ضیاء الحق کے جرائم

ضیاء الحق کے جرائم · 29-03-11, 11:38 AM

کچھ عرصہ پہلے کی بات ہے کہ جنوبی پنجاب کے علاقہ حاصل پور میں 2 دین دار، انتہائی نیک اور شریف شہریوں کو مقامی مذہبی جنونیوں نے شہید کروا ڈالا۔ واقعہ کچھ یوں ہوا کہ شہید ہونے والے لوگوں کے مخالفین نے انہیں اخبارات اور ردی کے کاغذات جلاتا دیکھ لیا اور پھر شور مچا دیا کہ یہ لوگ قرآن جلا رہے ہیں۔ پھر کیا تھا… لوگ مشتعل ہو گئے کہ قرآن کی بے حرمتی… اور ہم برداشت کر لیں… کسی نے نہ آئو دیکھا نہ تائو… نہ کسی نے یہ پوچھنا یا دیکھنا گوارا کیا کہ جلنے والے قرآن یا اوراق کہاں ہیں جس وجہ سے ہم دو انسانوں کی جان لینے لگے ہیں۔ اس کا کچھ ثبوت بھی تو ہونا چاہئے لیکن انہیں کسی بھی چیز کی پروا کئے بغیر بازاروں میں گھسیٹا گیا، کپڑے پھاڑے گئے، پتھر مارے گئے، سر اور جسم کچلے گئے۔ قرآن جلانے کی محض افواہ پر دو دین داروں، نیکی کے پرستاروں کو شہید کرنے والوں میں بھاری اکثریت ان کی تھی جن کے چہرے محمدی نہیں بلکہ انگریزی یعنی داڑھی منڈے تھے۔ ان کی بھاری اکثریت نماز کے قریب بھی نہ پھٹکتی تھی۔ قرآن سمجھنا تو کجا انہیں قرآن پڑھنا تک نہ آتا تھا اور شاید بے شمار نے تو کبھی قرآن کو ہاتھ بھی نہ لگایا ہو گا لیکن دو معصوم اور نہتے بے بس و بے کس مسلمان ان کے ہتھے چڑھ گئے تو انہوں نے یہیں سے جنت ’’پکی‘‘ کرنے کا سوچ لیا اور پھر وہ کر گزرے کہ جس سے جنت نہیں جہنم ہی پکی ہو سکتی ہے۔
یہ واقعہ ہمیں گزشتہ دنوں ایک بڑے مذہی رہنما کے ضیاء الحق کے خلاف بیان پڑھ کر یاد آیا جنہوں نے کہا کہ قوم ہمیں ضیاء الحق کا ساتھ دینے پر معاف کر دے۔ ضیاء الحق کی حیثیت بھی تقریباً حاصل پور کے انہی 2 شہداء جیسی ہے جن پر لوگ چڑھ دوڑے تھے کیونکہ اس وقت ہمارے ہاں جمہوریت کی دیوی کی پوجا کی جا رہی ہے اور ہر کوئی یہ سمجھتا ہے کہ اسے جمہوریت کو پوج کر اقتدار مل سکتا ہے۔ جمہوریت سے وفاداری اور وفا شعاری کا پہلا سرٹیفکیٹ اس وقت ملتا ہے جب ضیاء الحق کی مخالفت کھلے بندوں اور ننگے لفظوں سے کی جائے، حالانکہ جو لوگ اسلام کا نام لے کر سیاست چمکانا چاہتے ہیں اور اقتدار حاصل کرنا چاہتے ہیں، انہیں یقینا یہ پتہ ہے کہ اس راستے سے اسلام کبھی غالب آیا ہے اور نہ آئے گا کیونکہ جو راستہ ہی غلط ہو اس کی منزل کیسے صحیح ہو سکتی ہے۔
