اداس ساحل

راجہ بھائی

السلام علیکم

اجازت ہو تو میں کچھ عرض کروں

چلیں، آپ کی اجازت اخذ کر لیتا ہوں

ایک محاورہ ہے "بد اچھا بدنام برا" ۔ بوڑھے لوگ کبھی کبھی بات سولہ آنے کی کر جاتے ہیں اور وہ بات کیسے اثر انداز ہوتی ہے، ہم سب اس کو روز مرّہ کی زندگی میں دیکھتے ہیں۔

آپ نے جو کالم اقتباس کیا ہے اور اس کو پڑھنے کے بعد ایسے لگنے لگ گیا ہے کہ میں سب کے سامنے اپنا پیٹ ننگا کر کے کھڑا ہوا ہوں اور آپ مجھے آئینہ دکھا رہے ہیں یہ دیکھو تم شرمندہ ہوئے کتنے اچھے لگتے ہو۔

بات کچھ صحیح ہے کہ ہر تان "اسلام" اور "پاکستان" پر ہی ٹوٹتی ہے۔ لیکن اس بات میں صداقت نہیں ہے کیونکہ شاید "چور کی داڑھی میں تنکا" تو آپ نے ضرور سنا ہو گا ، شاید آپ اور ہم ان احساسات سے گزر رہے ہیں۔

کہاں سے شروع کریں، چلیں آپ کو چیدہ چیدہ واقعات سناتا ہوں، پھر آپ ضرور بتائیے گا کہ اس جگہ پر آپ ہوتے تو کیا کرتے۔

11/9 حملہ اور اس کی ذمّہ داری کس نے قبول کی؟
لندن میں "ٹرین بومبنگ" اور اس کی ذمّہ داری کس نے لی؟

مصر میں چرچ میں جن لوگوں کو یرغمال بنایا، اس کے ذمّہ دار کون؟

پاکستان میں مسجدوں، سکولوں، سرکاری عمارتوں کو دہشت گردی کا نشانہ کس نے بنایا؟
پاکستان کی کرکٹ ٹیم نے باہر جا کر کیا گل کھلائے؟

پاکستان کی تاریخ میں 40 ارب کی کرپشن جو اسٹیٹ بینک میں ہوئی اس کا ذمّہ دار کون ہے؟
مزہب کے نام پر دن دھیاڑے کسی کے جسم میں گولیاں گھسانا کس کا کام ہے؟
رشوت، چور بازاری، ڈاکے، ظلم، تکبر، جارحیت کس کا کام ہے؟
یہ میڈیائی دور ہے اور اس دور میں سب کچھ عیاں ہے

رہ گئی بات نجی جرائم کی تو، کل ایک باپ نے اپنی 15 سالہ بیٹی کا ریپ کیا، یہ ایک نجی معاملہ ہے جو دنیا کے ہر معاشرے میں کم ذہنیت کے لوگ کرتے ہیں لیکن مندرجہ بالا چیزوں کا لیبل کس کا ہے؟

راجہ بھائی اور بھی غم ہیں زمانے میں

بارش اس ہی چھت سے ٹپکتی ہے جو کمزور ہو اور اس میں سوراخ ہو

یہ سوال میرے آپ سے ہیں، ایک عام انسان کے جو اب چائے میں چینی اس لیے نہیں پیتا ہے کہ ذیا بیطس نہ ہو جائے ورنہ مہنگائی تھوڑی ہے۔ جو بجلی کا بل دیتا ہے، جو خون سے بہت مہنگی ہے

راجہ اکرام

باتیں تو آپ کی اچھی ہیں لیکن یہاں ان کے ذکر کرنے کی ضرورت مجھے سمجھ نہیں آئی اس لئے جواب دینا ضروری نہیں ہے۔
جو بات کالم نگار واضح کرنا چاہ رہا ہے اگر کسی کو سمجھ آ جائے تو یہی کافی ہے
اور جس نے یہ عہد کر لیا ہو کہ اسلام اور پاکستان ہی کو الزام دینا ہے تو پھر اس کے لئے دعا ہی کی جا سکتی ہے۔
شکریہ

__________________
محتاج اصلاح و دعا

saraah

پوسٹ نمبر 2 میں کی گئی باتوں کا یہ مطلب نظر آتا ہے کہ آپ اپنا امیج ایسا بنائیں ہی کیوں کہ آپ پہ انگلی اٹھے۔۔۔۔۔

__________________

احمد بلال

کالم نگار سے متفق ہوں۔ مسلمان داڑہی میں‌انہیں دہشت گرد اور کریہہ نظر آتا ہے یہودی داڑہی میں حسین

راجہ اکرام

لیکن پوسٹ نمبر ایک میں جو کہا گیا تھا ، پوسٹ نمبر دو اس کا بالکل الٹ ہے۔
کالم نگار کا نقطہ نظر یہ ہے کہ جب اسلام کا پیروکار اگر کوئی غلطی کرتا ہے تو الزام سیدھا اسلام پر لگتا ہے
لیکن جب دیگر مذاہب کے لوگ غلط کام کرتے ہیں تو عیسائیت، یہودیت یا ہندو ازم پر الزام کیوں نہیں لگتا؟؟؟
اگر اسلامی بم ہے، اسلامی دہشت گردی ہے تو پھر ہندو ایٹم بم کیوں نہیں؟ یہودی بم کیوں نہیں؟؟

