مشاہدہ۔ علم۔ اور نصرت الہي

نيوٹن كو شہرت اس كے سيب نے دلائي تھي۔ جي ہاں وہي سيب جس كے بارے ميں كہا جاتا ہے كہ وہ اس كے سر پر آ گر اور اس كے بعد نيوٹن نے سوچنا شروع كيا كہ آخر يہ نيچے ہي كيوں گرا ہے۔ اور سوچ اور مشاہدے كا يہ سنگم ايك نئے قانون كشش ثقل كي ايجاد كا باعث بن گيا۔۔ نيوٹن اس كے سيب اور اس كے قانون كو ماہرين، معترضين نے اپني اپني نظر سے ديكھا اور سمجھا ہے۔ اس وقت ميرا موضوع يہ نہيں ہے۔

ميرے ذہن ميں سوال يہ ہے كہ كيا مشاہدہ ہميشہ درست ہي ہوتا ہے۔ يا اس كے درست ہونے كے لئے صحيح علم اور اہل علم و اہل تجربہ كے تجربات سے استفادہ حاصل كرنا بھي ضروري ہے۔
مثلا نيوٹن سے پہلے ہزاروں سائنس دانوں نے سيب كو گرتے ديكھا ليكن اس مشاہدے سے انھوں نے وہ كچھ اخذ نہيں كيا جو نيوٹن نے كيا تھا۔۔۔ خود نيوٹن كے ان زاويے سے سوچنے سے قبل اس نے بھي بار ہا سيب كو نيچے گرتے ديكھا ہو گا۔۔ سيب كے علاوہ بيسوں چيزوں كو زمين پر ہي گرتے ديكھا ہو گا۔۔۔ ليكن اس نے اس زاويے سے كبھي سوچا نہيں۔۔۔ يا اس كا مشاہدہ اس كو اس سوچ كي طرف مائل نہ كر پايا۔۔۔ تا وقتيكہ كہ اس مشاہدے كے ساتھ اس سے متعلقہ علم اس كے پاس نہيں آ گيا۔۔۔ اس علم اور مشاہدے كے بعد بھي نصرت الہي كي كمي تھي يہي وجہ ہے كہ علم و مشاہدے كے بعدبھي نيوٹن نے كبھي اس زاويے پر نہيں سوچا كہ آخر سيب نيچے ہي كيوں گرا۔۔ليكن جب نصرت الہي آ گئي تو اس كا مشاہدہ اور علم صحيح نتائج اخذ پايا۔۔

يہ سب باتيں مجھے اس ليے ياد آ رہي ہيں كہ ايك سے زائد مرتبہ ايسا ہوا ہے كہ ميں گاڑي اور موٹر سائيكل كا پينچر لگانے اپنے سات سالہ بيٹے كو ساتھ لے كر گيا۔ اس نے ہر بار بغور پنجر لگنے كے منظر كا مشاہدہ كيا ليكن كبھي كوئي سوال نہيں كيا۔۔ پہلے كي طرح پرسوں بھي اس كو لے كر گيا۔۔ تو جاتے وقت راستے ميں اس نے مجھے سے پوچھا
ابو۔۔ اب ٹائر كو دھونا بھي ہو گا۔
ميں نے تعجب سے كہا نہيں بيٹا ٹائر كو كيوں دھونا ہے۔ وہ تو سڑك پر ہي چلتا ہے۔۔ گندا ہو جاتا ہے۔ جب گاڑي دھوتے ہيں تو ٹائر ساتھ ہي دھل جاتے ہيں۔
كہنے لگا نہيں۔۔ دكان والے انكل دھوئيں گے پھر پينچر لگائيں گے۔۔ گندے ٹائر كو وہ ہاتھ نہيں لگاتے پہلے اس كو پاني سے دھوتے ہيں۔۔

پھر مجھے اس كي بات سمجھ ميں آئي كہ اس كا ہر بار كا مشاہدہ ہي يہ رہا ہے كہ جيسے ہي ٹائر دكان والے كے حوالے كيا گيا اس نے فورا ٹائر كو اٹھا كر پاني سے بھرے ٹپ ميں ڈال ديا تا كہ وہ يہ ديكھ سكے كہ ٹائر پينچر كہاں سے ہيں۔۔۔
ليكن ميرے معصوم بيٹے كو پينچر لگانے كا علم ہي نيں كہ كس طرح پينچر تلاش كيا جاتا ہے اور كس طرح پينچر لگايا جاتا ہے اس ليے پينچر كے تلاش كے مشاہدے كو گندے ٹائرے كو دھونا سمجھ رہا ہے۔۔۔

دو دن سے ميں يہي سوچ رہا ہوں كہ كيا يہ صرف ايك بچے كي ذہني كيفيت ہے يا ہم ميں سے ہر شخص كے ساتھ يہ معاملہ ہوتا ہے كہ ايك مشاہدے كو ديكھ كر اس كے بارے ميں كوئي نتيجہ جو ہم اخذ كرتے ہيں وہ اصل ميں ہمارے علم ا ور معلومات كي بناء پر ہوتا ہے۔۔ اگر وہ معلومات درست نہ ہوں تو ہم اس مشاہدے سے درست نتيجہ نہيں نكال سكتے۔۔۔ اور اگر كوئي ہميں ٹوك دے كہ نہيں آپ جو نتيجہ اخذ كر رہے ہيں وہ درست نہيں ہے۔۔۔ تو ايسا كہنے والے پر ہم سيخ پا ہو جاتے ہيں۔

كيا يہ ضروري ہے كہ ہم اپنے اسلاف كے علم، مشاہدات اور تجربات سے آنكھيں بند كر كے ہميشہ نئے سرے سے ہي اپني ہي تحقيق كو سات سالہ بچے كي طرح درست ہي سمجھيں۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