1992ء کا سال ہر کسی کو یاد ہے جب الجزائر کی مسلم تحریک نے 2 تہائی سے بھی کہیں زیادہ ووٹ لے کر جمہوریت کے عالمی رائج نظام کے ذریعے کامیابی حاصل کی تھی لیکن اسے حکومت نہ دی گئی اور پھر ان لوگوں کا قتل عام شروع کر دیا گیا جو اسلام چاہتے تھے، 18سال سے نافذ ا یمر جنسی گزشتہ دنوں ہی ختم کی گئی ہے۔ اس دوران دسیوں ہزار مسلمان قتل ہو گئے لیکن افغانستان، عراق اور دیگر خطوں کے لاکھوں مسلمانوں کو شہید کرنے والے امریکہ کو یہ سب کچھ نظر نہیں آتا تھا۔ یہی کچھ 2007ء میں غزہ میں ہوا، جہاں حماس نے انتخابات جیتے تو 16 لاکھ فلسطینی دنیا کی سب سے بڑی کھلی جیل میں بند کر دیئے گئے، جو اب بھی وہیں سسک سسک کر مر رہے ہیں لیکن ساری دنیا تماشائی ہے اور جمہوریت کے چمپئن یہاں سب کچھ بھول چکے ہیں۔ یہی حال ترکی میں نجم الدین کے ساتھ ہوا حالانکہ اربکان تو معمولی سے ہی دین دار تھے لیکن جمہوریت کے پجاریوں کو پھر بھی سمجھ نہ آئے تو کیا کریں۔ ضیاء الحق کی مخالفت اور اس سے لاتعلقی ظاہر کرنے والے آخر کسے خوش کرنا اور کس کی رضا مندی چاہتے ہیں؟ یہ ایک ایسا سوال ہے جس کے جواب کی تلاش کی ضرورت نہیں، بس تھوڑا سا غور کیجئے…
دلچسپ بات یہ ہے کہ جمہوریت کا بت بنانے والوں کی خوشنودی چاہنے والے خود بھی اس قدر مجبور ہیں کہ ان کی سیاست ضیاء الحق کے اٹھائے گئے اقدامات کی حفاظت کئے بغیر چلتی بھی نہیں۔ تحفظ حقوق نسواں ایکٹ آیا، وہ کس کے خلاف تھا، وہ کیوں لایا گیا،سب واضح تھا کہ ضیاء الحق نے حدود آرڈیننس کے تحت شرعی سزائیں نافذ العمل کی تھیں جو مغرب کو اسی روز سے کھٹکتی تھیں جسے ایڑی چوٹی کا زور لگا کر ختم کیا گیا تو وہ بھی جمہوری نظام کے ذریعے کسی حد تک ضیاء الحق نے روس کے خلاف علم جہاد بلند کیا ، پاکستان کو بچایا…سرخے کہا کرتے تھے کہ بس جناب یہ سردیاں گزر جانے دیں، روس کو پھر کون روکے گا یہ تو دوچار دن کا کھیل ہے پھر ہم ہوں گے یا پھر وہ… ہر طرف سرخ ہی سرخ ہو گا لیکن 10 سردیاں گزریں، ضیاء الحق کی عقل و خرد نے سرخ کو سبز میں بدل دیا، جس طرح آج امریکہ تیونس، مصر لیبیا، شام، یمن، الجزائر اور مراکش کے بدترین اسلام دشمن حکمرانوں کا کل تک پشت پناہ تھا، اسے کوئی جمہوریت یا جمہوری اصول اور سبق یاد نہ تھے اور اب جبکہ وہاں کے عوام جان کی بازی لگا کر ان سے نجات حاصل کر رہے ہیں تو امریکہ منافقت کی نئی چادر اوڑھ کر عوام کا حمایتی بن گیا ہے۔ حسنی مبارک کا مخالف، قذافی کا دشمن بلکہ اس پر حملہ آور… 23 سال، 30 سال اور 41 سال تک امریکہ کہاں تھا…؟