کالم نگار نے صرف اس دوغلے پن، دوہرے معیار کا رونا رویا ہے۔۔۔
اگر یہ بات بھی کسی کو اسلام دشمنی پر برانگیختہ کرتی ہے تو سو بسم اللہ
جی کھول کر کرے ۔۔۔۔۔ لیکن یاد رکھے کہ
پھونکوں سے یہ چراغ بجھایا نہ جائے گا

اداس ساحل

راجہ بھائی

السلام علیکم
لگتا ہے میں نے بہت کچھ کہ دیا ہے۔ آپ کے لیے ایک شعر۔

آپ تو دل کے دھڑکنے سے بھی ڈر جاتے ہیں
پھر بھی یہ ضد ہے کہ ہم زخم جگر دیکھیں گے

راجہ اکرام

جی بھائی
آپ نے بہت کچھ کہا ہے اور اچھا کہا ہے
لیکن مسئلہ یہ ہے کہ غلط جگہ پر کہہ دیا ہے، یہاں نہ یہ موضوع ہے اور نہ اس کا جواب دینے کی ضرورت
اس کالم کا جو پیغام تھا وہ میں نے اوپر آسان الفاظ میں بیان کر دیا ہے۔۔
یہاں یہ موازنہ کرنے کا موقع نہیں کہ کس نے کیا کیا ۔۔۔۔۔۔۔ بات صرف اتنی سی ہے کہ جو کرے الزام اسی کو دیں، مذہب یا ملک کو نہ دیں۔۔۔ اگر مذہب کو دینا ہے تو پھر سب کو دیں صرف اسلام کو نہ دیں
اگر یہ بات کسی کو سمجھ نہیں آتی اور وہ اپنی معلومات کی فہرست مرتب کر کے یہ سمجھتا ہے کہ اس نے بڑا کارنامہ سر انجام دے دیا ہے تو سوائے افسوس کے اور کچھ نہیں کیا جا سکتا
ایک معیار بنائیں ۔۔۔۔۔۔ پھر سب کو اسی حساب سے دیکھیں ۔۔۔۔۔۔ دوہرا معیار سب کے ہاں یکساں طور پر قابل مذمت ہے



اور شعر آپ کا بہت اچھا ہے ۔۔۔۔۔۔۔۔ مزا آیا پڑھ کر

راجہ اکرام

ایک مصرعہ آپ کے لئے بھی

اس سمت ہزاروں سینے ہیں اس سمت اگر ہیں تیر بہت

اداس ساحل

راجہ بھائی

السلام علیکم
لگتا ہے میں نے بہت کچھ کہ دیا ہے۔ آپ کے لیے ایک شعر۔

آپ تو دل کے دھڑکنے سے بھی ڈر جاتے ہیں
پھر بھی یہ ضد ہے کہ ہم زخم جگر دیکھیں گے

اداس ساحل

راجہ بھائی

ہمیں تو اپنوں نے لوٹا، غیروں میں کہاں دم تھا

میری کشتی وہاں ڈوبی، جہاں پانی کم تھا

راجہ اکرام

یہ بات اگر میں کہتا تو آپ کے لئے تو زیادہ مناسب تھا

اوارا اجنبی

راجہ بھائی،
آپ کا سوال ہے کہ دہشتگردی پر اسلام کا ليبل کيوں لگايا جاتا ہے؟ جواب يہ ہے کہ سب مسلمان دہشتگرد نہيں، ليکن بدقسمتی سے آج کل ہر دہشتگردی کی ذمہ داری مسلمان ہی لے رہے ہيں۔ قصور ستاروں کا نہيں بلکہ ہمارا ہے۔

مرزا عامر

دہشت گرد کون ہے یہ تو آنکھوں والوں پر عیاں ہے ۔ کس مسلمان نے دہشت گردی کا لیبل اپنے اوپر لیا ہے بھائی ۔ آپ نے ؟؟ یا آپ کے کسی خاندان والے نے ؟؟؟ یا میں نے یا میرے عزیز و اقارب میں سے کسی نے؟؟ پاکستانی عالموں میں سے کسی نے؟؟ ڈاکٹر اسرار احمد؟؟ طاہر القادری؟؟ مولانا الیاس قادری؟؟ طارق جمیل؟؟ وغیرہ یا کوئی اور مشہور نام ۔
میڈیا کے ذریعے مسلمانوں کو بدنام کرنے کے لیئے غائبانہ افراد سے ذمہ دہشت گردی کی ذمہ داری قبول کروالی جاتی ہے ۔ اکثر تو ایسا بھی ہوا ہے کہ جس خود کش حملہ آور کا ہماری امریکی غلام حکومت کو سر ملا وہ بعد میں زندہ پایا گیا۔
کیا یہ لوگ خود آکر میڈیا پر قبول کرتے ہیں کہ دہشت گردی ہم نے کی ہے؟؟ اگر یہ میڈیا سے اتنے قریب ہیں کہ ان کی ہر خبر میڈیا پر پہنچ جاتی ہے تو پھر امریکہ بہادر یا اس کی غلام حکومت ان دہشت گردوں کو پکڑ کیوں نہیں لیتے ۔ لیکن پکڑیں کسے۔ کسی کا وجود ہو تو پکڑیں ۔

__________________

میں اک دن لَوٹ کے آوں گا

ابوسعد

ہاں راجہ بھائی یہاں تو یہصورت حال ہے کہ

ہر شخص بنالیتا ہے اخلاق کا معیار
اپنے لئے کچھ اور زمانے کے لئے اور