایک پرفیکٹ مذہب ہے۔ جب فرق کچھ نہیں پڑتا تو پھر ہم کیوں مغربی نظام کو اپنا کر حلال کو حرام کر رہے ہیں کیوں ہمارے سکالرز کوئی پالیسی وضع نہیں کرتے کیوں ہم اندھی مغربی تقلید کر رہے ہیں ۔ہمیں چاہیے کہ ہم اپنی پالیسی بنائیں۔ بس یہیں پر ختم کرتا ہوں اور دعا گو ہوں کہ اللہ ہمیں ہدایت دے۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