شہر میں کپڑا فروشوں کی وہ سب سے بڑی دوکان تھی دوکان کے ماتھے پر کلاتھ ہاوس کا ایک بڑا سائن بورڈ آویزاں تھا جس کو بجلی کے قمقموں سے رات کو روشن رکھا جاتا تھا تاکہ گاہک کو سجاوٹ سے متاثر کیا جا سکے اس اکیلے سائن بورڈ کا ماھانہ بجلی کا بل ٣ ھزار سے زیادہ تھا دوکان کے مالک کا شمار شہر کے سرکردہ مالدار لوگوں میں ھوتا تھا، کئی کوٹھیوں، پلاٹوں اور گاڑیوں کا مالک ہونے کے ساتھ ساتھ پانچ وقت کا نمازی تھا ۔ وہ ھر وقت تسبی ھاتھ میں لئے کاؤنٹر پر بیھٹا رہتا، باریش اور نورانی چہرے میں وہ بہت سجتا تھا۔ اکرم اس دوکان پر سیلز مین کی حثیت سے کام کرتا تھا اور چھہ ھزار تنخواہ پاتا تھا۔ اکرم ابھی کالج میں پڑھتا تھا کہ باپ کا انتقال ھو گیا اسے اپنی ماں اور دو بہنوں کا بوجھ اٹھانے کے لئے پڑھائی چھوڑ کر سیلز مین کی نوکری کرنی پڑی دوکان میں اسکے ساتھ اور بھی بہت سے سیلز مین کام کرتے تھے لیکن یہ سب سے زیادہ محنتی تھا، صبج سوہرے دوکان پر آتا جھاڑ پونچھ کرتا اور کپڑے کے تھانوں کو ترتیب دیتا، اسے دوکان کے علاوہ مالک کے دوسرے بھی کئی چھوٹے چھوٹے کام کرنے پڑتے مثلا چائے کا کہ آؤ، بجلی کا بل جمع کروا آؤ فلاں چیز گھر دے آو فلاں لے آو وغیرہ وغیرہ۔ مالک کے دل میں کسی سیلز مین کے لئے کوئی ھمدردی نہ تھی وہ تو بس کام لینا جانتا تھا، کام پر لیٹ آنے یا جلدی جانے سے پیسے کاٹے جاتے تھے دوکان میں کسی قسم کا نقصان بھرنا پڑتا تھا ایک دفعہ اکرم نے غلطی سے آدھ میڑ کپڑا زیادہ کاٹ کر دے دیا مالک جو وضو کر کے مسجد کی طرف جانے کی تیاری کر رھا تھا اس خبر کے پاتے ھی اکرم پر بھپھر پڑا اور کہنے لگا کہ میاں یہ تین سو روپے تمہں دینے ھونگے کپڑا مفت نہیں آتا تمہارا دماغ کام نہیں کرتا تو کام چھوڑ دو ہمیں لڑکے بہت ھیں ۔۔۔۔۔۔۔ میں ابھی نماز پڑھ کر واپس آوں تو تمہارے حساب میں لکھ لوں گا۔ اکرم کے گھر کا خرچہ پہلے ہی مشکل سے چلتا تھا اس بے جا کٹوتی سے وہ دل ہی دل میں اپنے آپ کو کوسنے لگا۔

