درجہ بندی: (1 votes - 4.00 average)

السلام علیکم !
کراچی کے طلبہ ایک بار پھر ذہنی اذیت و پریشانی کا شکار ہیں کیونکہ کراچی میٹرک بورڈ کی نا اہلی کے سبب بورڈ کی طرف سے اکثر طلبہ و طالبات کو ایڈمٹ کارڈز جاری نہیں کئے جا سکے جس کی وجہ سے
میٹرک بورڈ کے امتحانات بر وقت شروع نہیں ہوئے ۔
محکمہ تعلیم میں کرپٹ عناصر طلبہ و طالبات کے مستقبل سے کھیل رہے ہیں ۔۔ جب کے خلاف کوئی کاروائی کرنے والا نہیں ۔
گزشتہ روز بورڈ کے اہلکاروں کی غفلت اور نا اہلی کے باعث میٹرک سائنس کا اسلامیات کا پرچہ آؤٹ ہو جانے کی وجہ سے ملتوی کر دیا گیا جبکہ اکثر امتحانی مراکز پر پرچہ شروع ہو چکا تھا جس کے بعد طلبہ میں اشتعال پھیل گیا ۔
اور انھوں نے امتحانی مراکز پر توڑ پھوڑ کی اور اطلاعات کے مطابق ہنگامہ آرائی میں اسکول کا عملہ بھی زخمی ہو گیا ۔
طلبہ جو کہ مستقبل کے معمار ہیں انھیں تعلیمی میدان میں پیچھے دھکیلنے اور جس طرح کا معیار ہمارے ملک میں تعلیم کے فروغ کا ہے اس سے بھی محروم رکھنے کی کوشش اور انھیں ذہنی دباؤ اور پرریشانی میں مبتلا رکھنے کی گھناؤنی سازش میں جس مافیا کا ہاتھ ہے اسے بے نقاب نہیں کیا جا رہا ۔
جبکہ اگر پیپر آؤٹ ہو بھی جائے تو " بی " اور " سی " پیپر کا انتظام بھی پہلے سے کیا جاتا ہے اس لیے کہ وقت پر طلبہ کو پریشانی کا سامنا نہ کرنا پڑے
لیکن ایسا نہیں کیا گیا جو کہ ایک سوچی سمجھی سازش تھی مافیا کی ۔
جبکہ طلبہ میں جو اشتعال پھیلا جس کے بعد املاک اور انسانی جان کونقصان پہنچا ۔۔
سوچنے کا مقام ہے کہ ہم اپنے آنے والے معماروں کو ان سے تعلیم کا حق بھی چھین کرکس رویے کا عادی بنا رہے ہیں ؟؟
کیا ہم مستقبل کے " دہشت گردوں " میں اضافہ نہیں کر رہے ۔۔؟
طلبہ پر زیادتی کے ذمہ داروں کو فی الفور برطرف کر کے سزا دی جائے۔۔۔۔۔ تا کہ آئندہ کسی کو طلبہ کے مستقبل سے کھیلنے کی جراءت نہ ہو ۔۔
اس ملک کی باگیں جن کے ہاتھوں میں دی جانی ہیں ان کی بہترین
خطوط پر تربیت کی ذمہ داری ہم سب کا فرض ہے ۔اپنے جائز حق کے لیے پر امن احتجاج سب کا حق ہے ۔ اور کسی بھی پروان چڑھنے والے غلط رویے
کہ حوصلہ شکنی کی جانی چاہیئے ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