مرد حُر اور پرویزمشرف

مرد حُر اور پرویزمشرف · 11-04-11, 08:13 AM

حامد میر
بہت سے دوستوں نے پوچھا کہ صدر آصف علی زرداری جیو ٹی وی سے کیوں ناراض ہیں؟ پاکستان کے واحد اسپورٹس ٹی وی چینل جیو سوپر کی پاکستان سے نشریات کیوں بند کی گئی ہیں؟ میں نے اپنے ان دوستوں سے کہا کہ وہ محترمہ بے نظیر بھٹو کی آخری کتاب ”مفاہمت“ پڑھ لیں تو انہیں پتہ چل جائے گا کہ جنرل پرویز مشرف جیو ٹی وی سے کیوں ناراض تھا۔ ایک دوست میرے اس مشورے پر بہت سیخ پا ہوا اور مجھے کوستے ہوئے کہنے لگا کہ تمہارے سر پر ابھی تک مشرف سوار ہے تم ہر برائی کے پیچھے سے مشرف کو برآمد کرنا اپنے ایمان کا حصہ سمجھتے ہو، ہم پوچھ رہے ہیں کہ زرداری صاحب جیو ٹی وی سے کیوں ناراض ہیں اور تم بتارہے ہو کہ مشرف کیوں ناراض تھا ایسا لگتا ہے کہ تم پاگل ہو چکے ہو۔ اپنے دوست کی ڈانٹ ڈپٹ سن کر میں مسکرا دیا اور اسے بتانے لگا کہ محترمہ بے نظیر بھٹو نے اپنی کتاب میں لکھا ہے کہ جیو ٹی وی معزول چیف جسٹس افتخار محمد چوہدری کا ساتھ دے رہا تھا لہٰذا مشرف نے غصے میں آکر جیو ٹی وی پر حملہ کردیا اور اب مشرف کی جگہ آصف علی زرداری صدر پاکستان بن چکے ہیں۔ انہوں نے عوامی دباﺅ پر بادل نخواستہ افتخار محمد چوہدری کو ان کے عہدے پر بحال تو کردیا ہے لیکن وہ چیف جسٹس سے خوش نہیں ہیں۔ وہ صرف اپنے دوستوں اور ساتھیوں کو نہیں بلکہ غیرملکی شخصیات کو بھی یہ کہنے میں ہچکچاہٹ کا مظاہرہ نہیں کرتے کہ چیف جسٹس ان کی حکومت کو ناکام بنانا چاہتے ہیں لہٰذا وہ ہر اس شخص اور ادارے کو ناپسند کرتے ہیں جو آزاد عدلیہ کا حامی ہے، جیو ٹی وی بھی قانون کی بالادستی اور آزاد عدلیہ کا حامی ہے لہٰذا صدر زرداری اس ٹی وی چینل کو سزا دینا چاہتے ہیں، انہوں نے اس چینل کو مالی نقصان پہنچانے کیلئے جیو سوپر بند کردیا ہے۔ یہ جواب سن کر میرا دوست چند لمحوں کیلئے خاموش رہا پھر کہنے لگا کہ اگر جیو ٹی وی قانون کی بالادستی پر یقین رکھتا ہے تو پھر جیو سوپر کو پاکستان سے نشر کرنے کا لائسنس حاصل کرے ورنہ دبئی سے اپنی نشریات شروع کردے۔ اپنے دوست کے کج فہمی دیکھ کر میں تلملا اٹھا لیکن اپنے غصے پر قابو پاتے ہوئے اسے آرام سے سمجھایا کہ مشرف دور میں جیو ٹی وی کی نشریات دبئی سے آتی تھیں لیکن مشرف نے جیو نیوز اور جیو سوپر کو وہاں سے بھی بند کروا دیا تھا ہم جہاں بھی جائیں گے زرداری صاحب ہمارا پیچھا کرتے رہیں گے ہاں اگر آج ہم انہیں یقین دلادیں کہ ہم آزاد عدلیہ کی حمایت نہیں کریں گے، عدالتی فیصلوں پر عملدرآمد کا مطالبہ نہیں کریں گے تو سب مسئلے حل ہوسکتے ہیں لیکن ہم نے ہمیشہ این آر او کی مخالفت کی ہے تو پھر ہم خود جناب آصف علی زرداری کے ساتھ این آر او کیوں کریں؟
ایک یورپی سفارتکار نے اس مسئلے پر گفتگو کرتے ہوئے مجھ سے کہا کہ آپ جمہوریت کے حامی ہیں لہٰذا جمہوری طریقے سے اس مسئلے کو حل کرنے کی کوشش کریں۔ میں نے جواب دیا کہ اصلی جمہوریت کا فروغ قانون کی بالادستی سے مشروط ہے ہر مسئلے کو قانون کے مطابق حل کیا جائے۔ اگر جیو ٹی وی نے قانون توڑا ہے تو قانون کے مطابق ہمیں سزا دی جائے اور اگر کوئی دوسرا ہمیں اختلاف رائے کی سزا دینے کے لئے روزانہ قانون کو اپنے پاﺅں تلے روند رہا ہے تو پھر اسے روکا جائے۔ یہ سن کر میرے سفارتکار دوست نے کہا کہ دراصل پاکستانی میڈیا ضرورت سے زیادہ منہ زور ہوتا جارہا ہے ہم نے دیکھا کہ ریمنڈ ڈیوس کی رہائی کیلئے وفاقی حکومت، پنجاب انتظامیہ، فوج، آئی ایس آئی، پولیس اور عدلیہ نے وسیع تر قومی مفاد میں امریکہ کی مدد کی لیکن میڈیا قابو میں نہیں آیا، ایک دو اینکرز کو چھوڑ کے مجموعی طور پر الیکٹرونک میڈیا نے ریمنڈ ڈیوس کیس میں امریکہ کو دن میں تارے دکھادیئے لہٰذا میڈیا کو قابو کرنا آصف علی زرداری کی ایک سیاسی ضرورت ہے کیونکہ بہت جلد انہیں انتخابات میں بھی جانا ہے لہٰذا انتخابات سے پہلے پہلے آپ لوگوں کو سرنڈر کرنا ہوگا ورنہ آپ کے سپورٹس چینل کے ساتھ ساتھ جیو نیوز پر بھی پابندی لگ سکتی ہے۔ یہ سن کر میر منہ سے نکلا ”کیا مطلب؟ کیا مطلب؟“ ۔
یورپی سفارتکار نے اردگرد دیکھتے ہوئے پراسرار انداز میں سرگوشی کرتے ہوئے کہا کہ سب کچھ دیوار پر لکھا صاف صاف نظر آرہا ہے، صدر آصف علی زرداری پاکستان کے سب سے بڑے میڈیا گروپ کو شکست فاش دینے کیلئے پرعزم ہیں اور اس لڑائی میں دیگر میڈیا گروپس کے اہم لوگوں کو اپنے ساتھ ملا چکے ہیں ایک بڑے میڈیا گروپ کو گرا کر باقی سب کو زیر کرنا ان کے لئے مشکل نہ ہوگا اور پھر اس کے بعد وہ عدلیہ پر حملہ آور ہوں گے۔ یورپی سفارتکار بولے چلا جارہا تھا اور میں گرم چائے کے بڑے بڑے گھونٹ لے کر اپنی زبان اور حلق کو جلائے جارہا تھا۔ وہ ستم ظریف کہہ رہا تھا کہ تم دیکھ لینا آصف علی زرداری جیو ٹی وی کے بعد عدلیہ کو بھی زیر کرلے گا، فوج اپنی مجبوریوں کے باعث اس کا ساتھ دیتی رہے گی اور ہوسکتا ہے کہ تاریخ میں پہلی بار تمہاری فوج افغانستان جاکر نیٹو کی مدد شروع کردے، فوج ادھر افغانستان میں الجھی رہے گی اور ادھر پاکستان میں زرداری دوبارہ الیکشن جیت کر مزید پانچ سال حاصل کرلے گا پھر تم کیا کروگے؟ میں نے جواب میں کہا کہ ایکسیلنسی آپ کی باتیں سن کر نہ تو میرے کانوں سے دھواں نکلا نہ ہی دل سے دھواں اٹھا۔ آصف علی زرداری صاف شفاف انتخابات کے ذریعے مزید پانچ سال چھوڑ پچاس سال تک حکمران رہیں لیکن اللہ کی لاٹھی بے آواز ہے جس دن اللہ کی لاٹھی حرکت میں آگئی تو امریکہ بھی انہیں نہ بچا سکے گا اس لئے آپ انہیں ہمارے خلاف بھڑکانے کی بجائے اپنے کام سے کام رکھیں اور ہمارے اندرونی معاملات میں مداخلت نہ کریں۔
آخر میں صدر آصف علی زرداری سے مودبانہ گزارش ہے کہ جناب آپ نے جنرل پرویز مشرف کو معاف کردیا لیکن جیو ٹی وی کو معاف نہیں کیا۔ اگر واقعی ہم سے کوئی جرم سرزد ہوا ہے تو کھل کر سامنے آیئے بے چارے پیمرا والوں کے ذریعہ کیوں لڑتے ہیں؟ اگر کوئی چارج شیٹ ہے تو عوام کے سامنے لایئے، قانون کو حرکت میں لائیں اور اگر آپ نے کھل کر سامنے نہیں آنا اور پیمرا کو استعمال کرنا ہے تو پھر یاد رکھئے گا پرویز مشرف نے بھی یہی کیا تھا۔ مشرف دور میں بھی پیمرا عدالتوں میں یہی کہتی تھی کہ حکومت نے جیو ٹی وی پر کوئی پابندی نہیں لگائی جیو والے جھوٹ بولتے ہیں۔ آج پھر پیمرا یہی کہتی ہے۔ کم از کم آپ پرویز مشرف والا انداز تو اختیار نہ کریں۔ ہم تو آپ کو ”مرد حُر“ لکھا کرتے تھے، آپ کو کھل کر جیو کے خلاف سامنے آنا چاہئے کیونکہ آپ تو شہید ذوالفقار علی بھٹو کے داماد ہیں آپ کو اصلی مرد حُر کی طرح کھل کر میدان میں آکر لڑنا چاہئے۔

