imran yousafzai
غربت کی چکی میں پسنے والوں کے لئے چھوٹی موٹی بیماریوں کا علاج بھی ناقابل برداشت ہوتا ہے ایسے میں عارضہ قلب جیسی مہنگی بیماری کسی غریب کے گھر میں داخل ہو جائے تو زندگی کی مشکلات میں اضافہ ہوجاتا ہے۔زندگی کی گاڑی کا پہیہ کھینچنا مشکل ہی نہیں کبھی کبھی تو ناممکن لگنے لگتا ہے اور مایوسی کے اندھیرے ہر سو چھائے دکھائی دیتے ہیں۔

ایسا ہی ایک خاندان پشاور کے اندرون علاقے ہشتنگر کے محلہ حسینی کا رہائشی ہے۔ عبدالوارث نامی غریب شخص کا سولہ سالہ بیٹا زین العابدین ایک سال پہلے موٹرسائیکل ایکسیڈنٹ کے باعث سینے پر چوٹ کھانے کے بعد سے عارضہ قلب میں مبتلا ہے۔ موٹرسائیکل کا ہینڈل سینے پر عین دل کے مقام پر لگنے سے اسے شروع میں سینے میں تکلیف کی شکایت تھی لیکن غربت کے باعث زیادہ علاج نہ کرانے کی سکت کی وجہ سے یہ تکلیف شدت اختیار کرتی چلی گئی اور پھر ایک روز اس کے گھر والوں کو بتایا گیا کہ اس کے دل کا سائز نارمل انسان کے دل کے سائز سے بڑھنے لگا ہے کیوں کہ اس میں پانی جمع ہو رہا ہے، غریب والدین نے جیسے تیسے اپنے لخت جگر کا علاج کرانا شروع کیا لیکن مہنگی ترین ادویات اور لمبی چوڑی فیسوں کے سامنے تو امراء بھی مات کھا جاتے ہیں غریب انسان کی تو بات ہی کیا۔کچھ روز پہلے ڈاکٹرز نے زین کے حوالے سے جواب دے دیا کہ اس کے دل کے ساتھ ساتھ گردوں اور پھیپھڑوں میں بھی پانی جمع ہونے لگا ہے اور اس کا علاج صرف آپریشن سے ہی ممکن ہے

۔ایک بہن اور چاربھائیوں میں زین سب سے بڑا ہے۔اسے پڑھنے کا بہت شوق ہے لیکن اس کے گھر کی معاشی حالت نے پانچویں کے بعد اسے تعلیم کے حصول سے بھی محروم کردیا اس کے باوجود وہ زیادہ وقت کتابیں پڑھنے یا موبائل پر گیمز کھیلنے میں گزارتا ہے، گھرکی ہرچیز سے ٹپکتی غربت اس بات کا ثبوت ہے کہ یہ گھرانہ اتنے مہنگے علاج کا متحمل نہیں ۔زین کے گھر والوں نے غربت کے باوجود اپنی استطاعت سے بڑھ کر اپنے لخت جگر کے علاج میں کوئی کسر نہیں چھوڑی لیکن مہنگی ادویات نے انہیں اس مقام پر لاکھڑا کیا ہے جہاں وہ زین کے علاج کے لئے حکومت اور مخیر حضرات سے امیدیں لگابیٹھے ہیں۔غربت اور لاچاری ہوتو چھوٹی سے چھوٹی بیماری بھی جان لیوا بن جاتی ہے، دل جیسی مہنگی اور خطرناک بیماری میں مبتلا یہ بچہ حکومت کے ساتھ ساتھ مخیر حضرات کی توجہ کا بھی منتظر ہے۔ موت کی کشمکش میں مبتلا زین کے علاج کے لئے اگر کوئی رابطہ کرنا چاہے تو اس نمبر پر کیا جا سکتا ہے۔03369037351-

__________________
تم قاتل نہیں ہو پیشہ ور گدھے!