یہی کچھ اس وقت ہوا تھا جب افغانیوں نے روس کو شکست دیدی تو وہ بھی میدان میں آج کی طرح اتر آیا کہ ’’نمبر بنا لوں‘‘اور پھر اس نے خوب نمبر بنائے بلکہ کئی ایک کے دل و دماغ میں ایسا گھسا کہ انہیں روس کی شکست ہی آج تک امریکہ کی مرہون منت نظر آتی ہے… آج کے یہ ضیاء الحق کے مخالف اس وقت اس ’’مجرم‘‘ کے حامی تھے بلکہ اس نظریے کے تو اب بھی حامی ہیں… ذرا مزید آگے چلتے ہیں۔
ضیاء الحق کو دنیا سے گزرے ساڑھے 22 برس ہو گئے، جمہوریت کے ذریعے اسلام لانے کے علمبردار اور دعویدار بتا دیں کہ ضیاء الحق تو چلا گیا لیکن اس کے بعد ملک کتنا اسلام کے قریب ہوا… اور کتنا دور… آخر جناب بات تو اسلام کی ہے… تو پھر بتا دیں، ہم تو اتنا ہی پوچھیں گے، یہ جو توہین رسالت پر سزائے موت کا قانون ہے جس پر آج کے دین دار جمہوریت نوازوں کی زندگی کی ڈوریں قائم ہیں جناب یہ کب آیا تھا کون لایا تھا، جمہوریت کے قانون اور فارمولے کے مطابق تو ملک کی بھاری اکثریتی فقہ کچھ اور ہی کہتی ہے۔ کسے مان رہے ہیں اور کیوں مان رہے ہیں… کچھ دن گزرے، کسی ٹی وی پر ’’بیچ راستے‘‘ کے بیٹھے کچھ لوگ تبصرہ کر رہے تھے اور ایک دانشور کہہ رہا تھا کہ ضیاء الحق نے جو کیا وہ تو شاید تاریخ میں کبھی ختم نہ ہو سکے گا۔ جناب سوچیے! کہ ضیاء الحق نے ایسا کیا کیا تھا کہ جوان سب کے گلے کی ہڈی ہے اور سب اس کو نگل جانا چاہتے ہیں لیکن نگل نہیں پا رہے ہیں کیونکہ جو ضیاء الحق نے کیا وہ دیکھنے میں شاید آپ کو کچھ اور نظر آئے لیکن اصل میں وہ ہے جسے جتنا دبائو وہ اتنا ہی ابھرتا ہے… آخر میں یہ بھی سنتے جایئے، کہ دنیا کی تاریخ میں کہیں سے بھی جمہوریت کے ذریعے اسلام کے غلبے یا شریعت کے قیام کی معمولی مثال نہیں دی جا سکتی لیکن جہاد کے ذریعے اس کی مثال ہر دور اور ہر زمانے میں دی جا سکتی ہے، زیادہ دور کیوں جائیں، دنیا میں اس وقت صرف ایک ملک میں کسی حد تک شریعت اسلامیہ قائم ہے جسے سعودی عرب کہا جاتا ہے۔ لیکن ذرا سوچیے کہ یہاں شریعت کیسے آئی؟ جمہوریت کے ذریعے یا جہاد کے ذریعے، افغانستان میں طالبان نے اگرچہ چند سال ہی حکومت اور شریعت قائم کی لیکن کیا وہ جمہوریت کا کرشمہ تھی یا جہاد کا… آج کے دور میں صومالیہ کے بڑے حصے پر ایک بار پھر شریعت قائم ہے حدود کے قانون اور سزائیں جاری، ذرا بتایئے تو… کیا یہ الیکشن لڑ کر ہوا یا بندوق اٹھا کر تو پھر حقائق سے آنکھیں نہ چرایئے… اور یاد رکھیے جس چیز کو کافر ہمارے لئے پسند کریں وہ کبھی ہمارے فائدے کی ہو سکتی ہی نہیںاور جمہوریت کن کا نعرہ ہے۔ کن کی پسند بھی بتانے کی ضرورت ہے۔
بشکریہ۔۔۔۔ہفت روزہ جرار
والسلام ۔۔ علی اوڈراجپوت
ali aodrajput