ظہر کی نماز سے پہلے ڈرائور مالک کا کھانا لے کر آتا اکرم اسے بڑے سلیقے سے سائیڈ والے کمرے میں سجاتا پانی کی سیلڈ بوتل رکھتا کھانا کئی قسم کا اور سویٹ ڈش کے ساتھ ہوتا مالک سے جتنا کھایا جاتا کھا لیتا باقی کا واپس ٹفن میں بند کرکے رکھ دیتا کہ کوئی دوست یار آئے گا تو اسے پیش کروں گا یا پھر گھر واپس لے جاوں گا ۔ جب مالک سیر ھو جکتا تو اکرم کو آواز پڑتی کہ جاو کھانا کھا آو اور دیکھو جلدی آنا دوسرے لڑکوں کو بھی جانا ھے ۔ اکرم گھر سے لائی ہوئی دال دلئے کی پوٹلی اٹھاتا اور قریب ہی ایک پٹھانوں کے تنور سے دو روٹیاں لے کر ٹوٹے ھوئے میز کرسی پر بیٹھ کر پیٹ پوجا کرتا اور پٹھانوں کے گندے گلاس اور جگ سے جی بھر کر پانی پیتا۔ کچھ دنوں سے اکرم کو تین ہزار روپے کی سخت ضرورت تھی اسکی بہن کا داخلہ میڑک کے بعد کالج میں ھو چکا تھا اور داخلہ فیس ادا کرنی تھی کچھ پیسے کم پڑتے تھے وہ سوچ رہا تھا کہ کسی طرح مالک سے ادھار لے لیا جائے آئستہ آئستہ واپس کر دوں گا۔ جب بھی وہ بات کرنے لگتا اسکی ھمت نہ پڑتی آخر ایک دن اس نے حوصلہ کر کے پیسے مانگ لئے پہلے تو اس نے دئنے سے انکار کردیا اور کہا کہ آج کل بہت مندہ ھے ورنہ تمہارے لئے کچھ نہ کچھ ضرور کرتا لیکن پھر شام کو اس نے اکرم کو اس شرط پر پیسے دئے کہ اگر ایک ماہ کے اندر اندر واپس نہ کئے تو تنخواہ سے کاٹ لئے جائیں گے اور تمہیں ایک پکی تحریر لکھ کر دینا ھوگی وہ جب یہ باتیں کررھا تھا تو برابر اسکے ھاتھ میں تسبی اللہ ھو کا ورد کرتی جا رھی تھی۔ اکرم کو اسکی ساری شرطیں قبول تھیں مجبور کی مجبوری سے فائدہ اٹھانا دنیا کی پرانی ریت ھے۔ اتنی دیر میں مالک کا بیٹا اپنی گاڑی میں دوکان پر آیا اسے ایک شادی میں جانا تھا اور وہ بیس ھزار روپے کا امپورٹ سوٹ خریدنا چاھتا تھا باپ نے فورا دراز سے نکال کر پیسے بیٹے کو دئے تسبی سائید پر رکھ کر بیٹے کو پیار کیا اور نصیحت کی کہ گاڑی آئستہ چلایا کرو مجھے ہر وقت تمہاری فکر رہتی ھے۔ آج اکرم بہت خوش تھا کہ اسے تنخواہ کے ساتھ اضافی تین ھزار بھی ملے تھے وہ چاھتا تھا کہ چلو وہ تو نہیں پڑھ سکا کم از کم بہنیں تو گریجوایشن کر لیں۔ وہ اپنے خیالات میں گم جب چلتی بس سے اترنے لگا تو اسکا پاوں موچ کھا گیا اور گھٹنے کی ہڈی ٹوٹ گئی ۔ اسکی ماں نے ادھر ادھر سے قرض اٹھا کر اسکا علاج کروایا لیکن ایک مہینے کے اندر اندر اسکا گھر تیس ہزار کے قرضے کے نیچے دب گیا۔
مالک نے تین دفعہ درائور کو قرضے کے مطا لبے کے لئے بھیجا اکرم کی ماں مزید مہلت کا مطالبہ کرتی رہی جب ذرا اکرم چلنے کے قابل ھوا تو اسے ایک دوسری دوکان پر بہتر تنخواہ پر نوکری مل گئی اکرم نے سوچا کہ پہلی تنخواہ پر سب سے پہلے مالک کا قرض ادا کروں گا۔ مگر ابھی مہینے میں کافی دن تھے اور مالک اتنا لمبا انتظار نہیں کرسکتا تھا۔

بڑی عید میں ابھی کچھ دن باقی تھے اور مجھے نماز عید کے لئے ایک عدد سفید کھدر کے جوڑے کی ضرورت تھی جب میں ایک کلاتھ ھاوس پر پہنچا تو ایک باریش آدمی ھاتھ میں تسبی لئے اکرم کے گلے میں کپڑے کا پھندہ ڈالے کھڑا تھا میں نے اکرم کو پہچان لیا تھا ھم دونوں چھٹی تک اسکول میں اکٹھے پڑھتے رہے تھے لیکن عمر کی شکست و ریخت کی وجہ سے وہ مجھے نہ پہچان سکا۔ سیٹھ صاحب دوسرے سیلز مین سے کہنے لگے دیکھو میں نماز پڑھ کر آتا ھوں اسے جانے نہ دینا اور باندھ کر رکھنا میں آ کر اسے پولیس کے حوالے کرتا ھوں۔ میں نے کہا سیٹھ صاحب آپ ایک بندہ خدا کو باندھ کر نماز پڑھنے جا رہے ھیں کیا ایسی نماز قبول ھو گی اس نے کیا کیا ھے۔ سیٹھ صاحب گرج کر بولے اجی آپ مذھب کو بیچ میں نہ لائیں اس نے میرا قرض دینا ھے، قرض تو ھم سے لیا اور جب دینے کی باری آئی تو دوسری دوکان پر کام شروع کر لیا میں نے کہا کہ قرض کی رقم کتنی ھے بولے تین ھزار میں نے جیب سے کپڑوں کے پیسے نکال کر سیٹھ صاحب کے حوالے کر دئے اور کہا کہ مسجد میں جانے سے پہلے اقبال کا یہ شعر ضرور پڑھ لیجئے ۔

ہوا سر بہ سجدہ جو میں کبھی تو زمیں سے آنے لگی صدا
تیرا دل تو ھے صنم آشنا تجھے کیا ملے گا نماز میں

دو دن بعد جب میں عشا ء کی نماز سے فارغ ھوا تو دروازے پر دستک ھوئی دیکھا تو وہی سیٹھ صاحب ھاتوں میں کھدر کا سوٹ لئے زار و قطار رو ریے تھے آج انکے ھاتھ میں تسبی نہ تھی کہنے لگے مجھے بھی معافی مل سکتی ھے میرے بیٹے کا ایکسیڈنٹ ھوا ھے اور وہ موت و حیات کی کشمکش میں ھے میں نے کہا اگر آپ دوسروں کے بچوں کا خیال رکھیں گے تو اللہ آپ کے بچے کا بھی خیال کرے گا جائیں اس سے معافی مانگیں

بقول اقبال

نہ کہیں جہاں میں اماں ملی جو اماں ملی تو کہاں ملی
مرے جرم خانہ خراب کو ترے عفو بندہ نواز میں