قوم کے اعتمادکی بحالی ضروری ہے۔۔۔۔۔

**IRFAN M** · 13-05-11, 12:21 PM

بسم اللہ الرحمن الرحیم
قوم کے اعتمادکی بحالی ضروری ہے۔۔۔۔
گذشتہ چندسالوں سے جاری سیاسی جمہوری وغیرجمہوری قوتوں کی ناقص پالیسیوں کی بدولت آج پاکستانی قوم جس بداعتمادی کاشکارہوئی ہے شایدہی اس کی مثال قریب قریب مل سکے،افغانستان پرامریکہ کے حملہ سے لیکرآج تک دس سالوں میں شایدایک بھی ایسافیصلہ یاپالیسی وقت کے حکمرانوں کی طرف سے قوم کونہیں دی گئی جس میں قوم کے سراٹھاکرجینے کاسامان موجودہو، ان کے مجروح جذبات کی تسکین کاسامان ہو، ان کے اعتمادکوپہنچنے والی ٹھیس کاازالہ کیاگیاہو، نہ صرف یہ کہ کوئی پالیسی نہیں دی گئی بلکہ اس کے الٹ انتہائی احمقانہ فیصلے کرکے قوم کے سرپرانہیں مسلط کیاگیاجس کی پاداش میں آج پاکستانی قوم اوراس کے حکمرانو ں کے درمیان ایک وسیع خلیج حائل ہوچکی ہے ، لیکن اس تمام ترصورتحال کے باوجودافسوس صدافسوس وقت کے حکمرانوں پرکہ اب بھی ان کے کانوں پرجوں تک نہ رینگی،اورغیروں کی بے وفائی کا انہیں ابھی تک یقین نہیں آیا، وہ آج بھی ’’اغیار‘‘کے دامن میں ’’جائے پناہ‘‘تلاش کرتے مارے مارے بلکہ ’’دربدر‘‘پھررہے ہیں،
پاکستانی معاشرے میں جڑپکڑکرناسوربن جانے والے کرپشن، مہنگائی ،بدامنی،لوڈشیڈنگ اورقتل وغارت گری جیسے اندورنی مسائل ہوں یابیرونی دنیاکی لمحہ بہ لمحہ دردپہنچاتی چیرہ دستیاں اور نشتربازیاں، ایک بات میں ہمارے سب حکمران یکساں ہیں کہ کسی کی آنکھ سے کبھی قوم کے لئے جھوٹے آنسوتک کا قطرہ تک نہیں نکلا،،کسی کی راتوں کی نیندزخمی قوم کے دردمیں نہ اُڑی، کسی کی عیش وعشرت میں ذرہ برابرفرق نہ آیابلکہ دن بدن اس میں اضافہ ہی ہوتاچلاگیااورآج نوبت یہاں تک پہنچی کہ ان حکمرانوں کی قوم کواندھیرے میں ایک طرف رکھ کر قومی امورپر اپنائی گئیں احمقانہ پالیسیاں آج ہمارے واحدخودکفیل ادارے کے منہ پربھی کالک مَل گئیں ،جسے دھونے کیلئے قوم کے چھپ کراجلاس کی کرنے کی ضرورت پیش آرہی ہے۔
واقعہ ریمنڈڈیوس کیس کاہویاایبٹ آبادآپریشن کا،دونوں میں قدرمشترک یہ ہے کہ دونوں نے قوم کے اعتمادکوبری طرح سے مجروح کردیاہے ،پہلے واقعہ میں پاکستانی حکمرانوں، انصاف فراہم کرنے اداروں اوردوسرے میں پاکستانی سرحدوں کی محافظ پاکستانی مسلح افواج اورانٹیلی جنس ایجنسیوں کی ناکامی کاکچوکہ اس زخمی قوم کے تازہ زخموں پرنمک پاشی کرگیا،قوم سوچنے پرمجبورہے کہ ایبٹ آبادآپریشن توگھرمیں داخل ہوکربیڈروم تک میں گھس کرکیاگیا،لیکن کیاکسی ملک کے ہتھیاروں کوتباہ کرنے کے لئے ان ہتھیاروں کے اسٹورروم تک جانے کی ضرورت پیش آتی ہے؟کیااس کوتباہ کرنے کیلئے چالیس پچاس منٹ چاہئیں ؟
قوم سوچنے پرمجبورہے ،دل ودماغ اس بات کوسمجھنے سے قاصرہیں کہ یہ کس طرح ہوسکتاہے کہ کوئی آکراپناکام کرکے چلابھی جائے اورکسی کوکان وکان خبربھی نہ ہو۔
بہرحال قوم کو’’اپنوں سے‘‘ لوڈشیڈنگ ،بدامنی ،مہنگائی اورکرپشن کے تحفے توشایداس نسل درنسل چلنے والے سیاسی سیٹ اپ میں ملتے ہی رہیں گے لیکن اپنے ہی گھرمیں ’’غیروں‘‘ کے ہاتھوں مارکھانے کی ذلت یہ قوم برداشت نہیں کرسکتی ،اورحالیہ مارسے اس کے جذبات واحساسات بری طرح مجروح ہوئے ہیں اوراپنے اداروں پراس کے پرخلوص اعتمادکوٹھیس پہنچی ہے جسے بحال کرنا ہر ضروری کام سے پہلے ضروری ہے۔
محمدعرفان

