پیار پیار ۔۔۔تنہائی و نا امیدی

پیار پیار ۔۔۔تنہائی و نا امیدی · 31-05-11, 10:46 AM

بشری حیات کا افق ہمیشہ فروغ محبت سے روشن و تابناک رہا ہے ۔ محبت کے نتائج بڑے دور رس ہوتے ہیں ۔ انسان کی مادی و معنوی ترقی میں محبت بڑے عجیب انداز سے اثر انداز ہوتی ہے ۔ یہ عظیم طاقت فطرت کی رہ گذر سے ہوتے ہوئے انسانی ضمیر میں خمیر ہو کر ایک گھرے اور بیکراں سمندر میں جا کر ختم ہو جاتی ہے ۔

اگر محبت کا حیات بخش فروغ افق زندگی سے محروم ہو جائے تو وحشتناک تنہائی و نا امیدی کی تاریکی آدمی کی روح کا محاصرہ کر لیتی ہے اورچہرہٴ حیات رنج و غم کا وہ مرقع پیش کرنے لگتا ہے جس کے دیکھنے سے آدمی زندگی سے بیزار ہو جائے ۔

انسان فطرتاً مدنی الطبع پیدا ہوا ہے ۔ دوسروں سے ربط و ضبط ،میل ملاپ اس کے وجود کے ضروریات میں سے ہے ۔ فکری اختلافات عموماً انسان کو بزم سے بیزار بنا کر تنہائی کا خو گر بنا دیتے ہیں ۔جو لوگ عمومی اجتماعات سے فرار کرتے ہیں اور تنہائی کے خوگر ہو چکے ہیں ان کے وجو د وفکر میں یقینا نقص پیداہوجاتا ہے ۔کیونکہ یہ بات طے شدہ ہے کہ انسان کبھی بھی تنہائی میں خو ش بختی کااحساس نھیں کر سکتا ۔ بس یوں سمجھئے جس طرح انسان کی جسمانی ضروریات بھت زیادہ ہیں اور انسان ان کی تکمیل کے لئے مسلسل تگ ودو میں لگا رہتا ہے ۔ اسی طرح اس کی روح تشنہٴ محبت ہے اور اس کی بیشمار خواھشات ہیں جن کی تکمیل کے لئے مسلسل سعی و کوشش کرتا رہتا ہے ۔ انسان نے جس دن سے دنیا کے اندر قدم رکھا ہے اور اس نے اپنی کتاب زندگی کے اوراق کھولے ہیں اس وقت سے لیکر ان آخری لمحات تک جب اس کی کتاب زندگی ختم ہونے والی ہوتی ہے وہ محبت و خلوص مہربانی و نوازش کا بھوکا رہتا ہے اور اپنے دل میں اس کا احساس بھی کرتا ہے اسی لئے جب زندگی کے بوجہ کو اپنے کندہوں پر زیادہ محسوس کرنے لگتا ہے اور روح فرسا حادثات اس کو جھنجھوڑ کر رکہ دیتے ہیں ۔ مصائب و متاعب ، ناکامی و نا امیدی رشتہ ٴ امید کو قطع کرنے لگتی ہے تو وہ اس وقت بڑی شدت کے ساتھ ضرورت سے زیادہ مہر و محبت کا پیاسا نظر آتا ہے اور اس کا دل چاہتا ہے کہ اس کے دل پر امید کا نور سایہ فگن ہو جائے اور اس وقت اس کے سکون و آرام کی کوئی صورت مہر و محبت کے علاوہ نظر نہیں آتی ایسی حالت میں اس کے زخم و غم کا مرہم صرف نوازش و محبت ہی ہوا کرتی ہے ۔

اپنے ہم نوع افراد سے الفت و محبت انسانی جذبات کا درخشاں ترین جذبہ ہے بلکہ اس کو فضائل اخلاقی کا منبع سمجھنا چاہئے ۔ دل بستگی اورارتباط قابل انتقال چیز ہے ۔ دوسروں کی محبت حاصل کرنے کے لئے سب سے بہترین ذریعہ یہ ہے کہ انسان دوسروں سے محبت کرے اپنے پاک جذبات کو دوسروں پر بے دریغ نچھاور کرے اور یہ عقیدہ رکھے کہ اپنے ہم نوع افراد سے محبت کرنے کے علاوہ اس کا کوئی دوسرا فریضہ ہی نہیں ہے ۔ دوسروں سے اظہار محبت بڑا نفع بخش سودا ہے اگر کوئی اپنے خزانہٴ دل کے اس گوہر کو دوسرے کو دیدے تو اس کے بدلے میں اس کو بڑے قیمتی جواہرات ملیں گے ۔ لوگوں کے دلوں کی کنجی خود انسان کے ہاتھ میں ہے اگر کوئی محبت کے گرانبھا خزانوں کو حاصل کرنا چاہتا ہے تو اپنے پاس خلوص و محبت سے بھرا دل رکھے اور لوح دل کو تمام نا پسندیدہ صفات سے منزہ کرلے ۔

