درجہ بندی: (1 votes - 5.00 average)

امریکی صدر باراک حسین اوباما کو مصر کی مشہور درسگاہ جامعہ ازھر میں خطاب کئے ہوئے بیس دن سے زائد کا عرصہ گزر گیا ہے تاہم بعض حلقوں میں اس کی بازگشت تا حال سنائی دے رہی ہے۔ انداز تقریر اور مشمولات تقریر دیکھ کر خوش بیانی کی صلاحیت کو داد دینے کو جی چاہتا ہے ۔ خطاب میں جہاں اور بہت سی گلفشانیاں ہوئیں وہیں مسلمانوں کے ساتھ اچھے تعلقات کی خواہش کا اظہاراورتنازعات کے حل کی مخلصانہ کوششوں کا یقین بھی دلایا گیا۔کئی حلقوں کی جانب سے اس تقریر کو خوش آئند قرار دیا گیاہے لیکن بعض حلقے اسے بھی اوبامہ کے صدارتی مہم کے دوران دئیے گئے بیانات کی روشنی میں دیکھتے ہیں۔
اگر صدر اوباما کی صدارتی مہم کی تقاریر کا جائزہ ان کے موجودہ اقدامات کے روشنی میں لیا جائے تو بخوبی اندازہ ہو گا کہ ”تبدیلی“ کا نعرہ صرف ستائی ہوئی دنیا کو حسین خواب دکھانے کے مترادف تھا۔ لوگ تبدیلی کے خواہاں تھے جس کا لازمی نتیجہ اوباما کی جیت کی صورت میں نکلنا تھا اور نکلا۔ لیکن وقت بڑا استاد ہے، ایک سال پورا ہونے سے قبل ہی موصوف کے اندارونی اور بیرونی ”رنگ“ کی مماثلت کو آشکار کر دیا۔ 2010ءتک عراق سے فوجی انخلاءکا دعوی، ایران کے ساتھ مستحکم تعلقات کی خواہش، مشرق وسطی کے لئے نئی کمیٹی کا قیام اور اس طرح کے بے شمار اقدامات دنیا کو بے وقوف بنانے کی ہی کوشش تھی۔
تبدیلی کے نعرے کی طرح اس تقریر کے حوالے سے بھی مختلف رد عمل دیکھنے میں آرہے ہیں۔ لیکن اگر زمینی حقائق کو مد نظر رکھا جائے تو بظاہر خوش ہونے کا کوئی سبب نظر نہیں آتا۔ چونکہ صدر اوبامہ بارہا مسلمانوں سے خوشگوار تعلقات کی خواہش کا اظہار کر چکے ہیں لیکن اس کے فورا بعد ہونے والے فیصلے ان کے باطن کو ظاہر کر دیتے ہیں۔
اگر مسلمانوں کے ساتھ واقعی ہمدردی ہے اور وہ ان کے دل جیتنا چاہتے ہیں تو انہیں کچھ عملی اقدامات کرنا ہوں گے اور وہ مسائل حل کرنے کے لئے کردار ادا کرنا ہو گا جو مسلمانوں کے لئے سخت تکلیف کا باعث ہیں۔
دنیاجانتی ہے کہ امریکی انتظامیہ اور اقتصادیات بری طرح شکنجہ یہود میں جکڑی ہوئی ہے۔ کوئی اقدام ان کی مرضی کے خلاف کرنے کا مطلب خودکشی ہے۔ اس لئے یہ خوشنما دعوے تو ہو سکتے ہیں لیکن حقیقت کی دنیا سے ان کا کوئی تعلق نہیں۔
اگر ہم مسلم دنیا کی موجودہ صورتحال پر نظر ڈالیں تو شاید ہی کوئی ایسی جگہ ہو جہاں امریکہ بالواسطہ یا براہ رست ملوث نہ ہو۔دنیا کے نقشے کا جائزہ لیں تو معلوم ہوتا ہے کہ ہر ملک میں کسی نہ کسی حوالے سے امریکہ کی مداخلت جاری ہے ۔ کہیں حکومتیں بنانے اور گرانے میں ، کہیں فوجی اڈوں کی صورت میں ، کہیں داخلی انتشار کو ہوا دینے کی صورت میں اور کہیں اپنی ہی عوام کو اپنی ہی فوج کے خلاف لڑانے کی صورت میں ۔
دوغلے پن کی انتہا تو دیکھئے ۔ ایک طرف عراق سے فوجی انخلاءکی تاریخ دی جاتی ہے اور دوسری جانب طویل قیام کی منصوبہ بندی جاری ہے۔ فلسطین کا مسئلہ حل کرنے کی خواہش ہے لیکن اسرائیل کی سرپرستی بھی جاری ہے۔ افغانستا ن کے حوالے سے کہا کہ فوج مسئلے کا حل نہیں اور مزید افواج کچھ تو پہنچ چکی ہیں اور کچھ پا بہ رکاب ہیں۔ ایران کے ساتھ اچھے تعلقات کی خواہش بھی ہے اور پابندیوں میں توسیع بھی ہو رہی ہے۔ پاکستان کے ایٹمی پروگرام سے تشویش ہے لیکن انڈیا اور اسرائیل کے ایٹمی پروگرامات کسی تشویش کا باعث نہیں۔ حالانکہ انڈیا اور اسرائیل کی جانب سے جو مظالم ڈھائے جا رہے ہیں مسلمان ممالک میں ان کا عشر عشیر بھی نہیں ہے۔
قصہ مختصر موجودہ منظر نامہ کسی لحاظ سے بھی اوبامہ کے رنگیں خیالات کا ترجماں نہیں ہے بلکہ ”منہ چڑاتا“ محسوس ہوتا ہے۔ اور اس منظر نامے میں اس طرح کی تقاریر سے کسی بھی قسم کی توقع ’روشن خیالی‘ تو ہو سکتی ہے لیکن عقلمندی نہیں۔
ہمارا المیہ یہ ہے کہ ہم خود کچھ کرنے کے بجائے دوسروں کے سہارے جینے کے عادی بن چکے ہیں۔ جس کے بے شمار مظاہر میں سے ایک اس طرح کی تقاریر سے بہتری اور تبدیلی کی امیدیں وابستہ کرنا بھی ہے۔
امریکہ کے اس دوغلے پن سے مسلمانوں اور امریکہ کے مابین ایک خلیج حائل ہو چکی ہے۔ جسے پاٹنے کے لئے خوبصورت تقاریر اور نیک خواہشات کا اظہار کارگر نہیں ہو گا۔ بلکہ مسلمانوں کے زخموں پر مرہم رکھنے کے لئے زمینی حقائق کو بدلنا ہو گا۔
نیز موجودہ زمینی حقائق مسلمانوں سے بھی یہ تقاضا کرتے ہیں کہ وہ فروعی اختلافات کو بھلا کر یکجا ہو جائیں۔ اقوام متحدہ اور دیگر مغربی اداروں پر اعتماد کرنے کے بجائے اپنا ایک پلیٹ فارم بنائیں تا کہ حالات میں بہتری آئے اور یہود و ہنود کے مظالم کو روکنے کے لئے مو ¿ثر اقدامات کئے جا سکیں۔

__________________
محتاج اصلاح و دعا