**منتظمین** · 13-05-11, 02:26 PM

سرورق کے لیے اپلائی کریں

**حیدر** · 13-05-11, 02:49 PM

اقتباس:

بہرحال قوم کو’’اپنوں سے‘‘ لوڈشیڈنگ ،بدامنی ،مہنگائی اورکرپشن کے تحفے توشایداس نسل درنسل چلنے والے سیاسی سیٹ اپ میں ملتے ہی رہیں گے لیکن اپنے ہی گھرمیں ’’غیروں‘‘ کے ہاتھوں مارکھانے کی ذلت یہ قوم برداشت نہیں کرسکتی ،اورحالیہ مارسے اس کے جذبات واحساسات بری طرح مجروح ہوئے ہیں اوراپنے اداروں پراس کے پرخلوص اعتمادکوٹھیس پہنچی ہے جسے بحال کرنا ہر ضروری کام سے پہلے ضروری ہے

کون سمجھائے انکو کہ واقعی گھر میں آ کر کوئی اور مار جائے ، اس سے بڑی ذلت کوئی اور نہیں ہوتی۔ اور ذلت کی یہ کالک تب تک نہیں دھلتی جب تک اسکا بدلہ نہ لے لیا جائے۔ انسان خود سے آنکھیں چُراتا ہے ، دوسرے تو پھر دوسرے ہیں۔
یا پھر ہم کو یہ ذہن نشین ہو لینے دیں کہ "پاکستان ہمارا گھر نہیں ہے"

**راجہ اکرام** · 13-05-11, 03:39 PM

السلام علیکم
مکرمی عرفان بھائی اچھی تحریر ہے اور بہت اہم جانب توجہ مرکوز کرانے کی کوشش کی ہے آپ نے۔

لیکن بد قسمتی سے ہمارے ارباب اقتدار اس وقت جو کر رہے ہیں وہ اعتماد کی بحالی کے بجائے مزید زبوں حالی کی کوشش ہے۔

13-05-11, 02:26 PM	#2
منتظمین Administrator تاریخ شمولیت: May 2007 عمر: 36 مراسلات: 11,360 کمائي: 171,614 شکریہ: 9,805 7,524 مراسلہ میں 22,595 بارشکریہ ادا کیا گیا	سرورق کے لیے اپلائی کریں Share Share this post on Digg Del.icio.us Technorati Twitter Facebook!

13-05-11, 03:39 PM	#4
راجہ اکرام ناظم اعلی تاریخ شمولیت: Jan 2009 مقام: ڈیرا درویشاں دا مراسلات: 21,566 کمائي: 315,063 شکریہ: 25,210 16,387 مراسلہ میں 41,618 بارشکریہ ادا کیا گیا	السلام علیکم مکرمی عرفان بھائی اچھی تحریر ہے اور بہت اہم جانب توجہ مرکوز کرانے کی کوشش کی ہے آپ نے۔ لیکن بد قسمتی سے ہمارے ارباب اقتدار اس وقت جو کر رہے ہیں وہ اعتماد کی بحالی کے بجائے مزید زبوں حالی کی کوشش ہے۔ Share Share this post on Digg Del.icio.us Technorati Twitter Facebook! __________________ محتاج اصلاح و دعا

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
(رمضان کے) آخری عشرہ میں اعتکاف کرنا (مسنون ہے) اور اعتکاف سب مسجدوں میں ہو سکتا ہے۔	میاں شاہد	صحیح البخاری	0	13-08-10 08:22 PM
چرچل کا ایک معتقد	ناصر محمود	قہقہے ہی قہقے	1	04-02-10 10:53 AM
لوٹ مار سے کاروباری برادری کا اعتماد ختم ہوگیا، صنعتکار	خرم شہزاد خرم	خبریں	0	05-01-08 09:38 AM
پاکستان کے سب سے قابل اعتماد بیٹسمین محمدیوسف سلیکٹرزکا اعتمادحاصل نہ کرسکے؟	خرم شہزاد خرم	کرکٹ	9	09-08-07 11:24 PM

Currently Active Users Viewing This Thread: 1 (0 members and 1 guests)