اہل فلسفہ کھتے ہیں: ہر چیز کا کمال اس کی خاصیت کے ظہور میں ہے اور انسان کی خاصیت انس و محبت ہے ، یہ انس و محبت کا جذبہ اور روحانی تعلق جو لوگوں کے دلوں میں پیدا ہوتا ہے وہ ہمکاری و ہمزیستی کی بنیاد کو لوگوں میں مضبوط کرتا ہے ۔

ڈاکٹر کارل اپنی کتاب ” راہ و رسم زندگی “ میں تحریر کرتا ہے: معاشرے کو خوشبخت بنانے کے لئے ضروری ہے کہ اس کے افراد ایک مکان کی اینٹوں کی طرح باہم متصل و متحد ہوں لیکن سوال یہ ہے کہ لوگوں کو کس سیمنٹ کے ذریعہ انیٹوں کی طرح متصل کیا جائے ؟ تو اس کا جواب یہ ہے کہ وہ سیمنٹ محبت ہے ۔ جو کبھی کسی ایک خاندان کے اندر دکھائی دیتی ہے لیکن اس خاندان کے باہر اس کا وجود نہیں ہوتا ۔ اپنے ہم نوع افراد سے محبت کرنے کے دو پھلو ہوتے ہیں ایک پھلو تویہ ہوتا ہے کہ اپنے کو اس لائق بنائے جس کی وجہ سے دوسرے اس سے محبت کریں جب تک معاشرے کا ہر فرد اپنی نا پسند عادتوں کو ترک کرنے کی کوشش نہ کرے گا معاشرہ خوشبخت نہیں ہو سکے گا ۔ اس کے لئے ضروری ہے کہ ہم اپنے کو بدلیں اور اپنے ان عیوب سے نجات حاصل کریں جن کی وجہ سے لوگ ہم سے کتراتے ہیں ۔ اس وقت ممکن ہے کہ ایک پڑوسی دوسرے پڑوسی کو محبت کی نظر سے دیکھے، ملازم آقا سے ، آقا ملازم سے محبت کرے ۔ انسانی معاشرے کے اندر صرف عشق و محبت کے سہارے وہ نظم پیدا کیا جا سکتا ہے ۔ جو فطرت نے ہزاروں سال سے چونٹیوں اور شہد کی مکھی میں پیدا کیا ہے کہ دونوں مٹھاس پر جمع ہوتی ہیں ۔

جز محبت نپذیریم کہ برلوح وجود نیست پایندہ تر از نقش محبت رقمی

ہم اس بات کو نہیں تسلیم کر سکتے کہ لوح وجود پر نقش محبت کے علاوہ کوئی اور چیز پایندہ تر ہو سکتی ہے

------------

**زارا** · 31-05-11, 11:06 AM

السلامُ علیکم

سرورق کیلئے تجویزکرتی ہوں۔

31-05-11, 11:06 AM	#2
زارا Senior Member تاریخ شمولیت: Jan 2009 مقام: اللہ کی زمین عمر: 24 مراسلات: 9,850 کمائي: 277,997 شکریہ: 1,151 6,264 مراسلہ میں 14,132 بارشکریہ ادا کیا گیا	السلامُ علیکم سرورق کیلئے تجویزکرتی ہوں۔ Share Share this post on Digg Del.icio.us Technorati Twitter Facebook!

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Similar Threads
موضوع	موضوع شروع کیا	فورم	جوابات	آخری مراسلہ
لڑکیو ں‌ کے لئے اسلامی پیارے پیارے نام بتائیں پلیز	جان جی	گپ شپ	30	08-03-12 10:46 AM
مغربی ممالک خیراتی کاموں میں پیش پیش۔	ابن جمال	متفرقات	0	07-02-11 01:42 PM
پیارے نبی صلی اللہ علیہ وسلم کی پیاری باتیں	Twins	پیارے نبی کی حیات طیبہ(ص)	1	26-07-09 03:25 PM
لڑکیو ں‌ کے لئے اسلامی پیارے پیارے نام بتائیں پلیز	جان جی	گپ شپ	1	20-08-08 08:56 PM
ہند و پاک میں بھائی چارے اور امن کا ایک بڑا قدم رفیع پیر تھیٹر کی پیش کش	عبدالقدوس	فلمی دنیا	0	27-10-07 10:53 AM

Currently Active Users Viewing This Thread: 1 (0 members and 1 guests)