کل رات یعنی 26ستمبر2011 کو مَیں شیخوپورہ اپنے بھانجے کی شادی سے اپنے اھل و عیال کے ساتھ واپس آرھی تھی۔ سالٹ رینج ھی میں تھے کہ میرے سرتاج کو کُچھ نظر آیا اور وہ ''او،ھو،ھو'' کہنے لگے ۔مَیں نے دھیان کیا تو واپسی والی سائڈ پر کاریں،ایمبولینسِزموٹروے پولیس رضا کار اُلٹی ھوئی بس اور بہت بڑی کرین نظر آئی۔ مسافر تو موجود نہ تھے مگر دِل وھیں بیٹھ گیا کہ نہ جانےکتنے گھر اُجڑگئے ؟
میرے میاں نے گاڑی سائڈ پر لگا لی اور یہ کہتے ھوئے باھرنکلے کہ پتاکر کے آتا ھوں کوئی ضرورتمند تونہیں۔ ھم سب اندھیرے میں ھی دیکھنے کی کوشش کر رھے تھے۔ بعد میں علم ھؤاکہ وہ بچوں کی سکول بس تھی۔ وہ کم سن بچّے ٹرِپ سے واپس جارھے تھے اُترائی اترنا چڑھائی چڑھنے سے مشکل ھؤا کرتا ھے سو ڈرائیور کو جسمانی قّوّت کا امتحان دینا ھوتا ھے اس سے بڑا امتحان آپکی گاڑی، بَس،ٹرک یا ٹرالے کے معیار کا ھوتا ھے مگر بدقسمتی ان گھر والوں کی جن کے سربراہ یالخت ِ جگر''کوھستان بس ''جوکہ بہت پرانی کنڈیشن میں نظرھی آرھی تھی، میں سوار تھے بریک فیل ھو گئے اور بس سیمنٹ کنکریٹ کی دیوار پھلانگ کر کھائی میں جا گری۔
ھم اس جائے حادثہ سے چند گھنٹے بعد گُزرے مگر وھاں چابُکدستی سے امدادی کام جاری تھے آج صبح اخبار میں یہ خبر تفصیلاً پڑھی یہ پڑھ کر دُکھ ھوا کہ لکھاتھاکہ مرنےوالوں کی تعداداسلیےبڑھی کہ وقت پر امدادنہ ملی اورخون ضائع ھؤاحالانکہ اتنی بڑی بس کےدوسری طرف کھائی میں گرنےپرامداد دینے کے لیے لوگ، مناسب اور ضروری گاڑیاں بلکہ ماھرین بھی فوری طور پر نہ کُچّھ کر پارھے ھوتے ھیں اور نہ ھی اتنے لوگوں کو سنبھالا دیا جا سکتا ھے بلکہ مجھے تو رپوٹروں کی عقل اور حِسّیات پر شُبہ ھوتا ھے کہ آنکھوں سے اتنے گھنٹوں تک ھوتی
امدادی کارروائیاں اور پھُرتی دیکھ کر بھی فقط سنسنی خیزی پھیلانے کو کچھ بھی کہھ دیتے ھیں کہ متاثرین کا دِل توپہلےھی دُکھی ھوتا ھے اوپر سے انہیں کسی نادیدہ وھم میں مبتلا کردینا کہاں کا انصاف ھے؟ ۔۔۔۔۔۔۔۔۔۔تکلیف میں دوسروں کےلیے اپناآپ بھلادینے والوں کوسلام۔۔۔۔۔۔۔۔۔۔۔۔۔از عروج۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