نعت محمد صلی اللہ علیہ وسلم

نعت محمد صلی اللہ علیہ وسلم · 27-04-10, 11:12 AM

یہ سچ ہے کہ نعت محمدﷺکے موتی، ہیں ایماں کی انگشتری کے نگینے
یہ سچ ہے کہ ذکر محمدﷺ کے جلسے،سراسر ہیں بام سعادت کے زینے
مگر خوش بیانی کے جوہر دکھا کر ،کوئی قوم دنیا میں ابھری نہیں ہے
عمل چھوڑ کر، صرف نعرے لگا کر،کوئی قوم دنیا میں ابھر ی نہیں ہے
یہ سوچو کہ نور ہدایت کا پرچم ، جناب ِمحمد ﷺ نے کیسے اڑایا
یہ سوچو کہ دبتوں کو کیسے ابھارا ، یہ سوچو کہ گرتوں کو کیسے اٹھایا
یہ سوچو کہ کیا چیز تھی جس کے بل پر، خدا کے اکیلے پیغمبر نے اٹھ کر
الٹ دی تھی ایران و روما کی مسند،پلٹ دی تھی صحرا نشینوں کی کایا
نبی کی حیات مقدس کو دیکھو، ملے گی سراپا جہاد مسلسل
عزیمت میں دیکھو تو فولاد و آہن،کرم کی لطافت میں رحمت مکمل
خدا کی بغاوت کے مد مقابل، اٹھایا خدا کی اطاعت کا پرچم
ہدایت کا، امن و سعادت کا پرچم، انسانیت کی محبت کا پرچم
وہ بدر و حنین و تبوک و احد کا جفا کوش، جاں باز ، یکتا مجاہد
وہ تھا جس کے مضبوط دست عمل میں جہاں سے نرالی حکومت کا پرچم
وہ جرات سراپا ، وہ ہمت مجسم، وہ راتوں کا عابد ،وہ دن کا سپاہی
وہ جس نے سیاست کی زلفیں سنواریں،وہ جس نے فقیری میں کی بادشاہی
کیا عرب ، کیا عجم ، ہر جگہ ہر طرف، صبح صادق کے جلوے مچلنے لگے
جن مناظر پہ تھیں ظلمتوں کی تہیں،وہ بھی رنگ اپنا اپنا بدلنے لگے
تانے بانے تمدن کے بدلے گئے ،مرنے جینے کے معیار بدلے گئے
خیر وشر کے پیمانے مقرر ہوئے ،کھانے پینے کے معیار بدلے گئے
ساری دنیا میں سچی سحر ہو گئی، زندگی کو حسیں آسرا مل گیا
جو ظلمت کدوں میں تھے بھٹکے ہوئے،ان جہالت زدوں کو خدا مل گیا
آج بھی وہ زمانے میں موجود ہے،کو فاراں سے ابھر ی تھی جو روشنی
لیکن افسوس اس کا ہے وہ روشنی، ہے غلاف عقیدت میں لپٹی ہوئی
راہ تاریک ہے ، راہ پرہول ہے، زندگی کے کہیں بھی نظارے نہیں
ماہتاب آدمیت کا روپوش ہے،عدل وانصاف کے بھی ستارے نہیں
دامن علم و حکمت میں ہے تیرگی درس گاہوں پہ ہے رات چھائی ہوئی
راہ نماؤں پہ ہے رات چھائی ہوئی اور راہوں پہ ہے رات چھائی ہوئی
کس جگہ بربریت کا ڈیرہ نہیں کس جگہ وحشتوں کا بسیرا نہیں
دور نو کی چمک پہ نہ جائے کوئی ، یہ فریب سحر ہے سویر ا نہیں
دوستو امن کی ہے اگر جستجو، چاہتے ہو کہ سکھ چین ، آرام ہو
امن عالم پیام محمد ﷺ میں ہے، دوستو اب یہ دنیا کو پیغام دو
ساتھیو ، رفعتوں کی طلب ہے اگر ، تو تم کو وطیر ہ بدلنا پڑے گا
یہ مغرب کی تقلید کو چھوڑ کر ،شریعت کے سانچے میں ڈھلنا پڑے گا
اٹھو مومنو ، آج سے عہد کر لو، حبیب خدا کی اطاعت کریں گے
عقیدت کے پہلو بہ پہلو عمل سےحقیقت میں تعمیل سنت کریں گے
وہ تابندہ اسلام جو رہ گیا ہے ،کتابوں کے اوراق میں دفن ہو کر
وفا کیشیوں سے ،جفا کوشیوں سے،زمانے میں اس کی اشاعت کریں گے
وہ شعب ابو طالب و شہر طائف ، برابر صدا پر صدا دے رہے ہیں
وہ مکہ کی خاک مقدس کے زرے نقوش قدم کا پتا دے رہے ہیں

**گوندل** · 12-02-11, 06:49 AM

دوستو امن کی ہے اگر جستجو، چاہتے ہو کہ سکھ چین ، آرام ہو
امن عالم پیام محمد ﷺ میں ہے، دوستو اب یہ دنیا کو پیغام دو

12-02-11, 06:49 AM	#2
گوندل Senior Member تاریخ شمولیت: Oct 2009 مقام: اسلامی جمہوریہ پاکستان مراسلات: 469 کمائي: 16,101 شکریہ: 285 375 مراسلہ میں 1,185 بارشکریہ ادا کیا گیا	دوستو امن کی ہے اگر جستجو، چاہتے ہو کہ سکھ چین ، آرام ہو امن عالم پیام محمد ﷺ میں ہے، دوستو اب یہ دنیا کو پیغام دو Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
نبی کریم صلی اللہ علیہ و علی آلہ وسلم کی شفاعت	عبداللہ حیدر	عقیدہ رسالت	2	24-03-10 02:54 PM
نبی صلی اللہ علیہ وسلم کی شفاعت	sahj	عبادات	0	03-10-09 11:02 PM
نیکی صرف اللہ کے محبوب صلی اللہ علیہ وسلم کی اطاعت کا نام ہے	sahj	پیارے نبی کی حیات طیبہ(ص)	5	24-09-09 04:55 PM

Currently Active Users Viewing This Thread: 1 (0 members and 1 guests)