ماہرین قانون، عدل کرنے والوں اور میڈیا سے ایک انتہائی اہم سوال !!!!!

جناب عالی۔ جامعہ بنوریہ نام کے ایک مدرسہ کے کچھ مولوی صاحبان نے اپنی ویب سائٹ پر ایک فتوی کی
تشہیر کی ہے جس کے نتیجہ میں ڈاکٹر فرحت ہاشمی صاحبہ کے قرآن کریم کی آگاہی سے متعلق کورس کرنے والی خواتین میں مستقل بےچینی اور کوفت قائم ہے۔ کسی کے بارے میں فتوی دینے کا حق کسی شخص کا انفرادی معاملہ نہیں بلکہ یہ ایک کورٹ پروسیجر ہے اس کے لئے فتوی کورٹ کو جاری کرنا ہے۔ اس وقت پاکستان میں اسلامی نظریاتی کونسل اور شرعی عدالت موجود ہے جو کہ قانونی تقاضوں کو پورا کرنے کے بعد اپنی رائے کے مطابق فیصلہ جاری کر سکتی ہے وہ بھی اپیل پر دوبارہ ریر غور آسکتا ہے۔ لیکن ان ملا لوگوں نے تو تمام قانون اپنے ہاتھ میں لیا ہوا ہے یہ جب چاہتے ہیں کسی کے خلاف فتوی داغ دیتے ہیں۔ جب کہ انہیں کسی قسم کا کوئی قانونی اختیار حاصل نہیں ہوتا۔

ان کی ان حرکات کے نتیجہ میں کئی گھر تباہ ہو گئے اور کئی انسانی جانیں تباہ ہو گئیں۔ ایک مولوی نے عقیدہ کے اختلاف کی بنیاد پر فتوی دے دیا کہ یہ عقیدہ رکھنے سے اس کا نکاح اپنی بیوی سے فاسد ہو گیا ہے اور اس فتوی کی کاپی فتوی لینے والوں نے لڑکی کے میکہ والوں کو بجھوا دی کہ نکاح ختم ہو چکا ہے اور اب تمہاری بیٹی سے زنا ہو رہا ہے۔ اس پر لڑکی کے والد کو ہارٹ اٹیک ہو گیا اور اس کی والدہ کو فالج ہو گیا اور اس لڑکی کے بھائ اور دیگر رشتہ دار سارے علاقہ میں منہ چھپاتے پھر رہے تھے آخر کار علاقہ کی ایک با اثر شخصیت کی مداخلت پر معاملہ رفعہ دفعہ ہوا لیکن جونقصان ہوا اس کا ذمہ کسی پر نہ لگا۔

یہ صرف ایک گھرانے کی بابادی کی کہانی نہیں ہے بلکہ ایسی کہانیاں ہر گلی محلہ میں بکھری پڑی ہیں۔

اگر کوئ کسی کے خلاف فتوی لینا یا دینا چاہے تو اس کو مجاز عدالت سے رجوع کرنا چاہئے جو کہ قانونی تقاضے پورے کرنے اور عدل کے مطابق فتوی دے اور اس سلسلہ میں مولوی عدالت کی معاونت کر سکتے ہیں۔ جناب سے درخواست یہ ہے کہ اس بارے میں قانونی صورت حال واضع فرمائیں کہ: کیا کوئی مولوی یا مدرسہ اس قسم کا فتوی جاری کرنے کا اختیار رکھتا ہے ؟؟؟ اور اگر نہیں تو ان کے خلاف کس طرح کی قانونی چارہ جوئی کی جائے؟؟؟ اس کے علاوہ جناب سے درخواست ہے کہ ایک عدد لیگل نوٹس کا ڈرافٹ عوام کی سہولت کے لئے مشہیر کیا جائے کہ جب بھی کوئی بغیر عدالتی کاروائی کے فتوی جاری کرے تو فوری طور پر متعلقہ لوگ اسے نوٹس دیں اور اس کے علاوہ ایک عدد درخواست کا ڈرافٹ بھی دیا جائے تاکہ متاثرہ شخص قانونی نکات کے حوالے سے اس ملا کے خلاف پولیس اسٹیشن میں رپورٹ دائر کر سکے اور اگر پولیس رپورٹ درج نہ کرے تو مجاز عدالت میں خود ہی درخواست دائر کر کے ایسے ملا کو کیفر کردار تک پہنچائے۔

جہاں تک میں نے سنا ہے کہ ہماری عدالتوں نے بھی اس قسم کے احکامات جاری کر رکھے ہیں جن کے مطابق بغیر مجاز عدالت کی کاروائی مکمل ہوئے اور اس کی اپیل کا وقت گذرے عدالتی فتوی بھی کارآمد نہیں۔ اس کے علاوہ بنگلہ دیش ہائی کورٹ نے بھی فیصلہ دیا ہوا ہے کہ فتوی صرف اور صرف مجاز عدالت ہی جاری کر سکتی ہے اور ایسے تمام فتاوی جو کہ قانونی تقاضوں کو پورا کئے بغیر جاجی کئے گئے ہیں وہ کلعدم ہیں۔

اس سلسلہ میں قانون دانوں، عدل کرنے والوں ، قانون نافز کرنے والوں، سماجی تنظیموں و اداروں اور خاص طور پر میڈیا سے تعلق رکھنے والوں سے اپیل ہے کہ اس بارے میں عوام کو آگاہی فراہم کریں اور ممکہ حد تک اپنا کردار ادا کریں۔

تحریر : شگفتہ علی

__________________
محتاج اصلاح و دعا