**عدنان دانی** · 29-03-11, 11:48 AM

دیجیٹل صاحب جواب دے ؟

**راجہ اکرام** · 29-03-11, 12:28 PM

السلام علیکم
علی بھائی بہت خوب شیئرنگ ہے۔ واقعتا ایک بڑی اکثریت جمہوریت کی دیوی کی رضامندی کو ہی تمام آلام و مصائب سے نجات کا واحد ذریعہ سمجھتی ہے اور اسی کے لئے ہمہ تن و ہمہ وقت کوشاں ہے۔ لیکن سچ یہ ہے کہ رائج جمہوری نظام کبھی بھی خوشحالی اور بہتری کی ضمانت نہیں دے سکتا۔

علی بھائی تحریر کا رنگ سرخ کے بجائے سیاہ ہی رہنے دیا کریں ۔۔ سرخ رنگ آنکھوں کے لئے تکلیف دہ ہوتا ہے۔ شکریہ

**abdulrehman303** · 29-03-11, 03:12 PM

ضیاالحق شہد تیری عظمت کو دل کی گہرئیوں سے سلام
اللہ آپ کو جنت الفردوس میں اعلٰی مقام عطا فرمائے امٰین اور ہم کو آپ جیسا جرنیل

**راجہ اکرام** · 29-03-11, 03:31 PM

اقتباس:

اصل مراسلہ منجانب : abdulrehman303

ضیاالحق شہد تیری عظمت کو دل کی گہرئیوں سے سلام
اللہ آپ کو جنت الفردوس میں اعلٰی مقام عطا فرمائے امٰین اور ہم کو آپ جیسا جرنیل

آمین ثم آمین یا رب العالمین

**ALI-OAD** · 29-03-11, 10:40 PM

اقتباس:

اصل مراسلہ منجانب : راجہ اکرام

السلام علیکم
علی بھائی بہت خوب شیئرنگ ہے۔ واقعتا ایک بڑی اکثریت جمہوریت کی دیوی کی رضامندی کو ہی تمام آلام و مصائب سے نجات کا واحد ذریعہ سمجھتی ہے اور اسی کے لئے ہمہ تن و ہمہ وقت کوشاں ہے۔ لیکن سچ یہ ہے کہ رائج جمہوری نظام کبھی بھی خوشحالی اور بہتری کی ضمانت نہیں دے سکتا۔

علی بھائی تحریر کا رنگ سرخ کے بجائے سیاہ ہی رہنے دیا کریں ۔۔ سرخ رنگ آنکھوں کے لئے تکلیف دہ ہوتا ہے۔ شکریہ

جی اکرام بھائی آپ کی خوائش پر ہممم نے کلر تبدیل کردیا
خوش رہو ۔

**عبداللہ آدم** · 29-03-11, 11:05 PM

اپنا رنگ بھی تو سرخ ہے پیر ساب!!!

اس کی کوئی تکلیف نہیں ہوتی؟؟؟

**ALI-OAD** · 30-03-11, 08:56 AM

اقتباس:

اصل مراسلہ منجانب : عبداللہ آدم

اپنا رنگ بھی تو سرخ ہے پیر ساب!!!

اس کی کوئی تکلیف نہیں ہوتی؟؟؟

ہُن دسو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟

**راجہ اکرام** · 30-03-11, 10:40 AM

مجھے اپنی نہیں آپ کی تکلیف کی فکر ہے مرید صاحب

**abdulrehman303** · 30-03-11, 06:06 PM

آپ لوگ کس لڑائی میں پر گے صرف ایک بات یاد رکھے کہ ہم خود کو ضیاالحق جیسا بنایئں جو ملک و قوم کا وفا دار ہو

29-03-11, 11:48 AM	#2
عدنان دانی ذیلی ناظم تاریخ شمولیت: Nov 2009 مقام: متحدہ عرب امارات عمر: 22 مراسلات: 6,348 کمائي: 154,199 شکریہ: 4,887 4,397 مراسلہ میں 11,052 بارشکریہ ادا کیا گیا	دیجیٹل صاحب جواب دے ؟ Share Share this post on Digg Del.icio.us Technorati Twitter Facebook!

