انسان دو چیزوں کا مرکب ہے روح اور جسم۔ روح کی غذا آسمانوں سے آتی تو جسم کی غذا مادیت سے حاصل ہوتی ہے۔ معیشت مادیت کی ریڑھ کی ہڈی ہے چونکہ اس کا تعلق موجودہ زندگی سے ہے تو انسانوں کی زیادہ تر توجہ اسی پر مرکوز ہے۔ اس سلسلے میں دنیا نے پہلے سوشلزم کو آزمایا مگر بہت جلد اس کا خمار بھی اتر گیا پھر کیپٹل ازم کو مسائل کا حل جانا گیا مگر اب صورتحال یہ ہے کہ 83 ممالک میں لوگ اس کے خلاف احتجاج کناں ہیں۔ وہ کہتے ہیں بہت جلد باقی ممالک اور باقی عوام بھی ان کے موقف کے موید ہو جائیں گے اس کا مطلب یہ ہے کہ دنیا کا اعتماد اس نظام سے بھی اٹھ چکا۔ گویا اقبال کے لفظوں میں
گیا دورِ سرمایہ کاری گیا
تماشا دکھا کر مداری گیا
”وال سٹریٹ پر قبضہ کرو تحریک“ نے امریکہ سے جنم لیا اور اب صورتحال یہ ہے کہ یہ تحریک اور یہ سوچ و فکر سمندروں کو عبور کرتی براعظموں میں پرواز کر رہی ہے اب ناصرف براعظم امریکا بلکہ یورپ، افریقا اور حد تو یہ کہ براعظم ایشیا تک اپنا آپ پھیلا چکی ہے۔ وال سٹریٹ دراصل سرمایہ دارانہ نظام کا ہیڈ آفس قرار دیا جا سکتا ہے، سوشلزم اگر ایک انتہا تھی تو کیپٹل ازم اس کی دوسری انتہا ہے۔ سوشلزم نے ایک حد سے زیادہ سرمایہ فرد سے چھین کر ریاست کے حق میں ضبط کر لیا تھا تو سرمایہ دارانہ نظام میں فرد کو سرمایہ اکٹھا کرنے کی ایسی کھلی چھٹی دے دی گئی کہ جہاں وہ کسی قسم کی حدود و قیود سے ماورا ہو کر اپنی من مانی کے لئے پوری طرح آزاد ہو گیا۔
نتیجہ اس کا یہ نکلا کہ سرمایہ دار ہر طرح سے آزاد ہو کر پوری طرح استحصال پر اتر آیا، حلال و حرام کی تو خیر غیر مسلموں کو تمیز کیا ہوتی انہوں نے اخلاقی حدود کو بھی یوں پامال کیا کہ انسانیت کشی کی بدترین مثالیں قائم کر دیں۔ قانونِ الٰہی سے نابلد اور اخلاقیات سے عاری سرمایہ داری نے جو گل کھلائے وہ اب ساری دنیا دیکھ رہی ہے اور غریب سے غریب تر ہوتے عوام بھگت بھی رہے ہیں۔ یہ تحریک ایک ایسے زور سے اٹھی ہے کہ ساری دنیا ایک دفعہ پھر کسی نئے نظام کی متلاشی ہے۔ وہ کسی ایسے نظام، کسی ایسے مسیحا اور کسی ایسے مرہم کی شدید ترین متلاشی ہے جو اس کے درد کا درماں بن سکے، جو اس کے لخت لخت جسم سے اٹھتی ٹیسوں کے لئے دوا بن کر اسے اس لامتناہی جہنم سے نجات دلائے۔
سوشلزم اور کیپٹل ازم کی دو انتہاﺅں کے درمیان اسلام ایک معتدل اور متوازن نظام معیشت پیش کرتا ہے یہ وہ واحد نظام ہے جو ایک حد میں سرمایہ دار کے سرمائے کی حفاظت کرتا ہے تو دوسری طرف غریب عوام کے حقوق، ان کی معیشت اور روزی روٹی کا بھی پوری طرح تحفظ کرتا ہے، یہ وہ واحد نظام ہے جس کا کئی بار دنیا میں تجربہ ہوا اور ہر بار ہی یہ انسانیت کے لئے امن و امان اور محبت و ہمدردی کا پیام لایا۔ بہت پہلے جب ابتدا میں یہ نظام جناب محمد کریمe نے مدینہ میں نافذ کیا تو حیرت انگیز طور پر اس نے ناصرف تاجروں اور سرمایہ داروں کو ان کے حقوق دیئے، غریبوں کی باعزت روزی روٹی کا تحفظ کیا بلکہ ساتھ ہی ساتھ غیر مسلم اقوام کو بھی جینے کا معقول اور طے شدہ موقع فراہم کیا۔