روزنامہ جنگ راولپنڈی

**محمدخلیل** · 11-04-11, 10:54 AM

سلام مرد حر۔۔۔۔۔۔۔۔۔۔۔۔۔لعنتی مشرف۔۔۔۔۔۔۔۔۔۔۔۔۔۔۔۔۔۔۔۔۔ ۔

**ننھا بچہ** · 11-04-11, 11:10 AM

اہ بھائی مرد حر کون ہے یہاں۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔

**حیدر** · 11-04-11, 11:57 AM

یار یہ چیز سمجھ نہیں ائی کہ ریمنڈ ڈیوس کے معاملے میں میڈیا کیوں کر خلاف رہا امریکہ کے ؟ امریکہ میڈیا کو کیوں نہ جیت سکا۔ کسی کی سمجھ میں آتی ہو یہ بات تومجھے بھی سمجھائے

**ننھا بچہ** · 11-04-11, 12:07 PM

یہ سارے عناصر مشترکہ ڈرامے کہ علیحدہ علیحدہ کردار ہیں اور کُچھ نہیں۔۔۔۔۔۔۔۔۔۔۔۔۔۔

11-04-11, 10:54 AM	#2
محمدخلیل Senior Member تاریخ شمولیت: Jun 2007 مقام: جنڈانوالہ کھاریاں پاکستان عمر: 26 مراسلات: 10,975 کمائي: 48,850 شکریہ: 7,286 5,956 مراسلہ میں 15,117 بارشکریہ ادا کیا گیا	سلام مرد حر۔۔۔۔۔۔۔۔۔۔۔۔۔لعنتی مشرف۔۔۔۔۔۔۔۔۔۔۔۔۔۔۔۔۔۔۔۔۔ ۔ Share Share this post on Digg Del.icio.us Technorati Twitter Facebook!

11-04-11, 11:10 AM	#3
ننھا بچہ Senior Member تاریخ شمولیت: May 2010 مقام: جہانِ فانی میں مراسلات: 4,499 کمائي: 52,078 شکریہ: 5,853 3,215 مراسلہ میں 6,920 بارشکریہ ادا کیا گیا	اہ بھائی مرد حر کون ہے یہاں۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔ Share Share this post on Digg Del.icio.us Technorati Twitter Facebook!

11-04-11, 11:57 AM	#4
حیدر ناظم اعلی تاریخ شمولیت: May 2009 مراسلات: 15,363 کمائي: 95,382 شکریہ: 52,449 11,147 مراسلہ میں 35,182 بارشکریہ ادا کیا گیا	یار یہ چیز سمجھ نہیں ائی کہ ریمنڈ ڈیوس کے معاملے میں میڈیا کیوں کر خلاف رہا امریکہ کے ؟ امریکہ میڈیا کو کیوں نہ جیت سکا۔ کسی کی سمجھ میں آتی ہو یہ بات تومجھے بھی سمجھائے Share Share this post on Digg Del.icio.us Technorati Twitter Facebook!

11-04-11, 12:07 PM	#5
ننھا بچہ Senior Member تاریخ شمولیت: May 2010 مقام: جہانِ فانی میں مراسلات: 4,499 کمائي: 52,078 شکریہ: 5,853 3,215 مراسلہ میں 6,920 بارشکریہ ادا کیا گیا	یہ سارے عناصر مشترکہ ڈرامے کہ علیحدہ علیحدہ کردار ہیں اور کُچھ نہیں۔۔۔۔۔۔۔۔۔۔۔۔۔۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)

Similar Threads
موضوع	موضوع شروع کیا	فورم	جوابات	آخری مراسلہ
عمرےکےویزے	muhammad asif virani	گپ شپ	7	19-09-09 03:51 PM
اب کیا کراچی کے لیے ویزہ کی ضرورت ہوگی ؟	مزمل فاروق	سیاست	99	11-06-09 11:21 PM
سابق صدر پرویزمشرف کراچی پہنچ گئے	ابن جلال	خبریں	5	21-09-08 07:10 AM
برطانیہ نے میرج ویزہ کیلئے عمر کی حد 18 سے بڑھا کر 21 برس کر دی	Real_Light	خبریں	0	27-07-08 03:45 PM