یہاں پر جہاں بھی میں سبز ہلالی پرچم یا پاکستان کا نام لکھا ھوا دیکھتا ھوں، تو میرا دل اسے سلیوٹ کرنے کو چاھتا ھے اور خوشی سے میری آنکھیں بھر آتی ھیں، اور حقیقتاً کئی دفعہ قدرتی میرے ھاتھوں نے پاکستانی پرچم کو دیکھ کر سلیوٹ بھی کیا ھے!!!!!!

کچھ تو ھے میرے وطن کی مٹی کی خوشبو میں،چاھے کیسے بھی حالات کیوں نہ ھوں، ھمیشہ دل یہی چاھتا ھے کہ اڑ کر اپنے وطن پہنچ جاؤں، کسی بھی شہر میں ھی کیوں نہ ھو ھمارے پیارے وطن کا ھر شہر اپنا لگتا ھے، ھر جگہ ھمارے وطن میں تمام لوگ ایک دوسرے سے بہت ھی اخلاق و محبت سے ملتے ھیں، اپنے وطن میں کسی بھی شہر، گاؤں یا کسی بھی جگہ جائیں، کبھی بھی اجنبیت محسوس ھی نہیں ھوتی، جس طرح کہ پردیس میں ھوتی ھے، ھمارے یہاں صرف چند سماج دشمن عناصر ھیں جو صرف اپنی سیاست چمکانے کیلئے ایک دوسرے کے دلوں میں کسی نہ کسی طرح نفرتیں پیدا کرنے کی کوشش میں لگے رھتے ھیں،!!!!

یہاں اُس وقت بھی اور اب بھی میرے ساتھ تمام پاکستانی ھیں جن کا تعلق پاکستان کے ھر علاقے سے ھے، اور سب ایک دوسرے کے ساتھ بہت ھی خلوص کے ساتھ پیش آتے ھیں، ساتھ مل جل کر ایک دوسرے کی کام میں مدد بھی کرتے ھیں، کبھی کبھی کوئی آپس میں کسی غلط فہمی کی بناء پر اگر کوئی ناراضگی بھی ھو جاتی ھے تو ایک دوسرے کو سب مل کر گلے بھی لگا کر کسی قسم کی ناراضگی کو فوراً ختم بھی کردیتے ھیں،،!!!!!

اس کے علاوہ یہاں پر تمام پاکستانی فیملیاں مختلف قسم کی تقریبات بھی منعقد کرتی رھتی ھیں، جس میں پاکستانی فیملیز کے علاوہ دوسرے ملکوں کی فیملیز کو بھی شریک کی دعوت دیتے ھیں، جس کی وجہ سے ھم سب پاکستانیوں کو دوسری قوموں ‌میں بھی بہت ھی زیادہ عزت کی نگاہ سے دیکھا جاتا ھے، اور اسی طرح وہ سب بھی ھم پاکستانیوں کو اپنی ھر تقریب میں بلاتے ھیں، پردیس میں رھتے ھوئے اپنے وطن کی بہت یاد آتی ھے، اسی لئے شاید ایک دوسرے سے مل کر اپنے غموں اور دکھوں کو بھلا کر ایک دوسرے کو اپنی اپنی خوشیوں میں شریک کرتے ھیں،!!!!

کاش کہ ھمارے حکمران اور تمام سیاسی جماعتیں ایک جگہ مل کر بیٹھیں اور اپنے ملک کی ترقی اور عوام کی بہتری کیلئے سوچیں، ایک دوسرے کے اختلافات کو بھلادیں اور آپس میں مل کر خلوص دل سے لوگوں میں اخوت اور یکجہتی کی فضا پیدا کریں، آمین،!!!!!
__________________
کبھی اپنی خوشیاں دوسروں میں بانٹ کر تو دیکھئے، کتنا سکون ملتا ھے،

__________________
اپنے حصے کی خوشیاں دوسروں میں بانٹنے سے دیکھیں کتنا سکون ملتا ہے،!!!!