اسلام سرمایہ داری کے لئے حلال و حرام کے ساتھ ساتھ اخلاقیات کی ایک ایسی تربیت طے کر دیتا ہے جہاں انسانی استحصال کی راہیں پوری طرح مسدود ہو جاتی ہیں، پھر اسلام نے زکوٰة کا ایک ایسا شفاف نظام دیا جو اگر کماحقہ لاگو کر دیا جائے تو غریب عوام ایک میکانکی انداز سے اپنے لئے معقول روزی روٹی حاصل کر لیتے ہیں بلکہ آگے چل کر اس نظام کے ایسے ایسے کرشمے بھی ظہور میں آئے کہ لوگ زکوٰة لئے کسی مستحق کی تلاش میں گھومتے مگر کوئی ایسا غریب نہ پاتے جوان کی زکوٰة قبول کرتا۔ یہ اپنی طرز کی وہ نادر مثالیں ہیں جنہیں اسلامی نظام نے تو ظہور بخشا ہے مگر کوئی دوسرا نظام اس کی مثال نہیں لا سکا مگر افسوس محض مسلمانوں کا نظام ہونے کے باعث حاسدین اور معاندین نے مسلمانوں کے کمزور ہوتے ادوار میں اسے یک قلم مسترد کر کے انسانوں کے بنائے ہوئے معاشی نظام رائج کئے جو وقتی طور پر تو خوشنما نعروں کی طرح بڑے دلفریب ثابت ہوئے مگر جلد ہی ان کی خامیاں اور انسانیت کش خصوصیات دیکھ کر پوری عالمی برادری چیخ اٹھی کہ وہ اسے جوتے کی نوک پہ رکھتے ہیں۔ یعنی انسانیت اسے پوری طرح ٹھکرا چکی۔
انسانیت کی یہ تلاش اور جستجو تب تک جاری رہے گی جب تک وہ سراب سے حقیقت تک کا سفر طے نہیں کر لیتی اور وہ ہے انسانوں کے بنائے ہوئے قوانین سے رب کے عطا کردہ قوانین کی طرف رخ کرنا۔
اب جبکہ حالات نے ایک دفعہ پھر ہر میدان میں اسلام کی بالادستی ثابت کر دی ہے، ایک طرف جہادی یلغاروں اور ایمانی تلواروں نے میدانوں میں کفر کے قدم ڈگمگا دیئے ہیں اور ان کی بودی حیثیت ثابت کر دی ہے تو دوسری طرف ان کے جعلی تب و تاب رکھتے نظاموں کی قلعی بھی کھول کے رکھ دی ہے تو اس سے ثابت ہوتا ہے دنیا کی تشنگی اور انسانیت کی پیاس بے انتہا ہو چکی ہے وہ کسی جام شیریں، کسی آب حیات اور کسی چشمہ ¿ روح افزا کی تلاش میں بری طرح تھک چکے ہیں۔
چنانچہ اب اسلامی رہنماﺅں، ریسرچ سکالروں اور زیرک مذہبی علماءکا فرض ہے کہ وہ ایسے موقعوںپر زبانی تقریروں سے آگے بڑھیں، باہم مل کے بیٹھیں، سرمایہ دارانہ نظام اور اسلامی نظام معیشت کا تقابلی مطالعہ و تجزیہ کریں اور اس کے مقابل اسلامی نظام معیشت کو ناصرف اجاگر کریں بلکہ جہاں جہاں اسلام کی بالادستی ہے وہ مغربی اقوام کے سامنے دلائل کے ساتھ ثابت کریں۔ اس لئے کہ مغربی اقوام دلائل کی زبان سمجھتی ہیں اور اللہ کے فضل سے اسلام کے پاس دلائل کی کمی نہیں، ہاں مگر دلائل پیش کرنے والوں کو متحرک ہونے کی ضرورت ضرور ہے۔ ان شاءاللہ جب پیاس سے بلکتی اور تشنگی سے سسکتی انسانیت کے سامنے اسلام کے پاکیزہ اصول رکھے جائیں گے تو وہ لوگ اس طرح اسلام کی طرف دوڑ لگا دیں گے جس کا نقشہ سورہ ¿ نصر میں رب کریم نے کھینچا ہے یعنی لوگ گروہ در گروہ اسلام میں داخل ہونے لگیں گے۔ مستقبل اسلام اور اہل اسلام کا ہے۔ دنیا بہت تجربات کر چکی، وہ بہت تھک چکی، اب وہ آرام کرنا اور راحت لینا چاہتی ہے۔ راحت و آرام اسلام کے گھنے شجرِ سایہ دار میں ہے مگر اب یہ رہنماﺅں کے ذمے ہے کہ وہ انسانیت کی اس طرف درست اور بروقت رہنمائی کریں کیونکہ جہاں تک میدانوں میں استقامت سے جمنے والوں کا کام تھا تو وہ اپنے ایمانی جذبوں سے کفر کا سارا رعب و دبدبہ موم کی طرح پگھلا چکے اور اس کی رعونت کافرانہ کی ہیبت پوری طرح اڑا چکے اب سیاستدان خود بھی ایمانی راستوں کی طرف پلٹیں اور علماءکے سنگ مل کے اوروں کی بھی رہنماﺅں کریں۔ ان شاءاللہ کامرانی ان کے قدم چومے گی۔

بشکریہ۔۔۔۔ ہفت روزہ جرار
والسلام،،،علی اوڈ راجپوت
ali oadrajput

__________________
"اگرحق کونہیں پہچان سکتے،تو باطل کےتیروں پر نظررکھو،جہاں پرلگ رہے ہوں وہی حق ہے///شیخ الاسلام،،،امام ابن تیمیہ رحمتہ اللہ علیہ. (حافظ سعید زندہ باد)