29-03-11, 12:28 PM	#3
راجہ اکرام ناظم اعلی تاریخ شمولیت: Jan 2009 مقام: ڈیرا درویشاں دا مراسلات: 21,566 کمائي: 315,063 شکریہ: 25,210 16,387 مراسلہ میں 41,618 بارشکریہ ادا کیا گیا	السلام علیکم علی بھائی بہت خوب شیئرنگ ہے۔ واقعتا ایک بڑی اکثریت جمہوریت کی دیوی کی رضامندی کو ہی تمام آلام و مصائب سے نجات کا واحد ذریعہ سمجھتی ہے اور اسی کے لئے ہمہ تن و ہمہ وقت کوشاں ہے۔ لیکن سچ یہ ہے کہ رائج جمہوری نظام کبھی بھی خوشحالی اور بہتری کی ضمانت نہیں دے سکتا۔ علی بھائی تحریر کا رنگ سرخ کے بجائے سیاہ ہی رہنے دیا کریں ۔۔ سرخ رنگ آنکھوں کے لئے تکلیف دہ ہوتا ہے۔ شکریہ Share Share this post on Digg Del.icio.us Technorati Twitter Facebook! __________________ محتاج اصلاح و دعا

29-03-11, 03:12 PM	#4
abdulrehman303 Senior Member تاریخ شمولیت: Dec 2010 مقام: لاہور مراسلات: 274 کمائي: 4,210 شکریہ: 353 170 مراسلہ میں 422 بارشکریہ ادا کیا گیا	ضیاالحق شہد تیری عظمت کو دل کی گہرئیوں سے سلام اللہ آپ کو جنت الفردوس میں اعلٰی مقام عطا فرمائے امٰین اور ہم کو آپ جیسا جرنیل Share Share this post on Digg Del.icio.us Technorati Twitter Facebook! __________________ http://urduyahoo.blogspot.com/ لگتا ہے اپنی الجھنیں اور بڑھ جائیگی آج ہمیں پھر کسی کی سادگی اچھی لگی

29-03-11, 11:05 PM	#7
عبداللہ آدم ذیلی ناظم تاریخ شمولیت: Feb 2010 مقام: راولپنڈی مراسلات: 6,027 کمائي: 99,898 شکریہ: 23,988 4,983 مراسلہ میں 14,693 بارشکریہ ادا کیا گیا	اپنا رنگ بھی تو سرخ ہے پیر ساب!!! اس کی کوئی تکلیف نہیں ہوتی؟؟؟ Share Share this post on Digg Del.icio.us Technorati Twitter Facebook!

30-03-11, 10:40 AM	#9
راجہ اکرام ناظم اعلی تاریخ شمولیت: Jan 2009 مقام: ڈیرا درویشاں دا مراسلات: 21,566 کمائي: 315,063 شکریہ: 25,210 16,387 مراسلہ میں 41,618 بارشکریہ ادا کیا گیا	مجھے اپنی نہیں آپ کی تکلیف کی فکر ہے مرید صاحب Share Share this post on Digg Del.icio.us Technorati Twitter Facebook!

30-03-11, 06:06 PM	#10
abdulrehman303 Senior Member تاریخ شمولیت: Dec 2010 مقام: لاہور مراسلات: 274 کمائي: 4,210 شکریہ: 353 170 مراسلہ میں 422 بارشکریہ ادا کیا گیا	آپ لوگ کس لڑائی میں پر گے صرف ایک بات یاد رکھے کہ ہم خود کو ضیاالحق جیسا بنایئں جو ملک و قوم کا وفا دار ہو Share Share this post on Digg Del.icio.us Technorati Twitter Facebook!

Currently Active Users Viewing This Thread: 1 (0 members and 1 guests)

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread: